יחזקאל

וַיְהִ֗יa בְּאַחַ֤ת עֶשְׂרֵה֙ שָׁנָ֔ה בַּשְּׁלִישִׁ֖י בְּאֶחָ֣ד לַחֹ֑דֶשׁ הָיָ֥הb דְבַר־יְהוָ֖ה אֵלַ֥י לֵאמֹֽרc ׃

2 בֶּן־אָדָ֕ם אֱמֹ֛רa אֶל־פַּרְעֹ֥ה מֶֽלֶךְ־מִצְרַ֖יִם וְאֶל־הֲמֹונֹ֑ו אֶל־מִ֖י דָּמִ֥יתָb בְגָדְלֶֽךָc ׃

3 הִנֵּ֨ה אַשּׁ֜וּר אֶ֣רֶז בַּלְּבָנֹ֗ון יְפֵ֥הa עָנָ֛ףb וְחֹ֥רֶשׁc מֵצַ֖לd וּגְבַ֣הּe קֹומָ֑הf וּבֵ֣ין עֲבֹתִ֔יםg הָיְתָ֖הh צַמַּרְתֹּֽוi ׃

4 מַ֣יִם גִּדְּל֔וּהוּa תְּהֹ֖וםb רֹֽמְמָ֑תְהוּc אֶת־נַהֲרֹתֶ֗יהָ הֹלֵךְ֙d סְבִיבֹ֣ות מַטָּעָ֔הּe וְאֶת־תְּעָלֹתֶ֣יהָf שִׁלְחָ֔הg אֶ֖ל כָּל־עֲצֵ֥י הַשָּׂדֶֽה׃

5 עַל־כֵּן֙ גָּבְהָ֣אa קֹמָתֹ֔וb מִכֹּ֖ל עֲצֵ֣י הַשָּׂדֶ֑ה וַתִּרְבֶּ֨ינָהc סַֽרְעַפֹּתָ֜יוd וַתֶּאֱרַ֧כְנָהe פארתוf מִמַּ֥יִם רַבִּ֖ים בְּשַׁלְּחֹֽוg ׃

6 בִּסְעַפֹּתָ֤יוa קִֽנְנוּ֙b כָּל־עֹ֣וף הַשָּׁמַ֔יִם וְתַ֤חַת פֹּֽארֹתָיו֙c יָֽלְד֔וּd כֹּ֖ל חַיַּ֣ת הַשָּׂדֶ֑ה וּבְצִלֹּו֙ יֵֽשְׁב֔וּe כֹּ֖ל גֹּויִ֥ם רַבִּֽים׃

7 וַיְּיִ֣ףa בְּגָדְלֹ֔וb בְּאֹ֖רֶךְ דָּֽלִיֹּותָ֑יוc כִּֽי־הָיָ֥הd שָׁרְשֹׁ֖וe אֶל־מַ֥יִם רַבִּֽים׃

8 אֲרָזִ֣ים לֹֽא־עֲמָמֻהוּ֮a בְּגַןb ־אֱלֹהִים֒ בְּרֹושִׁ֗יםc לֹ֤א דָמוּ֙d אֶל־סְעַפֹּתָ֔יוe וְעַרְמֹנִ֥יםf לֹֽא־הָי֖וּg כְּפֹֽארֹתָ֑יוh כָּל־עֵץ֙ בְּגַןi ־אֱלֹהִ֔ים לֹא־דָמָ֥הj אֵלָ֖יו בְּיָפְיֹֽוk ׃

9 יָפֶ֣הa עֲשִׂיתִ֔יוb בְּרֹ֖ב דָּֽלִיֹּותָ֑יוc וַיְקַנְאֻ֨הוּ֙d כָּל־עֲצֵי־עֵ֔דֶןe אֲשֶׁ֖ר בְּגַ֥ןf הָאֱלֹהִֽים׃ ס

10 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה יַ֕עַן אֲשֶׁ֥ר גָּבַ֖הְתָּb בְּקֹומָ֑הc וַיִּתֵּ֤ןd צַמַּרְתֹּו֙e אֶל־בֵּ֣ין עֲבֹותִ֔יםf וְרָ֥םg לְבָבֹ֖ו בְּגָבְהֹֽוh ׃

11 וְאֶ֨תְּנֵ֔הוּa בְּיַ֖ד אֵ֣יל גֹּויִ֑ם עָשֹׂ֤ו יַֽעֲשֶׂה֙b לֹ֔ו כְּרִשְׁעֹ֖וc גֵּרַשְׁתִּֽהוּd ׃

12 וַיִּכְרְתֻ֧הוּa זָרִ֛ים עָרִיצֵ֥יb גֹויִ֖ם וַֽיִּטְּשֻׁ֑הוּc אֶל־הֶ֠הָרִים וּבְכָל־גֵּ֨אָיֹ֜ות נָפְל֣וּd דָלִיֹּותָ֗יוe וַתִּשָּׁבַ֤רְנָהf פֹֽארֹתָיו֙g בְּכֹל֙ אֲפִיקֵ֣יh הָאָ֔רֶץ וַיֵּרְד֧וּi מִצִּלֹּ֛ו כָּל־עַמֵּ֥י הָאָ֖רֶץ וַֽיִּטְּשֻֽׁהוּj ׃

13 עַל־מַפַּלְתֹּ֥וa יִשְׁכְּנ֖וּb כָּל־עֹ֣וף הַשָּׁמָ֑יִם וְאֶל־פֹּארֹתָ֣יוc הָי֔וּd כֹּ֖ל חַיַּ֥ת הַשָּׂדֶֽה׃

14 לְמַ֡עַן אֲשֶׁר֩ לֹא־יִגְבְּה֨וּa בְקֹומָתָ֜םb כָּל־עֲצֵי־מַ֗יִם וְלֹֽא־יִתְּנ֤וּc אֶת־צַמַּרְתָּם֙d אֶל־בֵּ֣ין עֲבֹתִ֔יםe וְלֹֽא־יַעַמְד֧וּf אֵלֵיהֶ֛ם בְּגָבְהָ֖םg כָּל־שֹׁ֣תֵי מָ֑יִם כִּֽי־כֻלָּם֩ נִתְּנ֨וּh לַמָּ֜וֶת אֶל־אֶ֣רֶץ תַּחְתִּ֗יתi בְּתֹ֛וךְ בְּנֵ֥י אָדָ֖ם אֶל־יֹ֥ורְדֵי בֹֽור׃ ס

15 כֹּֽה־אָמַ֞רa אֲדֹנָ֣י יְהוִ֗ה בְּיֹ֨ום רִדְתֹּ֤וb שְׁאֹ֨ולָה֙ הֶאֱבַ֜לְתִּיc כִּסֵּ֤תִיd עָלָיו֙ אֶת־תְּהֹ֔וםe וָֽאֶמְנַע֙f נַהֲרֹותֶ֔יהָ וַיִּכָּלְא֖וּg מַ֣יִם רַבִּ֑ים וָאַקְדִּ֤רh עָלָיו֙ לְבָנֹ֔ון וְכָל־עֲצֵ֥י הַשָּׂדֶ֖ה עָלָ֥יו עֻלְפֶּֽהi ׃

16 מִקֹּ֤ול מַפַּלְתֹּו֙a הִרְעַ֣שְׁתִּיb גֹויִ֔ם בְּהֹורִדִ֥יc אֹתֹ֛ו שְׁאֹ֖ולָה אֶת־יֹ֣ורְדֵי בֹ֑ור וַיִּנָּ֨חֲמ֜וּd בְּאֶ֤רֶץ תַּחְתִּית֙e כָּל־עֲצֵי־עֵ֔דֶןf מִבְחַ֥רg וְטֹוב־לְבָנֹ֖ון כָּל־שֹׁ֥תֵי מָֽיִם׃

17 גַּם־הֵ֗ם אִתֹּ֛ו יָרְד֥וּa שְׁאֹ֖ולָה אֶל־חַלְלֵי־חָ֑רֶב וּזְרֹעֹ֛ו יָשְׁב֥וּb בְצִלֹּ֖ו בְּתֹ֥וךְ גֹּויִֽם׃

18 אֶל־מִ֨י דָמִ֥יתָa כָּ֛כָהb בְּכָבֹ֥וד וּבְגֹ֖דֶלc בַּעֲצֵי־עֵ֑דֶןd וְהוּרַדְתָּ֙e אֶת־עֲצֵי־עֵ֜דֶןf אֶל־אֶ֣רֶץ תַּחְתִּ֗יתg בְּתֹ֨וךְ עֲרֵלִ֤יםh תִּשְׁכַּב֙i אֶת־חַלְלֵי־חֶ֔רֶב ה֤וּא פַרְעֹה֙ וְכָל־המונהj נְאֻ֖ם אֲדֹנָ֥י יְהוִֽה׃ ס