יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֗ם דַּבֵּ֤רa אֶל־בְּנֵֽי־עַמְּךָ֙ וְאָמַרְתָּ֣b אֲלֵיהֶ֔ם אֶ֕רֶץ כִּֽי־אָבִ֥יאc עָלֶ֖יהָ חָ֑רֶב וְלָקְח֨וּd עַם־הָאָ֜רֶץ אִ֤ישׁ אֶחָד֙ מִקְצֵיהֶ֔ם וְנָתְנ֥וּe אֹתֹ֛ו לָהֶ֖ם לְצֹפֶֽהf ׃

3 וְרָאָ֥הa אֶת־הַחֶ֖רֶב בָּאָ֣הb עַל־הָאָ֑רֶץ וְתָקַ֥עc בַּשֹּׁופָ֖ר וְהִזְהִ֥ירd אֶת־הָעָֽם׃

4 וְשָׁמַ֨עa הַשֹּׁמֵ֜עַ אֶת־קֹ֤ול הַשֹּׁופָר֙ וְלֹ֣א נִזְהָ֔רb וַתָּ֥בֹואc חֶ֖רֶב וַתִּקָּחֵ֑הוּd דָּמֹ֥ו בְרֹאשֹׁ֖ו יִֽהְיֶֽהe ׃

5 אֵת֩ קֹ֨ול הַשֹּׁופָ֤ר שָׁמַע֙a וְלֹ֣א נִזְהָ֔רb דָּמֹ֖ו בֹּ֣ו יִֽהְיֶ֑הc וְה֥וּא נִזְהָ֖רd נַפְשֹׁ֥ו מִלֵּֽטe ׃

6 וְ֠הַצֹּפֶהa כִּֽי־יִרְאֶ֨הb אֶת־הַחֶ֜רֶב בָּאָ֗הc וְלֹֽא־תָקַ֤עd בַּשֹּׁופָר֙ וְהָעָ֣ם לֹֽא־נִזְהָ֔רe וַתָּבֹ֣ואf חֶ֔רֶב וַתִּקַּ֥חg מֵהֶ֖ם נָ֑פֶשׁ ה֚וּא בַּעֲוֹנֹ֣ו נִלְקָ֔חh וְדָמֹ֖ו מִיַּֽד־הַצֹּפֶ֥הi אֶדְרֹֽשׁj ׃ ס

7 וְאַתָּ֣ה בֶן־אָדָ֔ם צֹפֶ֥הa נְתַתִּ֖יךָb לְבֵ֣ית יִשְׂרָאֵ֑ל וְשָׁמַעְתָּ֤c מִפִּי֙ דָּבָ֔ר וְהִזְהַרְתָּ֥d אֹתָ֖ם מִמֶּֽנִּי׃

8 בְּאָמְרִ֣יa לָרָשָׁ֗ע רָשָׁע֙ מֹ֣ות תָּמ֔וּתb וְלֹ֣א דִבַּ֔רְתָּc לְהַזְהִ֥ירd רָשָׁ֖ע מִדַּרְכֹּ֑ו ה֤וּא רָשָׁע֙ בַּעֲוֹנֹ֣ו יָמ֔וּתe וְדָמֹ֖ו מִיָּדְךָ֥ אֲבַקֵּֽשׁf ׃

9 וְ֠אַתָּה כִּֽי־הִזְהַ֨רְתָּa רָשָׁ֤ע מִדַּרְכֹּו֙ לָשׁ֣וּבb מִמֶּ֔נָּה וְלֹא־שָׁ֖בc מִדַּרְכֹּ֑ו ה֚וּא בַּעֲוֹנֹ֣ו יָמ֔וּתd וְאַתָּ֖ה נַפְשְׁךָ֥ הִצַּֽלְתָּe ׃ ס

10 וְאַתָּ֣ה בֶן־אָדָ֗ם אֱמֹר֙a אֶל־בֵּ֣ית יִשְׂרָאֵ֔ל כֵּ֤ן אֲמַרְתֶּם֙b לֵאמֹ֔רc כִּֽי־פְשָׁעֵ֥ינוּ וְחַטֹּאתֵ֖ינוּ עָלֵ֑ינוּ וּבָ֛ם אֲנַ֥חְנוּ נְמַקִּ֖יםd וְאֵ֥יךְ נִֽחְיֶֽהe ׃

11 אֱמֹ֨רa אֲלֵיהֶ֜ם חַי־אָ֣נִי׀ נְאֻ֣ם׀ אֲדֹנָ֣י יְהוִ֗ה אִם־אֶחְפֹּץ֙b בְּמֹ֣ות הָרָשָׁ֔ע כִּ֣י אִם־בְּשׁ֥וּבc רָשָׁ֛ע מִדַּרְכֹּ֖ו וְחָיָ֑הd שׁ֣וּבוּe שׁ֜וּבוּf מִדַּרְכֵיכֶ֧ם הָרָעִ֛ים וְלָ֥מָּה תָמ֖וּתוּg בֵּ֥ית יִשְׂרָאֵֽל׃ פ

12 וְאַתָּ֣ה בֶן־אָדָ֗ם אֱמֹ֤רa אֶל־בְּנֵֽי־עַמְּךָ֙ צִדְקַ֣ת הַצַּדִּ֗יק לֹ֤א תַצִּילֶ֨נּוּ֙b בְּיֹ֣ום פִּשְׁעֹ֔ו וְרִשְׁעַ֤תc הָֽרָשָׁע֙ לֹֽא־יִכָּ֣שֶׁלd בָּ֔הּ בְּיֹ֖ום שׁוּבֹ֣וe מֵֽרִשְׁעֹ֑וf וְצַדִּ֗יק לֹ֥א יוּכַ֛לg לִֽחְיֹ֥ותh בָּ֖הּ בְּיֹ֥ום חֲטֹאתֹֽוi ׃

13 בְּאָמְרִ֤יa לַצַּדִּיק֙ חָיֹ֣ה יִֽחְיֶ֔הb וְהֽוּא־בָטַ֥חc עַל־צִדְקָתֹ֖ו וְעָ֣שָׂהd עָ֑וֶלe כָּל־צדקתוf לֹ֣א תִזָּכַ֔רְנָהg וּבְעַוְלֹ֥וh אֲשֶׁר־עָשָׂ֖הi בֹּ֥ו יָמֽוּתj ׃

14 וּבְאָמְרִ֥יa לָֽרָשָׁ֖ע מֹ֣ות תָּמ֑וּתb וְשָׁב֙c מֵֽחַטָּאתֹ֔ו וְעָשָׂ֥הd מִשְׁפָּ֖ט וּצְדָקָֽה׃

15 חֲבֹ֨לa יָשִׁ֤יבb רָשָׁע֙ גְּזֵלָ֣הc יְשַׁלֵּ֔םd בְּחֻקֹּ֤ות הַֽחַיִּים֙ הָלַ֔ךְe לְבִלְתִּ֖י עֲשֹׂ֣ותf עָ֑וֶלg חָיֹ֥ו יִֽחְיֶ֖הh לֹ֥א יָמֽוּתi ׃

16 כָּל־חטאתוa אֲשֶׁ֣ר חָטָ֔אb לֹ֥א תִזָּכַ֖רְנָהc לֹ֑ו מִשְׁפָּ֧ט וּצְדָקָ֛ה עָשָׂ֖הd חָיֹ֥ו יִֽחְיֶֽהe ׃

17 וְאָמְרוּ֙a בְּנֵ֣י עַמְּךָ֔ לֹ֥א יִתָּכֵ֖ןb דֶּ֣רֶךְ אֲדֹנָ֑י וְהֵ֖מָּה דַּרְכָּ֥ם לֹֽא־יִתָּכֵֽןc ׃

18 בְּשׁוּבa ־צַדִּ֥יק מִצִּדְקָתֹ֖ו וְעָ֣שָׂהb עָ֑וֶלc וּמֵ֖תd בָּהֶֽם׃

19 וּבְשׁ֤וּבa רָשָׁע֙ מֵֽרִשְׁעָתֹ֔וb וְעָשָׂ֥הc מִשְׁפָּ֖ט וּצְדָקָ֑ה עֲלֵיהֶ֖ם ה֥וּא יִֽחְיֶֽהd ׃

20 וַאֲמַרְתֶּ֕םa לֹ֥א יִתָּכֵ֖ןb דֶּ֣רֶךְ אֲדֹנָ֑י אִ֧ישׁ כִּדְרָכָ֛יו אֶשְׁפֹּ֥וטc אֶתְכֶ֖ם בֵּ֥ית יִשְׂרָאֵֽל׃ פ

21 וַיְהִ֞יa בִּשְׁתֵּ֧י עֶשְׂרֵ֣ה שָׁנָ֗ה בָּעֲשִׂרִ֛יb בַּחֲמִשָּׁ֥ה לַחֹ֖דֶשׁ לְגָלוּתֵ֑נוּc בָּאd ־אֵלַ֨י הַפָּלִ֧יטe מִירוּשָׁלִַ֛ם לֵאמֹ֖רf הֻכְּתָ֥הg הָעִֽיר׃

22 וְיַד־יְהוָה֩ הָיְתָ֨הa אֵלַ֜י בָּעֶ֗רֶב לִפְנֵי֙ בֹּ֣ואb הַפָּלִ֔יטc וַיִּפְתַּ֣חd אֶת־פִּ֔י עַד־בֹּ֥ואe אֵלַ֖י בַּבֹּ֑קֶר וַיִּפָּ֣תַחf פִּ֔י וְלֹ֥א נֶאֱלַ֖מְתִּיg עֹֽוד׃ פ

23 וַיְהִ֥יa דְבַר־יְהֹוָ֖ה אֵלַ֥י לֵאמֹֽרb ׃

24 בֶּן־אָדָ֗ם יֹ֠שְׁבֵי הֶחֳרָבֹ֨ותa הָאֵ֜לֶּה עַל־אַדְמַ֤ת יִשְׂרָאֵל֙ אֹמְרִ֣יםb לֵאמֹ֔רc אֶחָד֙ הָיָ֣הd אַבְרָהָ֔ם וַיִּירַ֖שׁe אֶת־הָאָ֑רֶץ וַאֲנַ֣חְנוּ רַבִּ֔ים לָ֛נוּ נִתְּנָ֥הf הָאָ֖רֶץ לְמֹורָשָֽׁהg ׃ ס

25 לָכֵן֩ אֱמֹ֨רa אֲלֵיהֶ֜ם כֹּֽה־אָמַ֣רb ׀ אֲדֹנָ֣י יְהֹוִ֗ה עַל־הַדָּ֧ם׀ תֹּאכֵ֛לוּc וְעֵינֵכֶ֛ם תִּשְׂא֥וּd אֶל־גִּלּוּלֵיכֶ֖םe וְדָ֣ם תִּשְׁפֹּ֑כוּf וְהָאָ֖רֶץ תִּירָֽשׁוּg ׃

26 עֲמַדְתֶּ֤םa עַֽל־חַרְבְּכֶם֙ עֲשִׂיתֶ֣ןb תֹּועֵבָ֔ה וְאִ֛ישׁ אֶת־אֵ֥שֶׁת רֵעֵ֖הוּ טִמֵּאתֶ֑םc וְהָאָ֖רֶץ תִּירָֽשׁוּd ׃ ס

27 כֹּֽה־תֹאמַ֨רa אֲלֵהֶ֜ם כֹּה־אָמַ֨רb אֲדֹנָ֣י יְהוִה֮ חַי־אָנִי֒ אִם־לֹ֞א אֲשֶׁ֤ר בֶּֽחֳרָבֹות֙c בַּחֶ֣רֶב יִפֹּ֔לוּd וַֽאֲשֶׁר֙ עַל־פְּנֵ֣י הַשָּׂדֶ֔ה לַחַיָּ֥ה נְתַתִּ֖יוe לְאָכְלֹ֑וf וַאֲשֶׁ֛ר בַּמְּצָדֹ֥ותg וּבַמְּעָרֹ֖ותh בַּדֶּ֥בֶרi יָמֽוּתוּj ׃

28 וְנָתַתִּ֤יa אֶת־הָאָ֨רֶץ֙ שְׁמָמָ֣ה וּמְשַׁמָּ֔הb וְנִשְׁבַּ֖תc גְּאֹ֣וןd עֻזָּ֑הּ וְשָֽׁמְמ֛וּe הָרֵ֥י יִשְׂרָאֵ֖ל מֵאֵ֥ין עֹובֵֽר׃

29 וְיָדְע֖וּa כִּֽי־אֲנִ֣י יְהוָ֑ה בְּתִתִּ֤יb אֶת־הָאָ֨רֶץ֙ שְׁמָמָ֣ה וּמְשַׁמָּ֔הc עַ֥ל כָּל־תֹּועֲבֹתָ֖ם אֲשֶׁ֥ר עָשֽׂוּd ׃ ס

30 וְאַתָּ֣ה בֶן־אָדָ֔ם בְּנֵ֣י עַמְּךָ֗ הַנִּדְבָּרִ֤יםa בְּךָ֙ אֵ֣צֶל הַקִּירֹ֔ות וּבְפִתְחֵ֖י הַבָּתִּ֑ים וְדִבֶּרb ־חַ֣דc אֶת־אַחַ֗ד אִ֤ישׁ אֶת־אָחִיו֙ לֵאמֹ֔רd בֹּֽאוּe ־נָ֣א וְשִׁמְע֔וּf מָ֣ה הַדָּבָ֔ר הַיֹּוצֵ֖אg מֵאֵ֥ת יְהוָֽה׃

31 וְיָבֹ֣ואוּa אֵ֠לֶיךָ כִּמְבֹואb ־עָ֞ם וְיֵשְׁב֤וּc לְפָנֶ֨יךָ֙ עַמִּ֔י וְשָֽׁמְעוּ֙d אֶת־דְּבָרֶ֔יךָ וְאֹותָ֖ם לֹ֣א יַֽעֲשׂ֑וּe כִּֽי־עֲגָבִ֤יםf בְּפִיהֶם֙ הֵ֣מָּה עֹשִׂ֔יםg אַחֲרֵ֥י בִצְעָ֖םh לִבָּ֥ם הֹלֵֽךְi ׃

32 וְהִנְּךָ֤ לָהֶם֙ כְּשִׁ֣יר עֲגָבִ֔יםa יְפֵ֥הb קֹ֖ול וּמֵטִ֣בc נַגֵּ֑ןd וְשָֽׁמְעוּ֙e אֶת־דְּבָרֶ֔יךָ וְעֹשִׂ֥יםf אֵינָ֖ם אֹותָֽם׃

33 וּבְבֹאָ֑הּa הִנֵּ֣ה בָאָ֔הb וְיָ֣דְע֔וּc כִּ֥י נָבִ֖יא הָיָ֥הd בְתֹוכָֽם׃ ס