יחזקאל

וְאַתָּ֨ה בֶן־אָדָ֜ם קַחa ־לְךָ֣׀ חֶ֣רֶב חַדָּ֗הb תַּ֤עַרc הַגַּלָּבִים֙d תִּקָּחֶ֣נָּהe לָּ֔ךְ וְהַעֲבַרְתָּ֥f עַל־רֹאשְׁךָ֖ וְעַל־זְקָנֶ֑ךָg וְלָקַחְתָּ֥h לְךָ֛ מֹאזְנֵ֥יi מִשְׁקָ֖לj וְחִלַּקְתָּֽםk ׃

2 שְׁלִשִׁ֗יתa בָּא֤וּרb תַּבְעִיר֙c בְּתֹ֣וךְ הָעִ֔יר כִּמְלֹ֖אתd יְמֵ֣י הַמָּצֹ֑ורe וְלָֽקַחְתָּ֣f אֶת־הַשְּׁלִשִׁ֗יתg תַּכֶּ֤הh בַחֶ֨רֶב֙ סְבִ֣יבֹותֶ֔יהָ וְהַשְּׁלִשִׁית֙i תִּזְרֶ֣הj לָר֔וּחַ וְחֶ֖רֶב אָרִ֥יקk אַחֲרֵיהֶֽם׃

3 וְלָקַחְתָּ֥a מִשָּׁ֖ם מְעַ֣ט בְּמִסְפָּ֑ר וְצַרְתָּ֥b אֹותָ֖ם בִּכְנָפֶֽיךָ׃

4 וּמֵהֶם֙ עֹ֣וד תִּקָּ֔חa וְהִשְׁלַכְתָּ֤b אֹותָם֙ אֶל־תֹּ֣וךְ הָאֵ֔שׁ וְשָׂרַפְתָּ֥c אֹתָ֖ם בָּאֵ֑שׁ מִמֶּ֥נּוּ תֵצֵאd ־אֵ֖שׁ אֶל־כָּל־בֵּ֥ית יִשְׂרָאֵֽל׃ פ

5 כֹּ֤ה אָמַר֙a אֲדֹנָ֣י יְהֹוִ֔ה זֹ֚את יְר֣וּשָׁלִַ֔ם בְּתֹ֥וךְ הַגֹּויִ֖ם שַׂמְתִּ֑יהָb וּסְבִיבֹותֶ֖יהָ אֲרָצֹֽות׃

6 וַתֶּ֨מֶרa אֶת־מִשְׁפָּטַ֤י לְרִשְׁעָה֙b מִן־הַגֹּויִ֔ם וְאֶ֨ת־חֻקֹּותַ֔י מִן־הָאֲרָצֹ֖ות אֲשֶׁ֣ר סְבִיבֹותֶ֑יהָ כִּ֤י בְמִשְׁפָּטַי֙ מָאָ֔סוּc וְחֻקֹּותַ֖י לֹא־הָלְכ֥וּd בָהֶֽם׃ ס

7 לָכֵ֞ן כֹּֽה־אָמַ֣רa ׀ אֲדֹנָ֣י יְהוִ֗ה יַ֤עַן הֲמָנְכֶם֙b מִן־הַגֹּויִם֙ אֲשֶׁ֣ר סְבִיבֹֽותֵיכֶ֔ם בְּחֻקֹּותַי֙ לֹ֣א הֲלַכְתֶּ֔םc וְאֶת־מִשְׁפָּטַ֖י לֹ֣א עֲשִׂיתֶ֑םd וּֽכְמִשְׁפְּטֵ֧י הַגֹּויִ֛ם אֲשֶׁ֥ר סְבִיבֹותֵיכֶ֖ם לֹ֥א עֲשִׂיתֶֽםe ׃ ס

8 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה הִנְנִ֥י עָלַ֖יִךְ גַּם־אָ֑נִי וְעָשִׂ֧יתִיb בְתֹוכֵ֛ךְ מִשְׁפָּטִ֖ים לְעֵינֵ֥י הַגֹּויִֽם׃

9 וְעָשִׂ֣יתִיa בָ֗ךְ אֵ֚ת אֲשֶׁ֣ר לֹֽא־עָשִׂ֔יתִיb וְאֵ֛ת אֲשֶֽׁר־לֹֽא־אֶעֱשֶׂ֥הc כָמֹ֖הוּ עֹ֑וד יַ֖עַן כָּל־תֹּועֲבֹתָֽיִךְ׃ ס

10 לָכֵ֗ן אָבֹ֞ות יֹאכְל֤וּa בָנִים֙ בְּתֹוכֵ֔ךְ וּבָנִ֖ים יֹאכְל֣וּb אֲבֹותָ֑ם וְעָשִׂ֤יתִיc בָךְ֙ שְׁפָטִ֔יםd וְזֵרִיתִ֥יe אֶת־כָּל־שְׁאֵרִיתֵ֖ךְ לְכָל־רֽוּחַ׃ פ

11 לָכֵ֣ן חַי־אָ֗נִי נְאֻם֮ אֲדֹנָ֣י יְהוִה֒ אִם־לֹ֗א יַ֚עַן אֶת־מִקְדָּשִׁ֣י טִמֵּ֔אתa בְּכָל־שִׁקּוּצַ֖יִךְb וּבְכָל־תֹּועֲבֹתָ֑יִךְ וְגַם־אֲנִ֤י אֶגְרַע֙c וְלֹא־תָחֹ֣וסd עֵינִ֔י וְגַם־אֲנִ֖י לֹ֥א אֶחְמֹֽולe ׃

12 שְׁלִשִׁתֵ֞יךְa בַּדֶּ֣בֶרb יָמ֗וּתוּc וּבָֽרָעָב֙ יִכְל֣וּd בְתֹוכֵ֔ךְ וְהַ֨שְּׁלִשִׁ֔יתe בַּחֶ֖רֶב יִפְּל֣וּf סְבִיבֹותָ֑יִךְ וְהַשְּׁלִישִׁית֙g לְכָל־ר֣וּחַ אֱזָרֶ֔הh וְחֶ֖רֶב אָרִ֥יקi אַחֲרֵיהֶֽם׃

13 וְכָלָ֣הa אַפִּ֗י וַהֲנִחֹותִ֧יb חֲמָתִ֛י בָּ֖ם וְהִנֶּחָ֑מְתִּיc וְֽיָדְע֞וּd כִּי־אֲנִ֣י יְהוָ֗ה דִּבַּ֨רְתִּי֙e בְּקִנְאָתִ֔יf בְּכַלֹּותִ֥יg חֲמָתִ֖י בָּֽם׃

14 וְאֶתְּנֵךְ֙a לְחָרְבָּ֣הb וּלְחֶרְפָּ֔ה בַּגֹּויִ֖ם אֲשֶׁ֣ר סְבִיבֹותָ֑יִךְ לְעֵינֵ֖י כָּל־עֹובֵֽר׃

15 וְֽהָ֨יְתָ֜הa חֶרְפָּ֤ה וּגְדוּפָה֙b מוּסָ֣ר וּמְשַׁמָּ֔הc לַגֹּויִ֖ם אֲשֶׁ֣ר סְבִיבֹותָ֑יִךְ בַּעֲשֹׂותִי֩d בָ֨ךְ שְׁפָטִ֜יםe בְּאַ֤ף וּבְחֵמָה֙ וּבְתֹכְחֹ֣ותf חֵמָ֔ה אֲנִ֥י יְהוָ֖ה דִּבַּֽרְתִּיg ׃

16 בְּֽשַׁלְּחִ֡יa אֶת־חִצֵּי֩ הָרָעָ֨ב הָרָעִ֤ים בָּהֶם֙ אֲשֶׁ֣ר הָי֣וּb לְמַשְׁחִ֔יתc אֲשֶׁר־אֲשַׁלַּ֥חd אֹותָ֖ם לְשַֽׁחֶתְכֶ֑םe וְרָעָב֙ אֹסֵ֣ףf עֲלֵיכֶ֔ם וְשָׁבַרְתִּ֥יg לָכֶ֖ם מַטֵּה־לָֽחֶם׃

17 וְשִׁלַּחְתִּ֣יa עֲ֠לֵיכֶם רָעָ֞ב וְחַיָּ֤ה רָעָה֙ וְשִׁכְּלֻ֔ךְb וְדֶ֥בֶרc וָדָ֖ם יַעֲבָרd ־בָּ֑ךְ וְחֶ֨רֶב֙ אָבִ֣יאe עָלַ֔יִךְ אֲנִ֥י יְהוָ֖ה דִּבַּֽרְתִּיf ׃ פ