יחזקאל

הָיְתָ֣הa עָלַי֮ יַד־יְהוָה֒ וַיֹּוצִאֵ֤נִיb בְר֨וּחַ֙ יְהוָ֔ה וַיְנִיחֵ֖נִיc בְּתֹ֣וךְ הַבִּקְעָ֑הd וְהִ֖יא מְלֵאָ֥הe עֲצָמֹֽות׃

2 וְהֶעֱבִירַ֥נִיa עֲלֵיהֶ֖ם סָבִ֣יב׀ סָבִ֑יב וְהִנֵּ֨ה רַבֹּ֤ות מְאֹד֙ עַל־פְּנֵ֣י הַבִּקְעָ֔הb וְהִנֵּ֖ה יְבֵשֹׁ֥ותc מְאֹֽד׃

3 וַיֹּ֣אמֶרa אֵלַ֔י בֶּן־אָדָ֕ם הֲתִחְיֶ֖ינָהb הָעֲצָמֹ֣ות הָאֵ֑לֶּה וָאֹמַ֕רc אֲדֹנָ֥י יְהוִ֖ה אַתָּ֥ה יָדָֽעְתָּd ׃

4 וַיֹּ֣אמֶרa אֵלַ֔י הִנָּבֵ֖אb עַל־הָעֲצָמֹ֣ות הָאֵ֑לֶּה וְאָמַרְתָּ֣c אֲלֵיהֶ֔ם הָעֲצָמֹות֙ הַיְבֵשֹׁ֔ותd שִׁמְע֖וּe דְּבַר־יְהוָֽה׃

5 כֹּ֤ה אָמַר֙a אֲדֹנָ֣י יְהוִ֔ה לָעֲצָמֹ֖ות הָאֵ֑לֶּה הִנֵּ֨ה אֲנִ֜י מֵבִ֥יאb בָכֶ֛ם ר֖וּחַ וִחְיִיתֶֽםc ׃

6 וְנָתַתִּי֩a עֲלֵיכֶ֨ם גִּדִ֜יםb וְֽהַעֲלֵתִ֧יc עֲלֵיכֶ֣ם בָּשָׂ֗ר וְקָרַמְתִּ֤יd עֲלֵיכֶם֙ עֹ֔ור וְנָתַתִּ֥יe בָכֶ֛ם ר֖וּחַ וִחְיִיתֶ֑םf וִידַעְתֶּ֖םg כִּֽי־אֲנִ֥י יְהוָֽה׃

7 וְנִבֵּ֖אתִיa כַּאֲשֶׁ֣ר צֻוֵּ֑יתִיb וַֽיְהִיc ־קֹ֤ול כְּהִנָּֽבְאִי֙d וְהִנֵּה־רַ֔עַשׁe וַתִּקְרְב֣וּf עֲצָמֹ֔ות עֶ֖צֶם אֶל־עַצְמֹֽו׃

8 וְרָאִ֜יתִיa וְהִנֵּֽה־עֲלֵיהֶ֤ם גִּדִים֙b וּבָשָׂ֣ר עָלָ֔הc וַיִּקְרַ֧םd עֲלֵיהֶ֛ם עֹ֖ור מִלְמָ֑עְלָה וְר֖וּחַ אֵ֥ין בָּהֶֽם׃

9 וַיֹּ֣אמֶרa אֵלַ֔י הִנָּבֵ֖אb אֶל־הָר֑וּחַ הִנָּבֵ֣אc בֶן־אָ֠דָם וְאָמַרְתָּ֙d אֶל־הָר֜וּחַ כֹּֽה־אָמַ֣רe ׀ אֲדֹנָ֣י יְהוִ֗ה מֵאַרְבַּ֤ע רוּחֹות֙ בֹּ֣אִיf הָר֔וּחַ וּפְחִ֛יg בַּהֲרוּגִ֥ים הָאֵ֖לֶּה וְיִֽחְיֽוּh ׃

10 וְהִנַּבֵּ֖אתִיa כַּאֲשֶׁ֣ר צִוָּ֑נִיb וַתָּבֹוא֩c בָהֶ֨ם הָר֜וּחַ וַיִּֽחְי֗וּd וַיַּֽעַמְדוּ֙e עַל־רַגְלֵיהֶ֔ם חַ֖יִל גָּדֹ֥ול מְאֹד־מְאֹֽד׃ ס

11 וַיֹּאמֶר֮a אֵלַי֒ בֶּן־אָדָ֕ם הָעֲצָמֹ֣ות הָאֵ֔לֶּה כָּל־בֵּ֥ית יִשְׂרָאֵ֖ל הֵ֑מָּה הִנֵּ֣ה אֹמְרִ֗יםb יָבְשׁ֧וּc עַצְמֹותֵ֛ינוּ וְאָבְדָ֥הd תִקְוָתֵ֖נוּe נִגְזַ֥רְנוּf לָֽנוּ׃

12 לָכֵן֩ הִנָּבֵ֨אa וְאָמַרְתָּ֜b אֲלֵיהֶ֗ם כֹּֽה־אָמַר֮c אֲדֹנָ֣י יְהוִה֒ הִנֵּה֩ אֲנִ֨י פֹתֵ֜חַd אֶת־קִבְרֹֽותֵיכֶ֗ם וְהַעֲלֵיתִ֥יe אֶתְכֶ֛ם מִקִּבְרֹותֵיכֶ֖ם עַמִּ֑י וְהֵבֵאתִ֥יf אֶתְכֶ֖ם אֶל־אַדְמַ֥ת יִשְׂרָאֵֽל׃ ס

13 וִֽידַעְתֶּ֖םa כִּֽי־אֲנִ֣י יְהוָ֑ה בְּפִתְחִ֣יb אֶת־קִבְרֹֽותֵיכֶ֗ם וּבְהַעֲלֹותִ֥יc אֶתְכֶ֛ם מִקִּבְרֹותֵיכֶ֖ם עַמִּֽי׃

14 וְנָתַתִּ֨יa רוּחִ֤י בָכֶם֙ וִחְיִיתֶ֔םb וְהִנַּחְתִּ֥יc אֶתְכֶ֖ם עַל־אַדְמַתְכֶ֑ם וִידַעְתֶּ֞םd כִּי־אֲנִ֧י יְהוָ֛ה דִּבַּ֥רְתִּיe וְעָשִׂ֖יתִיf נְאֻם־יְהוָֽה׃ פ

15 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

16 וְאַתָּ֣ה בֶן־אָדָ֗ם קַחa ־לְךָ֙ עֵ֣ץ אֶחָ֔ד וּכְתֹ֤בb עָלָיו֙ לִֽיהוּדָ֔ה וְלִבְנֵ֥י יִשְׂרָאֵ֖ל חברוc וּלְקַח֙d עֵ֣ץ אֶחָ֔ד וּכְתֹ֣ובe עָלָ֗יו לְיֹוסֵף֙ עֵ֣ץ אֶפְרַ֔יִם וְכָל־בֵּ֥ית יִשְׂרָאֵ֖ל חברוf ׃

17 וְקָרַ֨בa אֹתָ֜ם אֶחָ֧ד אֶל־אֶחָ֛ד לְךָ֖ לְעֵ֣ץ אֶחָ֑ד וְהָי֥וּb לַאֲחָדִ֖ים בְּיָדֶֽךָ׃

18 וְכַֽאֲשֶׁר֙ יֹאמְר֣וּa אֵלֶ֔יךָ בְּנֵ֥י עַמְּךָ֖ לֵאמֹ֑רb הֲלֹֽוא־תַגִּ֥ידc לָ֖נוּ מָה־אֵ֥לֶּה לָּֽךְ׃

19 דַּבֵּ֣רa אֲלֵהֶ֗ם כֹּֽה־אָמַר֮b אֲדֹנָ֣י יְהוִה֒ הִנֵּה֩ אֲנִ֨י לֹקֵ֜חַc אֶת־עֵ֤ץ יֹוסֵף֙ אֲשֶׁ֣ר בְּיַד־אֶפְרַ֔יִם וְשִׁבְטֵ֥י יִשְׂרָאֵ֖ל חברוd וְנָתַתִּי֩e אֹותָ֨ם עָלָ֜יו אֶת־עֵ֣ץ יְהוּדָ֗ה וַֽעֲשִׂיתִם֙f לְעֵ֣ץ אֶחָ֔ד וְהָי֥וּg אֶחָ֖ד בְּיָדִֽי׃

20 וְהָי֨וּa הָעֵצִ֜ים אֲֽשֶׁר־תִּכְתֹּ֧בb עֲלֵיהֶ֛ם בְּיָדְךָ֖ לְעֵינֵיהֶֽם׃

21 וְדַבֵּ֣רa אֲלֵיהֶ֗ם כֹּֽה־אָמַר֮b אֲדֹנָ֣י יְהוִה֒ הִנֵּ֨ה אֲנִ֤י לֹקֵ֨חַ֙c אֶת־בְּנֵ֣י יִשְׂרָאֵ֔ל מִבֵּ֥ין הַגֹּויִ֖ם אֲשֶׁ֣ר הָֽלְכוּd ־שָׁ֑ם וְקִבַּצְתִּ֤יe אֹתָם֙ מִסָּבִ֔יב וְהֵבֵאתִ֥יf אֹותָ֖ם אֶל־אַדְמָתָֽם׃

22 וְעָשִׂ֣יתִיa אֹ֠תָם לְגֹ֨וי אֶחָ֤ד בָּאָ֨רֶץ֙ בְּהָרֵ֣י יִשְׂרָאֵ֔ל וּמֶ֧לֶךְ אֶחָ֛ד יִֽהְיֶ֥הb לְכֻלָּ֖ם לְמֶ֑לֶךְ וְלֹ֤א יהיהc ־עֹוד֙ לִשְׁנֵ֣י גֹויִ֔ם וְלֹ֨א יֵחָ֥צוּd עֹ֛וד לִשְׁתֵּ֥י מַמְלָכֹ֖ות עֹֽוד׃

23 וְלֹ֧א יִֽטַמְּא֣וּa עֹ֗וד בְּגִלּֽוּלֵיהֶם֙b וּבְשִׁקּ֣וּצֵיהֶ֔םc וּבְכֹ֖ל פִּשְׁעֵיהֶ֑ם וְהֹושַׁעְתִּ֣יd אֹתָ֗ם מִכֹּ֤ל מֹושְׁבֹֽתֵיהֶם֙e אֲשֶׁ֣ר חָטְא֣וּf בָהֶ֔ם וְטִהַרְתִּ֤יg אֹותָם֙ וְהָיוּh ־לִ֣י לְעָ֔ם וַאֲנִ֕י אֶהְיֶ֥הi לָהֶ֖ם לֵאלֹהִֽים׃

24 וְעַבְדִּ֤י דָוִד֙ מֶ֣לֶךְ עֲלֵיהֶ֔ם וְרֹועֶ֥ה אֶחָ֖ד יִהְיֶ֣הa לְכֻלָּ֑ם וּבְמִשְׁפָּטַ֣י יֵלֵ֔כוּb וְחֻקֹּתַ֥י יִשְׁמְר֖וּc וְעָשׂ֥וּd אֹותָֽם׃

25 וְיָשְׁב֣וּa עַל־הָאָ֗רֶץ אֲשֶׁ֤ר נָתַ֨תִּי֙b לְעַבְדִּ֣י לְיַֽעֲקֹ֔ב אֲשֶׁ֥ר יָֽשְׁבוּc ־בָ֖הּ אֲבֹֽותֵיכֶ֑ם וְיָשְׁב֣וּd עָלֶ֡יהָ הֵ֠מָּה וּבְנֵיהֶ֞ם וּבְנֵ֤י בְנֵיהֶם֙ עַד־עֹולָ֔ם וְדָוִ֣ד עַבְדִּ֔י נָשִׂ֥יא לָהֶ֖ם לְעֹולָֽם׃

26 וְכָרַתִּ֤יa לָהֶם֙ בְּרִ֣ית שָׁלֹ֔ום בְּרִ֥ית עֹולָ֖ם יִהְיֶ֣הb אֹותָ֑ם וּנְתַתִּים֙c וְהִרְבֵּיתִ֣יd אֹותָ֔ם וְנָתַתִּ֧יe אֶת־מִקְדָּשִׁ֛י בְּתֹוכָ֖ם לְעֹולָֽם׃

27 וְהָיָ֤הa מִשְׁכָּנִי֙ עֲלֵיהֶ֔ם וְהָיִ֥יתִיb לָהֶ֖ם לֵֽאלֹהִ֑ים וְהֵ֖מָּה יִֽהְיוּc ־לִ֥י לְעָֽם׃

28 וְיָֽדְעוּ֙a הַגֹּויִ֔ם כִּ֚י אֲנִ֣י יְהוָ֔ה מְקַדֵּ֖שׁb אֶת־יִשְׂרָאֵ֑ל בִּהְיֹ֧ותc מִקְדָּשִׁ֛י בְּתֹוכָ֖ם לְעֹולָֽם׃ ס