יחזקאל

וְאַתָּ֣ה בֶן־אָדָ֔ם הִנָּבֵ֖אa אֶל־הָרֵ֣י יִשְׂרָאֵ֑ל וְאָ֣מַרְתָּ֔b הָרֵי֙ יִשְׂרָאֵ֔ל שִׁמְע֖וּc דְּבַר־יְהוָֽה׃

2 כֹּ֤ה אָמַר֙a אֲדֹנָ֣י יְהוִ֔ה יַ֣עַן אָמַ֧רb הָאֹויֵ֛ב עֲלֵיכֶ֖ם הֶאָ֑חc וּבָמֹ֣ות עֹולָ֔ם לְמֹֽורָשָׁ֖הd הָ֥יְתָהe לָּֽנוּ׃

3 לָכֵן֙ הִנָּבֵ֣אa וְאָמַרְתָּ֔b כֹּ֥ה אָמַ֖רc אֲדֹנָ֣י יְהוִ֑ה יַ֣עַן בְּיַ֡עַן שַׁמֹּות֩d וְשָׁאֹ֨ףe אֶתְכֶ֜ם מִסָּבִ֗יב לִֽהְיֹותְכֶ֤םf מֹֽורָשָׁה֙g לִשְׁאֵרִ֣ית הַגֹּויִ֔ם וַתֵּֽעֲל֛וּh עַל־שְׂפַ֥ת לָשֹׁ֖ון וְדִבַּתi ־עָֽם׃

4 לָכֵן֙ הָרֵ֣י יִשְׂרָאֵ֔ל שִׁמְע֖וּa דְּבַר־אֲדֹנָ֣י יְהוִ֑ה כֹּֽה־אָמַ֣רb אֲדֹנָ֣י יְ֠הוִה לֶהָרִ֨ים וְלַגְּבָעֹ֜ות לָאֲפִיקִ֣יםc וְלַגֵּאָיֹ֗ות וְלֶחֳרָבֹ֤ותd הַשֹּֽׁמְמֹות֙e וְלֶעָרִ֣ים הַנֶּעֱזָבֹ֔ותf אֲשֶׁ֨ר הָי֤וּg לְבַז֙h וּלְלַ֔עַגi לִשְׁאֵרִ֥ית הַגֹּויִ֖ם אֲשֶׁ֥ר מִסָּבִֽיב׃ ס

5 לָכֵ֗ן כֹּֽה־אָמַר֮a אֲדֹנָ֣י יְהוִה֒ אִם־לֹ֠א בְּאֵ֨שׁ קִנְאָתִ֥יb דִבַּ֛רְתִּיc עַל־שְׁאֵרִ֥ית הַגֹּויִ֖ם וְעַל־אֱדֹ֣ום כֻּלָּ֑א אֲשֶׁ֣ר נָתְנֽוּd ־אֶת־אַרְצִ֣י׀ לָ֠הֶם לְמֹ֨ורָשָׁ֜הe בְּשִׂמְחַ֤ת כָּל־לֵבָב֙ בִּשְׁאָ֣טf נֶ֔פֶשׁ לְמַ֥עַן מִגְרָשָׁ֖הּ לָבַֽזg ׃

6 לָכֵ֕ן הִנָּבֵ֖אa עַל־אַדְמַ֣ת יִשְׂרָאֵ֑ל וְאָמַרְתָּ֡b לֶהָרִ֣ים וְ֠לַגְּבָעֹות לָאֲפִיקִ֨יםc וְלַגֵּאָיֹ֜ות כֹּֽה־אָמַ֣רd ׀ אֲדֹנָ֣י יְהוִ֗ה הִנְנִ֨י בְקִנְאָתִ֤יe וּבַחֲמָתִי֙ דִּבַּ֔רְתִּיf יַ֛עַן כְּלִמַּ֥תg גֹּויִ֖ם נְשָׂאתֶֽםh ׃

7 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה אֲנִ֖י נָשָׂ֣אתִיb אֶת־יָדִ֑י אִם־לֹ֤א הַגֹּויִם֙ אֲשֶׁ֣ר לָכֶ֣ם מִסָּבִ֔יב הֵ֖מָּה כְּלִמָּתָ֖םc יִשָּֽׂאוּd ׃

8 וְאַתֶּ֞ם הָרֵ֤י יִשְׂרָאֵל֙ עַנְפְּכֶ֣םa תִּתֵּ֔נוּb וּפֶרְיְכֶ֥ם תִּשְׂא֖וּc לְעַמִּ֣י יִשְׂרָאֵ֑ל כִּ֥י קֵרְב֖וּd לָבֹֽואe ׃

9 כִּ֖י הִנְנִ֣י אֲלֵיכֶ֑ם וּפָנִ֣יתִיa אֲלֵיכֶ֔ם וְנֶעֱבַדְתֶּ֖םb וְנִזְרַעְתֶּֽםc ׃

10 וְהִרְבֵּיתִ֤יa עֲלֵיכֶם֙ אָדָ֔ם כָּל־בֵּ֥ית יִשְׂרָאֵ֖ל כֻּלֹּ֑ה וְנֹֽשְׁבוּ֙b הֶֽעָרִ֔ים וְהֶחֳרָבֹ֖ותc תִּבָּנֶֽינָהd ׃

11 וְהִרְבֵּיתִ֧יa עֲלֵיכֶ֛ם אָדָ֥ם וּבְהֵמָ֖ה וְרָב֣וּb וּפָר֑וּc וְהֹושַׁבְתִּ֨יd אֶתְכֶ֜ם כְּקַדְמֹֽותֵיכֶ֗םe וְהֵטִֽבֹתִי֙f מֵרִאשֹׁ֣תֵיכֶ֔םg וִֽידַעְתֶּ֖םh כִּֽי־אֲנִ֥י יְהוָֽה׃

12 וְהֹולַכְתִּי֩a עֲלֵיכֶ֨ם אָדָ֜ם אֶת־עַמִּ֤י יִשְׂרָאֵל֙ וִֽירֵשׁ֔וּךָb וְהָיִ֥יתָc לָהֶ֖ם לְנַחֲלָ֑ה וְלֹא־תֹוסִ֥ףd עֹ֖וד לְשַׁכְּלָֽםe ׃ ס

13 כֹּ֤ה אָמַר֙a אֲדֹנָ֣י יְהוִ֔ה יַ֚עַן אֹמְרִ֣יםb לָכֶ֔ם אֹכֶ֥לֶת אָדָ֖ם אתיc וּמְשַׁכֶּ֥לֶתd גויךe הָיִֽיתf ׃

14 לָכֵ֗ן אָדָם֙ לֹא־תֹ֣אכְלִיa עֹ֔וד וגויךb לֹ֣א תכשׁליc ־עֹ֑וד נְאֻ֖ם אֲדֹנָ֥י יְהוִֽה׃

15 וְלֹא־אַשְׁמִ֨יעַa אֵלַ֤יִךְ עֹוד֙ כְּלִמַּ֣תb הַגֹּויִ֔ם וְחֶרְפַּ֥ת עַמִּ֖ים לֹ֣א תִשְׂאִיc ־עֹ֑וד וגויךd לֹא־תַכְשִׁ֣לִיe עֹ֔וד נְאֻ֖ם אֲדֹנָ֥י יְהוִֽה׃ ס

16 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

17 בֶּן־אָדָ֗ם בֵּ֤ית יִשְׂרָאֵל֙ יֹשְׁבִ֣יםa עַל־אַדְמָתָ֔ם וַיְטַמְּא֣וּb אֹותָ֔הּ בְּדַרְכָּ֖ם וּבַעֲלִֽילֹותָ֑םc כְּטֻמְאַת֙d הַנִּדָּ֔הe הָיְתָ֥הf דַרְכָּ֖ם לְפָנָֽי׃

18 וָאֶשְׁפֹּ֤ךְa חֲמָתִי֙ עֲלֵיהֶ֔ם עַל־הַדָּ֖ם אֲשֶׁר־שָׁפְכ֣וּb עַל־הָאָ֑רֶץ וּבְגִלּוּלֵיהֶ֖םc טִמְּאֽוּהָd ׃

19 וָאָפִ֤יץa אֹתָם֙ בַּגֹּויִ֔ם וַיִּזָּר֖וּb בָּאֲרָצֹ֑ות כְּדַרְכָּ֥ם וְכַעֲלִילֹותָ֖םc שְׁפַטְתִּֽיםd ׃

20 וַיָּבֹ֗ואa אֶל־הַגֹּויִם֙ אֲשֶׁר־בָּ֣אוּb שָׁ֔ם וַֽיְחַלְּל֖וּc אֶת־שֵׁ֣ם קָדְשִׁ֑י בֶּאֱמֹ֤רd לָהֶם֙ עַם־יְהוָ֣ה אֵ֔לֶּה וּמֵאַרְצֹ֖ו יָצָֽאוּe ׃

21 וָאֶחְמֹ֖לa עַל־שֵׁ֣ם קָדְשִׁ֑י אֲשֶׁ֤ר חִלְּל֨וּהוּ֙b בֵּ֣ית יִשְׂרָאֵ֔ל בַּגֹּויִ֖ם אֲשֶׁר־בָּ֥אוּc שָֽׁמָּה׃ ס

22 לָכֵ֞ן אֱמֹ֣רa לְבֵֽית־יִשְׂרָאֵ֗ל כֹּ֤ה אָמַר֙b אֲדֹנָ֣י יְהוִ֔ה לֹ֧א לְמַעַנְכֶ֛ם אֲנִ֥י עֹשֶׂ֖הc בֵּ֣ית יִשְׂרָאֵ֑ל כִּ֤י אִם־לְשֵׁם־קָדְשִׁי֙ אֲשֶׁ֣ר חִלַּלְתֶּ֔םd בַּגֹּויִ֖ם אֲשֶׁר־בָּ֥אתֶםe שָֽׁם׃

23 וְקִדַּשְׁתִּ֞יa אֶת־שְׁמִ֣י הַגָּדֹ֗ול הַֽמְחֻלָּל֙b בַּגֹּויִ֔ם אֲשֶׁ֥ר חִלַּלְתֶּ֖םc בְּתֹוכָ֑ם וְיָדְע֨וּd הַגֹּויִ֜ם כִּי־אֲנִ֣י יְהוָ֗ה נְאֻם֙ אֲדֹנָ֣י יְהוִ֔ה בְּהִקָּדְשִׁ֥יe בָכֶ֖ם לְעֵינֵיהֶֽם׃

24 וְלָקַחְתִּ֤יa אֶתְכֶם֙ מִן־הַגֹּויִ֔ם וְקִבַּצְתִּ֥יb אֶתְכֶ֖ם מִכָּל־הָאֲרָצֹ֑ות וְהֵבֵאתִ֥יc אֶתְכֶ֖ם אֶל־אַדְמַתְכֶֽם׃

25 וְזָרַקְתִּ֧יa עֲלֵיכֶ֛ם מַ֥יִם טְהֹורִ֖ים וּטְהַרְתֶּ֑םb מִכֹּ֧ל טֻמְאֹותֵיכֶ֛םc וּמִכָּל־גִּלּ֥וּלֵיכֶ֖םd אֲטַהֵ֥רe אֶתְכֶֽם׃

26 וְנָתַתִּ֤יa לָכֶם֙ לֵ֣ב חָדָ֔שׁ וְר֥וּחַ חֲדָשָׁ֖ה אֶתֵּ֣ןb בְּקִרְבְּכֶ֑ם וַהֲסִ֨רֹתִ֜יc אֶת־לֵ֤ב הָאֶ֨בֶן֙ מִבְּשַׂרְכֶ֔ם וְנָתַתִּ֥יd לָכֶ֖ם לֵ֥ב בָּשָֽׂר׃

27 וְאֶת־רוּחִ֖י אֶתֵּ֣ןa בְּקִרְבְּכֶ֑ם וְעָשִׂ֗יתִיb אֵ֤ת אֲשֶׁר־בְּחֻקַּי֙ תֵּלֵ֔כוּc וּמִשְׁפָּטַ֥י תִּשְׁמְר֖וּd וַעֲשִׂיתֶֽםe ׃

28 וִישַׁבְתֶּ֣םa בָּאָ֔רֶץ אֲשֶׁ֥ר נָתַ֖תִּיb לַאֲבֹֽתֵיכֶ֑ם וִהְיִ֤יתֶםc לִי֙ לְעָ֔ם וְאָ֣נֹכִ֔י אֶהְיֶ֥הd לָכֶ֖ם לֵאלֹהִֽים׃

29 וְהֹושַׁעְתִּ֣יa אֶתְכֶ֔ם מִכֹּ֖ל טֻמְאֹֽותֵיכֶ֑םb וְקָרָ֤אתִיc אֶל־הַדָּגָן֙d וְהִרְבֵּיתִ֣יe אֹתֹ֔ו וְלֹא־אֶתֵּ֥ןf עֲלֵיכֶ֖ם רָעָֽב׃

30 וְהִרְבֵּיתִי֙a אֶת־פְּרִ֣י הָעֵ֔ץ וּתְנוּבַ֖תb הַשָּׂדֶ֑ה לְמַ֗עַן אֲ֠שֶׁר לֹ֣א תִקְח֥וּc עֹ֛וד חֶרְפַּ֥ת רָעָ֖ב בַּגֹּויִֽם׃

31 וּזְכַרְתֶּם֙a אֶת־דַּרְכֵיכֶ֣ם הָרָעִ֔ים וּמַעַלְלֵיכֶ֖םb אֲשֶׁ֣ר לֹֽא־טֹובִ֑ים וּנְקֹֽטֹתֶם֙c בִּפְנֵיכֶ֔ם עַ֚ל עֲוֹנֹ֣תֵיכֶ֔ם וְעַ֖ל תֹּועֲבֹֽותֵיכֶֽם׃

32 לֹ֧א לְמַעַנְכֶ֣ם אֲנִֽי־עֹשֶׂ֗הa נְאֻם֙ אֲדֹנָ֣י יְהוִ֔ה יִוָּדַ֖עb לָכֶ֑ם בֹּ֧ושׁוּc וְהִכָּלְמ֛וּd מִדַּרְכֵיכֶ֖ם בֵּ֥ית יִשְׂרָאֵֽל׃ ס

33 כֹּ֤ה אָמַר֙a אֲדֹנָ֣י יְהוִ֔ה בְּיֹום֙ טַהֲרִ֣יb אֶתְכֶ֔ם מִכֹּ֖ל עֲוֹנֹֽותֵיכֶ֑ם וְהֹֽושַׁבְתִּי֙c אֶת־הֶ֣עָרִ֔ים וְנִבְנ֖וּd הֶחֳרָבֹֽותe ׃

34 וְהָאָ֥רֶץ הַנְּשַׁמָּ֖ה תֵּֽעָבֵ֑דa תַּ֚חַת אֲשֶׁ֣ר הָיְתָ֣הb שְׁמָמָ֔ה לְעֵינֵ֖י כָּל־עֹובֵֽר׃

35 וְאָמְר֗וּa הָאָ֤רֶץ הַלֵּ֨זוּ֙b הַנְּשַׁמָּ֔הc הָיְתָ֖הd כְּגַןe ־עֵ֑דֶןf וְהֶעָרִ֧ים הֶחֳרֵבֹ֛ותg וְהַֽנְשַׁמֹּ֥ות וְהַנֶּהֱרָסֹ֖ותh בְּצוּרֹ֥ותi יָשָֽׁבוּj ׃

36 וְיָדְע֣וּa הַגֹּויִ֗ם אֲשֶׁ֣ר יִֽשָּׁאֲרוּ֮b סְבִיבֹותֵיכֶם֒ כִּ֣י׀ אֲנִ֣י יְהוָ֗ה בָּנִ֨יתִי֙c הַנֶּ֣הֱרָסֹ֔ותd נָטַ֖עְתִּיe הַנְּשַׁמָּ֑הf אֲנִ֥י יְהוָ֖ה דִּבַּ֥רְתִּיg וְעָשִֽׂיתִיh ׃ ס

37 כֹּ֤ה אָמַר֙a אֲדֹנָ֣י יְהוִ֔ה עֹ֗וד זֹ֛את אִדָּרֵ֥שׁb לְבֵֽית־יִשְׂרָאֵ֖ל לַעֲשֹׂ֣ותc לָהֶ֑ם אַרְבֶּ֥הd אֹתָ֛ם כַּצֹּ֖אן אָדָֽם׃

38 כְּצֹ֣אן קָֽדָשִׁ֗ים כְּצֹ֤אן יְרוּשָׁלִַ֨ם֙ בְּמֹ֣ועֲדֶ֔יהָ כֵּ֤ן תִּהְיֶ֨ינָה֙a הֶעָרִ֣ים הֶחֳרֵבֹ֔ותb מְלֵאֹ֖ותc צֹ֣אן אָדָ֑ם וְיָדְע֖וּd כִּֽי־אֲנִ֥י יְהוָֽה׃ ס