בראשית

בְּרֵאשִׁ֖ית בָּרָ֣אa אֱלֹהִ֑ים אֵ֥ת הַשָּׁמַ֖יִם וְאֵ֥ת הָאָֽרֶץ׃

2 וְהָאָ֗רֶץ הָיְתָ֥הa תֹ֨הוּ֙b וָבֹ֔הוּc וְחֹ֖שֶׁךְ עַל־פְּנֵ֣י תְהֹ֑וםd וְר֣וּחַ אֱלֹהִ֔ים מְרַחֶ֖פֶתe עַל־פְּנֵ֥י הַמָּֽיִם׃

3 וַיֹּ֥אמֶרa אֱלֹהִ֖ים יְהִ֣יb אֹ֑ור וַֽיְהִיc ־אֹֽור׃

4 וַיַּ֧רְאa אֱלֹהִ֛ים אֶת־הָאֹ֖ור כִּי־טֹ֑ובb וַיַּבְדֵּ֣לc אֱלֹהִ֔ים בֵּ֥ין הָאֹ֖ור וּבֵ֥ין הַחֹֽשֶׁךְ׃

5 וַיִּקְרָ֨אa אֱלֹהִ֤ים׀ לָאֹור֙ יֹ֔ום וְלַחֹ֖שֶׁךְ קָ֣רָאb לָ֑יְלָה וַֽיְהִיc ־עֶ֥רֶב וַֽיְהִיd ־בֹ֖קֶר יֹ֥ום אֶחָֽד׃ פ

6 וַיֹּ֣אמֶרa אֱלֹהִ֔ים יְהִ֥יb רָקִ֖יעַc בְּתֹ֣וךְ הַמָּ֑יִם וִיהִ֣יd מַבְדִּ֔ילe בֵּ֥ין מַ֖יִם לָמָֽיִם׃

7 וַיַּ֣עַשׂa אֱלֹהִים֮ אֶת־הָרָקִיעַ֒b וַיַּבְדֵּ֗לc בֵּ֤ין הַמַּ֨יִם֙ אֲשֶׁר֙ מִתַּ֣חַת לָרָקִ֔יעַd וּבֵ֣ין הַמַּ֔יִם אֲשֶׁ֖ר מֵעַ֣ל לָרָקִ֑יעַe וַֽיְהִיf ־כֵֽן׃

8 וַיִּקְרָ֧אa אֱלֹהִ֛ים לָֽרָקִ֖יעַb שָׁמָ֑יִם וַֽיְהִיc ־עֶ֥רֶב וַֽיְהִיd ־בֹ֖קֶר יֹ֥ום שֵׁנִֽי׃ פ

9 וַיֹּ֣אמֶרa אֱלֹהִ֗ים יִקָּו֨וּb הַמַּ֜יִם מִתַּ֤חַת הַשָּׁמַ֨יִם֙ אֶל־מָקֹ֣ום אֶחָ֔ד וְתֵרָאֶ֖הc הַיַּבָּשָׁ֑הd וַֽיְהִיe ־כֵֽן׃

10 וַיִּקְרָ֨אa אֱלֹהִ֤ים׀ לַיַּבָּשָׁה֙b אֶ֔רֶץ וּלְמִקְוֵ֥הc הַמַּ֖יִם קָרָ֣אd יַמִּ֑ים וַיַּ֥רְאe אֱלֹהִ֖ים כִּי־טֹֽובf ׃

11 וַיֹּ֣אמֶרa אֱלֹהִ֗ים תַּֽדְשֵׁ֤אb הָאָ֨רֶץ֙ דֶּ֔שֶׁאc עֵ֚שֶׂבd מַזְרִ֣יעַe זֶ֔רַע עֵ֣ץ פְּרִ֞י עֹ֤שֶׂהf פְּרִי֙ לְמִינֹ֔וg אֲשֶׁ֥ר זַרְעֹו־בֹ֖ו עַל־הָאָ֑רֶץ וַֽיְהִיh ־כֵֽן׃

12 וַתֹּוצֵ֨אa הָאָ֜רֶץ דֶּ֠שֶׁאb עֵ֣שֶׂבc מַזְרִ֤יעַd זֶ֨רַע֙ לְמִינֵ֔הוּe וְעֵ֧ץ עֹ֥שֶׂהf פְּרִ֛י אֲשֶׁ֥ר זַרְעֹו־בֹ֖ו לְמִינֵ֑הוּg וַיַּ֥רְאh אֱלֹהִ֖ים כִּי־טֹֽובi ׃

13 וַֽיְהִיa ־עֶ֥רֶב וַֽיְהִיb ־בֹ֖קֶר יֹ֥ום שְׁלִישִֽׁי׃ פ

14 וַיֹּ֣אמֶרa אֱלֹהִ֗ים יְהִ֤יb מְאֹרֹת֙c בִּרְקִ֣יעַd הַשָּׁמַ֔יִם לְהַבְדִּ֕ילe בֵּ֥ין הַיֹּ֖ום וּבֵ֣ין הַלָּ֑יְלָה וְהָי֤וּf לְאֹתֹת֙ וּלְמֹ֣ועֲדִ֔ים וּלְיָמִ֖ים וְשָׁנִֽים׃

15 וְהָי֤וּa לִמְאֹורֹת֙b בִּרְקִ֣יעַc הַשָּׁמַ֔יִם לְהָאִ֖ירd עַל־הָאָ֑רֶץ וַֽיְהִיe ־כֵֽן׃

16 וַיַּ֣עַשׂa אֱלֹהִ֔ים אֶת־שְׁנֵ֥י הַמְּאֹרֹ֖תb הַגְּדֹלִ֑ים אֶת־הַמָּאֹ֤ורc הַגָּדֹל֙ לְמֶמְשֶׁ֣לֶתd הַיֹּ֔ום וְאֶת־הַמָּאֹ֤ורe הַקָּטֹן֙ לְמֶמְשֶׁ֣לֶתf הַלַּ֔יְלָה וְאֵ֖ת הַכֹּוכָבִֽיםg ׃

17 וַיִּתֵּ֥ןa אֹתָ֛ם אֱלֹהִ֖ים בִּרְקִ֣יעַb הַשָּׁמָ֑יִם לְהָאִ֖ירc עַל־הָאָֽרֶץ׃

18 וְלִמְשֹׁל֙a בַּיֹּ֣ום וּבַלַּ֔יְלָה וּֽלֲהַבְדִּ֔ילb בֵּ֥ין הָאֹ֖ור וּבֵ֣ין הַחֹ֑שֶׁךְ וַיַּ֥רְאc אֱלֹהִ֖ים כִּי־טֹֽובd ׃

19 וַֽיְהִיa ־עֶ֥רֶב וַֽיְהִיb ־בֹ֖קֶר יֹ֥ום רְבִיעִֽי׃ פ

20 וַיֹּ֣אמֶרa אֱלֹהִ֔ים יִשְׁרְצ֣וּb הַמַּ֔יִם שֶׁ֖רֶץc נֶ֣פֶשׁ חַיָּ֑ה וְעֹוף֙ יְעֹופֵ֣ףd עַל־הָאָ֔רֶץ עַל־פְּנֵ֖י רְקִ֥יעַe הַשָּׁמָֽיִם׃

21 וַיִּבְרָ֣אa אֱלֹהִ֔ים אֶת־הַתַּנִּינִ֖םb הַגְּדֹלִ֑ים וְאֵ֣ת כָּל־נֶ֣פֶשׁ הַֽחַיָּ֣ה׀ הָֽרֹמֶ֡שֶׂתc אֲשֶׁר֩ שָׁרְצ֨וּd הַמַּ֜יִם לְמִֽינֵהֶ֗םe וְאֵ֨ת כָּל־עֹ֤וף כָּנָף֙ לְמִינֵ֔הוּf וַיַּ֥רְאg אֱלֹהִ֖ים כִּי־טֹֽובh ׃

22 וַיְבָ֧רֶךְa אֹתָ֛ם אֱלֹהִ֖ים לֵאמֹ֑רb פְּר֣וּc וּרְב֗וּd וּמִלְא֤וּe אֶת־הַמַּ֨יִם֙ בַּיַּמִּ֔ים וְהָעֹ֖וף יִ֥רֶבf בָּאָֽרֶץ׃

23 וַֽיְהִיa ־עֶ֥רֶב וַֽיְהִיb ־בֹ֖קֶר יֹ֥ום חֲמִישִֽׁיc ׃ פ

24 וַיֹּ֣אמֶרa אֱלֹהִ֗ים תֹּוצֵ֨אb הָאָ֜רֶץ נֶ֤פֶשׁ חַיָּה֙ לְמִינָ֔הּc בְּהֵמָ֥ה וָרֶ֛מֶשׂd וְחַֽיְתֹו־אֶ֖רֶץ לְמִינָ֑הּe וַֽיְהִיf ־כֵֽן׃

25 וַיַּ֣עַשׂa אֱלֹהִים֩ אֶת־חַיַּ֨ת הָאָ֜רֶץ לְמִינָ֗הּb וְאֶת־הַבְּהֵמָה֙ לְמִינָ֔הּc וְאֵ֛ת כָּל־רֶ֥מֶשׂd הָֽאֲדָמָ֖ה לְמִינֵ֑הוּe וַיַּ֥רְאf אֱלֹהִ֖ים כִּי־טֹֽובg ׃

26 וַיֹּ֣אמֶרa אֱלֹהִ֔ים נַֽעֲשֶׂ֥הb אָדָ֛ם בְּצַלְמֵ֖נוּc כִּדְמוּתֵ֑נוּd וְיִרְדּוּ֩e בִדְגַ֨תf הַיָּ֜ם וּבְעֹ֣וף הַשָּׁמַ֗יִם וּבַבְּהֵמָה֙ וּבְכָל־הָאָ֔רֶץ וּבְכָל־הָרֶ֖מֶשׂg הָֽרֹמֵ֥שׂh עַל־הָאָֽרֶץ׃

27 וַיִּבְרָ֨אa אֱלֹהִ֤ים׀ אֶת־הָֽאָדָם֙ בְּצַלְמֹ֔וb בְּצֶ֥לֶםc אֱלֹהִ֖ים בָּרָ֣אd אֹתֹ֑ו זָכָ֥ר וּנְקֵבָ֖הe בָּרָ֥אf אֹתָֽם׃

28 וַיְבָ֣רֶךְa אֹתָם֮ אֱלֹהִים֒ וַיֹּ֨אמֶרb לָהֶ֜ם אֱלֹהִ֗ים פְּר֥וּc וּרְב֛וּd וּמִלְא֥וּe אֶת־הָאָ֖רֶץ וְכִבְשֻׁ֑הָf וּרְד֞וּg בִּדְגַ֤תh הַיָּם֙ וּבְעֹ֣וף הַשָּׁמַ֔יִם וּבְכָל־חַיָּ֖ה הָֽרֹמֶ֥שֶׂתi עַל־הָאָֽרֶץ׃

29 וַיֹּ֣אמֶרa אֱלֹהִ֗ים הִנֵּה֩ נָתַ֨תִּיb לָכֶ֜ם אֶת־כָּל־עֵ֣שֶׂבc ׀ זֹרֵ֣עַd זֶ֗רַע אֲשֶׁר֙ עַל־פְּנֵ֣י כָל־הָאָ֔רֶץ וְאֶת־כָּל־הָעֵ֛ץ אֲשֶׁר־בֹּ֥ו פְרִי־עֵ֖ץ זֹרֵ֣עַe זָ֑רַע לָכֶ֥ם יִֽהְיֶ֖הf לְאָכְלָֽהg ׃

30 וּֽלְכָל־חַיַּ֣ת הָ֠אָרֶץ וּלְכָל־עֹ֨וף הַשָּׁמַ֜יִם וּלְכֹ֣ל׀ רֹומֵ֣שׂa עַל־הָאָ֗רֶץ אֲשֶׁר־בֹּו֙ נֶ֣פֶשׁ חַיָּ֔ה אֶת־כָּל־יֶ֥רֶקb עֵ֖שֶׂבc לְאָכְלָ֑הd וַֽיְהִיe ־כֵֽן׃

31 וַיַּ֤רְאa אֱלֹהִים֙ אֶת־כָּל־אֲשֶׁ֣ר עָשָׂ֔הb וְהִנֵּה־טֹ֖וב מְאֹ֑ד וַֽיְהִיc ־עֶ֥רֶב וַֽיְהִיd ־בֹ֖קֶר יֹ֥ום הַשִּׁשִּֽׁיe ׃ פ