יחזקאל

וַיֹּוצִאֵ֗נִיa אֶל־הֶֽחָצֵר֙ הַחִ֣יצֹונָ֔הb הַדֶּ֖רֶךְ דֶּ֣רֶךְ הַצָּפֹ֑ון וַיְבִאֵ֣נִיc אֶל־הַלִּשְׁכָּ֗הd אֲשֶׁ֨ר נֶ֧גֶד הַגִּזְרָ֛הe וַאֲשֶֽׁר־נֶ֥גֶד הַבִּנְיָ֖ןf אֶל־הַצָּפֹֽון׃

2 אֶל־פְּנֵי־אֹ֨רֶךְ֙ אַמֹּ֣ות הַמֵּאָ֔ה פֶּ֖תַח הַצָּפֹ֑ון וְהָרֹ֖חַב חֲמִשִּׁ֥ים אַמֹּֽות׃

3 נֶ֣גֶד הָֽעֶשְׂרִ֗ים אֲשֶׁר֙ לֶחָצֵ֣ר הַפְּנִימִ֔יa וְנֶ֣גֶד רִֽצְפָ֔הb אֲשֶׁ֖ר לֶחָצֵ֣ר הַחִֽיצֹונָ֑הc אַתִּ֥יקd אֶל־פְּנֵֽי־אַתִּ֖יקe בַּשְּׁלִשִֽׁים׃

4 וְלִפְנֵ֨י הַלְּשָׁכֹ֜ותa מַהֲלַךְ֩b עֶ֨שֶׂר אַמֹּ֥ות רֹ֨חַב֙ אֶל־הַפְּנִימִ֔יתc דֶּ֖רֶךְ אַמָּ֣ה אֶחָ֑ת וּפִתְחֵיהֶ֖ם לַצָּפֹֽון׃

5 וְהַלְּשָׁכֹ֥ותa הָעֶלְיֹונֹ֖ת קְצֻרֹ֑ותb כִּֽי־יֹוכְל֨וּc אַתִּיקִ֜יםd מֵהֵ֗נָהe מֵֽהַתַּחְתֹּנֹ֛ותf וּמֵהַתִּֽכֹנֹ֖ותg בִּנְיָֽןh ׃

6 כִּ֤י מְשֻׁלָּשֹׁות֙a הֵ֔נָּהb וְאֵ֤ין לָהֶן֙ עַמּוּדִ֔ים כְּעַמּוּדֵ֖י הַחֲצֵרֹ֑ות עַל־כֵּ֣ן נֶאֱצַ֗לc מֵהַתַּחְתֹּונֹ֛ותd וּמֵהַתִּֽיכֹנֹ֖ותe מֵהָאָֽרֶץ׃

7 וְגָדֵ֤רa אֲשֶׁר־לַחוּץ֙ לְעֻמַּ֣תb הַלְּשָׁכֹ֔ותc דֶּ֛רֶךְ הֶחָצֵ֥ר הַחִֽצֹונָ֖הd אֶל־פְּנֵ֣י הַלְּשָׁכֹ֑ותe אָרְכֹּ֖ו חֲמִשִּׁ֥ים אַמָּֽה׃

8 כִּֽי־אֹ֣רֶךְ הַלְּשָׁכֹ֗ותa אֲשֶׁ֛ר לֶחָצֵ֥ר הַחִֽצֹונָ֖הb חֲמִשִּׁ֣ים אַמָּ֑ה וְהִנֵּ֛ה עַל־פְּנֵ֥י הַהֵיכָ֖ל מֵאָ֥ה אַמָּֽה׃

9 ומתחתהa לשׁכותb הָאֵ֑לֶּה המבואc מֵֽהַקָּדִ֔ים בְּבֹאֹ֣וd לָהֵ֔נָּהe מֵֽהֶחָצֵ֖ר הַחִצֹנָֽהf ׃

10 בְּרֹ֣חַב׀ גֶּ֣דֶרa הֶחָצֵ֗ר דֶּ֧רֶךְ הַקָּדִ֛ים אֶל־פְּנֵ֧י הַגִּזְרָ֛הb וְאֶל־פְּנֵ֥י הַבִּנְיָ֖ןc לְשָׁכֹֽותd ׃

11 וְדֶ֨רֶךְ֙ לִפְנֵיהֶ֔ם כְּמַרְאֵ֣ה הַלְּשָׁכֹ֗ותa אֲשֶׁר֙ דֶּ֣רֶךְ הַצָּפֹ֔ון כְּאָרְכָּ֖ן כֵּ֣ן רָחְבָּ֑ן וְכֹל֙ מֹוצָ֣אֵיהֶ֔ןb וּכְמִשְׁפְּטֵיהֶ֖ן וּכְפִתְחֵיהֶֽן׃

12 וּכְפִתְחֵ֣י הַלְּשָׁכֹ֗ותa אֲשֶׁר֙ דֶּ֣רֶךְ הַדָּרֹ֔וםb פֶּ֖תַח בְּרֹ֣אשׁ דָּ֑רֶךְ דֶּ֗רֶךְ בִּפְנֵי֙ הַגְּדֶ֣רֶתc הֲגִינָ֔הd דֶּ֥רֶךְ הַקָּדִ֖ים בְּבֹואָֽןe ׃

13 וַיֹּ֣אמֶרa אֵלַ֗י לִֽשְׁכֹ֨ותb הַצָּפֹ֜ון לִֽשְׁכֹ֣ותc הַדָּרֹום֮d אֲשֶׁ֣ר אֶל־פְּנֵ֣י הַגִּזְרָה֒e הֵ֣נָּהf ׀ לִֽשְׁכֹ֣ותg הַקֹּ֗דֶשׁ אֲשֶׁ֨ר יֹאכְלוּh ־שָׁ֧ם הַכֹּהֲנִ֛ים אֲשֶׁר־קְרֹובִ֥ים לַֽיהוָ֖ה קָדְשֵׁ֣י הַקֳּדָשִׁ֑ים שָׁ֞ם יַנִּ֣יחוּi ׀ קָדְשֵׁ֣י הַקֳּדָשִׁ֗ים וְהַמִּנְחָה֙ וְהַחַטָּ֣את וְהָאָשָׁ֔םj כִּ֥י הַמָּקֹ֖ום קָדֹֽשׁ׃

14 בְּבֹאָ֣םa הַכֹּהֲנִ֗ים וְלֹֽא־יֵצְא֤וּb מֵהַקֹּ֨דֶשׁ֙ אֶל־הֶחָצֵ֣ר הַחִיצֹונָ֔הc וְשָׁ֞ם יַנִּ֧יחוּd בִגְדֵיהֶ֛ם אֲשֶׁר־יְשָׁרְת֥וּe בָהֶ֖ן כִּֽי־קֹ֣דֶשׁ הֵ֑נָּהf ילבשׁוg בְּגָדִ֣ים אֲחֵרִ֔ים וְקָרְב֖וּh אֶל־אֲשֶׁ֥ר לָעָֽם׃

15 וְכִלָּ֗הa אֶת־מִדֹּות֙ הַבַּ֣יִת הַפְּנִימִ֔יb וְהֹוצִיאַ֨נִי֙c דֶּ֣רֶךְ הַשַּׁ֔עַר אֲשֶׁ֥ר פָּנָ֖יו דֶּ֣רֶךְ הַקָּדִ֑ים וּמְדָדֹ֖וd סָבִ֥יב׀ סָבִֽיב׃

16 מָדַ֛דa ר֥וּחַ הַקָּדִ֖ים בִּקְנֵ֣ה הַמִּדָּ֑ה חֲמֵשׁ־אמותb קָנִ֛ים בִּקְנֵ֥ה הַמִּדָּ֖ה סָבִֽיב׃

17 מָדַ֖דa ר֣וּחַ הַצָּפֹ֑ון חֲמֵשׁ־מֵאֹ֥ות קָנִ֛ים בִּקְנֵ֥ה הַמִּדָּ֖ה סָבִֽיב׃

18 אֵ֛ת ר֥וּחַ הַדָּרֹ֖וםa מָדָ֑דb חֲמֵשׁ־מֵאֹ֥ות קָנִ֖ים בִּקְנֵ֥ה הַמִּדָּֽה׃

19 סָבַ֖בa אֶל־ר֣וּחַ הַיָּ֑ם מָדַ֛דb חֲמֵשׁ־מֵאֹ֥ות קָנִ֖ים בִּקְנֵ֥ה הַמִּדָּֽה׃

20 לְאַרְבַּ֨ע רוּחֹ֜ות מְדָדֹ֗וa חֹ֤ומָה לֹו֙ סָבִ֣יב׀ סָבִ֔יב אֹ֚רֶךְ חֲמֵ֣שׁ מֵאֹ֔ות וְרֹ֖חַב חֲמֵ֣שׁ מֵאֹ֑ות לְהַבְדִּ֕ילb בֵּ֥ין הַקֹּ֖דֶשׁ לְחֹֽלc ׃