יחזקאל

וַֽיְהִי֙a בִּשְׁתֵּ֣י עֶשְׂרֵ֣ה שָׁנָ֔ה בִּשְׁנֵי־עָשָׂ֥ר חֹ֖דֶשׁ בְּאֶחָ֣ד לַחֹ֑דֶשׁ הָיָ֥הb דְבַר־יְהוָ֖ה אֵלַ֥י לֵאמֹֽרc ׃

2 בֶּן־אָדָ֗ם שָׂ֤אa קִינָה֙b עַל־פַּרְעֹ֣ה מֶֽלֶךְ־מִצְרַ֔יִם וְאָמַרְתָּ֣c אֵלָ֔יו כְּפִ֥ירd גֹּויִ֖ם נִדְמֵ֑יתָe וְאַתָּה֙ כַּתַּנִּ֣יםf בַּיַּמִּ֔ים וַתָּ֣גַחg בְּנַהֲרֹותֶ֗יךָ וַתִּדְלַחh ־מַ֨יִם֙ בְּרַגְלֶ֔יךָ וַתִּרְפֹּ֖סi נַהֲרֹותָֽם׃

3 כֹּ֤ה אָמַר֙a אֲדֹנָ֣י יְהוִ֔ה וּפָרַשְׂתִּ֤יb עָלֶ֨יךָ֙ אֶת־רִשְׁתִּ֔יc בִּקְהַ֖ל עַמִּ֣ים רַבִּ֑ים וְהֶעֱל֖וּךָd בְּחֶרְמִֽיe ׃

4 וּנְטַשְׁתִּ֣יךָa בָאָ֔רֶץ עַל־פְּנֵ֥י הַשָּׂדֶ֖ה אֲטִילֶ֑ךָb וְהִשְׁכַּנְתִּ֤יc עָלֶ֨יךָ֙ כָּל־עֹ֣וף הַשָּׁמַ֔יִם וְהִשְׂבַּעְתִּ֥יd מִמְּךָ֖ חַיַּ֥ת כָּל־הָאָֽרֶץ׃

5 וְנָתַתִּ֥יa אֶת־בְּשָׂרְךָ֖ עַל־הֶֽהָרִ֑ים וּמִלֵּאתִ֥יb הַגֵּאָיֹ֖ות רָמוּתֶֽךָc ׃

6 וְהִשְׁקֵיתִ֨יa אֶ֧רֶץ צָפָתְךָ֛b מִדָּמְךָ֖ אֶל־הֶֽהָרִ֑ים וַאֲפִקִ֖יםc יִמָּלְא֥וּןd מִמֶּֽךָּ׃

7 וְכִסֵּיתִ֤יa בְכַבֹּֽותְךָ֙b שָׁמַ֔יִם וְהִקְדַּרְתִּ֖יc אֶת־כֹּֽכְבֵיהֶ֑םd שֶׁ֚מֶשׁ בֶּעָנָ֣ן אֲכַסֶּ֔נּוּe וְיָרֵ֖חַf לֹא־יָאִ֥ירg אֹורֹֽו׃

8 כָּל־מְאֹ֤ורֵיa אֹור֙ בַּשָּׁמַ֔יִם אַקְדִּירֵ֖םb עָלֶ֑יךָ וְנָתַ֤תִּיc חֹ֨שֶׁךְ֙ עַֽל־אַרְצְךָ֔ נְאֻ֖ם אֲדֹנָ֥י יְהוִֽה׃

9 וְהִ֨כְעַסְתִּ֔יa לֵ֖ב עַמִּ֣ים רַבִּ֑ים בַּהֲבִיאִ֤יb שִׁבְרְךָ֙c בַּגֹּויִ֔ם עַל־אֲרָצֹ֖ות אֲשֶׁ֥ר לֹֽא־יְדַעְתָּֽםd ׃

10 וַהֲשִׁמֹּותִ֨יa עָלֶ֜יךָ עַמִּ֣ים רַבִּ֗ים וּמַלְכֵיהֶם֙ יִשְׂעֲר֤וּb עָלֶ֨יךָ֙ שַׂ֔עַרc בְּעֹופְפִ֥יd חַרְבִּ֖י עַל־פְּנֵיהֶ֑ם וְחָרְד֤וּe לִרְגָעִים֙f אִ֣ישׁ לְנַפְשֹׁ֔ו בְּיֹ֖ום מַפַּלְתֶּֽךָg ׃ ס

11 כִּ֛י כֹּ֥ה אָמַ֖רa אֲדֹנָ֣י יְהוִ֑ה חֶ֥רֶב מֶֽלֶךְ־בָּבֶ֖ל תְּבֹואֶֽךָb ׃

12 בְּחַרְבֹ֤ות גִּבֹּורִים֙ אַפִּ֣ילa הֲמֹונֶ֔ךָ עָרִיצֵ֥יb גֹויִ֖ם כֻּלָּ֑ם וְשָֽׁדְדוּ֙c אֶת־גְּאֹ֣וןd מִצְרַ֔יִם וְנִשְׁמַ֖דe כָּל־הֲמֹונָֽהּ׃

13 וְהַֽאֲבַדְתִּי֙a אֶת־כָּל־בְּהֶמְתָּ֔הּ מֵעַ֖ל מַ֣יִם רַבִּ֑ים וְלֹ֨א תִדְלָחֵ֤םb רֶֽגֶל־אָדָם֙ עֹ֔וד וּפַרְסֹ֥ותc בְּהֵמָ֖ה לֹ֥א תִדְלָחֵֽםd ׃

14 אָ֚ז אַשְׁקִ֣יעַa מֵֽימֵיהֶ֔ם וְנַהֲרֹותָ֖ם כַּשֶּׁ֣מֶן אֹולִ֑יךְb נְאֻ֖ם אֲדֹנָ֥י יְהוִֽה׃

15 בְּתִתִּי֩a אֶת־אֶ֨רֶץ מִצְרַ֜יִם שְׁמָמָ֣ה וּנְשַׁמָּ֗הb אֶ֚רֶץ מִמְּלֹאָ֔הּc בְּהַכֹּותִ֖יd אֶת־כָּל־יֹ֣ושְׁבֵיe בָ֑הּ וְיָדְע֖וּf כִּֽי־אֲנִ֥י יְהוָֽה׃

16 קִינָ֥הa הִיא֙ וְקֹ֣ונְנ֔וּהָb בְּנֹ֥ות הַגֹּויִ֖ם תְּקֹונֵ֣נָּהc אֹותָ֑הּ עַל־מִצְרַ֤יִם וְעַל־כָּל־הֲמֹונָהּ֙ תְּקֹונֵ֣נָּהd אֹותָ֔הּ נְאֻ֖ם אֲדֹנָ֥י יְהוִֽה׃ פ

17 וַֽיְהִי֙a בִּשְׁתֵּ֣י עֶשְׂרֵ֣ה שָׁנָ֔ה בַּחֲמִשָּׁ֥ה עָשָׂ֖ר לַחֹ֑דֶשׁ הָיָ֥הb דְבַר־יְהוָ֖ה אֵלַ֥י לֵאמֹֽרc ׃

18 בֶּן־אָדָ֕ם נְהֵ֛הa עַל־הֲמֹ֥ון מִצְרַ֖יִם וְהֹורִדֵ֑הוּb אֹ֠ותָהּ וּבְנֹ֨ות גֹּויִ֧ם אַדִּרִ֛םc אֶל־אֶ֥רֶץ תַּחְתִּיֹּ֖ותd אֶת־יֹ֥ורְדֵי בֹֽור׃

19 מִמִּ֖י נָעָ֑מְתָּa רְדָ֥הb וְהָשְׁכְּבָ֖הc אֶת־עֲרֵלִֽיםd ׃

20 בְּתֹ֥וךְ חַלְלֵי־חֶ֖רֶב יִפֹּ֑לוּa חֶ֣רֶב נִתָּ֔נָהb מָשְׁכ֥וּc אֹותָ֖הּ וְכָל־הֲמֹונֶֽיהָ׃

21 יְדַבְּרוּa ־לֹ֞ו אֵלֵ֧י גִבֹּורִ֛ים מִתֹּ֥וךְ שְׁאֹ֖ול אֶת־עֹֽזְרָ֑יו יָֽרְד֛וּb שָׁכְב֥וּc הָעֲרֵלִ֖יםd חַלְלֵי־חָֽרֶב׃

22 שָׁ֤ם אַשּׁוּר֙ וְכָל־קְהָלָ֔הּ סְבִֽיבֹותָ֖יו קִבְרֹתָ֑יו כֻּלָּ֣ם חֲלָלִ֔ים הַנֹּפְלִ֖יםa בֶּחָֽרֶב׃

23 אֲשֶׁ֨ר נִתְּנ֤וּa קִבְרֹתֶ֨יהָ֙ בְּיַרְכְּתֵיb ־בֹ֔ור וַיְהִ֣יc קְהָלָ֔הּ סְבִיבֹ֖ות קְבֻרָתָ֑הּd כֻּלָּ֤ם חֲלָלִים֙ נֹפְלִ֣יםe בַּחֶ֔רֶב אֲשֶׁר־נָתְנ֥וּf חִתִּ֖יתg בְּאֶ֥רֶץ חַיִּֽים׃

24 שָׁ֤ם עֵילָם֙a וְכָל־הֲמֹונָ֔הּ סְבִיבֹ֖ות קְבֻרָתָ֑הּb כֻּלָּ֣ם חֲלָלִים֩ הַנֹּפְלִ֨יםc בַּחֶ֜רֶב אֲֽשֶׁר־יָרְד֥וּd עֲרֵלִ֣יםe ׀ אֶל־אֶ֣רֶץ תַּחְתִּיֹּ֗ותf אֲשֶׁ֨ר נָתְנ֤וּg חִתִּיתָם֙h בְּאֶ֣רֶץ חַיִּ֔ים וַיִּשְׂא֥וּi כְלִמָּתָ֖םj אֶת־יֹ֥ורְדֵי בֹֽור׃

25 בְּתֹ֣וךְ חֲ֠לָלִים נָתְנ֨וּa מִשְׁכָּ֥בb לָהּ֙ בְּכָל־הֲמֹונָ֔הּ סְבִֽיבֹותָ֖יו קִבְרֹתֶ֑הָ כֻּלָּ֣ם עֲרֵלִ֣יםc חַלְלֵי־חֶ֡רֶב כִּֽי־נִתַּ֨ןd חִתִּיתָ֜םe בְּאֶ֣רֶץ חַיִּ֗ים וַיִּשְׂא֤וּf כְלִמָּתָם֙g אֶת־יֹ֣ורְדֵי בֹ֔ור בְּתֹ֥וךְ חֲלָלִ֖ים נִתָּֽןh ׃

26 שָׁ֣ם מֶ֤שֶׁךְa תֻּבַל֙b וְכָל־הֲמֹונָ֔הּ סְבִֽיבֹותָ֖יו קִבְרֹותֶ֑יהָ כֻּלָּ֤ם עֲרֵלִים֙c מְחֻ֣לְלֵיd חֶ֔רֶב כִּֽי־נָתְנ֥וּe חִתִּיתָ֖םf בְּאֶ֥רֶץ חַיִּֽים׃

27 וְלֹ֤א יִשְׁכְּבוּ֙a אֶת־גִּבֹּורִ֔ים נֹפְלִ֖יםb מֵעֲרֵלִ֑יםc אֲשֶׁ֣ר יָרְדֽוּd ־שְׁאֹ֣ול בִּכְלֵֽי־מִלְחַמְתָּם֩e וַיִּתְּנ֨וּf אֶת־חַרְבֹותָ֜ם תַּ֣חַת רָאשֵׁיהֶ֗ם וַתְּהִ֤יg עֲוֹֽנֹתָם֙ עַל־עַצְמֹותָ֔ם כִּֽי־חִתִּ֥יתh גִּבֹּורִ֖ים בְּאֶ֥רֶץ חַיִּֽים׃

28 וְאַתָּ֗ה בְּתֹ֧וךְ עֲרֵלִ֛יםa תִּשָּׁבַ֥רb וְתִשְׁכַּ֖בc אֶת־חַלְלֵי־חָֽרֶב׃

29 שָׁ֣מָּה אֱדֹ֗ום מְלָכֶ֨יהָ֙ וְכָל־נְשִׂיאֶ֔יהָ אֲשֶׁר־נִתְּנ֥וּa בִגְבוּרָתָ֖ם אֶת־חַלְלֵי־חָ֑רֶב הֵ֛מָּה אֶת־עֲרֵלִ֥יםb יִשְׁכָּ֖בוּc וְאֶת־יֹ֥רְדֵי בֹֽור׃

30 שָׁ֣מָּה נְסִיכֵ֥יa צָפֹ֛ון כֻּלָּ֖ם וְכָל־צִֽדֹנִ֑יb אֲשֶׁר־יָרְד֣וּc אֶת־חֲלָלִ֗ים בְּחִתִּיתָ֑םd מִגְּבֽוּרָתָם֙ בֹּושִׁ֔יםe וַיִּשְׁכְּב֤וּf עֲרֵלִים֙g אֶת־חַלְלֵי־חֶ֔רֶב וַיִּשְׂא֥וּh כְלִמָּתָ֖םi אֶת־יֹ֥ורְדֵי בֹֽור׃

31 אֹותָם֙ יִרְאֶ֣הa פַרְעֹ֔ה וְנִחַ֖םb עַל־כָּל־המונהc חַלְלֵי־חֶ֨רֶב֙ פַּרְעֹ֣ה וְכָל־חֵילֹ֔ו נְאֻ֖ם אֲדֹנָ֥י יְהוִֽה׃

32 כִּֽי־נָתַ֥תִּיa אֶת־חתיתוb בְּאֶ֣רֶץ חַיִּ֑ים וְהֻשְׁכַּב֩c בְּתֹ֨וךְ עֲרֵלִ֜יםd אֶת־חַלְלֵי־חֶ֗רֶב פַּרְעֹה֙ וְכָל־המונהe נְאֻ֖ם אֲדֹנָ֥י יְהוִֽה׃ פ