עזרא

וּבִשְׁנַ֣ת אַחַ֗ת לְכֹ֨ורֶשׁ֙a מֶ֣לֶךְ פָּרַ֔סb לִכְלֹ֥ותc דְּבַר־יְהוָ֖ה מִפִּ֣י יִרְמְיָ֑הd הֵעִ֣ירe יְהוָ֗ה אֶת־ר֨וּחַ֙ כֹּ֣רֶשׁf מֶֽלֶךְ־פָּרַ֔סg וַיַּֽעֲבֶרh ־קֹול֙ בְּכָל־מַלְכוּתֹ֔ו וְגַם־בְּמִכְתָּ֖בi לֵאמֹֽרj ׃

2 כֹּ֣ה אָמַ֗רa כֹּ֚רֶשׁb מֶ֣לֶךְ פָּרַ֔סc כֹּ֚ל מַמְלְכֹ֣ות הָאָ֔רֶץ נָ֣תַןd לִ֔י יְהוָ֖ה אֱלֹהֵ֣י הַשָּׁמָ֑יִם וְהֽוּא־פָקַ֤דe עָלַי֙ לִבְנֹֽותf ־לֹ֣ו בַ֔יִת בִּירוּשָׁלִַ֖ם אֲשֶׁ֥ר בִּֽיהוּדָֽה׃

3 מִֽי־בָכֶ֣ם מִכָּל־עַמֹּ֗ו יְהִ֤יa אֱלֹהָיו֙ עִמֹּ֔ו וְיַ֕עַלb לִירוּשָׁלִַ֖ם אֲשֶׁ֣ר בִּיהוּדָ֑ה וְיִ֗בֶןc אֶת־בֵּ֤ית יְהוָה֙ אֱלֹהֵ֣י יִשְׂרָאֵ֔ל ה֥וּא הָאֱלֹהִ֖ים אֲשֶׁ֥ר בִּירוּשָׁלִָֽם׃

4 וְכָל־הַנִּשְׁאָ֗רa מִֽכָּל־הַמְּקֹמֹות֮ אֲשֶׁ֣ר ה֣וּא גָֽרb ־שָׁם֒ יְנַשְּׂא֨וּהוּ֙c אַנְשֵׁ֣י מְקֹמֹ֔ו בְּכֶ֥סֶף וּבְזָהָ֖ב וּבִרְכ֣וּשׁd וּבִבְהֵמָ֑ה עִם־הַ֨נְּדָבָ֔הe לְבֵ֥ית הָאֱלֹהִ֖ים אֲשֶׁ֥ר בִּירוּשָׁלִָֽם׃

5 וַיָּק֜וּמוּa רָאשֵׁ֣י הָאָבֹ֗ות לִֽיהוּדָה֙ וּבִנְיָמִ֔ן וְהַכֹּהֲנִ֖ים וְהַלְוִיִּ֑ם לְכֹ֨ל הֵעִ֤ירb הָאֱלֹהִים֙ אֶת־רוּחֹ֔ו לַעֲלֹ֣ותc לִבְנֹ֔ותd אֶת־בֵּ֥ית יְהוָ֖ה אֲשֶׁ֥ר בִּירוּשָׁלִָֽם׃

6 וְכָל־סְבִיבֹֽתֵיהֶם֙ חִזְּק֣וּa בִֽידֵיהֶ֔ם בִּכְלֵי־כֶ֧סֶף בַּזָּהָ֛ב בָּרְכ֥וּשׁb וּבַבְּהֵמָ֖ה וּבַמִּגְדָּנֹ֑ותc לְבַ֖ד עַל־כָּל־הִתְנַדֵּֽבd ׃ ס

7 וְהַמֶּ֣לֶךְ כֹּ֔ורֶשׁa הֹוצִ֖יאb אֶת־כְּלֵ֣י בֵית־יְהוָ֑ה אֲשֶׁ֨ר הֹוצִ֤יאc נְבֽוּכַדְנֶצַּר֙d מִיר֣וּשָׁלִַ֔ם וַֽיִּתְּנֵ֖םe בְּבֵ֥ית אֱלֹהָֽיו׃

8 וַיֹּֽוצִיאֵ֗םa כֹּ֚ורֶשׁb מֶ֣לֶךְ פָּרַ֔סc עַל־יַ֖ד מִתְרְדָ֣תd הַגִּזְבָּ֑רe וַֽיִּסְפְּרֵם֙f לְשֵׁשְׁבַּצַּ֔רg הַנָּשִׂ֖יא לִיהוּדָֽה׃

9 וְאֵ֖לֶּה מִסְפָּרָ֑ם אֲגַרְטְלֵ֨יa זָהָ֜ב שְׁלֹשִׁ֗ים אֲגַרְטְלֵיb ־כֶ֨סֶף֙ אָ֔לֶף מַחֲלָפִ֖יםc תִּשְׁעָ֥ה וְעֶשְׂרִֽים׃ ס

10 כְּפֹורֵ֤יa זָהָב֙ שְׁלֹשִׁ֔ים כְּפֹ֤ורֵיb כֶ֨סֶף֙ מִשְׁנִ֔יםc אַרְבַּ֥ע מֵאֹ֖ות וַעֲשָׂרָ֑ה כֵּלִ֥ים אֲחֵרִ֖ים אָֽלֶף׃ ס

11 כָּל־כֵּלִים֙ לַזָּהָ֣ב וְלַכֶּ֔סֶף חֲמֵ֥שֶׁת אֲלָפִ֖ים וְאַרְבַּ֣ע מֵאֹ֑ות הַכֹּ֞ל הֶעֱלָ֣הa שֵׁשְׁבַּצַּ֗רb עִ֚ם הֵעָלֹ֣ותc הַגֹּולָ֔הd מִבָּבֶ֖ל לִירוּשָׁלִָֽם׃ פ

וְאֵ֣לֶּה׀ בְּנֵ֣י הַמְּדִינָ֗ה הָֽעֹלִים֙a מִשְּׁבִ֣יb הַגֹּולָ֔הc אֲשֶׁ֥ר הֶגְלָ֛הd נבוכדנצורe מֶֽלֶךְ־בָּבֶ֖ל לְבָבֶ֑ל וַיָּשׁ֛וּבוּf לִירוּשָׁלִַ֥ם וִֽיהוּדָ֖ה אִ֥ישׁ לְעִירֹֽו׃

2 אֲשֶׁר־בָּ֣אוּa עִם־זְרֻבָּבֶ֗לb יֵשׁ֡וּעַc נְ֠חֶמְיָהd שְׂרָיָ֨הe רְֽעֵלָיָ֜הf מָרְדֳּכַ֥י בִּלְשָׁ֛ןg מִסְפָּ֥רh בִּגְוַ֖יi רְח֣וּםj בַּעֲנָ֑הk מִסְפַּ֕ר אַנְשֵׁ֖י עַ֥ם יִשְׂרָאֵֽל׃ ס

3 בְּנֵ֣י פַרְעֹ֔שׁa אַלְפַּ֕יִם מֵאָ֖ה שִׁבְעִ֥ים וּשְׁנָֽיִם׃ ס

4 בְּנֵ֣י שְׁפַטְיָ֔הa שְׁלֹ֥שׁ מֵאֹ֖ות שִׁבְעִ֥ים וּשְׁנָֽיִם׃ ס

5 בְּנֵ֣י אָרַ֔חa שְׁבַ֥ע מֵאֹ֖ות חֲמִשָּׁ֥ה וְשִׁבְעִֽים׃ ס

6 בְּנֵֽי־פַחַ֥ת מֹואָ֛בa לִבְנֵ֥י יֵשׁ֖וּעַb יֹואָ֑ב אַלְפַּ֕יִם שְׁמֹנֶ֥ה מֵאֹ֖ות וּשְׁנֵ֥ים עָשָֽׂר׃ ס

7 בְּנֵ֣י עֵילָ֔םa אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס

8 בְּנֵ֣י זַתּ֔וּאa תְּשַׁ֥ע מֵאֹ֖ות וְאַרְבָּעִ֥ים וַחֲמִשָּֽׁה׃ ס

9 בְּנֵ֣י זַכָּ֔יa שְׁבַ֥ע מֵאֹ֖ות וְשִׁשִּֽׁים׃ ס

10 בְּנֵ֣י בָנִ֔יa שֵׁ֥שׁ מֵאֹ֖ות אַרְבָּעִ֥ים וּשְׁנָֽיִם׃ ס

11 בְּנֵ֣י בֵבָ֔יa שֵׁ֥שׁ מֵאֹ֖ות עֶשְׂרִ֥ים וּשְׁלֹשָֽׁה׃ ס

12 בְּנֵ֣י עַזְגָּ֔דa אֶ֕לֶף מָאתַ֖יִם עֶשְׂרִ֥ים וּשְׁנָֽיִם׃ ס

13 בְּנֵי֙ אֲדֹ֣נִיקָ֔םa שֵׁ֥שׁ מֵאֹ֖ות שִׁשִּׁ֥ים וְשִׁשָּֽׁה׃ ס

14 בְּנֵ֣י בִגְוָ֔יa אַלְפַּ֖יִם חֲמִשִּׁ֥ים וְשִׁשָּֽׁה׃ ס

15 בְּנֵ֣י עָדִ֔יןa אַרְבַּ֥ע מֵאֹ֖ות חֲמִשִּׁ֥ים וְאַרְבָּעָֽה׃ ס

16 בְּנֵֽי־אָטֵ֥רa לִֽיחִזְקִיָּ֖הb תִּשְׁעִ֥ים וּשְׁמֹנָֽה׃ ס

17 בְּנֵ֣י בֵצָ֔יa שְׁלֹ֥שׁ מֵאֹ֖ות עֶשְׂרִ֥ים וּשְׁלֹשָֽׁה׃ ס

18 בְּנֵ֣י יֹורָ֔הa מֵאָ֖ה וּשְׁנֵ֥ים עָשָֽׂר׃ ס

19 בְּנֵ֣י חָשֻׁ֔םa מָאתַ֖יִם עֶשְׂרִ֥ים וּשְׁלֹשָֽׁה׃ ס

20 בְּנֵ֥י גִבָּ֖רa תִּשְׁעִ֥ים וַחֲמִשָּֽׁה׃ ס

21 בְּנֵ֣י בֵֽית־לָ֔חֶםa מֵאָ֖ה עֶשְׂרִ֥ים וּשְׁלֹשָֽׁה׃ ס

22 אַנְשֵׁ֥י נְטֹפָ֖הa חֲמִשִּׁ֥ים וְשִׁשָּֽׁה׃

23 אַנְשֵׁ֣י עֲנָתֹ֔ותa מֵאָ֖ה עֶשְׂרִ֥ים וּשְׁמֹנָֽה׃ ס

24 בְּנֵ֥י עַזְמָ֖וֶתa אַרְבָּעִ֥ים וּשְׁנָֽיִם׃ ס

25 בְּנֵ֨י קִרְיַ֤ת עָרִים֙a כְּפִירָ֣הb וּבְאֵרֹ֔ותc שְׁבַ֥ע מֵאֹ֖ות וְאַרְבָּעִ֥ים וּשְׁלֹשָֽׁה׃ ס

26 בְּנֵ֤י הָרָמָה֙a וָגָ֔בַעb שֵׁ֥שׁ מֵאֹ֖ות עֶשְׂרִ֥ים וְאֶחָֽד׃ ס

27 אַנְשֵׁ֣י מִכְמָ֔סa מֵאָ֖ה עֶשְׂרִ֥ים וּשְׁנָֽיִם׃ ס

28 אַנְשֵׁ֤י בֵֽית־אֵל֙ וְהָעָ֔יa מָאתַ֖יִם עֶשְׂרִ֥ים וּשְׁלֹשָֽׁה׃ ס

29 בְּנֵ֥י נְבֹ֖וa חֲמִשִּׁ֥ים וּשְׁנָֽיִם׃ ס

30 בְּנֵ֣י מַגְבִּ֔ישׁa מֵאָ֖ה חֲמִשִּׁ֥ים וְשִׁשָּֽׁה׃ ס

31 בְּנֵי֙ עֵילָ֣םa אַחֵ֔ר אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס

32 בְּנֵ֣י חָרִ֔םa שְׁלֹ֥שׁ מֵאֹ֖ות וְעֶשְׂרִֽים׃ ס

33 בְּנֵי־לֹד֙a חָדִ֣ידb וְאֹונֹ֔וc שְׁבַ֥ע מֵאֹ֖ות עֶשְׂרִ֥ים וַחֲמִשָּֽׁה׃ ס

34 בְּנֵ֣י יְרֵחֹ֔ו שְׁלֹ֥שׁ מֵאֹ֖ות אַרְבָּעִ֥ים וַחֲמִשָּֽׁה׃ ס

35 בְּנֵ֣י סְנָאָ֔הa שְׁלֹ֣שֶׁת אֲלָפִ֔ים וְשֵׁ֥שׁ מֵאֹ֖ות וּשְׁלֹשִֽׁים׃ ס

36 הַֽכֹּהֲנִ֑ים בְּנֵ֤י יְדַֽעְיָה֙a לְבֵ֣ית יֵשׁ֔וּעַb תְּשַׁ֥ע מֵאֹ֖ות שִׁבְעִ֥ים וּשְׁלֹשָֽׁה׃ ס

37 בְּנֵ֣י אִמֵּ֔רa אֶ֖לֶף חֲמִשִּׁ֥ים וּשְׁנָֽיִם׃ ס

38 בְּנֵ֣י פַשְׁח֔וּרa אֶ֕לֶף מָאתַ֖יִם אַרְבָּעִ֥ים וְשִׁבְעָֽה׃ ס

39 בְּנֵ֣י חָרִ֔םa אֶ֖לֶף וְשִׁבְעָ֥ה עָשָֽׂר׃ ס

40 הַלְוִיִּ֑ם בְּנֵי־יֵשׁ֧וּעַa וְקַדְמִיאֵ֛לb לִבְנֵ֥י הֹודַוְיָ֖הc שִׁבְעִ֥ים וְאַרְבָּעָֽה׃ ס

41 הַֽמְשֹׁרְרִ֑ים בְּנֵ֣י אָסָ֔ףa מֵאָ֖ה עֶשְׂרִ֥ים וּשְׁמֹנָֽה׃ פ

42 בְּנֵ֣י הַשֹּֽׁעֲרִ֗יםa בְּנֵי־שַׁלּ֤וּםb בְּנֵֽי־אָטֵר֙c בְּנֵי־טַלְמֹ֣וןd בְּנֵי־עַקּ֔וּבe בְּנֵ֥י חֲטִיטָ֖אf בְּנֵ֣י שֹׁבָ֑יg הַכֹּ֕ל מֵאָ֖ה שְׁלֹשִׁ֥ים וְתִשְׁעָֽה׃ פ

43 הַנְּתִינִ֑יםa בְּנֵי־צִיחָ֥אb בְנֵי־חֲשׂוּפָ֖אc בְּנֵ֥י טַבָּעֹֽותd ׃

44 בְּנֵי־קֵרֹ֥סa בְּֽנֵי־סִֽיעֲהָ֖אb בְּנֵ֥י פָדֹֽוןc ׃

45 בְּנֵי־לְבָנָ֥הa בְנֵי־חֲגָבָ֖הb בְּנֵ֥י עַקּֽוּבc ׃

46 בְּנֵי־חָגָ֥בa בְּנֵי־שׁמליb בְּנֵ֥י חָנָֽןc ׃

47 בְּנֵי־גִדֵּ֥לa בְּנֵי־גַ֖חַרb בְּנֵ֥י רְאָיָֽהc ׃

48 בְּנֵי־רְצִ֥יןa בְּנֵי־נְקֹודָ֖אb בְּנֵ֥י גַזָּֽםc ׃

49 בְּנֵי־עֻזָּ֥אa בְנֵי־פָסֵ֖חַb בְּנֵ֥י בֵסָֽיc ׃

50 בְּנֵי־אַסְנָ֥הa בְנֵי־מעיניםb בְּנֵ֥י נפיסיםc ׃

51 בְּנֵי־בַקְבּ֥וּקa בְּנֵי־חֲקוּפָ֖אb בְּנֵ֥י חַרְחֽוּרc ׃

52 בְּנֵי־בַצְל֥וּתa בְּנֵי־מְחִידָ֖אb בְּנֵ֥י חַרְשָֽׁאc ׃

53 בְּנֵי־בַרְקֹ֥וסa בְּֽנֵי־סִֽיסְרָ֖אb בְּנֵי־תָֽמַחc ׃

54 בְּנֵ֥י נְצִ֖יחַa בְּנֵ֥י חֲטִיפָֽאb ׃

55 בְּנֵ֖י עַבְדֵ֣י שְׁלֹמֹ֑ה בְּנֵי־סֹטַ֥יa בְּנֵי־הַסֹּפֶ֖רֶתb בְּנֵ֥י פְרוּדָֽאc ׃

56 בְּנֵי־יַעְלָ֥הa בְנֵי־דַרְקֹ֖וןb בְּנֵ֥י גִדֵּֽלc ׃

57 בְּנֵ֧י שְׁפַטְיָ֣הa בְנֵֽי־חַטִּ֗ילb בְּנֵ֛י פֹּכֶ֥רֶת הַצְּבָיִ֖יםc בְּנֵ֥י אָמִֽיd ׃

58 כָּ֨ל־הַנְּתִינִ֔יםa וּבְנֵ֖י עַבְדֵ֣י שְׁלֹמֹ֑ה שְׁלֹ֥שׁ מֵאֹ֖ות תִּשְׁעִ֥ים וּשְׁנָֽיִם׃ ס

59 וְאֵ֗לֶּה הָֽעֹלִים֙a מִתֵּ֥ל מֶ֨לַח֙b תֵּ֣ל חַרְשָׁ֔אc כְּר֥וּבd אַדָּ֖ןe אִמֵּ֑רf וְלֹ֣א יָֽכְל֗וּg לְהַגִּ֤ידh בֵּית־אֲבֹותָם֙ וְזַרְעָ֔ם אִ֥ם מִיִּשְׂרָאֵ֖ל הֵֽם׃

60 בְּנֵי־דְלָיָ֥הa בְנֵי־טֹובִיָּ֖הb בְּנֵ֣י נְקֹודָ֑אc שֵׁ֥שׁ מֵאֹ֖ות חֲמִשִּׁ֥ים וּשְׁנָֽיִם׃ ס

61 וּמִבְּנֵי֙ הַכֹּ֣הֲנִ֔ים בְּנֵ֥י חֳבַיָּ֖הa בְּנֵ֣י הַקֹּ֑וץb בְּנֵ֣י בַרְזִלַּ֗יc אֲשֶׁ֣ר לָ֠קַחd מִבְּנֹ֞ות בַּרְזִלַּ֤יe הַגִּלְעָדִי֙f אִשָּׁ֔ה וַיִּקָּרֵ֖אg עַל־שְׁמָֽם׃

62 אֵ֗לֶּה בִּקְשׁ֧וּa כְתָבָ֛םb הַמִּתְיַחְשִׂ֖יםc וְלֹ֣א נִמְצָ֑אוּd וַֽיְגֹאֲל֖וּe מִן־הַכְּהֻנָּֽהf ׃

63 וַיֹּ֤אמֶרa הַתִּרְשָׁ֨תָא֙b לָהֶ֔ם אֲשֶׁ֥ר לֹא־יֹאכְל֖וּc מִקֹּ֣דֶשׁ הַקֳּדָשִׁ֑ים עַ֛ד עֲמֹ֥דd כֹּהֵ֖ן לְאוּרִ֥יםe וּלְתֻמִּֽיםf ׃

64 כָּל־הַקָּהָ֖ל כְּאֶחָ֑ד אַרְבַּ֣ע רִבֹּ֔ואa אַלְפַּ֖יִם שְׁלֹשׁ־מֵאֹ֥ות שִׁשִּֽׁים׃

65 מִ֠לְּבַד עַבְדֵיהֶ֤ם וְאַמְהֹֽתֵיהֶם֙ אֵ֔לֶּה שִׁבְעַ֣ת אֲלָפִ֔ים שְׁלֹ֥שׁ מֵאֹ֖ות שְׁלֹשִׁ֣ים וְשִׁבְעָ֑ה וְלָהֶ֛ם מְשֹׁרְרִ֥ים וּֽמְשֹׁרְרֹ֖ות מָאתָֽיִם׃

66 סוּסֵיהֶ֕ם שְׁבַ֥ע מֵאֹ֖ות שְׁלֹשִׁ֣ים וְשִׁשָּׁ֑ה פִּרְדֵיהֶ֕םa מָאתַ֖יִם אַרְבָּעִ֥ים וַחֲמִשָּֽׁה׃

67 גְּמַ֨לֵּיהֶ֔ם אַרְבַּ֥ע מֵאֹ֖ות שְׁלֹשִׁ֣ים וַחֲמִשָּׁ֑ה חֲמֹרִ֕ים שֵׁ֣שֶׁת אֲלָפִ֔ים שְׁבַ֥ע מֵאֹ֖ות וְעֶשְׂרִֽים׃ פ

68 וּמֵרָאשֵׁי֙ הָֽאָבֹ֔ות בְּבֹואָ֕םa לְבֵ֥ית יְהוָ֖ה אֲשֶׁ֣ר בִּירוּשָׁלִָ֑ם הִֽתְנַדְּבוּ֙b לְבֵ֣ית הָֽאֱלֹהִ֔ים לְהַעֲמִידֹ֖וc עַל־מְכֹונֹֽוd ׃

69 כְּכֹחָ֗ם נָתְנוּ֮a לְאֹוצַ֣ר הַמְּלָאכָה֒ זָהָ֗ב דַּרְכְּמֹונִים֙b שֵׁשׁ־רִבֹּ֣אותc וָאֶ֔לֶף ס וְכֶ֕סֶף מָנִ֖יםd חֲמֵ֣שֶׁת אֲלָפִ֑ים וְכָתְנֹ֥תe כֹּהֲנִ֖ים מֵאָֽה׃ ס

70 וַיֵּשְׁב֣וּa הַכֹּהֲנִ֣ים וְ֠הַלְוִיִּם וּֽמִן־הָעָ֞ם וְהַמְשֹׁרְרִ֧ים וְהַשֹּׁועֲרִ֛יםb וְהַנְּתִינִ֖יםc בְּעָרֵיהֶ֑ם וְכָל־יִשְׂרָאֵ֖ל בְּעָרֵיהֶֽם׃ ס

וַיִּגַּע֙a הַחֹ֣דֶשׁ הַשְּׁבִיעִ֔י וּבְנֵ֥י יִשְׂרָאֵ֖ל בֶּעָרִ֑ים ס וַיֵּאָסְפ֥וּb הָעָ֛ם כְּאִ֥ישׁ אֶחָ֖ד אֶל־יְרוּשָׁלִָֽם׃ ס

2 וַיָּקָם֩a יֵשׁ֨וּעַb בֶּן־יֹֽוצָדָ֜קc וְאֶחָ֣יו הַכֹּהֲנִ֗ים וּזְרֻבָּבֶ֤לd בֶּן־שְׁאַלְתִּיאֵל֙e וְאֶחָ֔יו וַיִּבְנ֕וּf אֶת־מִזְבַּ֖ח אֱלֹהֵ֣י יִשְׂרָאֵ֑ל לְהַעֲלֹ֤ותg עָלָיו֙ עֹלֹ֔ות כַּכָּת֕וּבh בְּתֹורַ֖ת מֹשֶׁ֥ה אִישׁ־הָאֱלֹהִֽים׃

3 וַיָּכִ֤ינוּa הַמִּזְבֵּ֨חַ֙ עַל־מְכֹ֣ונֹתָ֔יוb כִּ֚י בְּאֵימָ֣הc עֲלֵיהֶ֔ם מֵעַמֵּ֖י הָאֲרָצֹ֑ות ויעלd עָלָ֤יו עֹלֹות֙ לַֽיהוָ֔ה עֹלֹ֖ות לַבֹּ֥קֶר וְלָעָֽרֶב׃

4 וַֽיַּעֲשׂ֛וּa אֶת־חַ֥ג הַסֻּכֹּ֖ותb כַּכָּת֑וּב וְעֹלַ֨ת יֹ֤ום בְּיֹום֙ בְּמִסְפָּ֔ר כְּמִשְׁפַּ֖ט דְּבַר־יֹ֥ום בְּיֹומֹֽו׃

5 וְאַחֲרֵיכֵ֞ן עֹלַ֤ת תָּמִיד֙ וְלֶ֣חֳדָשִׁ֔ים וּלְכָל־מֹועֲדֵ֥י יְהוָ֖ה הַמְקֻדָּשִׁ֑ים וּלְכֹ֛ל מִתְנַדֵּ֥בa נְדָבָ֖הb לַיהוָֽה׃

6 מִיֹּ֤ום אֶחָד֙ לַחֹ֣דֶשׁ הַשְּׁבִיעִ֔י הֵחֵ֕לּוּa לְהַעֲלֹ֥ותb עֹלֹ֖ות לַיהוָ֑ה וְהֵיכַ֥ל יְהוָ֖ה לֹ֥א יֻסָּֽדc ׃

7 וַיִּ֨תְּנוּa ־כֶ֔סֶף לַחֹצְבִ֖יםb וְלֶחָרָשִׁ֑יםc וּמַאֲכָ֨לd וּמִשְׁתֶּ֜הe וָשֶׁ֗מֶן לַצִּֽדֹנִים֙f וְלַצֹּרִ֔יםg לְהָבִיא֩h עֲצֵ֨י אֲרָזִ֤ים מִן־הַלְּבָנֹון֙ אֶל־יָ֣ם יָפֹ֔ואi כְּרִשְׁיֹ֛וןj כֹּ֥ורֶשׁk מֶֽלֶךְ־פָּרַ֖סl עֲלֵיהֶֽם׃ פ

8 וּבַשָּׁנָ֣ה הַשֵּׁנִ֗ית לְבֹואָ֞םa אֶל־בֵּ֤ית הָֽאֱלֹהִים֙ לִיר֣וּשָׁלִַ֔ם בַּחֹ֖דֶשׁ הַשֵּׁנִ֑י הֵחֵ֡לּוּb זְרֻבָּבֶ֣לc בֶּן־שְׁ֠אַלְתִּיאֵלd וְיֵשׁ֨וּעַe בֶּן־יֹֽוצָדָ֜קf וּשְׁאָ֥רg אֲחֵיהֶ֣ם׀ הַכֹּהֲנִ֣ים וְהַלְוִיִּ֗ם וְכָל־הַבָּאִים֙h מֵהַשְּׁבִ֣יi יְרֽוּשָׁלִַ֔ם וַיַּעֲמִ֣ידוּj אֶת־הַלְוִיִּ֗ם מִבֶּ֨ן עֶשְׂרִ֤ים שָׁנָה֙ וָמַ֔עְלָה לְנַצֵּ֖חַk עַל־מְלֶ֥אכֶת בֵּית־יְהוָֽה׃ פ

9 וַיַּעֲמֹ֣דa יֵשׁ֡וּעַb בָּנָ֣יו וְ֠אֶחָיו קַדְמִיאֵ֨לc וּבָנָ֤יו בְּנֵֽי־יְהוּדָה֙ כְּאֶחָ֔ד לְנַצֵּ֛חַd עַל־עֹשֵׂ֥הe הַמְּלָאכָ֖ה בְּבֵ֣ית הָאֱלֹהִ֑ים ס בְּנֵי֙ חֵֽנָדָ֔דf בְּנֵיהֶ֥ם וַאֲחֵיהֶ֖ם הַלְוִיִּֽם׃

10 וְיִסְּד֥וּa הַבֹּנִ֖ים אֶת־הֵיכַ֣ל יְהוָ֑ה וַיַּעֲמִידוּ֩b הַכֹּהֲנִ֨ים מְלֻבָּשִׁ֜יםc בַּחֲצֹֽצְרֹ֗ותd וְהַלְוִיִּ֤ם בְּנֵֽי־אָסָף֙e בַּֽמְצִלְתַּ֔יִםf לְהַלֵּל֙g אֶת־יְהוָ֔ה עַל־יְדֵ֖י דָּוִ֥יד מֶֽלֶךְ־יִשְׂרָאֵֽל׃

11 וַֽ֠יַּעֲנוּa בְּהַלֵּ֨לb וּבְהֹודֹ֤תc לַֽיהוָה֙ כִּ֣י טֹ֔וב כִּֽי־לְעֹולָ֥ם חַסְדֹּ֖ו עַל־יִשְׂרָאֵ֑ל וְכָל־הָעָ֡ם הֵרִיעוּ֩d תְרוּעָ֨הe גְדֹולָ֤ה בְהַלֵּל֙f לַֽיהוָ֔ה עַ֖ל הוּסַ֥דg בֵּית־יְהוָֽה׃ ס

12 וְרַבִּ֡ים מֵהַכֹּהֲנִ֣ים וְהַלְוִיִּם֩ וְרָאשֵׁ֨י הָאָבֹ֜ות הַזְּקֵנִ֗ים אֲשֶׁ֨ר רָא֜וּa אֶת־הַבַּ֤יִת הָֽרִאשֹׁון֙ בְּיָסְדֹ֔וb זֶ֤ה הַבַּ֨יִת֙ בְּעֵ֣ינֵיהֶ֔ם בֹּכִ֖יםc בְּקֹ֣ול גָּדֹ֑ול וְרַבִּ֛ים בִּתְרוּעָ֥הd בְשִׂמְחָ֖ה לְהָרִ֥יםe קֹֽול׃

13 וְאֵ֣ין הָעָ֗ם מַכִּירִים֙a קֹ֚ול תְּרוּעַ֣תb הַשִּׂמְחָ֔ה לְקֹ֖ול בְּכִ֣יc הָעָ֑ם כִּ֣י הָעָ֗ם מְרִיעִים֙d תְּרוּעָ֣הe גְדֹולָ֔ה וְהַקֹּ֥ול נִשְׁמַ֖עf עַד־לְמֵרָחֹֽוק׃ פ

וַֽיִּשְׁמְע֔וּa צָרֵ֥י יְהוּדָ֖ה וּבִנְיָמִ֑ן כִּֽי־בְנֵ֤י הַגֹּולָה֙b בֹּונִ֣יםc הֵיכָ֔ל לַיהוָ֖ה אֱלֹהֵ֥י יִשְׂרָאֵֽל׃

2 וַיִּגְּשׁ֨וּa אֶל־זְרֻבָּבֶ֜לb וְאֶל־רָאשֵׁ֣י הָֽאָבֹ֗ות וַיֹּאמְר֤וּc לָהֶם֙ נִבְנֶ֣הd עִמָּכֶ֔ם כִּ֣י כָכֶ֔ם נִדְרֹ֖ושׁe לֵֽאלֹהֵיכֶ֑ם ולאf ׀ אֲנַ֣חְנוּ זֹבְחִ֗יםg מִימֵי֙ אֵסַ֤ר חַדֹּן֙h מֶ֣לֶךְ אַשּׁ֔וּר הַמַּעֲלֶ֥הi אֹתָ֖נוּ פֹּֽה׃

3 וַיֹּאמֶר֩a לָהֶ֨ם זְרֻבָּבֶ֜לb וְיֵשׁ֗וּעַc וּשְׁאָ֨רd רָאשֵׁ֤י הָֽאָבֹות֙ לְיִשְׂרָאֵ֔ל לֹֽא־לָ֣כֶם וָלָ֔נוּ לִבְנֹ֥ותe בַּ֖יִת לֵאלֹהֵ֑ינוּ כִּי֩ אֲנַ֨חְנוּ יַ֜חַדf נִבְנֶ֗הg לַֽיהוָה֙ אֱלֹהֵ֣י יִשְׂרָאֵ֔ל כַּאֲשֶׁ֣ר צִוָּ֔נוּh הַמֶּ֖לֶךְ כֹּ֥ורֶשׁi מֶֽלֶךְ־פָּרָֽסj ׃

4 וַיְהִי֙a עַם־הָאָ֔רֶץ מְרַפִּ֖יםb יְדֵ֣י עַם־יְהוּדָ֑ה ומבלהיםc אֹותָ֖ם לִבְנֹֽותd ׃

5 וְסֹכְרִ֧יםa עֲלֵיהֶ֛ם יֹועֲצִ֖ים לְהָפֵ֣רb עֲצָתָ֑ם כָּל־יְמֵ֗י כֹּ֚ורֶשׁc מֶ֣לֶךְ פָּרַ֔סd וְעַד־מַלְכ֖וּת דָּרְיָ֥וֶשׁe מֶֽלֶךְ־פָּרָֽסf ׃

6 וּבְמַלְכוּת֙ אֲחַשְׁוֵרֹ֔ושׁa בִּתְחִלַּ֖תb מַלְכוּתֹ֑ו כָּתְב֣וּc שִׂטְנָ֔הd עַל־יֹשְׁבֵ֥י יְהוּדָ֖ה וִירוּשָׁלִָֽם׃ ס

7 וּבִימֵ֣י אַרְתַּחְשַׁ֗שְׂתָּאa כָּתַ֨בb בִּשְׁלָ֜םc מִתְרְדָ֤תd טָֽבְאֵל֙e וּשְׁאָ֣רf כנותוg עַל־ארתחשׁשׂתאh מֶ֣לֶךְ פָּרָ֑סi וּכְתָב֙j הַֽנִּשְׁתְּוָ֔ןk כָּת֥וּבl אֲרָמִ֖יתm וּמְתֻרְגָּ֥םn אֲרָמִֽיתo ׃ פ

8 רְח֣וּםa בְּעֵלb ־טְעֵ֗םc וְשִׁמְשַׁי֙d סָֽפְרָ֔אe כְּתַ֛בוּf אִגְּרָ֥הg חֲדָ֖הh עַל־יְרוּשְׁלֶ֑םi לְאַרְתַּחְשַׁ֥שְׂתְּאj מַלְכָּ֖א כְּנֵֽמָאk ׃

9 אֱדַ֜יִן רְח֣וּםa בְּעֵלb ־טְעֵ֗םc וְשִׁמְשַׁי֙d סָֽפְרָ֔אe וּשְׁאָ֖רf כְּנָוָתְהֹ֑וןg דִּ֠ינָיֵאh וַאֲפַרְסַתְכָיֵ֞אi טַרְפְּלָיֵ֣אj אֲפָֽרְסָיֵ֗אk ארכויl בָבְלָיֵא֙m שֽׁוּשַׁנְכָיֵ֔אn דהואo עֵלְמָיֵֽאp ׃

10 וּשְׁאָ֣רa אֻמַּיָּ֗אb דִּ֤י הַגְלִי֙c אָסְנַפַּר֙d רַבָּ֣אe וְיַקִּירָ֔אf וְהֹותֵ֣בg הִמֹּ֔וh בְּקִרְיָ֖הi דִּ֣י שָׁמְרָ֑יִןj וּשְׁאָ֥רk עֲבַֽרl ־נַהֲרָ֖הm וּכְעֶֽנֶתn ׃

11 דְּנָה֙ פַּרְשֶׁ֣גֶןa אִגַּרְתָּ֔אb דִּ֚י שְׁלַ֣חוּc עֲלֹ֔והִי עַל־אַרְתַּחְשַׁ֖שְׂתְּאd מַלְכָּ֑א עבדיךe אֱנָ֥שׁf עֲבַֽרg ־נַהֲרָ֖הh וּכְעֶֽנֶתi ׃ פ

12 יְדִ֨יעַ֙a לֶהֱוֵ֣אb לְמַלְכָּ֔א דִּ֣י יְהוּדָיֵ֗אc דִּ֤י סְלִ֨קוּ֙d מִן־לְוָתָ֔ךְe עֲלֶ֥ינָא אֲתֹ֖וf לִירוּשְׁלֶ֑םg קִרְיְתָ֨אh מָֽרָדְתָּ֤אi ובאישׁתאj בָּנַ֔יִןk ושׁוריl אשׁכללוm וְאֻשַּׁיָּ֖אn יַחִֽיטוּo ׃

13 כְּעַ֗ןa יְדִ֨יעַ֙b לֶהֱוֵ֣אc לְמַלְכָּ֔א דִּ֠י הֵ֣ןd קִרְיְתָ֥אe דָךְ֙f תִּתְבְּנֵ֔אg וְשׁוּרַיָּ֖הh יִֽשְׁתַּכְלְל֑וּןi מִנְדָּֽהj ־בְלֹ֤וk וַהֲלָךְ֙l לָ֣א יִנְתְּנ֔וּןm וְאַפְּתֹ֥םn מַלְכִ֖ים תְּהַנְזִֽקo ׃

14 כְּעַ֗ןa כָּל־קֳבֵל֙b דִּֽי־מְלַ֤חc הֵֽיכְלָא֙d מְלַ֔חְנָאe וְעַרְוַ֣תf מַלְכָּ֔א לָ֥א אֲֽרִ֥יךְg לַ֖נָא לְמֶֽחֱזֵ֑אh עַ֨ל־דְּנָ֔ה שְׁלַ֖חְנָאi וְהֹודַ֥עְנָאj לְמַלְכָּֽא׃

15 דִּ֡י יְבַקַּר֩a בִּֽסְפַרb ־דָּכְרָ֨נַיָּ֜אc דִּ֣י אֲבָהָתָ֗ךְd וּ֠תְהַשְׁכַּחe בִּסְפַ֣רf דָּכְרָנַיָּא֮g וְתִנְדַּע֒h דִּי֩ קִרְיְתָ֨אi דָ֜ךְj קִרְיָ֣אk מָֽרָדָ֗אl וּֽמְהַנְזְקַ֤תm מַלְכִין֙ וּמְדִנָ֔ןn וְאֶשְׁתַּדּוּר֙o עָבְדִ֣יןp בְּגַוַּ֔הּq מִן־יֹומָ֖תr עָלְמָ֑אs עַ֨ל־דְּנָ֔ה קִרְיְתָ֥אt דָ֖ךְu הָֽחָרְבַֽתv ׃

16 מְהֹודְעִ֤יןa אֲנַ֨חְנָה֙b לְמַלְכָּ֔א דִּ֠י הֵ֣ןc קִרְיְתָ֥אd דָךְ֙e תִּתְבְּנֵ֔אf וְשׁוּרַיָּ֖הg יִֽשְׁתַּכְלְל֑וּןh לָקֳבֵ֣לi דְּנָ֔ה חֲלָק֙j בַּעֲבַ֣רk נַהֲרָ֔אl לָ֥א אִיתַ֖יm לָֽךְ׃ פ

17 פִּתְגָמָ֞אa שְׁלַ֣חb מַלְכָּ֗א עַל־רְח֤וּםc בְּעֵלd ־טְעֵם֙e וְשִׁמְשַׁ֣יf סָֽפְרָ֔אg וּשְׁאָר֙h כְּנָוָ֣תְהֹ֔וןi דִּ֥י יָתְבִ֖יןj בְּשָֽׁמְרָ֑יִןk וּשְׁאָ֧רl עֲבַֽרm ־נַהֲרָ֛הn שְׁלָ֖םo וּכְעֶֽתp ׃ ס

18 נִשְׁתְּוָנָ֕אa דִּ֥י שְׁלַחְתּ֖וּןb עֲלֶ֑ינָא מְפָרַ֥שׁc קֱרִ֖יd קָדָמָֽיe ׃

19 וּמִנִּי֮ שִׂ֣יםa טְעֵם֒b וּבַקַּ֣רוּc וְהַשְׁכַּ֔חוּd דִּ֚י קִרְיְתָ֣אe דָ֔ךְf מִן־יֹומָת֙g עָֽלְמָ֔אh עַל־מַלְכִ֖ין מִֽתְנַשְּׂאָ֑הi וּמְרַ֥דj וְאֶשְׁתַּדּ֖וּרk מִתְעֲבֶדl ־בַּֽהּ׃

20 וּמַלְכִ֣ין תַּקִּיפִ֗יןa הֲוֹו֙b עַל־יְר֣וּשְׁלֶ֔םc וְשַׁ֨לִּיטִ֔יןd בְּכֹ֖ל עֲבַ֣רe נַהֲרָ֑הf וּמִדָּ֥הg בְלֹ֛וh וַהֲלָ֖ךְi מִתְיְהֵ֥בj לְהֹֽון׃

21 כְּעַן֙a שִׂ֣ימוּb טְּעֵ֔םc לְבַטָּלָ֖אd גֻּבְרַיָּ֣אe אִלֵּ֑ךְf וְקִרְיְתָ֥אg דָךְ֙h לָ֣א תִתְבְּנֵ֔אi עַדj ־מִנִּ֖י טַעְמָ֥אk יִתְּשָֽׂםl ׃

22 וּזְהִירִ֥יןa הֱוֹ֛וb שָׁל֖וּc לְמֶעְבַּ֣דd עַל־דְּנָ֑ה לְמָה֙e יִשְׂגֵּ֣אf חֲבָלָ֔אg לְהַנְזָקַ֖תh מַלְכִֽין׃ ס

23 אֱדַ֗יִן מִן־דִּ֞י פַּרְשֶׁ֤גֶןa נִשְׁתְּוָנָא֙b דִּ֚י ארתחשׁשׂתאc מַלְכָּ֔א קֱרִ֧יd קֳדָםe ־רְח֛וּםf וְשִׁמְשַׁ֥יg סָפְרָ֖אh וּכְנָוָתְהֹ֑וןi אֲזַ֨לוּj בִבְהִיל֤וּk לִירֽוּשְׁלֶם֙l עַל־יְה֣וּדָיֵ֔אm וּבַטִּ֥לוּn הִמֹּ֖וo בְּאֶדְרָ֥עp וְחָֽיִלq ׃ ס

24 בֵּאדַ֗יִן בְּטֵלַת֙a עֲבִידַ֣תb בֵּיתc ־אֱלָהָ֔א דִּ֖י בִּירוּשְׁלֶ֑םd וַהֲוָת֙e בָּֽטְלָ֔אf עַ֚דg שְׁנַ֣תh תַּרְתֵּ֔יןi לְמַלְכ֖וּת דָּרְיָ֥וֶשׁj מֶֽלֶךְ־פָּרָֽסk ׃ פ

וְהִתְנַבִּ֞יa חַגַּ֣יb נביאהc וּזְכַרְיָ֤הd בַרe ־עִדֹּוא֙f נביאיאg עַל־יְה֣וּדָיֵ֔אh דִּ֥י בִיה֖וּדi וּבִירוּשְׁלֶ֑םj בְּשֻׁ֛םk אֱלָ֥הּ יִשְׂרָאֵ֖לl עֲלֵיהֹֽון׃ ס

2 בֵּאדַ֡יִן קָ֠מוּa זְרֻבָּבֶ֤לb בַּרc ־שְׁאַלְתִּיאֵל֙d וְיֵשׁ֣וּעַe בַּרf ־יֹֽוצָדָ֔קg וְשָׁרִ֣יוh לְמִבְנֵ֔אi בֵּ֥יתj אֱלָהָ֖א דִּ֣י בִירֽוּשְׁלֶ֑םk וְעִמְּהֹ֛וןl נביאיאm דִֽי־אֱלָהָ֖א מְסָעֲדִ֥יןn לְהֹֽון׃ פ

3 בֵּהּ־זִמְנָא֩a אֲתָ֨אb עֲלֵיהֹ֜ון תַּ֠תְּנַיc פַּחַ֧תd עֲבַֽרe ־נַהֲרָ֛הf וּשְׁתַ֥ר בֹּוזְנַ֖יg וּכְנָוָתְהֹ֑וןh וְכֵן֙i אָמְרִ֣יןj לְהֹ֔ם מַןk ־שָׂ֨םl לְכֹ֜ם טְעֵ֗םm בַּיְתָ֤אn דְנָה֙ לִבְּנֵ֔אo וְאֻשַּׁרְנָ֥אp דְנָ֖ה לְשַׁכְלָלָֽהq ׃ ס

4 אֱדַ֥יִן כְּנֵ֖מָאa אֲמַ֣רְנָאb לְּהֹ֑ם מַןc ־אִנּוּן֙d שְׁמָהָ֣תe גֻּבְרַיָּ֔אf דִּֽי־דְנָ֥ה בִנְיָנָ֖אg בָּנַֽיִןh ׃

5 וְעֵ֣יןa אֱלָהֲהֹ֗ם הֲוָת֙b עַל־שָׂבֵ֣יc יְהוּדָיֵ֔אd וְלָא־בַטִּ֣לוּe הִמֹּ֔וf עַדg ־טַעְמָ֖אh לְדָרְיָ֣וֶשׁi יְהָ֑ךְj וֶאֱדַ֛יִן יְתִיב֥וּןk נִשְׁתְּוָנָ֖אl עַל־דְּנָֽה׃ פ

6 פַּרְשֶׁ֣גֶןa אִ֠גַּרְתָּאb דִּֽי־שְׁלַ֞חc תַּתְּנַ֣יd ׀ פַּחַ֣תe עֲבַֽרf ־נַהֲרָ֗הg וּשְׁתַ֤ר בֹּוזְנַי֙h וּכְנָ֣וָתֵ֔הּi אֲפַ֨רְסְכָיֵ֔אj דִּ֖י בַּעֲבַ֣רk נַהֲרָ֑הl עַל־דָּרְיָ֖וֶשׁm מַלְכָּֽא׃

7 פִּתְגָמָ֖אa שְׁלַ֣חוּb עֲלֹ֑והִי וְכִדְנָה֙ כְּתִ֣יבc בְּגַוֵּ֔הּd לְדָרְיָ֥וֶשׁe מַלְכָּ֖א שְׁלָמָ֥אf כֹֽלָּא׃ ס

8 יְדִ֣יעַa ׀ לֶהֱוֵ֣אb לְמַלְכָּ֗א דִּֽי־אֲזַ֜לְנָאc לִיה֤וּדd מְדִֽינְתָּא֙e לְבֵית֙f אֱלָהָ֣א רַבָּ֔אg וְה֤וּאh מִתְבְּנֵא֙i אֶ֣בֶןj גְּלָ֔לk וְאָ֖עl מִתְּשָׂ֣םm בְּכֻתְלַיָּ֑אn וַעֲבִ֥ידְתָּאo דָ֛ךְp אָסְפַּ֥רְנָאq מִתְעַבְדָ֖אr וּמַצְלַ֥חs בְּיֶדְהֹֽםt ׃ ס

9 אֱדַ֗יִן שְׁאֵ֨לְנָא֙a לְשָׂבַיָּ֣אb אִלֵּ֔ךְc כְּנֵ֖מָאd אֲמַ֣רְנָאe לְּהֹ֑ם מַןf ־שָׂ֨םg לְכֹ֜ם טְעֵ֗םh בַּיְתָ֤אi דְנָה֙ לְמִבְנְיָ֔הj וְאֻשַּׁרְנָ֥אk דְנָ֖ה לְשַׁכְלָלָֽהl ׃

10 וְאַ֧ףa שְׁמָהָתְהֹ֛םb שְׁאֵ֥לְנָאc לְהֹ֖ם לְהֹודָעוּתָ֑ךְd דִּ֛י נִכְתֻּ֥בe שֻׁםf ־גֻּבְרַיָּ֖אg דִּ֥י בְרָאשֵׁיהֹֽםh ׃ ס

11 וּכְנֵ֥מָאa פִתְגָמָ֖אb הֲתִיב֣וּנָאc לְמֵמַ֑רd אֲנַ֣חְנָאe הִמֹּ֡וf עַבְדֹוהִי֩g דִֽי־אֱלָ֨הּ שְׁמַיָּ֜אh וְאַרְעָ֗אi וּבָנַ֤יִןj בַּיְתָא֙k דִּֽי־הֲוָ֨אl בְנֵ֜הm מִקַּדְמַ֤תn דְּנָה֙ שְׁנִ֣יןo שַׂגִּיאָ֔ןp וּמֶ֤לֶךְ לְיִשְׂרָאֵל֙q רַ֔בr בְּנָ֖הִיs וְשַׁכְלְלֵֽהּt ׃

12 לָהֵ֗ןa מִן־דִּ֨י הַרְגִּ֤זוּb אֲבָהֳתַ֨נָא֙c לֶאֱלָ֣הּ שְׁמַיָּ֔אd יְהַ֣בe הִמֹּ֔וf בְּיַ֛דg נְבוּכַדְנֶצַּ֥רh מֶֽלֶךְ־בָּבֶ֖לi כסדיאj וּבַיְתָ֤הk דְנָה֙ סַתְרֵ֔הּl וְעַמָּ֖הm הַגְלִ֥יn לְבָבֶֽלo ׃ ס

13 בְּרַם֙a בִּשְׁנַ֣תb חֲדָ֔הc לְכֹ֥ורֶשׁd מַלְכָּ֖א דִּ֣י בָבֶ֑לe כֹּ֤ורֶשׁf מַלְכָּא֙ שָׂ֣םg טְעֵ֔םh בֵּיתi ־אֱלָהָ֥א דְנָ֖ה לִבְּנֵֽאj ׃

14 וְ֠אַףa מָאנַיָּ֣אb דִֽי־בֵיתc ־אֱלָהָא֮ דִּ֣י דַהֲבָ֣הd וְכַסְפָּא֒e דִּ֣י נְבוּכַדְנֶצַּ֗רf הַנְפֵּק֙g מִן־הֵֽיכְלָא֙h דִּ֣י בִֽירוּשְׁלֶ֔םi וְהֵיבֵ֣לj הִמֹּ֔וk לְהֵיכְלָ֖אl דִּ֣י בָבֶ֑לm הַנְפֵּ֨קn הִמֹּ֜וo כֹּ֣ורֶשׁp מַלְכָּ֗א מִן־הֵֽיכְלָא֙q דִּ֣י בָבֶ֔לr וִיהִ֨יבוּ֙s לְשֵׁשְׁבַּצַּ֣רt שְׁמֵ֔הּu דִּ֥י פֶחָ֖הv שָׂמֵֽהּw ׃

15 וַאֲמַרa ־לֵ֓הּ׀ אלהb מָֽאנַיָּ֔אc שֵׂ֚אd אֵֽזֶלe ־אֲחֵ֣תf הִמֹּ֔וg בְּהֵיכְלָ֖אh דִּ֣י בִירוּשְׁלֶ֑םi וּבֵ֥יתj אֱלָהָ֖א יִתְבְּנֵ֥אk עַל־אַתְרֵֽהּl ׃ ס

16 אֱדַ֨יִן֙ שֵׁשְׁבַּצַּ֣רa דֵּ֔ךְb אֲתָ֗אc יְהַ֧בd אֻשַּׁיָּ֛אe דִּי־בֵ֥יתf אֱלָהָ֖א דִּ֣י בִירוּשְׁלֶ֑םg וּמִן־אֱדַ֧יִן וְעַדh ־כְּעַ֛ןi מִתְבְּנֵ֖אj וְלָ֥א שְׁלִֽםk ׃

17 וּכְעַ֞ןa הֵ֧ןb עַל־מַלְכָּ֣א טָ֗בc יִ֠תְבַּקַּרd בְּבֵ֨יתe גִּנְזַיָּ֜אf דִּי־מַלְכָּ֣א תַמָּה֮g דִּ֣י בְּבָבֶל֒h הֵ֣ןi אִיתַ֗יj דִּֽי־מִן־כֹּ֤ורֶשׁk מַלְכָּא֙ שִׂ֣יםl טְעֵ֔םm לְמִבְנֵ֛אn בֵּיתo ־אֱלָהָ֥א דֵ֖ךְp בִּירוּשְׁלֶ֑םq וּרְע֥וּתr מַלְכָּ֛א עַל־דְּנָ֖ה יִשְׁלַ֥חs עֲלֶֽינָא׃ ס

בֵּאדַ֛יִן דָּרְיָ֥וֶשׁa מַלְכָּ֖א שָׂ֣םb טְעֵ֑םc וּבַקַּ֣רוּd ׀ בְּבֵ֣יתe סִפְרַיָּ֗אf דִּ֧י גִנְזַיָּ֛אg מְהַחֲתִ֥יןh תַּמָּ֖הi בְּבָבֶֽלj ׃

2 וְהִשְׁתְּכַ֣חa בְּאַחְמְתָ֗אb בְּבִֽירְתָ֛אc דִּ֛י בְּמָדַ֥יd מְדִינְתָּ֖הe מְגִלָּ֣הf חֲדָ֑הg וְכֵןh ־כְּתִ֥יבi בְּגַוַּ֖הּj דִּכְרֹונָֽהk ׃ פ

3 בִּשְׁנַ֨תa חֲדָ֜הb לְכֹ֣ורֶשׁc מַלְכָּ֗א כֹּ֣ורֶשׁd מַלְכָּא֮ שָׂ֣םe טְעֵם֒f בֵּיתg ־אֱלָהָ֤א בִֽירוּשְׁלֶם֙h בַּיְתָ֣אi יִתְבְּנֵ֔אj אֲתַר֙k דִּֽי־דָבְחִ֣יןl דִּבְחִ֔יןm וְאֻשֹּׁ֖והִיn מְסֹֽובְלִ֑יןo רוּמֵהּ֙p אַמִּ֣יןq שִׁתִּ֔יןr פְּתָיֵ֖הּs אַמִּ֥יןt שִׁתִּֽיןu ׃

4 נִדְבָּכִ֞יןa דִּי־אֶ֤בֶןb גְּלָל֙c תְּלָתָ֔אd וְנִדְבָּ֖ךְe דִּי־אָ֣עf חֲדַ֑תg וְנִ֨פְקְתָ֔אh מִן־בֵּ֥יתi מַלְכָּ֖א תִּתְיְהִֽבj ׃

5 וְ֠אַףa מָאנֵ֣יb בֵיתc ־אֱלָהָא֮ דִּ֣י דַהֲבָ֣הd וְכַסְפָּא֒e דִּ֣י נְבֽוּכַדְנֶצַּ֗רf הַנְפֵּ֛קg מִן־הֵיכְלָ֥אh דִי־בִירוּשְׁלֶ֖םi וְהֵיבֵ֣לj לְבָבֶ֑לk יַהֲתִיב֗וּןl וִ֠יהָךְm לְהֵיכְלָ֤אn דִי־בִירֽוּשְׁלֶם֙o לְאַתְרֵ֔הּp וְתַחֵ֖תq בְּבֵ֥יתr אֱלָהָֽא׃ ס

6 כְּעַ֡ןa תַּ֠תְּנַיb פַּחַ֨תc עֲבַֽרd ־נַהֲרָ֜הe שְׁתַ֤ר בֹּוזְנַי֙f וּכְנָוָ֣תְהֹ֔וןg אֲפַרְסְכָיֵ֔אh דִּ֖י בַּעֲבַ֣רi נַהֲרָ֑הj רַחִיקִ֥יןk הֲוֹ֖וl מִן־תַּמָּֽהm ׃

7 שְׁבֻ֕קוּa לַעֲבִידַ֖תb בֵּיתc ־אֱלָהָ֣א דֵ֑ךְd פַּחַ֤תe יְהוּדָיֵא֙f וּלְשָׂבֵ֣יg יְהוּדָיֵ֔אh בֵּיתi ־אֱלָהָ֥א דֵ֖ךְj יִבְנֹ֥וןk עַל־אַתְרֵֽהּl ׃

8 וּמִנִּי֮ שִׂ֣יםa טְעֵם֒b לְמָ֣אc דִֽי־תַֽעַבְד֗וּןd עִםe ־שָׂבֵ֤יf יְהוּדָיֵא֙g אִלֵּ֔ךְh לְמִבְנֵ֖אi בֵּיתj ־אֱלָהָ֣א דֵ֑ךְk וּמִנִּכְסֵ֣יl מַלְכָּ֗א דִּ֚י מִדַּת֙m עֲבַ֣רn נַהֲרָ֔הo אָסְפַּ֗רְנָאp נִפְקְתָ֛אq תֶּהֱוֵ֧אr מִֽתְיַהֲבָ֛אs לְגֻבְרַיָּ֥אt אִלֵּ֖ךְu דִּי־לָ֥א לְבַטָּלָֽאv ׃

9 וּמָ֣הa חַשְׁחָ֡ןb וּבְנֵ֣יc תֹורִ֣יןd וְדִכְרִ֣יןe וְאִמְּרִ֣יןf ׀ לַעֲלָוָ֣ןg ׀ לֶאֱלָ֪הּ שְׁמַיָּ֟אh חִנְטִ֞יןi מְלַ֣חj ׀ חֲמַ֣רk וּמְשַׁ֗חl כְּמֵאמַ֨רm כָּהֲנַיָּ֤אn דִי־בִירֽוּשְׁלֶם֙o לֶהֱוֵ֨אp מִתְיְהֵ֥בq לְהֹ֛ם יֹ֥וםr ׀ בְּיֹ֖וםs דִּי־לָ֥א שָׁלֽוּt ׃

10 דִּֽי־לֶהֱוֹ֧ןa מְהַקְרְבִ֛יןb נִיחֹוחִ֖יןc לֶאֱלָ֣הּ שְׁמַיָּ֑אd וּמְצַלַּ֕יִןe לְחַיֵּ֥יf מַלְכָּ֖א וּבְנֹֽוהִיg ׃

11 וּמִנִּי֮ שִׂ֣יםa טְעֵם֒b דִּ֣י כָל־אֱנָ֗שׁc דִּ֤י יְהַשְׁנֵא֙d פִּתְגָמָ֣אe דְנָ֔ה יִתְנְסַ֥חf אָע֙g מִן־בַּיְתֵ֔הּh וּזְקִ֖יףi יִתְמְחֵ֣אj עֲלֹ֑הִי וּבַיְתֵ֛הּk נְוָל֥וּl יִתְעֲבֵ֖דm עַל־דְּנָֽה׃

12 וֵֽאלָהָ֞א דִּ֣י שַׁכִּ֧ןa שְׁמֵ֣הּb תַּמָּ֗הc יְמַגַּ֞רd כָּל־מֶ֤לֶךְ וְעַם֙e דִּ֣י׀ יִשְׁלַ֣חf יְדֵ֗הּg לְהַשְׁנָיָ֛הh לְחַבָּלָ֛הi בֵּיתj ־אֱלָהָ֥א דֵ֖ךְk דִּ֣י בִירוּשְׁלֶ֑םl אֲנָ֤הm דָרְיָ֨וֶשׁ֙n שָׂ֣מֶתo טְעֵ֔םp אָסְפַּ֖רְנָאq יִתְעֲבִֽדr ׃ פ

13 אֱ֠דַיִן תַּתְּנַ֞יa פַּחַ֧תb עֲבַֽרc ־נַהֲרָ֛הd שְׁתַ֥ר בֹּוזְנַ֖יe וּכְנָוָתְהֹ֑וןf לָקֳבֵ֗לg דִּֽי־שְׁלַ֞חh דָּרְיָ֧וֶשׁi מַלְכָּ֛א כְּנֵ֖מָאj אָסְפַּ֥רְנָאk עֲבַֽדוּl ׃

14 וְשָׂבֵ֤יa יְהוּדָיֵא֙b בָּנַ֣יִןc וּמַצְלְחִ֔יןd בִּנְבוּאַת֙e חַגַּ֣יf נביאהg וּזְכַרְיָ֖הh בַּרi ־עִדֹּ֑ואj וּבְנֹ֣וk וְשַׁכְלִ֗לוּl מִן־טַ֨עַם֙m אֱלָ֣הּ יִשְׂרָאֵ֔לn וּמִטְּעֵם֙o כֹּ֣ורֶשׁp וְדָרְיָ֔וֶשׁq וְאַרְתַּחְשַׁ֖שְׂתְּאr מֶ֥לֶךְ פָּרָֽסs ׃

15 וְשֵׁיצִיא֙a בַּיְתָ֣הb דְנָ֔ה עַ֛דc יֹ֥וםd תְּלָתָ֖הe לִירַ֣חf אֲדָ֑רg דִּי־הִ֣יאh שְׁנַתi ־שֵׁ֔תj לְמַלְכ֖וּת דָּרְיָ֥וֶשׁk מַלְכָּֽא׃ פ

16 וַעֲבַ֣דוּa בְנֵֽיb ־יִ֠שְׂרָאֵלc כָּהֲנַיָּ֨אd וְלֵוָיֵ֜אe וּשְׁאָ֣רf בְּנֵיg ־גָלוּתָ֗אh חֲנֻכַּ֛תi בֵּיתj ־אֱלָהָ֥א דְנָ֖ה בְּחֶדְוָֽהk ׃

17 וְהַקְרִ֗בוּa לַחֲנֻכַּת֮b בֵּיתc ־אֱלָהָ֣א דְנָה֒ תֹּורִ֣יןd מְאָ֔הe דִּכְרִ֣יןf מָאתַ֔יִןg אִמְּרִ֖יןh אַרְבַּ֣עi מְאָ֑הj וּצְפִירֵ֨יk עִזִּ֜יןl לחטיאm עַל־כָּל־יִשְׂרָאֵל֙n תְּרֵֽיo ־עֲשַׂ֔רp לְמִנְיָ֖ןq שִׁבְטֵ֥יr יִשְׂרָאֵֽלs ׃

18 וַהֲקִ֨ימוּa כָהֲנַיָּ֜אb בִּפְלֻגָּתְהֹ֗וןc וְלֵוָיֵא֙d בְּמַחְלְקָ֣תְהֹ֔וןe עַל־עֲבִידַ֥תf אֱלָהָ֖א דִּ֣י בִירוּשְׁלֶ֑םg כִּכְתָ֖בh סְפַ֥רi מֹשֶֽׁהj ׃ פ

19 וַיַּעֲשׂ֥וּa בְנֵי־הַגֹּולָ֖הb אֶת־הַפָּ֑סַחc בְּאַרְבָּעָ֥ה עָשָׂ֖ר לַחֹ֥דֶשׁ הָרִאשֹֽׁון׃

20 כִּ֣י הִֽטַּהֲר֞וּa הַכֹּהֲנִ֧ים וְהַלְוִיִּ֛ם כְּאֶחָ֖ד כֻּלָּ֣ם טְהֹורִ֑ים וַיִּשְׁחֲט֤וּb הַפֶּ֨סַח֙c לְכָל־בְּנֵ֣י הַגֹּולָ֔הd וְלַאֲחֵיהֶ֥ם הַכֹּהֲנִ֖ים וְלָהֶֽם׃

21 וַיֹּאכְל֣וּa בְנֵֽי־יִשְׂרָאֵ֗ל הַשָּׁבִים֙b מֵֽהַגֹּולָ֔הc וְכֹ֗ל הַנִּבְדָּ֛לd מִטֻּמְאַ֥תe גֹּויֵֽ־הָאָ֖רֶץ אֲלֵהֶ֑ם לִדְרֹ֕שׁf לַֽיהוָ֖ה אֱלֹהֵ֥י יִשְׂרָאֵֽל׃

22 וַיַּֽעֲשׂ֧וּa חַג־מַצֹּ֛ות שִׁבְעַ֥ת יָמִ֖ים בְּשִׂמְחָ֑ה כִּ֣י׀ שִׂמְּחָ֣םb יְהוָ֗ה וְֽהֵסֵ֞בc לֵ֤ב מֶֽלֶךְ־אַשּׁוּר֙ עֲלֵיהֶ֔ם לְחַזֵּ֣קd יְדֵיהֶ֔ם בִּמְלֶ֥אכֶת בֵּית־הָאֱלֹהִ֖ים אֱלֹהֵ֥י יִשְׂרָאֵֽל׃ פ

וְאַחַר֙ הַדְּבָרִ֣ים הָאֵ֔לֶּה בְּמַלְכ֖וּת אַרְתַּחְשַׁ֣סְתְּאa מֶֽלֶךְ־פָּרָ֑סb עֶזְרָא֙c בֶּן־שְׂרָיָ֔הd בֶּן־עֲזַרְיָ֖הe בֶּן־חִלְקִיָּֽהf ׃

2 בֶּן־שַׁלּ֥וּםa בֶּן־צָדֹ֖וק בֶּן־אֲחִיטֽוּבb ׃

3 בֶּן־אֲמַרְיָ֥הa בֶן־עֲזַרְיָ֖הb בֶּן־מְרָיֹֽותc ׃

4 בֶּן־זְרַֽחְיָ֥הa בֶן־עֻזִּ֖יb בֶּן־בֻּקִּֽיc ׃

5 בֶּן־אֲבִישׁ֗וּעַa בֶּן־פִּֽינְחָס֙b בֶּן־אֶלְעָזָ֔ר בֶּן־אַהֲרֹ֥ן הַכֹּהֵ֖ן הָרֹֽאשׁ׃

6 ה֤וּא עֶזְרָא֙a עָלָ֣הb מִבָּבֶ֔ל וְהֽוּא־סֹפֵ֤ר מָהִיר֙c בְּתֹורַ֣ת מֹשֶׁ֔ה אֲשֶׁר־נָתַ֥ןd יְהוָ֖ה אֱלֹהֵ֣י יִשְׂרָאֵ֑ל וַיִּתֶּןe ־לֹ֣ו הַמֶּ֗לֶךְ כְּיַד־יְהוָ֤ה אֱלֹהָיו֙ עָלָ֔יו כֹּ֖ל בַּקָּשָׁתֹֽוf ׃ פ

7 וַיַּֽעֲל֣וּa מִבְּנֵֽי־יִ֠שְׂרָאֵל וּמִן־הַכֹּהֲנִ֨ים וְהַלְוִיִּ֜ם וְהַמְשֹׁרְרִ֧ים וְהַשֹּׁעֲרִ֛יםb וְהַנְּתִינִ֖יםc אֶל־יְרוּשָׁלִָ֑ם בִּשְׁנַת־שֶׁ֖בַע לְאַרְתַּחְשַׁ֥סְתְּאd הַמֶּֽלֶךְ׃

8 וַיָּבֹ֥אa יְרוּשָׁלִַ֖ם בַּחֹ֣דֶשׁ הַחֲמִישִׁ֑יb הִ֛יא שְׁנַ֥ת הַשְּׁבִיעִ֖ית לַמֶּֽלֶךְ׃

9 כִּ֗י בְּאֶחָד֙ לַחֹ֣דֶשׁ הָרִאשֹׁ֔ון ה֣וּא יְסֻ֔דa הַֽמַּעֲלָ֖הb מִבָּבֶ֑ל וּבְאֶחָ֞ד לַחֹ֣דֶשׁ הַחֲמִישִׁ֗יc בָּ֚אd אֶל־יְר֣וּשָׁלִַ֔ם כְּיַד־אֱלֹהָ֖יו הַטֹּובָ֥ה עָלָֽיו׃

10 כִּ֤י עֶזְרָא֙a הֵכִ֣יןb לְבָבֹ֔ו לִדְרֹ֛ושׁc אֶת־תֹּורַ֥ת יְהוָ֖ה וְלַעֲשֹׂ֑תd וּלְלַמֵּ֥דe בְּיִשְׂרָאֵ֖ל חֹ֥ק וּמִשְׁפָּֽט׃ ס

11 וְזֶ֣ה׀ פַּרְשֶׁ֣גֶןa הַֽנִּשְׁתְּוָ֗ןb אֲשֶׁ֤ר נָתַן֙c הַמֶּ֣לֶךְ אַרְתַּחְשַׁ֔סְתְּאd לְעֶזְרָ֥אe הַכֹּהֵ֖ן הַסֹּפֵ֑ר סֹפֵ֞ר דִּבְרֵ֧י מִצְוֹת־יְהוָ֛ה וְחֻקָּ֖יו עַל־יִשְׂרָאֵֽל׃ פ

12 אַ֨רְתַּחְשַׁ֔סְתְּאa מֶ֖לֶךְ מַלְכַיָּ֑א לְעֶזְרָ֣אb כָ֠הֲנָאc סָפַ֨רd דָּתָ֜אe דִּֽי־אֱלָ֧הּ שְׁמַיָּ֛אf גְּמִ֖ירg וּכְעֶֽנֶתh ׃

13 מִנִּי֮ שִׂ֣יםa טְעֵם֒b דִּ֣י כָל־מִתְנַדַּ֣בc בְּמַלְכוּתִי֩ מִן־עַמָּ֨הd יִשְׂרָאֵ֜לe וְכָהֲנֹ֣והִיf וְלֵוָיֵ֗אg לִמְהָ֧ךְh לִֽירוּשְׁלֶ֛םi עִמָּ֖ךְj יְהָֽךְk ׃

14 כָּל־קֳבֵ֗לa דִּי֩ מִן־קֳדָ֨םb מַלְכָּ֜א וְשִׁבְעַ֤תc יָעֲטֹ֨הִי֙d שְׁלִ֔יחַe לְבַקָּרָ֥אf עַל־יְה֖וּדg וְלִֽירוּשְׁלֶ֑םh בְּדָ֥תi אֱלָהָ֖ךְ דִּ֥י בִידָֽךְj ׃

15 וּלְהֵיבָלָ֖הa כְּסַ֣ףb וּדְהַ֑בc דִּֽי־מַלְכָּ֣א וְיָעֲטֹ֗והִיd הִתְנַדַּ֨בוּ֙e לֶאֱלָ֣הּ יִשְׂרָאֵ֔לf דִּ֥י בִֽירוּשְׁלֶ֖םg מִשְׁכְּנֵֽהּh ׃

16 וְכֹל֙ כְּסַ֣ףa וּדְהַ֔בb דִּ֣י תְהַשְׁכַּ֔חc בְּכֹ֖ל מְדִינַ֣תd בָּבֶ֑לe עִם֩f הִתְנַדָּב֨וּתg עַמָּ֤אh וְכָֽהֲנַיָּא֙i מִֽתְנַדְּבִ֔יןj לְבֵ֥יתk אֱלָהֲהֹ֖ם דִּ֥י בִירוּשְׁלֶֽםl ׃

17 כָּל־קֳבֵ֣לa דְּנָה֩ אָסְפַּ֨רְנָאb תִקְנֵ֜אc בְּכַסְפָּ֣אd דְנָ֗ה תֹּורִ֤יןe ׀ דִּכְרִין֙f אִמְּרִ֔יןg וּמִנְחָתְהֹ֖וןh וְנִסְכֵּיהֹ֑וןi וּתְקָרֵ֣בj הִמֹּ֔וk עַֽל־מַדְבְּחָ֔הl דִּ֛י בֵּ֥יתm אֱלָהֲכֹ֖ם דִּ֥י בִירוּשְׁלֶֽםn ׃

18 וּמָ֣הa דִי֩ עליךb וְעַל־אחיךc יֵיטַ֗בd בִּשְׁאָ֛רe כַּסְפָּ֥אf וְדַהֲבָ֖הg לְמֶעְבַּ֑דh כִּרְע֥וּתi אֱלָהֲכֹ֖ם תַּעַבְדֽוּןj ׃

19 וּמָֽאנַיָּא֙a דִּֽי־מִתְיַהֲבִ֣יןb לָ֔ךְ לְפָלְחָ֖ןc בֵּ֣יתd אֱלָהָ֑ךְ הַשְׁלֵ֕םe קֳדָ֖םf אֱלָ֥הּ יְרוּשְׁלֶֽםg ׃

20 וּשְׁאָ֗רa חַשְׁחוּת֙b בֵּ֣יתc אֱלָהָ֔ךְ דִּ֥י יִפֶּלd ־לָ֖ךְ לְמִנְתַּ֑ןe תִּנְתֵּ֕ןf מִן־בֵּ֖יתg גִּנְזֵ֥יh מַלְכָּֽא׃

21 וּ֠מִנִּי אֲנָ֞הa אַרְתַּחְשַׁ֤סְתְּאb מַלְכָּא֙ שִׂ֣יםc טְעֵ֔םd לְכֹל֙ גִּזַּֽבְרַיָּ֔אe דִּ֖י בַּעֲבַ֣רf נַהֲרָ֑הg דִּ֣י כָל־דִּ֣י יִ֠שְׁאֲלֶנְכֹוןh עֶזְרָ֨אi כָהֲנָ֜הj סָפַ֤רk דָּתָא֙l דִּֽי־אֱלָ֣הּ שְׁמַיָּ֔אm אָסְפַּ֖רְנָאn יִתְעֲבִֽדo ׃

22 עַדa ־כְּסַף֮b כַּכְּרִ֣יןc מְאָה֒d וְעַדe ־חִנְטִין֙f כֹּרִ֣יןg מְאָ֔הh וְעַדi ־חֲמַר֙j בַּתִּ֣יןk מְאָ֔הl וְעַדm ־בַּתִּ֥יןn מְשַׁ֖חo מְאָ֑הp וּמְלַ֖חq דִּי־לָ֥א כְתָֽבr ׃

23 כָּל־דִּ֗י מִן־טַ֨עַם֙a אֱלָ֣הּ שְׁמַיָּ֔אb יִתְעֲבֵד֙c אַדְרַזְדָּ֔אd לְבֵ֖יתe אֱלָ֣הּ שְׁמַיָּ֑אf דִּֽי־לְמָ֤הg לֶֽהֱוֵא֙h קְצַ֔ףi עַל־מַלְכ֥וּת מַלְכָּ֖א וּבְנֹֽוהִיj ׃

24 וּלְכֹ֣ם מְהֹודְעִ֗יןa דִּ֣י כָל־כָּהֲנַיָּ֣אb וְ֠לֵוָיֵאc זַמָּ֨רַיָּ֤אd תָרָֽעַיָּא֙e נְתִ֣ינַיָּ֔אf וּפָ֣לְחֵ֔יg בֵּ֖יתh אֱלָהָ֣א דְנָ֑ה מִנְדָּ֤הi בְלֹו֙j וַהֲלָ֔ךְk לָ֥א שַׁלִּ֖יטl לְמִרְמֵ֥אm עֲלֵיהֹֽם׃

25 וְאַ֣נְתְּa עֶזְרָ֗אb כְּחָכְמַ֨תc אֱלָהָ֤ךְ דִּֽי־בִידָךְ֙d מֶ֣נִּיe שָׁפְטִ֞יןf וְדַיָּנִ֗יןg דִּי־לֶהֱוֹ֤ןh דאניןi לְכָל־עַמָּה֙j דִּ֚י בַּעֲבַ֣רk נַהֲרָ֔הl לְכָל־יָדְעֵ֖יm דָּתֵ֣יn אֱלָהָ֑ךְ וְדִ֧י לָ֦א יָדַ֖עo תְּהֹודְעֽוּןp ׃

26 וְכָל־דִּי־לָא֩ לֶהֱוֵ֨אa עָבֵ֜דb דָּתָ֣אc דִֽי־אֱלָהָ֗ךְ וְדָתָא֙d דִּ֣י מַלְכָּ֔א אָסְפַּ֕רְנָאe דִּינָ֕הf לֶהֱוֵ֥אg מִתְעֲבֵ֖דh מִנֵּ֑הּ הֵ֤ןi לְמֹות֙j הֵ֣ןk לשׁרשׁוl הֵןm ־לַעֲנָ֥שׁn נִכְסִ֖יןo וְלֶאֱסוּרִֽיןp ׃ פ

27 בָּר֥וּךְa יְהוָ֖ה אֱלֹהֵ֣י אֲבֹותֵ֑ינוּ אֲשֶׁ֨ר נָתַ֤ןb כָּזֹאת֙ בְּלֵ֣ב הַמֶּ֔לֶךְ לְפָאֵ֕רc אֶת־בֵּ֥ית יְהוָ֖ה אֲשֶׁ֥ר בִּירוּשָׁלִָֽם׃

28 וְעָלַ֣י הִטָּהa ־חֶ֗סֶד לִפְנֵ֤י הַמֶּ֨לֶךְ֙ וְיֹֽועֲצָ֔יו וּלְכָל־שָׂרֵ֥י הַמֶּ֖לֶךְ הַגִּבֹּרִ֑ים וַאֲנִ֣י הִתְחַזַּ֗קְתִּיb כְּיַד־יְהוָ֤ה אֱלֹהַי֙ עָלַ֔י וָאֶקְבְּצָ֧הc מִיִּשְׂרָאֵ֛ל רָאשִׁ֖ים לַעֲלֹ֥ותd עִמִּֽי׃ פ

וְאֵ֛לֶּה רָאשֵׁ֥י אֲבֹתֵיהֶ֖ם וְהִתְיַחְשָׂ֑םa הָעֹלִ֣יםb עִמִּ֗י בְּמַלְכ֛וּת אַרְתַּחְשַׁ֥סְתְּאc הַמֶּ֖לֶךְ מִבָּבֶֽל׃ ס

2 מִבְּנֵ֤י פִֽינְחָס֙a גֵּֽרְשֹׁ֔םb ס מִבְּנֵ֥י אִיתָמָ֖רc דָּנִיֵּ֑אלd ס מִבְּנֵ֥י דָוִ֖יד חַטּֽוּשׁe ׃ ס

3 מִבְּנֵ֣י שְׁכַנְיָ֔הa ס מִבְּנֵ֥י פַרְעֹ֖שׁb זְכַרְיָ֑הc וְעִמֹּ֛ו הִתְיַחֵ֥שׂd לִזְכָרִ֖ים מֵאָ֥ה וַחֲמִשִּֽׁים׃ ס

4 מִבְּנֵי֙ פַּחַ֣ת מֹואָ֔בa אֶלְיְהֹֽועֵינַ֖יb בֶּן־זְרַֽחְיָ֑הc וְעִמֹּ֖ו מָאתַ֥יִם הַזְּכָרִֽים׃ ס

5 מִבְּנֵ֥י שְׁכַנְיָ֖הa בֶּן־יַחֲזִיאֵ֑לb וְעִמֹּ֕ו שְׁלֹ֥שׁ מֵאֹ֖ות הַזְּכָרִֽים׃ ס

6 וּמִבְּנֵ֣י עָדִ֔יןa עֶ֖בֶדb בֶּן־יֹונָתָ֑ןc וְעִמֹּ֖ו חֲמִשִּׁ֥ים הַזְּכָרִֽים׃ ס

7 וּמִבְּנֵ֣י עֵילָ֔םa יְשַֽׁעְיָ֖הb בֶּן־עֲתַלְיָ֑הc וְעִמֹּ֖ו שִׁבְעִ֥ים הַזְּכָרִֽים׃ ס

8 וּמִבְּנֵ֣י שְׁפַטְיָ֔הa זְבַדְיָ֖הb בֶּן־מִֽיכָאֵ֑לc וְעִמֹּ֖ו שְׁמֹנִ֥ים הַזְּכָרִֽים׃ ס

9 מִבְּנֵ֣י יֹואָ֔ב עֹבַדְיָ֖הa בֶּן־יְחִיאֵ֑לb וְעִמֹּ֕ו מָאתַ֛יִם וּשְׁמֹנָ֥ה עָשָׂ֖ר הַזְּכָרִֽים׃ ס

10 וּמִבְּנֵ֥י שְׁלֹומִ֖יתa בֶּן־יֹוסִפְיָ֑הb וְעִמֹּ֕ו מֵאָ֥ה וְשִׁשִּׁ֖ים הַזְּכָרִֽים׃ ס

11 וּמִבְּנֵ֣י בֵבַ֔יa זְכַרְיָ֖הb בֶּן־בֵּבָ֑יc וְעִמֹּ֕ו עֶשְׂרִ֥ים וּשְׁמֹנָ֖ה הַזְּכָרִֽים׃ ס

12 וּמִבְּנֵ֣י עַזְגָּ֔דa יֹוחָנָ֖ןb בֶּן־הַקָּטָ֑ןc וְעִמֹּ֕ו מֵאָ֥ה וַעֲשָׂרָ֖ה הַזְּכָרִֽים׃ ס

13 וּמִבְּנֵ֣י אֲדֹנִיקָם֮a אַחֲרֹנִים֒ וְאֵ֣לֶּה שְׁמֹותָ֔ם אֱלִיפֶ֖לֶטb יְעִיאֵ֣לc וּֽשְׁמַעְיָ֑הd וְעִמָּהֶ֖ם שִׁשִּׁ֥ים הַזְּכָרִֽים׃ ס

14 וּמִבְּנֵ֥י בִגְוַ֖יa עוּתַ֣יb וזבודc וְעִמֹּ֖ו שִׁבְעִ֥ים הַזְּכָרִֽים׃ פ

15 וָֽאֶקְבְּצֵ֗םa אֶל־הַנָּהָר֙ הַבָּ֣אb אֶֽל־אַהֲוָ֔אc וַנַּחֲנֶ֥הd שָׁ֖ם יָמִ֣ים שְׁלֹשָׁ֑ה וָאָבִ֤ינָהe בָעָם֙ וּבַכֹּ֣הֲנִ֔ים וּמִבְּנֵ֥י לֵוִ֖י לֹא־מָצָ֥אתִיf שָֽׁם׃

16 וָאֶשְׁלְחָ֡הa לֶאֱלִיעֶ֡זֶרb לַאֲרִיאֵ֡לc לִֽ֠שְׁמַעְיָהd וּלְאֶלְנָתָ֨ןe וּלְיָרִ֜יבf וּלְאֶלְנָתָ֧ןg וּלְנָתָ֛ןh וְלִזְכַרְיָ֥הi וְלִמְשֻׁלָּ֖םj רָאשִׁ֑ים וּלְיֹויָרִ֥יבk וּלְאֶלְנָתָ֖ןl מְבִינִֽים׃

17 ואוצאהa אֹותָם֙ עַל־אִדֹּ֣וb הָרֹ֔אשׁ בְּכָסִפְיָ֖אc הַמָּקֹ֑ום וָאָשִׂימָה֩d בְּפִיהֶ֨ם דְּבָרִ֜ים לְ֠דַבֵּרe אֶל־אִדֹּ֨וf אָחִ֤יו הנתוניםg בְּכָסִפְיָ֣אh הַמָּקֹ֔ום לְהָֽבִיאi ־לָ֥נוּ מְשָׁרְתִ֖ים לְבֵ֥ית אֱלֹהֵֽינוּ׃

18 וַיָּבִ֨יאּוּa לָ֜נוּ כְּיַד־אֱלֹהֵ֨ינוּ הַטֹּובָ֤ה עָלֵ֨ינוּ֙ אִ֣ישׁ שֶׂ֔כֶלb מִבְּנֵ֣י מַחְלִ֔יc בֶּן־לֵוִ֖י בֶּן־יִשְׂרָאֵ֑ל וְשֵׁרֵֽבְיָ֛הd וּבָנָ֥יו וְאֶחָ֖יו שְׁמֹנָ֥ה עָשָֽׂר׃

19 וְאֶת־חֲשַׁבְיָ֔הa וְאִתֹּ֥ו יְשַֽׁעְיָ֖הb מִבְּנֵ֣י מְרָרִ֑יc אֶחָ֥יו וּבְנֵיהֶ֖ם עֶשְׂרִֽים׃ ס

20 וּמִן־הַנְּתִינִ֗יםa שֶׁנָּתַ֨ןb דָּוִ֤יד וְהַשָּׂרִים֙ לַעֲבֹדַ֣ת הַלְוִיִּ֔ם נְתִינִ֖יםc מָאתַ֣יִם וְעֶשְׂרִ֑ים כֻּלָּ֖ם נִקְּב֥וּd בְשֵׁמֹֽות׃

21 וָאֶקְרָ֨אa שָׁ֥ם צֹום֙b עַל־הַנָּהָ֣ר אַהֲוָ֔אc לְהִתְעַנֹּ֖ותd לִפְנֵ֣י אֱלֹהֵ֑ינוּ לְבַקֵּ֤שׁe מִמֶּ֨נּוּ֙ דֶּ֣רֶךְ יְשָׁרָ֔ה לָ֥נוּ וּלְטַפֵּ֖נוּf וּלְכָל־רְכוּשֵֽׁנוּg ׃

22 כִּ֣י בֹ֗שְׁתִּיa לִשְׁאֹ֤ולb מִן־הַמֶּ֨לֶךְ֙ חַ֣יִל וּפָרָשִׁ֔ים לְעָזְרֵ֥נוּc מֵאֹויֵ֖ב בַּדָּ֑רֶךְ כִּֽי־אָמַ֨רְנוּd לַמֶּ֜לֶךְ לֵאמֹ֗רe יַד־אֱלֹהֵ֤ינוּ עַל־כָּל־מְבַקְשָׁיו֙ לְטֹובָ֔ה וְעֻזֹּ֣ו וְאַפֹּ֔ו עַ֖ל כָּל־עֹזְבָֽיו׃

23 וַנָּצ֛וּמָהa וַנְּבַקְשָׁ֥הb מֵאֱלֹהֵ֖ינוּ עַל־זֹ֑את וַיֵּעָתֵ֖רc לָֽנוּ׃

24 וָאַבְדִּ֛ילָהa מִשָּׂרֵ֥י הַכֹּהֲנִ֖ים שְׁנֵ֣ים עָשָׂ֑ר לְשֵׁרֵֽבְיָ֣הb חֲשַׁבְיָ֔הc וְעִמָּהֶ֥ם מֵאֲחֵיהֶ֖ם עֲשָׂרָֽה׃

25 ואשׁקולהa לָהֶ֔ם אֶת־הַכֶּ֥סֶף וְאֶת־הַזָּהָ֖ב וְאֶת־הַכֵּלִ֑ים תְּרוּמַ֣ת בֵּית־אֱלֹהֵ֗ינוּ הַהֵרִ֨ימוּ֙b הַמֶּ֨לֶךְ֙ וְיֹעֲצָ֣יו וְשָׂרָ֔יו וְכָל־יִשְׂרָאֵ֖ל הַנִּמְצָאִֽיםc ׃

26 וָאֶשְׁקֲלָ֨הa עַל־יָדָ֜ם כֶּ֗סֶף כִּכָּרִים֙ שֵֽׁשׁ־מֵאֹ֣ות וַחֲמִשִּׁ֔ים וּכְלֵי־כֶ֥סֶף מֵאָ֖ה לְכִכָּרִ֑ים זָהָ֖ב מֵאָ֥ה כִכָּֽר׃

27 וּכְפֹרֵ֤יa זָהָב֙ עֶשְׂרִ֔ים לַאֲדַרְכֹנִ֖יםb אָ֑לֶף וּכְלֵ֨י נְחֹ֜שֶׁת מֻצְהָ֤בc טֹובָה֙ שְׁנַ֔יִם חֲמוּדֹ֖תd כַּזָּהָֽב׃

28 וָאֹמְרָ֣הa אֲלֵהֶ֗ם אַתֶּ֥ם קֹ֨דֶשׁ֙ לַיהוָ֔ה וְהַכֵּלִ֖ים קֹ֑דֶשׁ וְהַכֶּ֤סֶף וְהַזָּהָב֙ נְדָבָ֔הb לַיהוָ֖ה אֱלֹהֵ֥י אֲבֹתֵיכֶֽם׃

29 שִׁקְד֣וּa וְשִׁמְר֗וּb עַֽד־תִּשְׁקְל֡וּc לִפְנֵי֩ שָׂרֵ֨י הַכֹּהֲנִ֧ים וְהַלְוִיִּ֛ם וְשָׂרֵֽי־הָאָבֹ֥ות לְיִשְׂרָאֵ֖ל בִּירוּשָׁלִָ֑ם הַלִּשְׁכֹ֖ותd בֵּ֥ית יְהוָֽה׃

30 וְקִבְּלוּ֙a הַכֹּהֲנִ֣ים וְהַלְוִיִּ֔ם מִשְׁקַ֛לb הַכֶּ֥סֶף וְהַזָּהָ֖ב וְהַכֵּלִ֑ים לְהָבִ֥יאc לִירוּשָׁלִַ֖ם לְבֵ֥ית אֱלֹהֵֽינוּ׃ פ

31 וַֽנִּסְעָ֞הa מִנְּהַ֣ר אַֽהֲוָ֗אb בִּשְׁנֵ֤ים עָשָׂר֙ לַחֹ֣דֶשׁ הָרִאשֹׁ֔ון לָלֶ֖כֶתc יְרוּשָׁלִָ֑ם וְיַד־אֱלֹהֵ֨ינוּ֙ הָיְתָ֣הd עָלֵ֔ינוּ וַיַּ֨צִּילֵ֔נוּe מִכַּ֥ף אֹויֵ֛ב וְאֹורֵ֖בf עַל־הַדָּֽרֶךְ׃

32 וַנָּבֹ֖ואa יְרוּשָׁלִָ֑ם וַנֵּ֥שֶׁבb שָׁ֖ם יָמִ֥ים שְׁלֹשָֽׁה׃

33 וּבַיֹּ֣ום הָרְבִיעִ֡י נִשְׁקַ֣לa הַכֶּסֶף֩ וְהַזָּהָ֨ב וְהַכֵּלִ֜ים בְּבֵ֣ית אֱלֹהֵ֗ינוּ עַ֠ל יַד־מְרֵמֹ֤ותb בֶּן־אֽוּרִיָּה֙c הַכֹּהֵ֔ן וְעִמֹּ֖ו אֶלְעָזָ֣ר בֶּן־פִּֽינְחָ֑סd וְעִמָּהֶ֞ם יֹוזָבָ֧דe בֶּן־יֵשׁ֛וּעַf וְנֹֽועַדְיָ֥הg בֶן־בִּנּ֖וּיh הַלְוִיִּֽם׃

34 בְּמִסְפָּ֥ר בְּמִשְׁקָ֖לa לַכֹּ֑ל וַיִּכָּתֵ֥בb כָּֽל־הַמִּשְׁקָ֖לc בָּעֵ֥ת הַהִֽיא׃ פ

35 הַ֠בָּאִיםa מֵֽהַשְּׁבִ֨יb בְנֵֽי־הַגֹּולָ֜הc הִקְרִ֥יבוּd עֹלֹ֣ות׀ לֵאלֹהֵ֣י יִשְׂרָאֵ֗ל פָּרִ֨ים שְׁנֵים־עָשָׂ֤ר עַל־כָּל־יִשְׂרָאֵל֙ אֵילִ֣ים׀ תִּשְׁעִ֣ים וְשִׁשָּׁ֗ה כְּבָשִׂים֙ שִׁבְעִ֣ים וְשִׁבְעָ֔ה צְפִירֵ֥יe חַטָּ֖את שְׁנֵ֣ים עָשָׂ֑ר הַכֹּ֖ל עֹולָ֥ה לַיהוָֽה׃ פ

36 וַֽיִּתְּנ֣וּa ׀ אֶת־דָּתֵ֣יb הַמֶּ֗לֶךְ לַאֲחַשְׁדַּרְפְּנֵי֙c הַמֶּ֔לֶךְ וּפַחֲוֹ֖ותd עֵ֣בֶר הַנָּהָ֑ר וְנִשְּׂא֥וּe אֶת־הָעָ֖ם וְאֶת־בֵּֽית־הָאֱלֹהִֽים׃ ס

וּכְכַלֹּ֣ותa אֵ֗לֶּה נִגְּשׁ֨וּb אֵלַ֤י הַשָּׂרִים֙ לֵאמֹ֔רc לֹֽא־נִבְדְּל֞וּd הָעָ֤ם יִשְׂרָאֵל֙ וְהַכֹּהֲנִ֣ים וְהַלְוִיִּ֔ם מֵעַמֵּ֖י הָאֲרָצֹ֑ות כְּ֠תֹועֲבֹֽתֵיהֶם לַכְּנַעֲנִ֨י הַחִתִּ֜יe הַפְּרִזִּ֣יf הַיְבוּסִ֗יg הָֽעַמֹּנִי֙h הַמֹּ֣אָבִ֔יi הַמִּצְרִ֖יj וְהָאֱמֹרִֽי׃

2 כִּֽי־נָשְׂא֣וּa מִבְּנֹֽתֵיהֶ֗ם לָהֶם֙ וְלִבְנֵיהֶ֔ם וְהִתְעָֽרְבוּ֙b זֶ֣רַע הַקֹּ֔דֶשׁ בְּעַמֵּ֖י הָאֲרָצֹ֑ות וְיַ֧ד הַשָּׂרִ֣ים וְהַסְּגָנִ֗יםc הָֽיְתָ֛הd בַּמַּ֥עַלe הַזֶּ֖ה רִאשֹׁונָֽה׃ ס

3 וּכְשָׁמְעִי֙a אֶת־הַדָּבָ֣ר הַזֶּ֔ה קָרַ֥עְתִּיb אֶת־בִּגְדִ֖י וּמְעִילִ֑יc וָאֶמְרְטָ֞הd מִשְּׂעַ֤רe רֹאשִׁי֙ וּזְקָנִ֔יf וָאֵשְׁבָ֖הg מְשֹׁומֵֽם׃

4 וְאֵלַ֣י יֵאָסְפ֗וּa כֹּ֤ל חָרֵד֙b בְּדִבְרֵ֣י אֱלֹהֵֽי־יִשְׂרָאֵ֔ל עַ֖ל מַ֣עַלc הַגֹּולָ֑הd וַאֲנִי֙ יֹשֵׁ֣בe מְשֹׁומֵ֔ם עַ֖ד לְמִנְחַ֥ת הָעָֽרֶב׃

5 וּבְמִנְחַ֣ת הָעֶ֗רֶב קַ֚מְתִּיa מִתַּֽעֲנִיתִ֔יb וּבְקָרְעִ֥יc בִגְדִ֖י וּמְעִילִ֑יd וָֽאֶכְרְעָה֙e עַל־בִּרְכַּ֔יf וָאֶפְרְשָׂ֥הg כַפַּ֖י אֶל־יְהוָ֥ה אֱלֹהָֽי׃

6 וָאֹמְרָ֗הa אֱלֹהַי֙ בֹּ֣שְׁתִּיb וְנִכְלַ֔מְתִּיc לְהָרִ֧יםd אֱלֹהַ֛י פָּנַ֖י אֵלֶ֑יךָ כִּ֣י עֲוֹנֹתֵ֤ינוּ רָבוּ֙e לְמַ֣עְלָה רֹּ֔אשׁ וְאַשְׁמָתֵ֥נוּf גָדְלָ֖הg עַ֥ד לַשָּׁמָֽיִם׃

7 מִימֵ֣י אֲבֹתֵ֗ינוּ אֲנַ֨חְנוּ֙ בְּאַשְׁמָ֣הa גְדֹלָ֔ה עַ֖ד הַיֹּ֣ום הַזֶּ֑ה וּבַעֲוֹנֹתֵ֡ינוּ נִתַּ֡נּוּb אֲנַחְנוּ֩ מְלָכֵ֨ינוּ כֹהֲנֵ֜ינוּ בְּיַ֣ד׀ מַלְכֵ֣י הָאֲרָצֹ֗ות בַּחֶ֜רֶב בַּשְּׁבִ֧יc וּבַבִּזָּ֛הd וּבְבֹ֥שֶׁתe פָּנִ֖ים כְּהַיֹּ֥ום הַזֶּֽה׃

8 וְעַתָּ֡ה כִּמְעַט־רֶגַע֩a הָיְתָ֨הb תְחִנָּ֜הc מֵאֵ֣ת׀ יְהוָ֣ה אֱלֹהֵ֗ינוּ לְהַשְׁאִ֥ירd לָ֨נוּ֙ פְּלֵיטָ֔הe וְלָתֶתf ־לָ֥נוּ יָתֵ֖דg בִּמְקֹ֣ום קָדְשֹׁ֑ו לְהָאִ֤ירh עֵינֵ֨ינוּ֙ אֱלֹהֵ֔ינוּ וּלְתִתֵּ֛נוּi מִֽחְיָ֥הj מְעַ֖ט בְּעַבְדֻתֵֽנוּk ׃

9 כִּֽי־עֲבָדִ֣ים אֲנַ֔חְנוּ וּבְעַבְדֻתֵ֔נוּa לֹ֥א עֲזָבָ֖נוּb אֱלֹהֵ֑ינוּ וַֽיַּטc ־עָלֵ֣ינוּ חֶ֡סֶד לִפְנֵי֩ מַלְכֵ֨י פָרַ֜סd לָֽתֶתe ־לָ֣נוּ מִֽחְיָ֗הf לְרֹומֵ֞םg אֶת־בֵּ֤ית אֱלֹהֵ֨ינוּ֙ וּלְהַעֲמִ֣ידh אֶת־חָרְבֹתָ֔יוi וְלָֽתֶתj ־לָ֣נוּ גָדֵ֔רk בִּֽיהוּדָ֖ה וּבִירוּשָׁלִָֽם׃ ס

10 וְעַתָּ֛ה מַה־נֹּאמַ֥רa אֱלֹהֵ֖ינוּ אַֽחֲרֵי־זֹ֑את כִּ֥י עָזַ֖בְנוּb מִצְוֹתֶֽיךָ׃

11 אֲשֶׁ֣ר צִוִּ֗יתָa בְּיַ֨ד עֲבָדֶ֣יךָ הַנְּבִיאִים֮ לֵאמֹר֒b הָאָ֗רֶץ אֲשֶׁ֨ר אַתֶּ֤ם בָּאִים֙c לְרִשְׁתָּ֔הּd אֶ֤רֶץ נִדָּה֙e הִ֔יא בְּנִדַּ֖תf עַמֵּ֣י הָאֲרָצֹ֑ות בְּתֹועֲבֹֽתֵיהֶ֗ם אֲשֶׁ֥ר מִלְא֛וּהָg מִפֶּ֥ה אֶל־פֶּ֖ה בְּטֻמְאָתָֽםh ׃

12 וְ֠עַתָּה בְּֽנֹותֵיכֶ֞ם אַל־תִּתְּנ֣וּa לִבְנֵיהֶ֗ם וּבְנֹֽתֵיהֶם֙ אַל־תִּשְׂא֣וּb לִבְנֵיכֶ֔ם וְלֹֽא־תִדְרְשׁ֧וּc שְׁלֹמָ֛ם וְטֹובָתָ֖ם עַד־עֹולָ֑ם לְמַ֣עַן תֶּחֶזְק֗וּd וַאֲכַלְתֶּם֙e אֶת־ט֣וּבf הָאָ֔רֶץ וְהֹורַשְׁתֶּ֥םg לִבְנֵיכֶ֖ם עַד־עֹולָֽם׃

13 וְאַֽחֲרֵי֙ כָּל־הַבָּ֣אa עָלֵ֔ינוּ בְּמַעֲשֵׂ֨ינוּ֙ הָרָעִ֔ים וּבְאַשְׁמָתֵ֖נוּb הַגְּדֹלָ֑ה כִּ֣י׀ אַתָּ֣ה אֱלֹהֵ֗ינוּ חָשַׂ֤כְתָּֽc לְמַ֨טָּה֙d מֵֽעֲוֹנֵ֔נוּ וְנָתַ֥תָּהe לָּ֛נוּ פְּלֵיטָ֖הf כָּזֹֽאת׃

14 הֲנָשׁוּב֙a לְהָפֵ֣רb מִצְוֹתֶ֔יךָ וּ֨לְהִתְחַתֵּ֔ןc בְּעַמֵּ֥י הַתֹּעֵבֹ֖ות הָאֵ֑לֶּה הֲלֹ֤וא תֶֽאֱנַףd ־בָּ֨נוּ֙ עַד־כַּלֵּ֔הe לְאֵ֥ין שְׁאֵרִ֖ית וּפְלֵיטָֽהf ׃ פ

15 יְהוָ֞ה אֱלֹהֵ֤י יִשְׂרָאֵל֙ צַדִּ֣יק אַ֔תָּה כִּֽי־נִשְׁאַ֥רְנוּa פְלֵיטָ֖הb כְּהַיֹּ֣ום הַזֶּ֑ה הִנְנ֤וּ לְפָנֶ֨יךָ֙ בְּאַשְׁמָתֵ֔ינוּc כִּ֣י אֵ֥ין לַעֲמֹ֛ודd לְפָנֶ֖יךָ עַל־זֹֽאת׃ פ

וּכְהִתְפַּלֵּ֤לa עֶזְרָא֙b וּכְ֨הִתְוַדֹּתֹ֔וc בֹּכֶה֙d וּמִתְנַפֵּ֔לe לִפְנֵ֖י בֵּ֣ית הָאֱלֹהִ֑ים נִקְבְּצוּ֩f אֵלָ֨יו מִיִּשְׂרָאֵ֜ל קָהָ֣ל רַב־מְאֹ֗ד אֲנָשִׁ֤ים וְנָשִׁים֙ וִֽילָדִ֔ים כִּֽי־בָכ֥וּg הָעָ֖ם הַרְבֵּה־בֶֽכֶהh ׃ ס

2 וַיַּעַן֩a שְׁכַנְיָ֨הb בֶן־יְחִיאֵ֜לc מִבְּנֵ֤י עולםd וַיֹּ֣אמֶרe לְעֶזְרָ֔אf אֲנַ֨חְנוּ֙ מָעַ֣לְנוּg בֵאלֹהֵ֔ינוּ וַנֹּ֛שֶׁבh נָשִׁ֥ים נָכְרִיֹּ֖ותi מֵעַמֵּ֣י הָאָ֑רֶץ וְעַתָּ֛ה יֵשׁ־מִקְוֶ֥הj לְיִשְׂרָאֵ֖ל עַל־זֹֽאת׃

3 וְעַתָּ֣ה נִֽכְרָתa ־בְּרִ֣ית לֵ֠אלֹהֵינוּ לְהֹוצִ֨יאb כָל־נָשִׁ֜ים וְהַנֹּולָ֤דc מֵהֶם֙ בַּעֲצַ֣ת אֲדֹנָ֔י וְהַחֲרֵדִ֖יםd בְּמִצְוַ֣ת אֱלֹהֵ֑ינוּ וְכַתֹּורָ֖ה יֵעָשֶֽׂהe ׃

4 ק֛וּםa כִּֽי־עָלֶ֥יךָ הַדָּבָ֖ר וַאֲנַ֣חְנוּ עִמָּ֑ךְ חֲזַ֖קb וַעֲשֵֽׂהc ׃ פ

5 וַיָּ֣קָםa עֶזְרָ֡אb וַיַּשְׁבַּ֣עc אֶת־שָׂרֵי֩ הַכֹּהֲנִ֨ים הַלְוִיִּ֜ם וְכָל־יִשְׂרָאֵ֗ל לַעֲשֹׂ֛ותd כַּדָּבָ֥ר הַזֶּ֖ה וַיִּשָּׁבֵֽעוּe ׃

6 וַיָּ֣קָםa עֶזְרָ֗אb מִלִּפְנֵי֙ בֵּ֣ית הָֽאֱלֹהִ֔ים וַיֵּ֕לֶךְc אֶל־לִשְׁכַּ֖תd יְהֹוחָנָ֣ןe בֶּן־אֶלְיָשִׁ֑יבf וַיֵּ֣לֶךְg שָׁ֗ם לֶ֤חֶם לֹֽא־אָכַל֙h וּמַ֣יִם לֹֽא־שָׁתָ֔הi כִּ֥י מִתְאַבֵּ֖לj עַל־מַ֥עַלk הַגֹּולָֽהl ׃ ס

7 וַיַּעֲבִ֨ירוּa קֹ֜ול בִּיהוּדָ֣ה וִירֽוּשָׁלִַ֗ם לְכֹל֙ בְּנֵ֣י הַגֹּולָ֔הb לְהִקָּבֵ֖ץc יְרוּשָׁלִָֽם׃

8 וְכֹל֩ אֲשֶׁ֨ר לֹֽא־יָבֹ֜ואa לִשְׁלֹ֣שֶׁת הַיָּמִ֗ים כַּעֲצַ֤ת הַשָּׂרִים֙ וְהַזְּקֵנִ֔ים יָחֳרַ֖םb כָּל־רְכוּשֹׁ֑וc וְה֥וּא יִבָּדֵ֖לd מִקְּהַ֥ל הַגֹּולָֽהe ׃ ס

9 וַיִּקָּבְצ֣וּa כָל־אַנְשֵֽׁי־יְהוּדָה֩ וּבִנְיָמִ֨ן׀ יְרוּשָׁלִַ֜ם לִשְׁלֹ֣שֶׁת הַיָּמִ֗ים ה֛וּא חֹ֥דֶשׁ הַתְּשִׁיעִ֖יb בְּעֶשְׂרִ֣ים בַּחֹ֑דֶשׁ וַיֵּשְׁב֣וּc כָל־הָעָ֗ם בִּרְחֹוב֙d בֵּ֣ית הָאֱלֹהִ֔ים מַרְעִידִ֥יםe עַל־הַדָּבָ֖ר וּמֵהַגְּשָׁמִֽיםf ׃ פ

10 וַיָּ֨קָםa עֶזְרָ֤אb הַכֹּהֵן֙ וַיֹּ֣אמֶרc אֲלֵהֶ֔ם אַתֶּ֣ם מְעַלְתֶּ֔םd וַתֹּשִׁ֖יבוּe נָשִׁ֣ים נָכְרִיֹּ֑ותf לְהֹוסִ֖יףg עַל־אַשְׁמַ֥תh יִשְׂרָאֵֽל׃

11 וְעַתָּ֗ה תְּנ֥וּa תֹודָ֛הb לַיהוָ֥ה אֱלֹהֵֽי־אֲבֹתֵיכֶ֖ם וַעֲשׂ֣וּc רְצֹונֹ֑ו וְהִבָּֽדְלוּ֙d מֵעַמֵּ֣י הָאָ֔רֶץ וּמִן־הַנָּשִׁ֖ים הַנָּכְרִיֹּֽותe ׃

12 וַיַּֽעְנ֧וּa כָֽל־הַקָּהָ֛ל וַיֹּאמְר֖וּb קֹ֣ול גָּדֹ֑ול כֵּ֛ן כדבריךc עָלֵ֖ינוּ לַעֲשֹֽׂותd ׃

13 אֲבָ֞לa הָעָ֥ם רָב֙ וְהָעֵ֣ת גְּשָׁמִ֔יםb וְאֵ֥ין כֹּ֖חַ לַעֲמֹ֣ודc בַּח֑וּץ וְהַמְּלָאכָ֗ה לֹֽא־לְיֹ֤ום אֶחָד֙ וְלֹ֣א לִשְׁנַ֔יִם כִּֽי־הִרְבִּ֥ינוּd לִפְשֹׁ֖עַe בַּדָּבָ֥ר הַזֶּֽה׃

14 יַֽעֲמְדוּa ־נָ֣א שָׂ֠רֵינוּ לְֽכָל־הַקָּהָ֞ל וְכֹ֣ל׀ אֲשֶׁ֣ר בֶּעָרֵ֗ינוּ הַהֹשִׁ֞יבb נָשִׁ֤ים נָכְרִיֹּות֙c יָבֹא֙d לְעִתִּ֣ים מְזֻמָּנִ֔יםe וְעִמָּהֶ֛ם זִקְנֵי־עִ֥יר וָעִ֖יר וְשֹׁפְטֶ֑יהָ עַ֠ד לְהָשִׁ֞יבf חֲרֹ֤וןg אַף־אֱלֹהֵ֨ינוּ֙ מִמֶּ֔נּוּ עַ֖ד לַדָּבָ֥ר הַזֶּֽה׃ פ

15 אַ֣ךְ יֹונָתָ֧ןa בֶּן־עֲשָׂהאֵ֛לb וְיַחְזְיָ֥הc בֶן־תִּקְוָ֖הd עָמְד֣וּe עַל־זֹ֑את וּמְשֻׁלָּ֛םf וְשַׁבְּתַ֥יg הַלֵּוִ֖י עֲזָרֻֽםh ׃

16 וַיַּֽעֲשׂוּa ־כֵן֮ בְּנֵ֣י הַגֹּולָה֒b וַיִּבָּדְלוּ֩c עֶזְרָ֨אd הַכֹּהֵ֜ן אֲנָשִׁ֨ים רָאשֵׁ֧י הָאָבֹ֛ות לְבֵ֥ית אֲבֹתָ֖ם וְכֻלָּ֣ם בְּשֵׁמֹ֑ות וַיֵּשְׁב֗וּe בְּיֹ֤ום אֶחָד֙ לַחֹ֣דֶשׁ הָעֲשִׂירִ֔יf לְדַרְיֹ֖ושׁg הַדָּבָֽר׃

17 וַיְכַלּ֣וּa בַכֹּ֔ל אֲנָשִׁ֕ים הַהֹשִׁ֖יבוּb נָשִׁ֣ים נָכְרִיֹּ֑ותc עַ֛ד יֹ֥ום אֶחָ֖ד לַחֹ֥דֶשׁ הָרִאשֹֽׁון׃ פ

18 וַיִּמָּצֵא֙a מִבְּנֵ֣י הַכֹּהֲנִ֔ים אֲשֶׁ֥ר הֹשִׁ֖יבוּb נָשִׁ֣ים נָכְרִיֹּ֑ותc מִבְּנֵי֙ יֵשׁ֤וּעַd בֶּן־יֹֽוצָדָק֙e וְאֶחָ֔יו מַֽעֲשֵׂיָה֙f וֶֽאֱלִיעֶ֔זֶרg וְיָרִ֖יבh וּגְדַלְיָֽהi ׃

19 וַיִּתְּנ֥וּa יָדָ֖ם לְהֹוצִ֣יאb נְשֵׁיהֶ֑ם וַאֲשֵׁמִ֥יםc אֵֽיל־צֹ֖אן עַל־אַשְׁמָתָֽםd ׃ ס

20 וּמִבְּנֵ֣י אִמֵּ֔רa חֲנָ֖נִיb וּזְבַדְיָֽהc ׃ ס

21 וּמִבְּנֵ֖י חָרִ֑םa מַעֲשֵׂיָ֤הb וְאֵֽלִיָּה֙c וּֽשְׁמַֽעְיָ֔הd וִיחִיאֵ֖לe וְעֻזִיָּֽהf ׃

22 וּמִבְּנֵ֖י פַּשְׁח֑וּרa אֶלְיֹועֵינַ֤יb מַֽעֲשֵׂיָה֙c יִשְׁמָעֵ֣אלd נְתַנְאֵ֔לe יֹוזָבָ֖דf וְאֶלְעָשָֽׂהg ׃ ס

23 וּמִֽן־הַלְוִיִּ֑ם יֹוזָבָ֣דa וְשִׁמְעִ֗יb וְקֵֽלָיָה֙c ה֣וּא קְלִיטָ֔אd פְּתַֽחְיָ֥הe יְהוּדָ֖ה וֶאֱלִיעֶֽזֶרf ׃ ס

24 וּמִן־הַמְשֹׁרְרִ֖ים אֶלְיָשִׁ֑יבa וּמִן־הַשֹּׁ֣עֲרִ֔יםb שַׁלֻּ֥םc וָטֶ֖לֶםd וְאוּרִֽיe ׃ ס

25 וּמִֽיִּשְׂרָאֵ֑ל מִבְּנֵ֣י פַרְעֹ֡שׁa רַ֠מְיָהb וְיִזִּיָּ֤הc וּמַלְכִּיָּה֙d וּמִיָּמִ֣ןe וְאֶלְעָזָ֔ר וּמַלְכִּיָּ֖הf וּבְנָיָֽהg ׃ ס

26 וּמִבְּנֵ֖י עֵילָ֑םa מַתַּנְיָ֤הb זְכַרְיָה֙c וִיחִיאֵ֣לd וְעַבְדִּ֔יe וִירֵמֹ֖ותf וְאֵלִיָּֽהg ׃ ס

27 וּמִבְּנֵ֖י זַתּ֑וּאa אֶלְיֹועֵנַ֤יb אֶלְיָשִׁיב֙c מַתַּנְיָ֣הd וִֽירֵמֹ֔ותe וְזָבָ֖דf וַעֲזִיזָֽאg ׃ ס

28 וּמִבְּנֵ֖י בֵּבָ֑יa יְהֹוחָנָ֥ןb חֲנַנְיָ֖הc זַבַּ֥יd עַתְלָֽיe ׃ ס

29 וּמִבְּנֵ֖י בָּנִ֑יa מְשֻׁלָּ֤םb מַלּוּךְ֙c וַעֲדָיָ֔הd יָשׁ֖וּבe וּשְׁאָ֥לf ירמותg ׃

30 וּמִבְּנֵ֛י פַּחַ֥ת מֹואָ֖בa עַדְנָ֣אb וּכְלָ֑לc בְּנָיָ֤הd מַעֲשֵׂיָה֙e מַתַּנְיָ֣הf בְצַלְאֵ֔לg וּבִנּ֖וּיh וּמְנַשֶּֽׁה׃ ס

31 וּבְנֵ֖י חָרִ֑םa אֱלִיעֶ֧זֶרb יִשִּׁיָּ֛הc מַלְכִּיָּ֖הd שְׁמַֽעְיָ֥הe שִׁמְעֹֽוןf ׃

32 בְּנְיָמִ֥ן מַלּ֖וּךְa שְׁמַרְיָֽהb ׃ ס

33 מִבְּנֵ֖י חָשֻׁ֑םa מַתְּנַ֤יb מַתַּתָּה֙c זָבָ֣דd אֱלִיפֶ֔לֶטe יְרֵמַ֥יf מְנַשֶּׁ֖ה שִׁמְעִֽיg ׃ ס

34 מִבְּנֵ֣י בָנִ֔יa מַעֲדַ֥יb עַמְרָ֖םc וְאוּאֵֽלd ׃ ס

35 בְּנָיָ֥הa בֵדְיָ֖הb כלהיc ׃

36 וַנְיָ֥הa מְרֵמֹ֖ותb אֶלְיָשִֽׁיבc ׃

37 מַתַּנְיָ֥הa מַתְּנַ֖יb ויעשׂוc ׃

38 וּבָנִ֥יa וּבִנּ֖וּיb שִׁמְעִֽיc ׃

39 וְשֶֽׁלֶמְיָ֥הa וְנָתָ֖ןb וַעֲדָיָֽהc ׃

40 מַכְנַדְבַ֥יa שָׁשַׁ֖יb שָׁרָֽיc ׃

41 עֲזַרְאֵ֥לa וְשֶׁלֶמְיָ֖הוּb שְׁמַרְיָֽהc ׃

42 שַׁלּ֥וּםa אֲמַרְיָ֖הb יֹוסֵֽף׃ ס

43 מִבְּנֵ֖י נְבֹ֑וa יְעִיאֵ֤לb מַתִּתְיָה֙c זָבָ֣דd זְבִינָ֔אe ידוf וְיֹואֵ֖לg בְּנָיָֽהh ׃

44 כָּל־אֵ֕לֶּה נשׂאוa נָשִׁ֣ים נָכְרִיֹּ֑ותb וְיֵ֣שׁ מֵהֶ֣ם נָשִׁ֔ים וַיָּשִׂ֖ימוּc בָּנִֽים׃ פ