בראשית

וַֽיְהִ֥יa כָל־הָאָ֖רֶץ שָׂפָ֣ה אֶחָ֑ת וּדְבָרִ֖ים אֲחָדִֽים׃

2 וַֽיְהִ֖יa בְּנָסְעָ֣םb מִקֶּ֑דֶם וַֽיִּמְצְא֥וּc בִקְעָ֛הd בְּאֶ֥רֶץ שִׁנְעָ֖רe וַיֵּ֥שְׁבוּf שָֽׁם׃

3 וַיֹּאמְר֞וּa אִ֣ישׁ אֶל־רֵעֵ֗הוּ הָ֚בָהb נִלְבְּנָ֣הc לְבֵנִ֔יםd וְנִשְׂרְפָ֖הe לִשְׂרֵפָ֑הf וַתְּהִ֨יg לָהֶ֤ם הַלְּבֵנָה֙h לְאָ֔בֶן וְהַ֣חֵמָ֔רi הָיָ֥הj לָהֶ֖ם לַחֹֽמֶרk ׃

4 וַיֹּאמְר֞וּa הָ֣בָהb ׀ נִבְנֶהc ־לָּ֣נוּ עִ֗יר וּמִגְדָּל֙d וְרֹאשֹׁ֣ו בַשָּׁמַ֔יִם וְנַֽעֲשֶׂהe ־לָּ֖נוּ שֵׁ֑ם פֶּן־נָפ֖וּץf עַל־פְּנֵ֥י כָל־הָאָֽרֶץ׃

5 וַיֵּ֣רֶדa יְהוָ֔ה לִרְאֹ֥תb אֶת־הָעִ֖יר וְאֶת־הַמִּגְדָּ֑לc אֲשֶׁ֥ר בָּנ֖וּd בְּנֵ֥י הָאָדָֽם׃

6 וַיֹּ֣אמֶרa יְהוָ֗ה הֵ֣ן עַ֤ם אֶחָד֙ וְשָׂפָ֤ה אַחַת֙ לְכֻלָּ֔ם וְזֶ֖ה הַחִלָּ֣םb לַעֲשֹׂ֑ותc וְעַתָּה֙ לֹֽא־יִבָּצֵ֣רd מֵהֶ֔ם כֹּ֛ל אֲשֶׁ֥ר יָזְמ֖וּe לַֽעֲשֹֽׂותf ׃

7 הָ֚בָהa נֵֽרְדָ֔הb וְנָבְלָ֥הc שָׁ֖ם שְׂפָתָ֑ם אֲשֶׁר֙ לֹ֣א יִשְׁמְע֔וּd אִ֖ישׁ שְׂפַ֥ת רֵעֵֽהוּ׃

8 וַיָּ֨פֶץa יְהוָ֥ה אֹתָ֛ם מִשָּׁ֖ם עַל־פְּנֵ֣י כָל־הָאָ֑רֶץ וַֽיַּחְדְּל֖וּb לִבְנֹ֥תc הָעִֽיר׃

9 עַל־כֵּ֞ן קָרָ֤אa שְׁמָהּ֙ בָּבֶ֔ל כִּי־שָׁ֛ם בָּלַ֥לb יְהוָ֖ה שְׂפַ֣ת כָּל־הָאָ֑רֶץ וּמִשָּׁם֙ הֱפִיצָ֣םc יְהוָ֔ה עַל־פְּנֵ֖י כָּל־הָאָֽרֶץ׃ פ

10 אֵ֚לֶּה תֹּולְדֹ֣תa שֵׁ֔םb שֵׁ֚םc בֶּן־מְאַ֣ת שָׁנָ֔ה וַיֹּ֖ולֶדd אֶת־אַרְפַּכְשָׁ֑דe שְׁנָתַ֖יִם אַחַ֥ר הַמַּבּֽוּלf ׃

11 וַֽיְחִיa ־שֵׁ֗םb אַֽחֲרֵי֙ הֹולִידֹ֣וc אֶת־אַרְפַּכְשָׁ֔דd חֲמֵ֥שׁ מֵאֹ֖ות שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

12 וְאַרְפַּכְשַׁ֣דa חַ֔יb חָמֵ֥שׁ וּשְׁלֹשִׁ֖ים שָׁנָ֑ה וַיֹּ֖ולֶדc אֶת־שָֽׁלַחd ׃

13 וַֽיְחִ֣יa אַרְפַּכְשַׁ֗דb אַֽחֲרֵי֙ הֹולִידֹ֣וc אֶת־שֶׁ֔לַחd שָׁלֹ֣שׁ שָׁנִ֔ים וְאַרְבַּ֥ע מֵאֹ֖ות שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

14 וְשֶׁ֥לַחa חַ֖יb שְׁלֹשִׁ֣ים שָׁנָ֑ה וַיֹּ֖ולֶדc אֶת־עֵֽבֶרd ׃

15 וַֽיְחִיa ־שֶׁ֗לַחb אַחֲרֵי֙ הֹולִידֹ֣וc אֶת־עֵ֔בֶרd שָׁלֹ֣שׁ שָׁנִ֔ים וְאַרְבַּ֥ע מֵאֹ֖ות שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

16 וַֽיְחִיa ־עֵ֕בֶרb אַרְבַּ֥ע וּשְׁלֹשִׁ֖ים שָׁנָ֑ה וַיֹּ֖ולֶדc אֶת־פָּֽלֶגd ׃

17 וַֽיְחִיa ־עֵ֗בֶרb אַחֲרֵי֙ הֹולִידֹ֣וc אֶת־פֶּ֔לֶגd שְׁלֹשִׁ֣ים שָׁנָ֔ה וְאַרְבַּ֥ע מֵאֹ֖ות שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

18 וַֽיְחִיa ־פֶ֖לֶגb שְׁלֹשִׁ֣ים שָׁנָ֑ה וַיֹּ֖ולֶדc אֶת־רְעֽוּd ׃

19 וַֽיְחִיa ־פֶ֗לֶגb אַחֲרֵי֙ הֹולִידֹ֣וc אֶת־רְע֔וּd תֵּ֥שַׁע שָׁנִ֖ים וּמָאתַ֣יִם שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

20 וַיְחִ֣יa רְע֔וּb שְׁתַּ֥יִם וּשְׁלֹשִׁ֖ים שָׁנָ֑ה וַיֹּ֖ולֶדc אֶת־שְׂרֽוּגd ׃

21 וַיְחִ֣יa רְע֗וּb אַחֲרֵי֙ הֹולִידֹ֣וc אֶת־שְׂר֔וּגd שֶׁ֥בַע שָׁנִ֖ים וּמָאתַ֣יִם שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

22 וַיְחִ֥יa שְׂר֖וּגb שְׁלֹשִׁ֣ים שָׁנָ֑ה וַיֹּ֖ולֶדc אֶת־נָחֹֽורd ׃

23 וַיְחִ֣יa שְׂר֗וּגb אַחֲרֵ֛י הֹולִידֹ֥וc אֶת־נָחֹ֖ורd מָאתַ֣יִם שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

24 וַיְחִ֣יa נָחֹ֔ורb תֵּ֥שַׁע וְעֶשְׂרִ֖ים שָׁנָ֑ה וַיֹּ֖ולֶדc אֶת־תָּֽרַחd ׃

25 וַיְחִ֣יa נָחֹ֗ורb אַחֲרֵי֙ הֹולִידֹ֣וc אֶת־תֶּ֔רַחd תְּשַֽׁע־עֶשְׂרֵ֥ה שָׁנָ֖ה וּמְאַ֣ת שָׁנָ֑ה וַיֹּ֥ולֶדe בָּנִ֖ים וּבָנֹֽות׃ ס

26 וַֽיְחִיa ־תֶ֖רַחb שִׁבְעִ֣ים שָׁנָ֑ה וַיֹּ֨ולֶד֙c אֶת־אַבְרָ֔ם אֶת־נָחֹ֖ורd וְאֶת־הָרָֽןe ׃

27 וְאֵ֨לֶּה֙ תֹּולְדֹ֣תa תֶּ֔רַחb תֶּ֚רַחc הֹולִ֣ידd אֶת־אַבְרָ֔ם אֶת־נָחֹ֖ורe וְאֶת־הָרָ֑ןf וְהָרָ֖ןg הֹולִ֥ידh אֶת־לֹֽוטi ׃

28 וַיָּ֣מָתa הָרָ֔ןb עַל־פְּנֵ֖י תֶּ֣רַחc אָבִ֑יו בְּאֶ֥רֶץ מֹולַדְתֹּ֖וd בְּא֥וּרe כַּשְׂדִּֽיםf ׃

29 וַיִּקַּ֨חa אַבְרָ֧ם וְנָחֹ֛ורb לָהֶ֖ם נָשִׁ֑ים שֵׁ֤ם אֵֽשֶׁת־אַבְרָם֙ שָׂרָ֔יc וְשֵׁ֤ם אֵֽשֶׁת־נָחֹור֙d מִלְכָּ֔הe בַּת־הָרָ֥ןf אֲבִֽי־מִלְכָּ֖הg וַֽאֲבִ֥י יִסְכָּֽהh ׃

30 וַתְּהִ֥יa שָׂרַ֖יb עֲקָרָ֑הc אֵ֥ין לָ֖הּ וָלָֽדd ׃

31 וַיִּקַּ֨חa תֶּ֜רַחb אֶת־אַבְרָ֣ם בְּנֹ֗ו וְאֶת־לֹ֤וטc בֶּן־הָרָן֙d בֶּן־בְּנֹ֔ו וְאֵת֙ שָׂרַ֣יe כַּלָּתֹ֔וf אֵ֖שֶׁת אַבְרָ֣ם בְּנֹ֑ו וַיֵּצְא֨וּg אִתָּ֜ם מֵא֣וּרh כַּשְׂדִּ֗יםi לָלֶ֨כֶת֙j אַ֣רְצָה כְּנַ֔עַן וַיָּבֹ֥אוּk עַד־חָרָ֖ןl וַיֵּ֥שְׁבוּm שָֽׁם׃

32 וַיִּהְי֣וּa יְמֵי־תֶ֔רַחb חָמֵ֥שׁ שָׁנִ֖ים וּמָאתַ֣יִם שָׁנָ֑ה וַיָּ֥מָתc תֶּ֖רַחd בְּחָרָֽןe ׃ ס