יחזקאל

וּבְהַפִּֽילְכֶ֨םa אֶת־הָאָ֜רֶץ בְּנַחֲלָ֗ה תָּרִימוּ֩b תְרוּמָ֨ה לַיהוָ֥ה׀ קֹדֶשׁ֮ מִן־הָאָרֶץ֒ אֹ֗רֶךְ חֲמִשָּׁ֨ה וְעֶשְׂרִ֥ים אֶ֨לֶף֙ אֹ֔רֶךְ וְרֹ֖חַב עֲשָׂ֣רָה אָ֑לֶף קֹדֶשׁ־ה֥וּא בְכָל־גְּבוּלָ֖הּ סָבִֽיב׃

2 יִהְיֶ֤הa מִזֶּה֙ אֶל־הַקֹּ֔דֶשׁ חֲמֵ֥שׁ מֵאֹ֛ות בַּחֲמֵ֥שׁ מֵאֹ֖ות מְרֻבָּ֣עb סָבִ֑יב וַחֲמִשִּׁ֣ים אַמָּ֔ה מִגְרָ֥שׁ לֹ֖ו סָבִֽיב׃

3 וּמִן־הַמִּדָּ֤ה הַזֹּאת֙ תָּמֹ֔ודa אֹ֗רֶךְ חמשׁb וְעֶשְׂרִים֙ אֶ֔לֶף וְרֹ֖חַב עֲשֶׂ֣רֶת אֲלָפִ֑ים וּבֹֽו־יִהְיֶ֥הc הַמִּקְדָּ֖שׁ קֹ֥דֶשׁ קָדָשִֽׁים׃

4 קֹ֣דֶשׁ מִן־הָאָ֜רֶץ ה֗וּא לַכֹּ֨הֲנִ֜ים מְשָׁרְתֵ֤י הַמִּקְדָּשׁ֙ יִֽהְיֶ֔הa הַקְּרֵבִ֖יםb לְשָׁרֵ֣תc אֶת־יְהוָ֑ה וְהָיָ֨הd לָהֶ֤ם מָקֹום֙ לְבָ֣תִּ֔ים וּמִקְדָּ֖שׁ לַמִּקְדָּֽשׁ׃

5 וַחֲמִשָּׁ֨ה וְעֶשְׂרִ֥ים אֶ֨לֶף֙ אֹ֔רֶךְ וַעֲשֶׂ֥רֶת אֲלָפִ֖ים רֹ֑חַב יהיהa לַלְוִיִּם֩ מְשָׁרְתֵ֨י הַבַּ֧יִת לָהֶ֛ם לַאֲחֻזָּ֖ה עֶשְׂרִ֥ים לְשָׁכֹֽתb ׃

6 וַאֲחֻזַּ֨ת הָעִ֜יר תִּתְּנ֗וּa חֲמֵ֤שֶׁת אֲלָפִים֙ רֹ֔חַב וְאֹ֗רֶךְ חֲמִשָּׁ֤ה וְעֶשְׂרִים֙ אֶ֔לֶף לְעֻמַּ֖תb תְּרוּמַ֣ת הַקֹּ֑דֶשׁ לְכָל־בֵּ֥ית יִשְׂרָאֵ֖ל יִהְיֶֽהc ׃

7 וְלַנָּשִׂ֡יא מִזֶּ֣ה וּמִזֶּה֩ לִתְרוּמַ֨ת הַקֹּ֜דֶשׁ וְלַאֲחֻזַּ֣ת הָעִ֗יר אֶל־פְּנֵ֤י תְרֽוּמַת־הַקֹּ֨דֶשׁ֙ וְאֶל־פְּנֵי֙ אֲחֻזַּ֣ת הָעִ֔יר מִפְּאַת־יָ֣ם יָ֔מָּה וּמִפְּאַת־קֵ֖דְמָה קָדִ֑ימָה וְאֹ֗רֶךְ לְעֻמֹּות֙a אַחַ֣ד הַחֲלָקִ֔ים מִגְּב֥וּל יָ֖ם אֶל־גְּב֥וּל קָדִֽימָה׃

8 לָאָ֛רֶץ יִֽהְיֶהa ־לֹּ֥ו לַֽאֲחֻזָּ֖ה בְּיִשְׂרָאֵ֑ל וְלֹא־יֹונ֨וּb עֹ֤וד נְשִׂיאַי֙ אֶת־עַמִּ֔י וְהָאָ֛רֶץ יִתְּנ֥וּc לְבֵֽית־יִשְׂרָאֵ֖ל לְשִׁבְטֵיהֶֽם׃ ס

9 כֹּֽה־אָמַ֞רa אֲדֹנָ֣י יְהוִ֗ה רַב־לָכֶם֙ נְשִׂיאֵ֣י יִשְׂרָאֵ֔ל חָמָ֤ס וָשֹׁד֙b הָסִ֔ירוּc וּמִשְׁפָּ֥ט וּצְדָקָ֖ה עֲשׂ֑וּd הָרִ֤ימוּe גְרֻשֹֽׁתֵיכֶם֙f מֵעַ֣ל עַמִּ֔י נְאֻ֖ם אֲדֹנָ֥י יְהוִֽה׃

10 מֹֽאזְנֵיa ־צֶ֧דֶק וְאֵֽיפַתb ־צֶ֛דֶק וּבַתc ־צֶ֖דֶק יְהִ֥יd לָכֶֽם׃

11 הָאֵיפָ֣הa וְהַבַּ֗תb תֹּ֤כֶןc אֶחָד֙ יִֽהְיֶ֔הd לָשֵׂ֕אתe מַעְשַׂ֥רf הַחֹ֖מֶרg הַבָּ֑תh וַעֲשִׂירִ֤תi הַחֹ֨מֶר֙j הָֽאֵיפָ֔הk אֶל־הַחֹ֖מֶרl יִהְיֶ֥הm מַתְכֻּנְתֹּֽוn ׃

12 וְהַשֶּׁ֖קֶל עֶשְׂרִ֣ים גֵּרָ֑הa עֶשְׂרִ֨ים שְׁקָלִ֜ים חֲמִשָּׁ֧ה וְעֶשְׂרִ֣ים שְׁקָלִ֗ים עֲשָׂרָ֤ה וַחֲמִשָּׁה֙ שֶׁ֔קֶל הַמָּנֶ֖הb יִֽהְיֶ֥הc לָכֶֽם׃

13 זֹ֥את הַתְּרוּמָ֖ה אֲשֶׁ֣ר תָּרִ֑ימוּa שִׁשִּׁ֤יתb הָֽאֵיפָה֙c מֵחֹ֣מֶרd הַֽחִטִּ֔יםe וְשִׁשִּׁיתֶם֙f הָֽאֵיפָ֔הg מֵחֹ֖מֶרh הַשְּׂעֹרִֽיםi ׃

14 וְחֹ֨ק הַשֶּׁ֜מֶן הַבַּ֣תa הַשֶּׁ֗מֶן מַעְשַׂ֤רb הַבַּת֙c מִן־הַכֹּ֔רd עֲשֶׂ֥רֶת הַבַּתִּ֖יםe חֹ֑מֶרf כִּֽי־עֲשֶׂ֥רֶת הַבַּתִּ֖יםg חֹֽמֶרh ׃

15 וְשֶׂהa ־אַחַ֨ת מִן־הַצֹּ֤אן מִן־הַמָּאתַ֨יִם֙ מִמַּשְׁקֵ֣הb יִשְׂרָאֵ֔ל לְמִנְחָ֖ה וּלְעֹולָ֣ה וְלִשְׁלָמִ֑ים לְכַפֵּ֣רc עֲלֵיהֶ֔ם נְאֻ֖ם אֲדֹנָ֥י יְהוִֽה׃

16 כֹּ֚ל הָעָ֣ם הָאָ֔רֶץ יִהְי֖וּa אֶל־הַתְּרוּמָ֣ה הַזֹּ֑את לַנָּשִׂ֖יא בְּיִשְׂרָאֵֽל׃

17 וְעַֽל־הַנָּשִׂ֣יא יִהְיֶ֗הa הָעֹולֹ֣ות וְהַמִּנְחָה֮ וְהַנֵּסֶךְ֒ בַּחַגִּ֤ים וּבֶחֳדָשִׁים֙ וּבַשַּׁבָּתֹ֔ות בְּכָֽל־מֹועֲדֵ֖י בֵּ֣ית יִשְׂרָאֵ֑ל הֽוּא־יַעֲשֶׂ֞הb אֶת־הַחַטָּ֣את וְאֶת־הַמִּנְחָ֗ה וְאֶת־הָֽעֹולָה֙ וְאֶת־הַשְּׁלָמִ֔ים לְכַפֵּ֖רc בְּעַ֥ד בֵּֽית־יִשְׂרָאֵֽל׃ ס

18 כֹּה־אָמַר֮a אֲדֹנָ֣י יְהוִה֒ בָּֽרִאשֹׁון֙ בְּאֶחָ֣ד לַחֹ֔דֶשׁ תִּקַּ֥חb פַּר־בֶּן־בָּקָ֖ר תָּמִ֑ים וְחִטֵּאתָ֖c אֶת־הַמִּקְדָּֽשׁ׃

19 וְלָקַ֨חa הַכֹּהֵ֜ן מִדַּ֣ם הַחַטָּ֗את וְנָתַן֙b אֶל־מְזוּזַ֣תc הַבַּ֔יִת וְאֶל־אַרְבַּ֛ע פִּנֹּ֥ותd הָעֲזָרָ֖הe לַמִּזְבֵּ֑חַ וְעַ֨ל־מְזוּזַ֔תf שַׁ֖עַר הֶחָצֵ֥ר הַפְּנִימִֽיתg ׃

20 וְכֵ֤ן תַּֽעֲשֶׂה֙a בְּשִׁבְעָ֣ה בַחֹ֔דֶשׁ מֵאִ֥ישׁ שֹׁגֶ֖הb וּמִפֶּ֑תִיc וְכִפַּרְתֶּ֖םd אֶת־הַבָּֽיִת׃

21 בָּ֠רִאשֹׁון בְּאַרְבָּעָ֨ה עָשָׂ֥ר יֹום֙ לַחֹ֔דֶשׁ יִהְיֶ֥הa לָכֶ֖ם הַפָּ֑סַחb חָ֕ג שְׁבֻעֹ֣ותc יָמִ֔ים מַצֹּ֖ות יֵאָכֵֽלd ׃

22 וְעָשָׂ֤הa הַנָּשִׂיא֙ בַּיֹּ֣ום הַה֔וּא בַּעֲדֹ֕ו וּבְעַ֖ד כָּל־עַ֣ם הָאָ֑רֶץ פַּ֖ר חַטָּֽאת׃

23 וְשִׁבְעַ֨ת יְמֵֽי־הֶחָ֜ג יַעֲשֶׂ֧הa עֹולָ֣ה לַֽיהוָ֗ה שִׁבְעַ֣ת פָּ֠רִים וְשִׁבְעַ֨ת אֵילִ֤ים תְּמִימִם֙ לַיֹּ֔ום שִׁבְעַ֖ת הַיָּמִ֑ים וְחַטָּ֕את שְׂעִ֥יר עִזִּ֖ים לַיֹּֽום׃

24 וּמִנְחָ֗ה אֵיפָ֥הa לַפָּ֛ר וְאֵיפָ֥הb לָאַ֖יִל יַֽעֲשֶׂ֑הc וְשֶׁ֖מֶן הִ֥יןd לָאֵיפָֽהe ׃

25 בַּשְּׁבִיעִ֡י בַּחֲמִשָּׁה֩ עָשָׂ֨ר יֹ֤ום לַחֹ֨דֶשׁ֙ בֶּחָ֔ג יַעֲשֶׂ֥הa כָאֵ֖לֶּה שִׁבְעַ֣ת הַיָּמִ֑ים כַּֽחַטָּאת֙ כָּעֹלָ֔ה וְכַמִּנְחָ֖ה וְכַשָּֽׁמֶן׃ ס