יחזקאל

וַיִּקְרָ֣אa בְאָזְנַ֗י קֹ֤ול גָּדֹול֙ לֵאמֹ֔רb קָרְב֖וּc פְּקֻדֹּ֣ותd הָעִ֑יר וְאִ֛ישׁ כְּלִ֥י מַשְׁחֵתֹ֖וe בְּיָדֹֽו׃

2 וְהִנֵּ֣ה שִׁשָּׁ֣ה אֲנָשִׁ֡ים בָּאִ֣יםa ׀ מִדֶּרֶךְ־שַׁ֨עַר הָעֶלְיֹ֜ון אֲשֶׁ֣ר׀ מָפְנֶ֣הb צָפֹ֗ונָה וְאִ֨ישׁ כְּלִ֤י מַפָּצֹו֙c בְּיָדֹ֔ו וְאִישׁ־אֶחָ֤ד בְּתֹוכָם֙ לָבֻ֣שׁd בַּדִּ֔ים וְקֶ֥סֶתe הַסֹּפֵ֖ר בְּמָתְנָ֑יוf וַיָּבֹ֨אוּ֙g וַיַּ֣עַמְד֔וּh אֵ֖צֶל מִזְבַּ֥ח הַנְּחֹֽשֶׁת׃

3 וּכְבֹ֣וד׀ אֱלֹהֵ֣י יִשְׂרָאֵ֗ל נַעֲלָה֙a מֵעַ֤ל הַכְּרוּב֙ אֲשֶׁ֣ר הָיָ֣הb עָלָ֔יו אֶ֖ל מִפְתַּ֣ןc הַבָּ֑יִת וַיִּקְרָ֗אd אֶל־הָאִישׁ֙ הַלָּבֻ֣שׁe הַבַּדִּ֔ים אֲשֶׁ֛ר קֶ֥סֶתf הַסֹּפֵ֖ר בְּמָתְנָֽיוg ׃ ס

4 וַיֹּ֤אמֶרa יְהוָה֙ אלוb עֲבֹר֙c בְּתֹ֣וךְ הָעִ֔יר בְּתֹ֖וךְ יְרֽוּשָׁלִָ֑ם וְהִתְוִ֨יתָd תָּ֜וe עַל־מִצְחֹ֣ותf הָאֲנָשִׁ֗ים הַנֶּֽאֱנָחִים֙g וְהַנֶּ֣אֱנָקִ֔יםh עַ֚ל כָּל־הַתֹּ֣ועֵבֹ֔ות הַֽנַּעֲשֹׂ֖ותi בְּתֹוכָֽהּ׃

5 וּלְאֵ֨לֶּה֙ אָמַ֣רa בְּאָזְנַ֔י עִבְר֥וּb בָעִ֛יר אַחֲרָ֖יו וְהַכּ֑וּc עלd ־תָּחֹ֥סe עיניכםf וְאַל־תַּחְמֹֽלוּg ׃

6 זָקֵ֡ן בָּח֣וּרa וּבְתוּלָה֩ וְטַ֨ףb וְנָשִׁ֜ים תַּהַרְג֣וּc לְמַשְׁחִ֗יתd וְעַל־כָּל־אִ֨ישׁ אֲשֶׁר־עָלָ֤יו הַתָּו֙e אַל־תִּגַּ֔שׁוּf וּמִמִּקְדָּשִׁ֖י תָּחֵ֑לּוּg וַיָּחֵ֨לּוּ֙h בָּאֲנָשִׁ֣ים הַזְּקֵנִ֔ים אֲשֶׁ֖ר לִפְנֵ֥י הַבָּֽיִת׃

7 וַיֹּ֨אמֶרa אֲלֵיהֶ֜ם טַמְּא֣וּb אֶת־הַבַּ֗יִת וּמַלְא֧וּc אֶת־הַחֲצֵרֹ֛ות חֲלָלִ֖ים צֵ֑אוּd וְיָצְא֖וּe וְהִכּ֥וּf בָעִֽיר׃

8 וַֽיְהִי֙a כְּהַכֹּותָ֔םb וְנֵֽאשֲׁאַ֖רc אָ֑נִי וָאֶפְּלָ֨הd עַל־פָּנַ֜י וָאֶזְעַ֗קe וָֽאֹמַר֙f אֲהָהּ֙g אֲדֹנָ֣י יְהוִ֔ה הֲמַשְׁחִ֣יתh אַתָּ֗ה אֵ֚ת כָּל־שְׁאֵרִ֣ית יִשְׂרָאֵ֔ל בְּשָׁפְכְּךָ֥i אֶת־חֲמָתְךָ֖ עַל־יְרוּשָׁלִָֽם׃

9 וַיֹּ֣אמֶרa אֵלַ֗י עֲוֹ֨ן בֵּֽית־יִשְׂרָאֵ֤ל וִֽיהוּדָה֙ גָּדֹול֙ בִּמְאֹ֣ד מְאֹ֔ד וַתִּמָּלֵ֤אb הָאָ֨רֶץ֙ דָּמִ֔ים וְהָעִ֖יר מָלְאָ֣הc מֻטֶּ֑הd כִּ֣י אָמְר֗וּe עָזַ֤בf יְהוָה֙ אֶת־הָאָ֔רֶץ וְאֵ֥ין יְהוָ֖ה רֹאֶֽהg ׃

10 וְגַ֨ם־אֲנִ֔י לֹא־תָחֹ֥וסa עֵינִ֖י וְלֹ֣א אֶחְמֹ֑לb דַּרְכָּ֖ם בְּרֹאשָׁ֥ם נָתָֽתִּיc ׃

11 וְהִנֵּ֞ה הָאִ֣ישׁ׀ לְבֻ֣שׁa הַבַּדִּ֗ים אֲשֶׁ֤ר הַקֶּ֨סֶת֙b בְּמָתְנָ֔יוc מֵשִׁ֥יבd דָּבָ֖ר לֵאמֹ֑רe עָשִׂ֕יתִיf כאשׁרg צִוִּיתָֽנִיh ׃ ס