בראשית

וַיֹּ֤אמֶרa יְהוָה֙ אֶל־אַבְרָ֔ם לֶךְb ־לְךָ֛ מֵאַרְצְךָ֥ וּמִמֹּֽולַדְתְּךָ֖c וּמִבֵּ֣ית אָבִ֑יךָ אֶל־הָאָ֖רֶץ אֲשֶׁ֥ר אַרְאֶֽךָּd ׃

2 וְאֶֽעֶשְׂךָ֙a לְגֹ֣וי גָּדֹ֔ול וַאֲבָ֣רֶכְךָ֔b וַאֲגַדְּלָ֖הc שְׁמֶ֑ךָ וֶהְיֵ֖הd בְּרָכָֽה׃

3 וַאֲבָֽרֲכָה֙a מְבָ֣רְכֶ֔יךָ וּמְקַלֶּלְךָ֖ אָאֹ֑רb וְנִבְרְכ֣וּc בְךָ֔ כֹּ֖ל מִשְׁפְּחֹ֥ת הָאֲדָמָֽה׃

4 וַיֵּ֣לֶךְa אַבְרָ֗ם כַּאֲשֶׁ֨ר דִּבֶּ֤רb אֵלָיו֙ יְהוָ֔ה וַיֵּ֥לֶךְc אִתֹּ֖ו לֹ֑וטd וְאַבְרָ֗ם בֶּן־חָמֵ֤שׁ שָׁנִים֙ וְשִׁבְעִ֣ים שָׁנָ֔ה בְּצֵאתֹ֖וe מֵחָרָֽןf ׃

5 וַיִּקַּ֣חa אַבְרָם֩ אֶת־שָׂרַ֨יb אִשְׁתֹּ֜ו וְאֶת־לֹ֣וטc בֶּן־אָחִ֗יו וְאֶת־כָּל־רְכוּשָׁם֙d אֲשֶׁ֣ר רָכָ֔שׁוּe וְאֶת־הַנֶּ֖פֶשׁ אֲשֶׁר־עָשׂ֣וּf בְחָרָ֑ןg וַיֵּצְא֗וּh לָלֶ֨כֶת֙i אַ֣רְצָה כְּנַ֔עַן וַיָּבֹ֖אוּj אַ֥רְצָה כְּנָֽעַן׃

6 וַיַּעֲבֹ֤רa אַבְרָם֙ בָּאָ֔רֶץ עַ֚ד מְקֹ֣ום שְׁכֶ֔ם עַ֖ד אֵלֹ֣וןb מֹורֶ֑הc וְהַֽכְּנַעֲנִ֖י אָ֥ז בָּאָֽרֶץ׃

7 וַיֵּרָ֤אa יְהוָה֙ אֶל־אַבְרָ֔ם וַיֹּ֕אמֶרb לְזַ֨רְעֲךָ֔ אֶתֵּ֖ןc אֶת־הָאָ֣רֶץ הַזֹּ֑את וַיִּ֤בֶןd שָׁם֙ מִזְבֵּ֔חַ לַיהוָ֖ה הַנִּרְאֶ֥הe אֵלָֽיו׃

8 וַיַּעְתֵּ֨קa מִשָּׁ֜ם הָהָ֗רָה מִקֶּ֛דֶם לְבֵֽית־אֵ֖ל וַיֵּ֣טb אהלהc בֵּֽית־אֵ֤ל מִיָּם֙ וְהָעַ֣יd מִקֶּ֔דֶם וַיִּֽבֶןe ־שָׁ֤ם מִזְבֵּ֨חַ֙ לַֽיהוָ֔ה וַיִּקְרָ֖אf בְּשֵׁ֥ם יְהוָֽה׃

9 וַיִּסַּ֣עa אַבְרָ֔ם הָלֹ֥וךְ וְנָסֹ֖ועַ הַנֶּֽגְבָּה׃ פ

10 וַיְהִ֥יa רָעָ֖ב בָּאָ֑רֶץ וַיֵּ֨רֶדb אַבְרָ֤ם מִצְרַ֨יְמָה֙ לָג֣וּרc שָׁ֔ם כִּֽי־כָבֵ֥דd הָרָעָ֖ב בָּאָֽרֶץ׃

11 וַיְהִ֕יa כַּאֲשֶׁ֥ר הִקְרִ֖יבb לָבֹ֣ואc מִצְרָ֑יְמָה וַיֹּ֨אמֶר֙d אֶל־שָׂרַ֣יe אִשְׁתֹּ֔ו הִנֵּה־נָ֣א יָדַ֔עְתִּיf כִּ֛י אִשָּׁ֥ה יְפַתg ־מַרְאֶ֖ה אָֽתְּ׃

12 וְהָיָ֗הa כִּֽי־יִרְא֤וּb אֹתָךְ֙ הַמִּצְרִ֔יםc וְאָמְר֖וּd אִשְׁתֹּ֣ו זֹ֑את וְהָרְג֥וּe אֹתִ֖י וְאֹתָ֥ךְ יְחַיּֽוּf ׃

13 אִמְרִיa ־נָ֖א אֲחֹ֣תִי אָ֑תְּ לְמַ֨עַן֙ יִֽיטַבb ־לִ֣י בַעֲבוּרֵ֔ךְc וְחָיְתָ֥הd נַפְשִׁ֖י בִּגְלָלֵֽךְe ׃

14 וַיְהִ֕יa כְּבֹ֥ואb אַבְרָ֖ם מִצְרָ֑יְמָה וַיִּרְא֤וּc הַמִּצְרִים֙d אֶת־הָ֣אִשָּׁ֔ה כִּֽי־יָפָ֥הe הִ֖וא מְאֹֽד׃

15 וַיִּרְא֤וּa אֹתָהּ֙ שָׂרֵ֣י פַרְעֹ֔ה וַיְהַֽלְל֥וּb אֹתָ֖הּ אֶל־פַּרְעֹ֑ה וַתֻּקַּ֥חc הָאִשָּׁ֖ה בֵּ֥ית פַּרְעֹֽה׃

16 וּלְאַבְרָ֥ם הֵיטִ֖יבa בַּעֲבוּרָ֑הּb וַֽיְהִיc ־לֹ֤ו צֹאן־וּבָקָר֙ וַחֲמֹרִ֔ים וַעֲבָדִים֙ וּשְׁפָחֹ֔ת וַאֲתֹנֹ֖תd וּגְמַלִּֽים׃

17 וַיְנַגַּ֨עa יְהוָ֧ה׀ אֶת־פַּרְעֹ֛ה נְגָעִ֥ים גְּדֹלִ֖ים וְאֶת־בֵּיתֹ֑ו עַל־דְּבַ֥ר שָׂרַ֖יb אֵ֥שֶׁת אַבְרָֽם׃

18 וַיִּקְרָ֤אa פַרְעֹה֙ לְאַבְרָ֔ם וַיֹּ֕אמֶרb מַה־זֹּ֖את עָשִׂ֣יתָc לִּ֑י לָ֚מָּה לֹא־הִגַּ֣דְתָּd לִּ֔י כִּ֥י אִשְׁתְּךָ֖ הִֽוא׃

19 לָמָ֤ה אָמַ֨רְתָּ֙a אֲחֹ֣תִי הִ֔וא וָאֶקַּ֥חb אֹתָ֛הּ לִ֖י לְאִשָּׁ֑ה וְעַתָּ֕ה הִנֵּ֥ה אִשְׁתְּךָ֖ קַ֥חc וָלֵֽךְd ׃

20 וַיְצַ֥וa עָלָ֛יו פַּרְעֹ֖ה אֲנָשִׁ֑ים וַֽיְשַׁלְּח֥וּb אֹתֹ֛ו וְאֶת־אִשְׁתֹּ֖ו וְאֶת־כָּל־אֲשֶׁר־לֹֽו׃