יחזקאל

וְאַתָּ֤ה בֶן־אָדָם֙ קַחa ־לְךָ֣ לְבֵנָ֔הb וְנָתַתָּ֥הc אֹותָ֖הּ לְפָנֶ֑יךָ וְחַקֹּותָ֥d עָלֶ֛יהָ עִ֖יר אֶת־יְרוּשָׁלִָֽם׃

2 וְנָתַתָּ֨הa עָלֶ֜יהָ מָצֹ֗ורb וּבָנִ֤יתָc עָלֶ֨יהָ֙ דָּיֵ֔קd וְשָׁפַכְתָּ֥e עָלֶ֖יהָ סֹֽלְלָ֑הf וְנָתַתָּ֨הg עָלֶ֧יהָ מַחֲנֹ֛ות וְשִׂיםh ־עָלֶ֥יהָ כָּרִ֖יםi סָבִֽיב׃

3 וְאַתָּ֤ה קַחa ־לְךָ֙ מַחֲבַ֣תb בַּרְזֶ֔ל וְנָתַתָּ֤הc אֹותָהּ֙ קִ֣יר בַּרְזֶ֔ל בֵּינְךָ֖ וּבֵ֣ין הָעִ֑יר וַהֲכִינֹתָה֩d אֶת־פָּנֶ֨יךָ אֵלֶ֜יהָ וְהָיְתָ֤הe בַמָּצֹור֙f וְצַרְתָּ֣g עָלֶ֔יהָ אֹ֥ות הִ֖יא לְבֵ֥ית יִשְׂרָאֵֽל׃ ס

4 וְאַתָּ֤ה שְׁכַב֙a עַל־צִדְּךָ֣b הַשְּׂמָאלִ֔יc וְשַׂמְתָּ֛d אֶת־עֲוֹ֥ן בֵּֽית־יִשְׂרָאֵ֖ל עָלָ֑יו מִסְפַּ֤ר הַיָּמִים֙ אֲשֶׁ֣ר תִּשְׁכַּ֣בe עָלָ֔יו תִּשָּׂ֖אf אֶת־עֲוֹנָֽם׃

5 וַאֲנִ֗י נָתַ֤תִּֽיa לְךָ֙ אֶת־שְׁנֵ֣י עֲוֹנָ֔ם לְמִסְפַּ֣ר יָמִ֔ים שְׁלֹשׁ־מֵאֹ֥ות וְתִשְׁעִ֖ים יֹ֑ום וְנָשָׂ֖אתָb עֲוֹ֥ן בֵּֽית־יִשְׂרָאֵֽל׃

6 וְכִלִּיתָ֣a אֶת־אֵ֗לֶּה וְשָׁ֨כַבְתָּ֜b עַל־צִדְּךָ֤c הימוניd שֵׁנִ֔ית וְנָשָׂ֖אתָe אֶת־עֲוֹ֣ן בֵּית־יְהוּדָ֑ה אַרְבָּעִ֣ים יֹ֔ום יֹ֧ום לַשָּׁנָ֛ה יֹ֥ום לַשָּׁנָ֖ה נְתַתִּ֥יוf לָֽךְ׃

7 וְאֶל־מְצֹ֤ורa יְרוּשָׁלִַ֨ם֙ תָּכִ֣יןb פָּנֶ֔יךָ וּֽזְרֹעֲךָ֖ חֲשׂוּפָ֑הc וְנִבֵּאתָ֖d עָלֶֽיהָ׃

8 וְהִנֵּ֛ה נָתַ֥תִּיa עָלֶ֖יךָ עֲבֹותִ֑יםb וְלֹֽא־תֵהָפֵ֤ךְc מִֽצִּדְּךָ֙d אֶל־צִדֶּ֔ךָe עַד־כַּלֹּותְךָ֖f יְמֵ֥י מְצוּרֶֽךָg ׃

9 וְאַתָּ֣ה קַחa ־לְךָ֡ חִטִּ֡יןb וּ֠שְׂעֹרִיםc וּפֹ֨ולd וַעֲדָשִׁ֜יםe וְדֹ֣חַןf וְכֻסְּמִ֗יםg וְנָתַתָּ֤הh אֹותָם֙ בִּכְלִ֣י אֶחָ֔ד וְעָשִׂ֧יתָi אֹותָ֛ם לְךָ֖ לְלָ֑חֶם מִסְפַּ֨ר הַיָּמִ֜ים אֲשֶׁר־אַתָּ֣ה׀ שֹׁוכֵ֣בj עַֽל־צִדְּךָ֗k שְׁלֹשׁ־מֵאֹ֧ות וְתִשְׁעִ֛ים יֹ֖ום תֹּאכֲלֶֽנּוּl ׃

10 וּמַאֲכָֽלְךָ֙a אֲשֶׁ֣ר תֹּאכֲלֶ֔נּוּb בְּמִשְׁקֹ֕ולc עֶשְׂרִ֥ים שֶׁ֖קֶל לַיֹּ֑ום מֵעֵ֥ת עַד־עֵ֖ת תֹּאכֲלֶֽנּוּd ׃

11 וּמַ֛יִם בִּמְשׂוּרָ֥הa תִשְׁתֶּ֖הb שִׁשִּׁ֣יתc הַהִ֑יןd מֵעֵ֥ת עַד־עֵ֖ת תִּשְׁתֶּֽהe ׃

12 וְעֻגַ֥תa שְׂעֹרִ֖יםb תֹּֽאכֲלֶ֑נָּהc וְהִ֗יא בְּגֶֽלְלֵי֙d צֵאַ֣תe הָֽאָדָ֔ם תְּעֻגֶ֖נָהf לְעֵינֵיהֶֽם׃ ס

13 וַיֹּ֣אמֶרa יְהוָ֔ה כָּ֣כָהb יֹאכְל֧וּc בְנֵֽי־יִשְׂרָאֵ֛ל אֶת־לַחְמָ֖ם טָמֵ֑א בַּגֹּויִ֕ם אֲשֶׁ֥ר אַדִּיחֵ֖םd שָֽׁם׃

14 וָאֹמַ֗רa אֲהָהּ֙b אֲדֹנָ֣י יְהוִ֔ה הִנֵּ֥ה נַפְשִׁ֖י לֹ֣א מְטֻמָּאָ֑הc וּנְבֵלָ֨הd וּטְרֵפָ֤הe לֹֽא־אָכַ֨לְתִּי֙f מִנְּעוּרַ֣יg וְעַד־עַ֔תָּה וְלֹא־בָ֥אh בְּפִ֖י בְּשַׂ֥ר פִּגּֽוּלi ׃ ס

15 וַיֹּ֣אמֶרa אֵלַ֔י רְאֵ֗הb נָתַ֤תִּֽיc לְךָ֙ אֶת־צפועיd הַבָּקָ֔ר תַּ֖חַת גֶּלְלֵ֣יe הָֽאָדָ֑ם וְעָשִׂ֥יתָf אֶֽת־לַחְמְךָ֖ עֲלֵיהֶֽם׃ ס

16 וַיֹּ֣אמֶרa אֵלַ֗י בֶּן־אָדָם֙ הִנְנִ֨י שֹׁבֵ֤רb מַטֵּה־לֶ֨חֶם֙ בִּיר֣וּשָׁלִַ֔ם וְאָכְלוּc ־לֶ֥חֶם בְּמִשְׁקָ֖לd וּבִדְאָגָ֑הe וּמַ֕יִם בִּמְשׂוּרָ֥הf וּבְשִׁמָּמֹ֖וןg יִשְׁתּֽוּh ׃

17 לְמַ֥עַן יַחְסְר֖וּa לֶ֣חֶם וָמָ֑יִם וְנָשַׁ֨מּוּ֙b אִ֣ישׁ וְאָחִ֔יו וְנָמַ֖קּוּc בַּעֲוֹנָֽם׃ פ