יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם שִׂ֥יםa פָּנֶ֖יךָ אֶל־הָרֵ֣י יִשְׂרָאֵ֑ל וְהִנָּבֵ֖אb אֲלֵיהֶֽם׃

3 וְאָ֣מַרְתָּ֔a הָרֵי֙ יִשְׂרָאֵ֔ל שִׁמְע֖וּb דְּבַר־אֲדֹנָ֣י יְהוִ֑ה כֹּה־אָמַ֣רc אֲדֹנָ֣י יְ֠הוִה לֶהָרִ֨ים וְלַגְּבָעֹ֜ות לָאֲפִיקִ֣יםd ולגאיתe הִנְנִ֨י אֲנִ֜י מֵבִ֤יאf עֲלֵיכֶם֙ חֶ֔רֶב וְאִבַּדְתִּ֖יg בָּמֹֽותֵיכֶֽם׃

4 וְנָשַׁ֨מּוּ֙a מִזְבְּחֹ֣ותֵיכֶ֔ם וְנִשְׁבְּר֖וּb חַמָּֽנֵיכֶ֑םc וְהִפַּלְתִּי֙d חַלְלֵיכֶ֔ם לִפְנֵ֖י גִּלּוּלֵיכֶֽםe ׃

5 וְנָתַתִּ֗יa אֶת־פִּגְרֵי֙b בְּנֵ֣י יִשְׂרָאֵ֔ל לִפְנֵ֖י גִּלּֽוּלֵיהֶ֑םc וְזֵרִיתִי֙d אֶת־עַצְמֹ֣ותֵיכֶ֔ם סְבִיבֹ֖ות מִזְבְּחֹותֵיכֶֽם׃

6 בְּכֹל֙ מֹושְׁבֹ֣ותֵיכֶ֔םa הֶעָרִ֣ים תֶּחֱרַ֔בְנָהb וְהַבָּמֹ֖ות תִּישָׁ֑מְנָהc לְמַעַן֩ יֶחֶרְב֨וּd וְיֶאְשְׁמ֜וּe מִזְבְּחֹֽותֵיכֶ֗ם וְנִשְׁבְּר֤וּf וְנִשְׁבְּתוּ֙g גִּלּ֣וּלֵיכֶ֔םh וְנִגְדְּעוּ֙i חַמָּ֣נֵיכֶ֔םj וְנִמְח֖וּk מַעֲשֵׂיכֶֽם׃

7 וְנָפַ֥לa חָלָ֖ל בְּתֹֽוכְכֶ֑ם וִֽידַעְתֶּ֖םb כִּֽי־אֲנִ֥י יְהוָֽה׃

8 וְהֹותַרְתִּ֗יa בִּהְיֹ֥ותb לָכֶ֛ם פְּלִ֥יטֵיc חֶ֖רֶב בַּגֹּויִ֑ם בְּהִזָּרֹֽותֵיכֶ֖םd בָּאֲרָצֹֽות׃

9 וְזָכְר֨וּa פְלִֽיטֵיכֶ֜םb אֹותִ֗י בַּגֹּויִם֮ אֲשֶׁ֣ר נִשְׁבּוּc ־שָׁם֒ אֲשֶׁ֨ר נִשְׁבַּ֜רְתִּיd אֶת־לִבָּ֣ם הַזֹּונֶ֗ה אֲשֶׁר־סָר֙e מֵֽעָלַ֔י וְאֵת֙ עֵֽינֵיהֶ֔ם הַזֹּנֹ֕ותf אַחֲרֵ֖י גִּלּֽוּלֵיהֶ֑םg וְנָקֹ֨טּוּ֙h בִּפְנֵיהֶ֔ם אֶל־הָֽרָעֹות֙ אֲשֶׁ֣ר עָשׂ֔וּi לְכֹ֖ל תֹּועֲבֹתֵיהֶֽם׃

10 וְיָדְע֖וּa כִּֽי־אֲנִ֣י יְהוָ֑ה לֹ֤א אֶל־חִנָּם֙b דִּבַּ֔רְתִּיc לַעֲשֹׂ֥ותd לָהֶ֖ם הָרָעָ֥ה הַזֹּֽאת׃ פ

11 כֹּֽה־אָמַ֞רa אֲדֹנָ֣י יְהוִ֗ה הַכֵּ֨הb בְכַפְּךָ֜ וּרְקַ֤עc בְּרַגְלְךָ֙ וֶֽאֱמָרd ־אָ֔חe אֶ֛ל כָּל־תֹּועֲבֹ֥ות רָעֹ֖ות בֵּ֣ית יִשְׂרָאֵ֑ל אֲשֶׁ֗ר בַּחֶ֛רֶב בָּרָעָ֥ב וּבַדֶּ֖בֶרf יִפֹּֽלוּg ׃

12 הָרָחֹ֞וק בַּדֶּ֣בֶרa יָמ֗וּתb וְהַקָּרֹוב֙ בַּחֶ֣רֶב יִפֹּ֔ולc וְהַנִּשְׁאָר֙ וְהַנָּצ֔וּר בָּרָעָ֖ב יָמ֑וּתd וְכִלֵּיתִ֥יe חֲמָתִ֖י בָּֽם׃

13 וִֽידַעְתֶּם֙a כִּֽי־אֲנִ֣י יְהוָ֔ה בִּֽהְיֹ֣ותb חַלְלֵיהֶ֗ם בְּתֹוךְ֙ גִּלּ֣וּלֵיהֶ֔םc סְבִיבֹ֖ות מִזְבְּחֹֽותֵיהֶ֑ם אֶל֩ כָּל־גִּבְעָ֨ה רָמָ֜ה בְּכֹ֣ל׀ רָאשֵׁ֣י הֶהָרִ֗ים וְתַ֨חַת כָּל־עֵ֤ץ רַֽעֲנָן֙d וְתַ֨חַת֙ כָּל־אֵלָ֣הe עֲבֻתָּ֔הf מְקֹ֗ום אֲשֶׁ֤ר נָֽתְנוּg ־שָׁם֙ רֵ֣יחַ נִיחֹ֔חַh לְכֹ֖ל גִּלּוּלֵיהֶֽםi ׃

14 וְנָטִ֤יתִיa אֶת־יָדִי֙ עֲלֵיהֶ֔ם וְנָתַתִּ֨יb אֶת־הָאָ֜רֶץ שְׁמָמָ֤ה וּמְשַׁמָּה֙c מִמִּדְבַּ֣ר דִּבְלָ֔תָהd בְּכֹ֖ל מֹושְׁבֹֽותֵיהֶ֑םe וְיָדְע֖וּf כִּֽי־אֲנִ֥י יְהוָֽה׃ פ