13
וַיַּעַל֩a
אַבְרָ֨ם מִמִּצְרַ֜יִם ה֠וּא וְאִשְׁתֹּ֧ו וְכָל־אֲשֶׁר־לֹ֛ו וְלֹ֥וטb
עִמֹּ֖ו הַנֶּֽגְבָּה׃
2
וְאַבְרָ֖ם כָּבֵ֣דa
מְאֹ֑ד בַּמִּקְנֶ֕ה בַּכֶּ֖סֶף וּבַזָּהָֽב׃
3
וַיֵּ֨לֶךְ֙a
לְמַסָּעָ֔יוb
מִנֶּ֖גֶב וְעַד־בֵּֽית־אֵ֑ל עַד־הַמָּקֹ֗ום אֲשֶׁר־הָ֨יָהc
שָׁ֤ם אהלהd
בַּתְּחִלָּ֔הe
בֵּ֥ין בֵּֽית־אֵ֖ל וּבֵ֥ין הָעָֽיf
׃
4
אֶל־מְקֹום֙ הַמִּזְבֵּ֔חַ אֲשֶׁר־עָ֥שָׂהa
שָׁ֖ם בָּרִאשֹׁנָ֑ה וַיִּקְרָ֥אb
שָׁ֛ם אַבְרָ֖ם בְּשֵׁ֥ם יְהוָֽה׃
5
וְגַם־לְלֹ֔וטa
הַהֹלֵ֖ךְb
אֶת־אַבְרָ֑ם הָיָ֥הc
צֹאן־וּבָקָ֖ר וְאֹהָלִֽים׃
6
וְלֹא־נָשָׂ֥אa
אֹתָ֛ם הָאָ֖רֶץ לָשֶׁ֣בֶתb
יַחְדָּ֑ו כִּֽי־הָיָ֤הc
רְכוּשָׁם֙d
רָ֔ב וְלֹ֥א יָֽכְל֖וּe
לָשֶׁ֥בֶתf
יַחְדָּֽו׃
7
וַֽיְהִיa
־רִ֗יב בֵּ֚ין רֹעֵ֣י מִקְנֵֽה־אַבְרָ֔ם וּבֵ֖ין רֹעֵ֣י מִקְנֵה־לֹ֑וטb
וְהַֽכְּנַעֲנִי֙ וְהַפְּרִזִּ֔יc
אָ֖ז יֹשֵׁ֥בd
בָּאָֽרֶץ׃
8
וַיֹּ֨אמֶרa
אַבְרָ֜ם אֶל־לֹ֗וטb
אַל־נָ֨א תְהִ֤יc
מְרִיבָה֙d
בֵּינִ֣י וּבֵינֶ֔יךָ וּבֵ֥ין רֹעַ֖י וּבֵ֣ין רֹעֶ֑יךָ כִּֽי־אֲנָשִׁ֥ים אַחִ֖ים אֲנָֽחְנוּ׃
9
הֲלֹ֤א כָל־הָאָ֨רֶץ֙ לְפָנֶ֔יךָ הִפָּ֥רֶדa
נָ֖א מֵעָלָ֑י אִם־הַשְּׂמֹ֣אל וְאֵימִ֔נָהb
וְאִם־הַיָּמִ֖ין וְאַשְׂמְאִֽילָהc
׃
10
וַיִּשָּׂאa
־לֹ֣וטb
אֶת־עֵינָ֗יו וַיַּרְא֙c
אֶת־כָּל־כִּכַּ֣ר הַיַּרְדֵּ֔ן כִּ֥י כֻלָּ֖הּ מַשְׁקֶ֑הd
לִפְנֵ֣י׀ שַׁחֵ֣תe
יְהוָ֗ה אֶת־סְדֹם֙f
וְאֶת־עֲמֹרָ֔הg
כְּגַןh
־יְהוָה֙ כְּאֶ֣רֶץ מִצְרַ֔יִם בֹּאֲכָ֖הi
צֹֽעַרj
׃
11
וַיִּבְחַרa
־לֹ֣ו לֹ֗וטb
אֵ֚ת כָּל־כִּכַּ֣ר הַיַּרְדֵּ֔ן וַיִּסַּ֥עc
לֹ֖וטd
מִקֶּ֑דֶם וַיִּפָּ֣רְד֔וּe
אִ֖ישׁ מֵעַ֥ל אָחִֽיו׃
12
אַבְרָ֖ם יָשַׁ֣בa
בְּאֶֽרֶץ־כְּנָ֑עַן וְלֹ֗וטb
יָשַׁב֙c
בְּעָרֵ֣י הַכִּכָּ֔ר וַיֶּאֱהַ֖לd
עַד־סְדֹֽםe
׃
13
וְאַנְשֵׁ֣י סְדֹ֔םa
רָעִ֖ים וְחַטָּאִ֑יםb
לַיהוָ֖ה מְאֹֽד׃
14
וַֽיהוָ֞ה אָמַ֣רa
אֶל־אַבְרָ֗ם אַחֲרֵי֙ הִפָּֽרֶדb
־לֹ֣וטc
מֵֽעִמֹּ֔ו שָׂ֣אd
נָ֤א עֵינֶ֨יךָ֙ וּרְאֵ֔הe
מִן־הַמָּקֹ֖ום אֲשֶׁר־אַתָּ֣ה שָׁ֑ם צָפֹ֥נָה וָנֶ֖גְבָּה וָקֵ֥דְמָה וָיָֽמָּה׃
15
כִּ֧י אֶת־כָּל־הָאָ֛רֶץ אֲשֶׁר־אַתָּ֥ה רֹאֶ֖הa
לְךָ֣ אֶתְּנֶ֑נָּהb
וּֽלְזַרְעֲךָ֖ עַד־עֹולָֽם׃
16
וְשַׂמְתִּ֥יa
אֶֽת־זַרְעֲךָ֖ כַּעֲפַ֣ר הָאָ֑רֶץ אֲשֶׁ֣ר׀ אִם־יוּכַ֣לb
אִ֗ישׁ לִמְנֹות֙c
אֶת־עֲפַ֣ר הָאָ֔רֶץ גַּֽם־זַרְעֲךָ֖ יִמָּנֶֽהd
׃
17
ק֚וּםa
הִתְהַלֵּ֣ךְb
בָּאָ֔רֶץ לְאָרְכָּ֖הּ וּלְרָחְבָּ֑הּ כִּ֥י לְךָ֖ אֶתְּנֶֽנָּהc
׃
18
וַיֶּאֱהַ֣לa
אַבְרָ֗ם וַיָּבֹ֛אb
וַיֵּ֛שֶׁבc
בְּאֵלֹנֵ֥יd
מַמְרֵ֖אe
אֲשֶׁ֣ר בְּחֶבְרֹ֑ון וַיִּֽבֶןf
־שָׁ֥ם מִזְבֵּ֖חַ לַֽיהוָֽה׃ פ