בראשית

וַיְהִ֗יa בִּימֵי֙ אַמְרָפֶ֣לb מֶֽלֶךְ־שִׁנְעָ֔רc אַרְיֹ֖וךְd מֶ֣לֶךְ אֶלָּסָ֑רe כְּדָרְלָעֹ֨מֶר֙f מֶ֣לֶךְ עֵילָ֔םg וְתִדְעָ֖לh מֶ֥לֶךְ גֹּויִֽםi ׃

2 עָשׂ֣וּa מִלְחָמָ֗ה אֶת־בֶּ֨רַע֙b מֶ֣לֶךְ סְדֹ֔םc וְאֶת־בִּרְשַׁ֖עd מֶ֣לֶךְ עֲמֹרָ֑הe שִׁנְאָ֣בf ׀ מֶ֣לֶךְ אַדְמָ֗הg וְשֶׁמְאֵ֨בֶר֙h מֶ֣לֶךְ צבייםi וּמֶ֥לֶךְ בֶּ֖לַעj הִיא־צֹֽעַרk ׃

3 כָּל־אֵ֨לֶּה֙ חָֽבְר֔וּa אֶל־עֵ֖מֶק הַשִּׂדִּ֑יםb ה֖וּא יָ֥ם הַמֶּֽלַחc ׃

4 שְׁתֵּ֤ים עֶשְׂרֵה֙ שָׁנָ֔ה עָבְד֖וּa אֶת־כְּדָרְלָעֹ֑מֶרb וּשְׁלֹשׁ־עֶשְׂרֵ֥ה שָׁנָ֖ה מָרָֽדוּc ׃

5 וּבְאַרְבַּע֩ עֶשְׂרֵ֨ה שָׁנָ֜ה בָּ֣אa כְדָרְלָעֹ֗מֶרb וְהַמְּלָכִים֙ אֲשֶׁ֣ר אִתֹּ֔ו וַיַּכּ֤וּc אֶת־רְפָאִים֙d בְּעַשְׁתְּרֹ֣ת קַרְנַ֔יִםe וְאֶת־הַזּוּזִ֖יםf בְּהָ֑םg וְאֵת֙ הָֽאֵימִ֔יםh בְּשָׁוֵ֖הi קִרְיָתָֽיִםj ׃

6 וְאֶת־הַחֹרִ֖יa בְּהַרְרָ֣ם שֵׂעִ֑ירb עַ֚ד אֵ֣יל פָּארָ֔ןc אֲשֶׁ֖ר עַל־הַמִּדְבָּֽר׃

7 וַ֠יָּשֻׁבוּa וַיָּבֹ֜אוּb אֶל־עֵ֤ין מִשְׁפָּט֙c הִ֣וא קָדֵ֔שׁd וַיַּכּ֕וּe אֶֽת־כָּל־שְׂדֵ֖ה הָעֲמָלֵקִ֑יf וְגַם֙ אֶת־הָ֣אֱמֹרִ֔י הַיֹּשֵׁ֖בg בְּחַֽצְצֹ֥ן תָּמָֽרh ׃

8 וַיֵּצֵ֨אa מֶֽלֶךְ־סְדֹ֜םb וּמֶ֣לֶךְ עֲמֹרָ֗הc וּמֶ֤לֶךְ אַדְמָה֙d וּמֶ֣לֶךְ צבייםe וּמֶ֥לֶךְ בֶּ֖לַעf הִוא־צֹ֑עַרg וַיַּֽעַרְכ֤וּh אִתָּם֙ מִלְחָמָ֔ה בְּעֵ֖מֶק הַשִּׂדִּֽיםi ׃

9 אֵ֣ת כְּדָרְלָעֹ֜מֶרa מֶ֣לֶךְ עֵילָ֗םb וְתִדְעָל֙c מֶ֣לֶךְ גֹּויִ֔םd וְאַמְרָפֶל֙e מֶ֣לֶךְ שִׁנְעָ֔רf וְאַרְיֹ֖וךְg מֶ֣לֶךְ אֶלָּסָ֑רh אַרְבָּעָ֥ה מְלָכִ֖ים אֶת־הַחֲמִשָּֽׁה׃

10 וְעֵ֣מֶק הַשִׂדִּ֗יםa בֶּֽאֱרֹ֤ת בֶּאֱרֹת֙ חֵמָ֔רb וַיָּנֻ֛סוּc מֶֽלֶךְ־סְדֹ֥םd וַעֲמֹרָ֖הe וַיִּפְּלוּf ־שָׁ֑מָּה וְהַנִּשְׁאָרִ֖ים הֶ֥רָה נָּֽסוּg ׃

11 וַ֠יִּקְחוּa אֶת־כָּל־רְכֻ֨שׁb סְדֹ֧םc וַעֲמֹרָ֛הd וְאֶת־כָּל־אָכְלָ֖םe וַיֵּלֵֽכוּf ׃

12 וַיִּקְח֨וּa אֶת־לֹ֧וטb וְאֶת־רְכֻשֹׁ֛וc בֶּן־אֲחִ֥י אַבְרָ֖ם וַיֵּלֵ֑כוּd וְה֥וּא יֹשֵׁ֖בe בִּסְדֹֽםf ׃

13 וַיָּבֹא֙a הַפָּלִ֔יטb וַיַּגֵּ֖דc לְאַבְרָ֣ם הָעִבְרִ֑יd וְהוּא֩ שֹׁכֵ֨ןe בְּאֵֽלֹנֵ֜יf מַמְרֵ֣אg הָאֱמֹרִ֗י אֲחִ֤י אֶשְׁכֹּל֙h וַאֲחִ֣י עָנֵ֔רi וְהֵ֖ם בַּעֲלֵ֥י בְרִית־אַבְרָֽם׃

14 וַיִּשְׁמַ֣עa אַבְרָ֔ם כִּ֥י נִשְׁבָּ֖הb אָחִ֑יו וַיָּ֨רֶקc אֶת־חֲנִיכָ֜יוd יְלִידֵ֣יe בֵיתֹ֗ו שְׁמֹנָ֤ה עָשָׂר֙ וּשְׁלֹ֣שׁ מֵאֹ֔ות וַיִּרְדֹּ֖ףf עַד־דָּֽן׃

15 וַיֵּחָלֵ֨קa עֲלֵיהֶ֧ם׀ לַ֛יְלָה ה֥וּא וַעֲבָדָ֖יו וַיַּכֵּ֑םb וַֽיִּרְדְּפֵם֙c עַד־חֹובָ֔הd אֲשֶׁ֥ר מִשְּׂמֹ֖אל לְדַמָּֽשֶׂקe ׃

16 וַיָּ֕שֶׁבa אֵ֖ת כָּל־הָרְכֻ֑שׁb וְגַם֩ אֶת־לֹ֨וטc אָחִ֤יו וּרְכֻשֹׁו֙d הֵשִׁ֔יבe וְגַ֥ם אֶת־הַנָּשִׁ֖ים וְאֶת־הָעָֽם׃

17 וַיֵּצֵ֣אa מֶֽלֶךְ־סְדֹם֮b לִקְרָאתֹו֒c אַחֲרֵ֣י שׁוּבֹ֗וd מֵֽהַכֹּות֙e אֶת־כְּדָר־לָעֹ֔מֶרf וְאֶת־הַמְּלָכִ֖ים אֲשֶׁ֣ר אִתֹּ֑ו אֶל־עֵ֣מֶק שָׁוֵ֔הg ה֖וּא עֵ֥מֶק הַמֶּֽלֶךְ׃

18 וּמַלְכִּי־צֶ֨דֶק֙a מֶ֣לֶךְ שָׁלֵ֔םb הֹוצִ֖יאc לֶ֣חֶם וָיָ֑יִן וְה֥וּא כֹהֵ֖ן לְאֵ֥ל עֶלְיֹֽון׃

19 וַֽיְבָרְכֵ֖הוּa וַיֹּאמַ֑רb בָּר֤וּךְc אַבְרָם֙ לְאֵ֣ל עֶלְיֹ֔ון קֹנֵ֖הd שָׁמַ֥יִם וָאָֽרֶץ׃

20 וּבָרוּךְ֙a אֵ֣ל עֶלְיֹ֔ון אֲשֶׁר־מִגֵּ֥ןb צָרֶ֖יךָ בְּיָדֶ֑ךָ וַיִּתֶּןc ־לֹ֥ו מַעֲשֵׂ֖רd מִכֹּֽל׃

21 וַיֹּ֥אמֶרa מֶֽלֶךְ־סְדֹ֖םb אֶל־אַבְרָ֑ם תֶּןc ־לִ֣י הַנֶּ֔פֶשׁ וְהָרְכֻ֖שׁd קַֽחe ־לָֽךְ׃

22 וַיֹּ֥אמֶרa אַבְרָ֖ם אֶל־מֶ֣לֶךְ סְדֹ֑םb הֲרִימֹ֨תִיc יָדִ֤י אֶל־יְהוָה֙ אֵ֣ל עֶלְיֹ֔ון קֹנֵ֖הd שָׁמַ֥יִם וָאָֽרֶץ׃

23 אִם־מִחוּט֙a וְעַ֣ד שְׂרֹֽוךְb ־נַ֔עַלc וְאִם־אֶקַּ֖חd מִכָּל־אֲשֶׁר־לָ֑ךְ וְלֹ֣א תֹאמַ֔רe אֲנִ֖י הֶעֱשַׁ֥רְתִּיf אֶת־אַבְרָֽם׃

24 בִּלְעָדַ֗יa רַ֚ק אֲשֶׁ֣ר אָֽכְל֣וּb הַנְּעָרִ֔ים וְחֵ֨לֶק֙ הָֽאֲנָשִׁ֔ים אֲשֶׁ֥ר הָלְכ֖וּc אִתִּ֑י עָנֵר֙d אֶשְׁכֹּ֣לe וּמַמְרֵ֔אf הֵ֖ם יִקְח֥וּg חֶלְקָֽם׃ ס