יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם הִנָּבֵא֙a וְאָ֣מַרְתָּ֔b כֹּ֥ה אָמַ֖רc אֲדֹנָ֣י יְהוִ֑ה הֵילִ֖ילוּd הָ֥הּe לַיֹּֽום׃

3 כִּֽי־קָרֹ֣וב יֹ֔ום וְקָרֹ֥וב יֹ֖ום לַֽיהוָ֑ה יֹ֣ום עָנָ֔ן עֵ֥ת גֹּויִ֖ם יִֽהְיֶֽהa ׃

4 וּבָאָ֥הa חֶ֨רֶב֙ בְּמִצְרַ֔יִם וְהָיְתָ֤הb חַלְחָלָה֙c בְּכ֔וּשׁd בִּנְפֹ֥לe חָלָ֖ל בְּמִצְרָ֑יִם וְלָקְח֣וּf הֲמֹונָ֔הּ וְנֶהֶרְס֖וּg יְסֹודֹתֶֽיהָh ׃

5 כּ֣וּשׁa וּפ֤וּטb וְלוּד֙c וְכָל־הָעֶ֣רֶבd וְכ֔וּבe וּבְנֵ֖י אֶ֣רֶץ הַבְּרִ֑ית אִתָּ֖ם בַּחֶ֥רֶב יִפֹּֽלוּf ׃ פ

6 כֹּ֚ה אָמַ֣רa יְהוָ֔ה וְנָֽפְלוּ֙b סֹמְכֵ֣יc מִצְרַ֔יִם וְיָרַ֖דd גְּאֹ֣וןe עֻזָּ֑הּ מִמִּגְדֹּ֣ל סְוֵנֵ֗הf בַּחֶ֨רֶב֙ יִפְּלוּg ־בָ֔הּ נְאֻ֖ם אֲדֹנָ֥י יְהוִֽה׃

7 וְנָשַׁ֕מּוּa בְּתֹ֖וךְ אֲרָצֹ֣ות נְשַׁמֹּ֑ות וְעָרָ֕יו בְּתֹוךְ־עָרִ֥ים נַחֲרָבֹ֖ותb תִּֽהְיֶֽינָהc ׃

8 וְיָדְע֖וּa כִּֽי־אֲנִ֣י יְהוָ֑ה בְּתִתִּיb ־אֵ֣שׁ בְּמִצְרַ֔יִם וְנִשְׁבְּר֖וּc כָּל־עֹזְרֶֽיהָ׃

9 בַּיֹּ֣ום הַה֗וּא יֵצְא֨וּa מַלְאָכִ֤ים מִלְּפָנַי֙ בַּצִּ֔יםb לְהַחֲרִ֖ידc אֶת־כּ֣וּשׁd בֶּ֑טַחe וְהָיְתָ֨הf חַלְחָלָ֤הg בָהֶם֙ בְּיֹ֣ום מִצְרַ֔יִם כִּ֥י הִנֵּ֖ה בָּאָֽהh ׃ ס

10 כֹּ֥ה אָמַ֖רa אֲדֹנָ֣י יְהוִ֑ה וְהִשְׁבַּתִּי֙b אֶת־הֲמֹ֣ון מִצְרַ֔יִם בְּיַ֖ד נְבוּכַדְרֶאצַּ֥רc מֶלֶךְ־בָּבֶֽל׃

11 ה֠וּא וְעַמֹּ֤ו אִתֹּו֙ עָרִיצֵ֣יa גֹויִ֔ם מֽוּבָאִ֖יםb לְשַׁחֵ֣תc הָאָ֑רֶץ וְהֵרִ֤יקוּd חַרְבֹותָם֙ עַל־מִצְרַ֔יִם וּמָלְא֥וּe אֶת־הָאָ֖רֶץ חָלָֽל׃

12 וְנָתַתִּ֤יa יְאֹרִים֙b חָֽרָבָ֔הc וּמָכַרְתִּ֥יd אֶת־הָאָ֖רֶץ בְּיַד־רָעִ֑ים וַהֲשִׁמֹּתִ֞יe אֶ֤רֶץ וּמְלֹאָהּ֙f בְּיַד־זָרִ֔ים אֲנִ֥י יְהוָ֖ה דִּבַּֽרְתִּיg ׃ ס

13 כֹּֽה־אָמַ֞רa אֲדֹנָ֣י יְהוִ֗ה וְהַאֲבַדְתִּ֨יb גִלּוּלִ֜יםc וְהִשְׁבַּתִּ֤יd אֱלִילִים֙e מִנֹּ֔ףf וְנָשִׂ֥יא מֵאֶֽרֶץ־מִצְרַ֖יִם לֹ֣א יִֽהְיֶהg ־עֹ֑וד וְנָתַתִּ֥יh יִרְאָ֖הi בְּאֶ֥רֶץ מִצְרָֽיִם׃

14 וַהֲשִׁמֹּתִי֙a אֶת־פַּתְרֹ֔וסb וְנָתַ֥תִּיc אֵ֖שׁ בְּצֹ֑עַןd וְעָשִׂ֥יתִיe שְׁפָטִ֖יםf בְּנֹֽאg ׃

15 וְשָׁפַכְתִּ֣יa חֲמָתִ֔י עַל־סִ֖יןb מָעֹ֣וזc מִצְרָ֑יִם וְהִכְרַתִּ֖יd אֶת־הֲמֹ֥ון נֹֽאe ׃

16 וְנָתַ֤תִּיa אֵשׁ֙ בְּמִצְרַ֔יִם ח֤וּלb תחילc סִ֔יןd וְנֹ֖אe תִּהְיֶ֣הf לְהִבָּקֵ֑עַg וְנֹ֖ףh צָרֵ֥י יֹומָֽם׃

17 בַּח֥וּרֵיa אָ֛וֶןb וּפִי־בֶ֖סֶתc בַּחֶ֣רֶב יִפֹּ֑לוּd וְהֵ֖נָּהe בַּשְּׁבִ֥יf תֵלַֽכְנָהg ׃

18 וּבִֽתְחַפְנְחֵס֙a חָשַׂ֣ךְb הַיֹּ֔ום בְּשִׁבְרִיc ־שָׁם֙ אֶת־מֹטֹ֣ותd מִצְרַ֔יִם וְנִשְׁבַּתe ־בָּ֖הּ גְּאֹ֣וןf עֻזָּ֑הּ הִ֚יא עָנָ֣ן יְכַסֶּ֔נָּהg וּבְנֹותֶ֖יהָ בַּשְּׁבִ֥יh תֵלַֽכְנָהi ׃

19 וְעָשִׂ֥יתִיa שְׁפָטִ֖יםb בְּמִצְרָ֑יִם וְיָדְע֖וּc כִּֽי־אֲנִ֥י יְהוָֽה׃ פ

20 וַיְהִ֗יa בְּאַחַ֤ת עֶשְׂרֵה֙ שָׁנָ֔ה בָּֽרִאשֹׁ֖ון בְּשִׁבְעָ֣ה לַחֹ֑דֶשׁ הָיָ֥הb דְבַר־יְהוָ֖ה אֵלַ֥י לֵאמֹֽרc ׃

21 בֶּן־אָדָ֕ם אֶת־זְרֹ֛ועַ פַּרְעֹ֥ה מֶֽלֶךְ־מִצְרַ֖יִם שָׁבָ֑רְתִּיa וְהִנֵּ֣ה לֹֽא־חֻ֠בְּשָׁהb לָתֵ֨תc רְפֻאֹ֜ותd לָשׂ֥וּםe חִתּ֛וּלf לְחָבְשָׁ֥הּg לְחָזְקָ֖הּh לִתְפֹּ֥שׂi בֶּחָֽרֶב׃ ס

22 לָכֵ֞ן כֹּה־אָמַ֣רa ׀ אֲדֹנָ֣י יְהֹוִ֗ה הִנְנִי֙ אֶל־פַּרְעֹ֣ה מֶֽלֶךְ־מִצְרַ֔יִם וְשָֽׁבַרְתִּי֙b אֶת־זְרֹ֣עֹתָ֔יו אֶת־הַחֲזָקָ֖ה וְאֶת־הַנִּשְׁבָּ֑רֶת וְהִפַּלְתִּ֥יc אֶת־הַחֶ֖רֶב מִיָּדֹֽו׃

23 וַהֲפִצֹותִ֥יa אֶת־מִצְרַ֖יִם בַּגֹּויִ֑ם וְזֵרִיתִ֖םb בָּאֲרָצֹֽות׃

24 וְחִזַּקְתִּ֗יa אֶת־זְרֹעֹות֙ מֶ֣לֶךְ בָּבֶ֔ל וְנָתַתִּ֥יb אֶת־חַרְבִּ֖י בְּיָדֹ֑ו וְשָׁבַרְתִּי֙c אֶת־זְרֹעֹ֣ות פַּרְעֹ֔ה וְנָאַ֛קd נַאֲקֹ֥ותe חָלָ֖ל לְפָנָֽיו׃

25 וְהַחֲזַקְתִּ֗יa אֶת־זְרֹעֹות֙ מֶ֣לֶךְ בָּבֶ֔ל וּזְרֹעֹ֥ות פַּרְעֹ֖ה תִּפֹּ֑לְנָהb וְֽיָדְע֞וּc כִּֽי־אֲנִ֣י יְהוָ֗ה בְּתִתִּ֤יd חַרְבִּי֙ בְּיַ֣ד מֶֽלֶךְ־בָּבֶ֔ל וְנָטָ֥הe אֹותָ֖הּ אֶל־אֶ֥רֶץ מִצְרָֽיִם׃

26 וַהֲפִצֹותִ֤יa אֶת־מִצְרַ֨יִם֙ בַּגֹּויִ֔ם וְזֵרִיתִ֥יb אֹותָ֖ם בָּאֲרָצֹ֑ות וְיָדְע֖וּc כִּֽי־אֲנִ֥י יְהוָֽה׃ ס