יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם הִנָּבֵ֖אa עַל־רֹועֵ֣י יִשְׂרָאֵ֑ל הִנָּבֵ֣אb וְאָמַרְתָּ֩c אֲלֵיהֶ֨ם לָרֹעִ֜ים כֹּ֥ה אָמַ֣רd ׀ אֲדֹנָ֣י יְהוִ֗ה הֹ֤וי רֹעֵֽי־יִשְׂרָאֵל֙ אֲשֶׁ֤ר הָיוּ֙e רֹעִ֣יםf אֹותָ֔ם הֲלֹ֣וא הַצֹּ֔אן יִרְע֖וּg הָרֹעִֽים׃

3 אֶת־הַחֵ֤לֶב תֹּאכֵ֨לוּ֙a וְאֶת־הַצֶּ֣מֶרb תִּלְבָּ֔שׁוּc הַבְּרִיאָ֖הd תִּזְבָּ֑חוּe הַצֹּ֖אן לֹ֥א תִרְעֽוּf ׃

4 אֶֽת־הַנַּחְלֹות֩ לֹ֨א חִזַּקְתֶּ֜םa וְאֶת־הַחֹולָ֣ה לֹֽא־רִפֵּאתֶ֗םb וְלַנִּשְׁבֶּ֨רֶת֙ לֹ֣א חֲבַשְׁתֶּ֔םc וְאֶת־הַנִּדַּ֨חַת֙ לֹ֣א הֲשֵׁבֹתֶ֔םd וְאֶת־הָאֹבֶ֖דֶת לֹ֣א בִקַּשְׁתֶּ֑םe וּבְחָזְקָ֛הf רְדִיתֶ֥םg אֹתָ֖ם וּבְפָֽרֶךְh ׃

5 וַתְּפוּצֶ֖ינָהa מִבְּלִ֣י רֹעֶ֑ה וַתִּהְיֶ֧ינָהb לְאָכְלָ֛הc לְכָל־חַיַּ֥ת הַשָּׂדֶ֖ה וַתְּפוּצֶֽינָהd ׃

6 יִשְׁגּ֤וּa צֹאנִי֙ בְּכָל־הֶ֣הָרִ֔ים וְעַ֖ל כָּל־גִּבְעָ֣ה רָמָ֑ה וְעַ֨ל כָּל־פְּנֵ֤י הָאָ֨רֶץ֙ נָפֹ֣צוּb צֹאנִ֔י וְאֵ֥ין דֹּורֵ֖שׁ וְאֵ֥ין מְבַקֵּֽשׁ׃

7 לָכֵ֣ן רֹעִ֔ים שִׁמְע֖וּa אֶת־דְּבַ֥ר יְהוָֽה׃

8 חַי־אָ֜נִי נְאֻ֣ם׀ אֲדֹנָ֣י יְהוִ֗ה אִם־לֹ֣א יַ֣עַן הֱיֹֽותa ־צֹאנִ֣י׀ לָבַ֡זb וַתִּֽהְיֶינָה֩c צֹאנִ֨י לְאָכְלָ֜הd לְכָל־חַיַּ֤ת הַשָּׂדֶה֙ מֵאֵ֣ין רֹעֶ֔ה וְלֹֽא־דָרְשׁ֥וּe רֹעַ֖י אֶת־צֹאנִ֑י וַיִּרְע֤וּf הָֽרֹעִים֙ אֹותָ֔ם וְאֶת־צֹאנִ֖י לֹ֥א רָעֽוּg ׃ ס

9 לָכֵן֙ הָֽרֹעִ֔ים שִׁמְע֖וּa דְּבַר־יְהוָֽה׃

10 כֹּה־אָמַ֞רa אֲדֹנָ֣י יְהוִ֗ה הִנְנִ֨י אֶֽל־הָרֹעִ֜ים וְֽדָרַשְׁתִּ֧יb אֶת־צֹאנִ֣י מִיָּדָ֗ם וְהִשְׁבַּתִּים֙c מֵרְעֹ֣ותd צֹ֔אן וְלֹא־יִרְע֥וּe עֹ֛וד הָרֹעִ֖ים אֹותָ֑ם וְהִצַּלְתִּ֤יf צֹאנִי֙ מִפִּיהֶ֔ם וְלֹֽא־תִהְיֶ֥יןָg לָהֶ֖ם לְאָכְלָֽהh ׃ ס

11 כִּ֛י כֹּ֥ה אָמַ֖רa אֲדֹנָ֣י יְהוִ֑ה הִנְנִי־אָ֕נִי וְדָרַשְׁתִּ֥יb אֶת־צֹאנִ֖י וּבִקַּרְתִּֽיםc ׃

12 כְּבַקָּרַת֩a רֹעֶ֨הb עֶדְרֹ֜וc בְּיֹום־הֱיֹותֹ֤וd בְתֹוךְ־צֹאנֹו֙ נִפְרָשֹׁ֔ותe כֵּ֖ן אֲבַקֵּ֣רf אֶת־צֹאנִ֑י וְהִצַּלְתִּ֣יg אֶתְהֶ֗ם מִכָּל־הַמְּקֹומֹת֙ אֲשֶׁ֣ר נָפֹ֣צוּh שָׁ֔ם בְּיֹ֥ום עָנָ֖ן וַעֲרָפֶֽלi ׃

13 וְהֹוצֵאתִ֣יםa מִן־הָעַמִּ֗ים וְקִבַּצְתִּים֙b מִן־הָ֣אֲרָצֹ֔ות וַהֲבִיאֹתִ֖יםc אֶל־אַדְמָתָ֑ם וּרְעִיתִים֙d אֶל־הָרֵ֣י יִשְׂרָאֵ֔ל בָּאֲפִיקִ֕יםe וּבְכֹ֖ל מֹושְׁבֵ֥יf הָאָֽרֶץ׃

14 בְּמִרְעֶהa ־טֹּוב֙ אֶרְעֶ֣הb אֹתָ֔ם וּבְהָרֵ֥י מְרֹֽום־יִשְׂרָאֵ֖ל יִהְיֶ֣הc נְוֵהֶ֑םd שָׁ֤ם תִּרְבַּ֨צְנָה֙e בְּנָ֣וֶהf טֹּ֔וב וּמִרְעֶ֥הg שָׁמֵ֛ןh תִּרְעֶ֖ינָהi אֶל־הָרֵ֥י יִשְׂרָאֵֽל׃

15 אֲנִ֨י אֶרְעֶ֤הa צֹאנִי֙ וַאֲנִ֣י אַרְבִּיצֵ֔םb נְאֻ֖ם אֲדֹנָ֥י יְהוִֽה׃

16 אֶת־הָאֹבֶ֤דֶת אֲבַקֵּשׁ֙a וְאֶת־הַנִּדַּ֣חַת אָשִׁ֔יבb וְלַנִּשְׁבֶּ֣רֶת אֶחֱבֹ֔שׁc וְאֶת־הַחֹולָ֖ה אֲחַזֵּ֑קd וְאֶת־הַשְּׁמֵנָ֧הe וְאֶת־הַחֲזָקָ֛ה אַשְׁמִ֖ידf אֶרְעֶ֥נָּהg בְמִשְׁפָּֽט׃

17 וְאַתֵּ֣נָהa צֹאנִ֔י כֹּ֥ה אָמַ֖רb אֲדֹנָ֣י יְהוִ֑ה הִנְנִ֤י שֹׁפֵט֙c בֵּֽין־שֶׂ֣הd לָשֶׂ֔הe לָאֵילִ֖ים וְלָעַתּוּדִֽיםf ׃

18 הַמְעַ֣ט מִכֶּ֗ם הַמִּרְעֶ֤הa הַטֹּוב֙ תִּרְע֔וּb וְיֶ֨תֶר֙ מִרְעֵיכֶ֔םc תִּרְמְס֖וּd בְּרַגְלֵיכֶ֑ם וּמִשְׁקַעe ־מַ֣יִם תִּשְׁתּ֔וּf וְאֵת֙ הַנֹּ֣ותָרִ֔ים בְּרַגְלֵיכֶ֖ם תִּרְפֹּשֽׂוּןg ׃

19 וְצֹאנִ֑י מִרְמַ֤סa רַגְלֵיכֶם֙ תִּרְעֶ֔ינָהb וּמִרְפַּ֥שׂc רַגְלֵיכֶ֖ם תִּשְׁתֶּֽינָהd ׃ ס

20 לָכֵ֗ן כֹּ֥ה אָמַ֛רa אֲדֹנָ֥י יְהוִ֖ה אֲלֵיהֶ֑ם הִנְנִי־אָ֕נִי וְשָֽׁפַטְתִּי֙b בֵּֽין־שֶׂ֣הc בִרְיָ֔הd וּבֵ֥ין שֶׂ֖הe רָזָֽהf ׃

21 יַ֗עַן בְּצַ֤דa וּבְכָתֵף֙ תֶּהְדֹּ֔פוּb וּבְקַרְנֵיכֶ֥ם תְּנַגְּח֖וּc כָּל־הַנַּחְלֹ֑ות עַ֣ד אֲשֶׁ֧ר הֲפִיצֹותֶ֛םd אֹותָ֖נָה אֶל־הַחֽוּצָה׃

22 וְהֹושַׁעְתִּ֣יa לְצֹאנִ֔י וְלֹֽא־תִהְיֶ֥ינָהb עֹ֖וד לָבַ֑זc וְשָׁ֣פַטְתִּ֔יd בֵּ֥ין שֶׂ֖הe לָשֶֽׂהf ׃

23 וַהֲקִמֹתִ֨יa עֲלֵיהֶ֜ם רֹעֶ֤ה אֶחָד֙ וְרָעָ֣הb אֶתְהֶ֔ן אֵ֖ת עַבְדִּ֣י דָוִ֑יד ה֚וּא יִרְעֶ֣הc אֹתָ֔ם וְהֽוּא־יִהְיֶ֥הd לָהֶ֖ן לְרֹעֶֽה׃

24 וַאֲנִ֣י יְהוָ֗ה אֶהְיֶ֤הa לָהֶם֙ לֵֽאלֹהִ֔ים וְעַבְדִּ֥י דָוִ֖ד נָשִׂ֣יא בְתֹוכָ֑ם אֲנִ֥י יְהוָ֖ה דִּבַּֽרְתִּיb ׃

25 וְכָרַתִּ֤יa לָהֶם֙ בְּרִ֣ית שָׁלֹ֔ום וְהִשְׁבַּתִּ֥יb חַיָּֽה־רָעָ֖ה מִן־הָאָ֑רֶץ וְיָשְׁב֤וּc בַמִּדְבָּר֙ לָבֶ֔טַחd וְיָשְׁנ֖וּe בַּיְּעָרִֽים׃

26 וְנָתַתִּ֥יa אֹותָ֛ם וּסְבִיבֹ֥ות גִּבְעָתִ֖י בְּרָכָ֑ה וְהֹורַדְתִּ֤יb הַגֶּ֨שֶׁם֙c בְּעִתֹּ֔ו גִּשְׁמֵ֥יd בְרָכָ֖ה יִֽהְיֽוּe ׃

27 וְנָתַן֩a עֵ֨ץ הַשָּׂדֶ֜ה אֶת־פִּרְיֹ֗ו וְהָאָ֨רֶץ֙ תִּתֵּ֣ןb יְבוּלָ֔הּc וְהָי֥וּd עַל־אַדְמָתָ֖ם לָבֶ֑טַחe וְֽיָדְע֞וּf כִּי־אֲנִ֣י יְהוָ֗ה בְּשִׁבְרִי֙g אֶת־מֹטֹ֣ותh עֻלָּ֔םi וְהִ֨צַּלְתִּ֔יםj מִיַּ֖ד הָעֹבְדִ֥יםk בָּהֶֽם׃

28 וְלֹא־יִהְי֨וּa עֹ֥וד בַּז֙b לַגֹּויִ֔ם וְחַיַּ֥ת הָאָ֖רֶץ לֹ֣א תֹאכְלֵ֑םc וְיָשְׁב֥וּd לָבֶ֖טַחe וְאֵ֥ין מַחֲרִֽידf ׃

29 וַהֲקִמֹתִ֥יa לָהֶ֛ם מַטָּ֖עb לְשֵׁ֑ם וְלֹֽא־יִהְי֨וּc עֹ֜וד אֲסֻפֵ֤י רָעָב֙ בָּאָ֔רֶץ וְלֹֽא־יִשְׂא֥וּd עֹ֖וד כְּלִמַּ֥תe הַגֹּויִֽם׃

30 וְיָדְע֗וּa כִּ֣י אֲנִ֧י יְהוָ֛ה אֱלֹהֵיהֶ֖ם אִתָּ֑ם וְהֵ֗מָּה עַמִּי֙ בֵּ֣ית יִשְׂרָאֵ֔ל נְאֻ֖ם אֲדֹנָ֥י יְהוִֽה׃

31 וְאַתֵּ֥ןa צֹאנִ֛י צֹ֥אן מַרְעִיתִ֖יb אָדָ֣ם אַתֶּ֑ם אֲנִי֙ אֱלֹ֣הֵיכֶ֔ם נְאֻ֖ם אֲדֹנָ֥י יְהוִֽה׃ פ