יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֗ם שִׂ֤יםa פָּנֶ֨יךָ֙ אֶל־גֹּוג֙b אֶ֣רֶץ הַמָּגֹ֔וגc נְשִׂ֕יא רֹ֖אשׁ מֶ֣שֶׁךְd וְתֻבָ֑לe וְהִנָּבֵ֖אf עָלָֽיו׃

3 וְאָ֣מַרְתָּ֔a כֹּ֥ה אָמַ֖רb אֲדֹנָ֣י יְהוִ֑ה הִנְנִ֤י אֵלֶ֨יךָ֙ גֹּ֔וגc נְשִׂ֕יא רֹ֖אשׁ מֶ֥שֶׁךְd וְתֻבָֽלe ׃

4 וְשֹׁ֣ובַבְתִּ֔יךָa וְנָתַתִּ֥יb חַחִ֖יםc בִּלְחָיֶ֑יךָd וְהֹוצֵאתִי֩e אֹותְךָ֙ וְאֶת־כָּל־חֵילֶ֜ךָ סוּסִ֣ים וּפָרָשִׁ֗ים לְבֻשֵׁ֤יf מִכְלֹול֙g כֻּלָּ֔ם קָהָ֥ל רָב֙ צִנָּ֣הh וּמָגֵ֔ן תֹּפְשֵׂ֥י חֲרָבֹ֖ות כֻּלָּֽם׃

5 פָּרַ֛סa כּ֥וּשׁb וּפ֖וּטc אִתָּ֑ם כֻּלָּ֖ם מָגֵ֥ן וְכֹובָֽעd ׃

6 גֹּ֚מֶרa וְכָל־אֲגַפֶּ֔יהָb בֵּ֚ית תֹּֽוגַרְמָ֔הc יַרְכְּתֵ֥יd צָפֹ֖ון וְאֶת־כָּל־אֲגַפָּ֑יוe עַמִּ֥ים רַבִּ֖ים אִתָּֽךְ׃

7 הִכֹּן֙a וְהָכֵ֣ןb לְךָ֔ אַתָּ֕ה וְכָל־קְהָלֶ֖ךָ הַנִּקְהָלִ֣יםc עָלֶ֑יךָ וְהָיִ֥יתָd לָהֶ֖ם לְמִשְׁמָֽרe ׃

8 מִיָּמִ֣ים רַבִּים֮ תִּפָּקֵד֒a בְּאַחֲרִ֨ית הַשָּׁנִ֜ים תָּבֹ֣ואb ׀ אֶל־אֶ֣רֶץ׀ מְשֹׁובֶ֣בֶתc מֵחֶ֗רֶב מְקֻבֶּ֨צֶת֙d מֵעַמִּ֣ים רַבִּ֔ים עַ֚ל הָרֵ֣י יִשְׂרָאֵ֔ל אֲשֶׁר־הָי֥וּe לְחָרְבָּ֖הf תָּמִ֑יד וְהִיא֙ מֵעַמִּ֣ים הוּצָ֔אָהg וְיָשְׁב֥וּh לָבֶ֖טַחi כֻּלָּֽם׃

9 וְעָלִ֨יתָ֙a כַּשֹּׁאָ֣הb תָבֹ֔ואc כֶּעָנָ֛ן לְכַסֹּ֥ותd הָאָ֖רֶץ תִּֽהְיֶ֑הe אַתָּה֙ וְכָל־אֲגַפֶּ֔יךָf וְעַמִּ֥ים רַבִּ֖ים אֹותָֽךְ׃ ס

10 כֹּ֥ה אָמַ֖רa אֲדֹנָ֣י יְהוִ֑ה וְהָיָ֣הb ׀ בַּיֹּ֣ום הַה֗וּא יַעֲל֤וּc דְבָרִים֙ עַל־לְבָבֶ֔ךָ וְחָשַׁבְתָּ֖d מַחֲשֶׁ֥בֶתe רָעָֽה׃

11 וְאָמַרְתָּ֗a אֶֽעֱלֶה֙b עַל־אֶ֣רֶץ פְּרָזֹ֔ותc אָבֹוא֙d הַשֹּׁ֣קְטִ֔יםe יֹשְׁבֵ֖י לָבֶ֑טַחf כֻּלָּ֗ם יֹֽשְׁבִים֙g בְּאֵ֣ין חֹומָ֔ה וּבְרִ֥יחַh וּדְלָתַ֖יִם אֵ֥ין לָהֶֽם׃

12 לִשְׁלֹ֥לa שָׁלָ֖ל וְלָבֹ֣זb בַּ֑זc לְהָשִׁ֨יבd יָדְךָ֜ עַל־חֳרָבֹ֣ותe נֹושָׁבֹ֗ת וְאֶל־עַם֙ מְאֻסָּ֣ףf מִגֹּויִ֔ם עֹשֶׂה֙g מִקְנֶ֣ה וְקִנְיָ֔ןh יֹשְׁבֵ֖י עַל־טַבּ֥וּרi הָאָֽרֶץ׃

13 שְׁבָ֡אa וּ֠דְדָןb וְסֹחֲרֵ֨יc תַרְשִׁ֤ישׁd וְכָל־כְּפִרֶ֨יהָ֙e יֹאמְר֣וּf לְךָ֔ הֲלִשְׁלֹ֤לg שָׁלָל֙ אַתָּ֣ה בָ֔אh הֲלָבֹ֥זi בַּ֖זj הִקְהַ֣לְתָּk קְהָלֶ֑ךָ לָשֵׂ֣אתl ׀ כֶּ֣סֶף וְזָהָ֗ב לָקַ֨חַת֙m מִקְנֶ֣ה וְקִנְיָ֔ןn לִשְׁלֹ֖לo שָׁלָ֥ל גָּדֹֽול׃ ס

14 לָכֵן֙ הִנָּבֵ֣אa בֶן־אָדָ֔ם וְאָמַרְתָּ֣b לְגֹ֔וגc כֹּ֥ה אָמַ֖רd אֲדֹנָ֣י יְהוִ֑ה הֲלֹ֣וא׀ בַּיֹּ֣ום הַה֗וּא בְּשֶׁ֨בֶתe עַמִּ֧י יִשְׂרָאֵ֛ל לָבֶ֖טַחf תֵּדָֽעg ׃

15 וּבָ֤אתָa מִמְּקֹֽומְךָ֙ מִיַּרְכְּתֵ֣יb צָפֹ֔ון אַתָּ֕ה וְעַמִּ֥ים רַבִּ֖ים אִתָּ֑ךְ רֹכְבֵ֤י סוּסִים֙ כֻּלָּ֔ם קָהָ֥ל גָּדֹ֖ול וְחַ֥יִל רָֽב׃

16 וְעָלִ֨יתָ֙a עַל־עַמִּ֣י יִשְׂרָאֵ֔ל כֶּֽעָנָ֖ן לְכַסֹּ֣ותb הָאָ֑רֶץ בְּאַחֲרִ֨ית הַיָּמִ֜ים תִּֽהְיֶ֗הc וַהֲבִאֹותִ֨יךָ֙d עַל־אַרְצִ֔י לְמַעַן֩ דַּ֨עַתe הַגֹּויִ֜ם אֹתִ֗י בְּהִקָּדְשִׁ֥יf בְךָ֛ לְעֵינֵיהֶ֖ם גֹּֽוגg ׃ ס

17 כֹּֽה־אָמַ֞רa אֲדֹנָ֣י יְהוִ֗ה הַֽאַתָּה־ה֨וּא אֲשֶׁר־דִּבַּ֜רְתִּיb בְּיָמִ֣ים קַדְמֹונִ֗יםc בְּיַד֙ עֲבָדַי֙ נְבִיאֵ֣י יִשְׂרָאֵ֔ל הַֽנִּבְּאִ֛יםd בַּיָּמִ֥ים הָהֵ֖ם שָׁנִ֑ים לְהָבִ֥יאe אֹתְךָ֖ עֲלֵיהֶֽם׃ ס

18 וְהָיָ֣הa ׀ בַּיֹּ֣ום הַה֗וּא בְּיֹ֨ום בֹּ֥ואb גֹוג֙c עַל־אַדְמַ֣ת יִשְׂרָאֵ֔ל נְאֻ֖ם אֲדֹנָ֣י יְהוִ֑ה תַּעֲלֶ֥הd חֲמָתִ֖י בְּאַפִּֽי׃

19 וּבְקִנְאָתִ֥יa בְאֵשׁ־עֶבְרָתִ֖יb דִּבַּ֑רְתִּיc אִם־לֹ֣א׀ בַּיֹּ֣ום הַה֗וּא יִֽהְיֶה֙d רַ֣עַשׁe גָּדֹ֔ול עַ֖ל אַדְמַ֥ת יִשְׂרָאֵֽל׃

20 וְרָעֲשׁ֣וּa מִפָּנַ֡י דְּגֵ֣יb הַיָּם֩ וְעֹ֨וף הַשָּׁמַ֜יִם וְחַיַּ֣ת הַשָּׂדֶ֗ה וְכָל־הָרֶ֨מֶשׂ֙c הָרֹמֵ֣שׂd עַל־הָֽאֲדָמָ֔ה וְכֹל֙ הָֽאָדָ֔ם אֲשֶׁ֖ר עַל־פְּנֵ֣י הָאֲדָמָ֑ה וְנֶהֶרְס֣וּe הֶהָרִ֗ים וְנָֽפְלוּ֙f הַמַּדְרֵגֹ֔ותg וְכָל־חֹומָ֖ה לָאָ֥רֶץ תִּפֹּֽולh ׃

21 וְקָרָ֨אתִיa עָלָ֤יו לְכָל־הָרַי֙ חֶ֔רֶב נְאֻ֖ם אֲדֹנָ֣י יְהוִ֑ה חֶ֥רֶב אִ֖ישׁ בְּאָחִ֥יו תִּֽהְיֶֽהb ׃

22 וְנִשְׁפַּטְתִּ֥יa אִתֹּ֖ו בְּדֶ֣בֶרb וּבְדָ֑ם וְגֶ֣שֶׁםc שֹׁוטֵף֩d וְאַבְנֵ֨י אֶלְגָּבִ֜ישׁe אֵ֣שׁ וְגָפְרִ֗יתf אַמְטִ֤ירg עָלָיו֙ וְעַל־אֲגַפָּ֔יוh וְעַל־עַמִּ֥ים רַבִּ֖ים אֲשֶׁ֥ר אִתֹּֽו׃

23 וְהִתְגַּדִּלְתִּי֙a וְהִתְקַדִּשְׁתִּ֔יb וְנֹ֣ודַעְתִּ֔יc לְעֵינֵ֖י גֹּויִ֣ם רַבִּ֑ים וְיָדְע֖וּd כִּֽי־אֲנִ֥י יְהוָֽה׃ ס