יחזקאל

וַיָּ֣שֶׁבa אֹתִ֗י דֶּ֣רֶךְ שַׁ֤עַר הַמִּקְדָּשׁ֙ הַֽחִיצֹ֔וןb הַפֹּנֶ֖הc קָדִ֑ים וְה֖וּא סָגֽוּרd ׃

2 וַיֹּ֨אמֶרa אֵלַ֜י יְהוָ֗ה הַשַּׁ֣עַר הַזֶּה֩ סָג֨וּר יִהְיֶ֜הb לֹ֣א יִפָּתֵ֗חַc וְאִישׁ֙ לֹא־יָ֣בֹאd בֹ֔ו כִּ֛י יְהוָ֥ה אֱלֹהֵֽי־יִשְׂרָאֵ֖ל בָּ֣אe בֹ֑ו וְהָיָ֖הf סָגֽוּרg ׃

3 אֶֽת־הַנָּשִׂ֗יא נָ֥שִׂיא ה֛וּא יֵֽשֶׁבa ־בֹּ֥ו לאכולb ־לֶ֖חֶם לִפְנֵ֣י יְהוָ֑ה מִדֶּ֨רֶךְ אֻלָ֤םc הַשַּׁ֨עַר֙ יָבֹ֔ואd וּמִדַּרְכֹּ֖ו יֵצֵֽאe ׃

4 וַיְבִיאֵ֜נִיa דֶּֽרֶךְ־שַׁ֣עַר הַצָּפֹון֮ אֶל־פְּנֵ֣י הַבַּיִת֒ וָאֵ֕רֶאb וְהִנֵּ֛ה מָלֵ֥אc כְבֹוד־יְהוָ֖ה אֶת־בֵּ֣ית יְהוָ֑ה וָאֶפֹּ֖לd אֶל־פָּנָֽי׃

5 וַיֹּ֨אמֶרa אֵלַ֜י יְהֹוָ֗ה בֶּן־אָדָ֡ם שִׂ֣יםb לִבְּךָ֩ וּרְאֵ֨הc בְעֵינֶ֜יךָ וּבְאָזְנֶ֣יךָ שְּׁמָ֗עd אֵ֣ת כָּל־אֲשֶׁ֤ר אֲנִי֙ מְדַבֵּ֣רe אֹתָ֔ךְ לְכָל־חֻקֹּ֥ות בֵּית־יְהוָ֖ה וּלְכָל־תורתוf וְשַׂמְתָּ֤g לִבְּךָ֙ לִמְבֹ֣ואh הַבַּ֔יִת בְּכֹ֖ל מֹוצָאֵ֥יi הַמִּקְדָּֽשׁ׃

6 וְאָמַרְתָּ֤a אֶל־מֶ֨רִי֙b אֶל־בֵּ֣ית יִשְׂרָאֵ֔ל כֹּ֥ה אָמַ֖רc אֲדֹנָ֣י יְהוִ֑ה רַב־לָכֶ֛ם מִֽכָּל־תֹּועֲבֹֽותֵיכֶ֖ם בֵּ֥ית יִשְׂרָאֵֽל׃

7 בַּהֲבִיאֲכֶ֣םa בְּנֵֽי־נֵכָ֗רb עַרְלֵיc ־לֵב֙ וְעַרְלֵ֣יd בָשָׂ֔ר לִהְיֹ֥ותe בְּמִקְדָּשִׁ֖י לְחַלְּלֹ֣וf אֶת־בֵּיתִ֑י בְּהַקְרִֽיבְכֶ֤םg אֶת־לַחְמִי֙ חֵ֣לֶב וָדָ֔ם וַיָּפֵ֨רוּ֙h אֶת־בְּרִיתִ֔י אֶ֖ל כָּל־תֹּועֲבֹותֵיכֶֽם׃

8 וְלֹ֥א שְׁמַרְתֶּ֖םa מִשְׁמֶ֣רֶת קָדָשָׁ֑י וַתְּשִׂימ֗וּןb לְשֹׁמְרֵ֧י מִשְׁמַרְתִּ֛י בְּמִקְדָּשִׁ֖י לָכֶֽם׃

9 כֹּה־אָמַר֮a אֲדֹנָ֣י יְהוִה֒ כָּל־בֶּן־נֵכָ֗רb עֶ֤רֶלc לֵב֙ וְעֶ֣רֶלd בָּשָׂ֔ר לֹ֥א יָבֹ֖ואe אֶל־מִקְדָּשִׁ֑י לְכָל־בֶּן־נֵכָ֔רf אֲשֶׁ֕ר בְּתֹ֖וךְ בְּנֵ֥י יִשְׂרָאֵֽל׃

10 כִּ֣י אִם־הַלְוִיִּ֗ם אֲשֶׁ֤ר רָֽחֲקוּ֙a מֵֽעָלַ֔י בִּתְעֹ֤ותb יִשְׂרָאֵל֙ אֲשֶׁ֣ר תָּע֣וּc מֵֽעָלַ֔י אַחֲרֵ֖י גִּלּֽוּלֵיהֶ֑םd וְנָשְׂא֖וּe עֲוֹנָֽם׃

11 וְהָי֤וּa בְמִקְדָּשִׁי֙ מְשָׁ֣רְתִ֔ים פְּקֻדֹּות֙b אֶל־שַׁעֲרֵ֣י הַבַּ֔יִת וּֽמְשָׁרְתִ֖יםc אֶת־הַבָּ֑יִת הֵ֠מָּה יִשְׁחֲט֨וּd אֶת־הָעֹלָ֤ה וְאֶת־הַזֶּ֨בַח֙ לָעָ֔ם וְהֵ֛מָּה יַעַמְד֥וּe לִפְנֵיהֶ֖ם לְשָֽׁרְתָֽםf ׃

12 יַ֗עַן אֲשֶׁ֨ר יְשָׁרְת֤וּa אֹותָם֙ לִפְנֵ֣י גִלּֽוּלֵיהֶ֔םb וְהָי֥וּc לְבֵֽית־יִשְׂרָאֵ֖ל לְמִכְשֹׁ֣ולd עָוֹ֑ן עַל־כֵּן֩ נָשָׂ֨אתִיe יָדִ֜י עֲלֵיהֶ֗ם נְאֻם֙ אֲדֹנָ֣י יְהוִ֔ה וְנָשְׂא֖וּf עֲוֹנָֽם׃

13 וְלֹֽא־יִגְּשׁ֤וּa אֵלַי֙ לְכַהֵ֣ןb לִ֔י וְלָגֶ֨שֶׁת֙c עַל־כָּל־קָ֣דָשַׁ֔י אֶל־קָדְשֵׁ֖י הַקְּדָשִׁ֑ים וְנָֽשְׂאוּ֙d כְּלִמָּתָ֔םe וְתֹועֲבֹותָ֖ם אֲשֶׁ֥ר עָשֽׂוּf ׃

14 וְנָתַתִּ֣יa אֹותָ֔ם שֹׁמְרֵ֖י מִשְׁמֶ֣רֶת הַבָּ֑יִת לְכֹל֙ עֲבֹ֣דָתֹ֔ו וּלְכֹ֛ל אֲשֶׁ֥ר יֵעָשֶׂ֖הb בֹּֽו׃ פ

15 וְהַכֹּהֲנִ֨ים הַלְוִיִּ֜ם בְּנֵ֣י צָדֹ֗וק אֲשֶׁ֨ר שָׁמְר֜וּa אֶת־מִשְׁמֶ֤רֶת מִקְדָּשִׁי֙ בִּתְעֹ֤ותb בְּנֵֽי־יִשְׂרָאֵל֙ מֵֽעָלַ֔י הֵ֛מָּה יִקְרְב֥וּc אֵלַ֖י לְשָֽׁרְתֵ֑נִיd וְעָמְד֣וּe לְפָנַ֗י לְהַקְרִ֥יבf לִי֙ חֵ֣לֶב וָדָ֔ם נְאֻ֖ם אֲדֹנָ֥י יְהוִֽה׃

16 הֵ֜מָּה יָבֹ֣אוּa אֶל־מִקְדָּשִׁ֗י וְהֵ֛מָּה יִקְרְב֥וּb אֶל־שֻׁלְחָנִ֖י לְשָׁרְתֵ֑נִיc וְשָׁמְר֖וּd אֶת־מִשְׁמַרְתִּֽי׃

17 וְהָיָ֗הa בְּבֹואָם֙b אֶֽל־שַׁעֲרֵי֙ הֶחָצֵ֣ר הַפְּנִימִ֔יתc בִּגְדֵ֥י פִשְׁתִּ֖יםd יִלְבָּ֑שׁוּe וְלֹֽא־יַעֲלֶ֤הf עֲלֵיהֶם֙ צֶ֔מֶרg בְּשָֽׁרְתָ֗םh בְּשַׁעֲרֵ֛י הֶחָצֵ֥ר הַפְּנִימִ֖יתi וָבָֽיְתָה׃

18 פַּאֲרֵ֤יa פִשְׁתִּים֙b יִהְי֣וּc עַל־רֹאשָׁ֔ם וּמִכְנְסֵ֣יd פִשְׁתִּ֔יםe יִהְי֖וּf עַל־מָתְנֵיהֶ֑םg לֹ֥א יַחְגְּר֖וּh בַּיָּֽזַעi ׃

19 וּ֠בְצֵאתָםa אֶל־הֶחָצֵ֨ר הַחִיצֹונָ֜הb אֶל־הֶחָצֵ֣ר הַחִיצֹונָה֮c אֶל־הָעָם֒ יִפְשְׁט֣וּd אֶת־בִּגְדֵיהֶ֗ם אֲשֶׁר־הֵ֨מָּה֙ מְשָׁרְתִ֣םe בָּ֔ם וְהִנִּ֥יחוּf אֹותָ֖ם בְּלִֽשְׁכֹ֣תg הַקֹּ֑דֶשׁ וְלָֽבְשׁוּ֙h בְּגָדִ֣ים אֲחֵרִ֔ים וְלֹֽא־יְקַדְּשׁ֥וּi אֶת־הָעָ֖ם בְּבִגְדֵיהֶֽם׃

20 וְרֹאשָׁם֙ לֹ֣א יְגַלֵּ֔חוּa וּפֶ֖רַעb לֹ֣א יְשַׁלֵּ֑חוּc כָּסֹ֥וםd יִכְסְמ֖וּe אֶת־רָאשֵׁיהֶֽם׃

21 וְיַ֥יִן לֹֽא־יִשְׁתּ֖וּa כָּל־כֹּהֵ֑ן בְּבֹואָ֖םb אֶל־הֶחָצֵ֥ר הַפְּנִימִֽיתc ׃

22 וְאַלְמָנָה֙ וּגְרוּשָׁ֔הa לֹֽא־יִקְח֥וּb לָהֶ֖ם לְנָשִׁ֑ים כִּ֣י אִם־בְּתוּלֹ֗ת מִזֶּ֨רַע֙ בֵּ֣ית יִשְׂרָאֵ֔ל וְהָֽאַלְמָנָה֙ אֲשֶׁ֣ר תִּֽהְיֶ֣הc אַלְמָנָ֔ה מִכֹּהֵ֖ן יִקָּֽחוּd ׃

23 וְאֶת־עַמִּ֣י יֹור֔וּa בֵּ֥ין קֹ֖דֶשׁ לְחֹ֑לb וּבֵין־טָמֵ֥א לְטָהֹ֖ור יֹודִעֻֽםc ׃

24 וְעַל־רִ֗יב הֵ֚מָּה יַעַמְד֣וּa לשׁפטb בְּמִשְׁפָּטַ֖י ושׁפטהוc וְאֶת־תֹּורֹתַ֤י וְאֶת־חֻקֹּתַי֙ בְּכָל־מֹועֲדַ֣י יִשְׁמֹ֔רוּd וְאֶת־שַׁבְּתֹותַ֖י יְקַדֵּֽשׁוּe ׃

25 וְאֶל־מֵ֣ת אָדָ֔ם לֹ֥א יָבֹ֖ואa לְטָמְאָ֑הb כִּ֣י אִם־לְאָ֡ב וּ֠לְאֵם וּלְבֵ֨ן וּלְבַ֜ת לְאָ֗ח וּלְאָחֹ֛ות אֲשֶֽׁר־לֹא־הָיְתָ֥הc לְאִ֖ישׁ יִטַּמָּֽאוּd ׃

26 וְאַחֲרֵ֖י טָֽהֳרָתֹ֑וa שִׁבְעַ֥ת יָמִ֖ים יִסְפְּרוּb ־לֹֽו׃

27 וּבְיֹום֩ בֹּאֹ֨וa אֶל־הַקֹּ֜דֶשׁ אֶל־הֶחָצֵ֤ר הַפְּנִימִית֙b לְשָׁרֵ֣תc בַּקֹּ֔דֶשׁ יַקְרִ֖יבd חַטָּאתֹ֑ו נְאֻ֖ם אֲדֹנָ֥י יְהוִֽה׃

28 וְהָיְתָ֤הa לָהֶם֙ לְֽנַחֲלָ֔ה אֲנִ֖י נַֽחֲלָתָ֑ם וַאֲחֻזָּ֗ה לֹֽא־תִתְּנ֤וּb לָהֶם֙ בְּיִשְׂרָאֵ֔ל אֲנִ֖י אֲחֻזָּתָֽם׃

29 הַמִּנְחָה֙ וְהַחַטָּ֣את וְהָאָשָׁ֔םa הֵ֖מָּה יֹֽאכְל֑וּםb וְכָל־חֵ֥רֶםc בְּיִשְׂרָאֵ֖ל לָהֶ֥ם יִהְיֶֽהd ׃

30 וְרֵאשִׁית֩ כָּל־בִּכּ֨וּרֵיa כֹ֜ל וְכָל־תְּר֣וּמַת כֹּ֗ל מִכֹּל֙ תְּרוּמֹ֣ותֵיכֶ֔ם לַכֹּהֲנִ֖ים יִֽהְיֶ֑הb וְרֵאשִׁ֤ית עֲרִסֹֽותֵיכֶם֙c תִּתְּנ֣וּd לַכֹּהֵ֔ן לְהָנִ֥יחַe בְּרָכָ֖ה אֶל־בֵּיתֶֽךָ׃

31 כָּל־נְבֵלָה֙a וּטְרֵפָ֔הb מִן־הָעֹ֖וף וּמִן־הַבְּהֵמָ֑ה לֹ֥א יֹאכְל֖וּc הַכֹּהֲנִֽים׃ פ