יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם שִׂ֥יםa פָּנֶ֖יךָ אֶל־בְּנֵ֣י עַמֹּ֑ון וְהִנָּבֵ֖אb עֲלֵיהֶֽם׃

3 וְאָֽמַרְתָּ֙a לִבְנֵ֣י עַמֹּ֔ון שִׁמְע֖וּb דְּבַר־אֲדֹנָ֣י יְהוִ֑ה כֹּה־אָמַ֣רc אֲדֹנָ֣י יְהוִ֡ה יַעַן֩ אָמְרֵ֨ךְd הֶאָ֜חe אֶל־מִקְדָּשִׁ֣י כִֽי־נִחָ֗לf וְאֶל־אַדְמַ֤ת יִשְׂרָאֵל֙ כִּ֣י נָשַׁ֔מָּהg וְאֶל־בֵּ֣ית יְהוּדָ֔ה כִּ֥י הָלְכ֖וּh בַּגֹּולָֽהi ׃

4 לָכֵ֡ן הִנְנִי֩ נֹתְנָ֨ךְa לִבְנֵי־קֶ֜דֶם לְמֹֽורָשָׁ֗הb וְיִשְּׁב֤וּc טִירֹֽותֵיהֶם֙d בָּ֔ךְ וְנָ֥תְנוּe בָ֖ךְ מִשְׁכְּנֵיהֶ֑ם הֵ֚מָּה יֹאכְל֣וּf פִרְיֵ֔ךְ וְהֵ֖מָּה יִשְׁתּ֥וּg חֲלָבֵֽךְh ׃

5 וְנָתַתִּ֤יa אֶת־רַבָּה֙b לִנְוֵ֣הc גְמַלִּ֔ים וְאֶת־בְּנֵ֥י עַמֹּ֖ון לְמִרְבַּץd ־צֹ֑אן וִֽידַעְתֶּ֖םe כִּֽי־אֲנִ֥י יְהוָֽה׃ ס

6 כִּ֣י כֹ֤ה אָמַר֙a אֲדֹנָ֣י יְהוִ֔ה יַ֚עַן מַחְאֲךָ֣b יָ֔ד וְרַקְעֲךָ֖c בְּרָ֑גֶל וַתִּשְׂמַ֤חd בְּכָל־שָֽׁאטְךָ֙e בְּנֶ֔פֶשׁ אֶל־אַדְמַ֖ת יִשְׂרָאֵֽל׃

7 לָכֵ֡ן הִנְנִי֩ נָטִ֨יתִיa אֶת־יָדִ֜י עָלֶ֗יךָ וּנְתַתִּ֤יךָb ־לבגc לַגֹּויִ֔ם וְהִכְרַתִּ֨יךָ֙d מִן־הָ֣עַמִּ֔ים וְהַאֲבַדְתִּ֖יךָe מִן־הָאֲרָצֹ֑ות אַשְׁמִ֣ידְךָ֔f וְיָדַעְתָּ֖g כִּֽי־אֲנִ֥י יְהוָֽה׃ ס

8 כֹּ֥ה אָמַ֖רa אֲדֹנָ֣י יְהוִ֑ה יַ֗עַן אֲמֹ֤רb מֹואָב֙ וְשֵׂעִ֔ירc הִנֵּ֥ה כְּכָֽל־הַגֹּויִ֖ם בֵּ֥ית יְהוּדָֽה׃

9 לָכֵן֩ הִנְנִ֨י פֹתֵ֜חַa אֶת־כֶּ֤תֶף מֹואָב֙ מֵהֶ֣עָרִ֔ים מֵֽעָרָ֖יו מִקָּצֵ֑הוּ צְבִ֗יb אֶ֚רֶץ בֵּ֣ית הַיְשִׁימֹ֔תc בַּ֥עַל מְעֹ֖וןd וקריתמהe ׃

10 לִבְנֵי־קֶ֨דֶם֙ עַל־בְּנֵ֣י עַמֹּ֔ון וּנְתַתִּ֖יהָa לְמֹֽורָשָׁ֑הb לְמַ֛עַן לֹֽא־תִזָּכֵ֥רc בְּנֵֽי־עַמֹּ֖ון בַּגֹּויִֽם׃

11 וּבְמֹואָ֖ב אֶעֱשֶׂ֣הa שְׁפָטִ֑יםb וְיָדְע֖וּc כִּֽי־אֲנִ֥י יְהוָֽה׃ ס

12 כֹּ֤ה אָמַר֙a אֲדֹנָ֣י יְהוִ֔ה יַ֣עַן עֲשֹׂ֥ותb אֱדֹ֛ום בִּנְקֹ֥םc נָקָ֖םd לְבֵ֣ית יְהוּדָ֑ה וַיֶּאְשְׁמ֥וּe אָשֹׁ֖וםf וְנִקְּמ֥וּg בָהֶֽם׃

13 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה וְנָטִ֤תִיb יָדִי֙ עַל־אֱדֹ֔ום וְהִכְרַתִּ֥יc מִמֶּ֖נָּה אָדָ֣ם וּבְהֵמָ֑ה וּנְתַתִּ֤יהָd חָרְבָּה֙e מִתֵּימָ֔ןf וּדְדָ֖נֶהg בַּחֶ֥רֶב יִפֹּֽלוּh ׃

14 וְנָתַתִּ֨יa אֶת־נִקְמָתִ֜יb בֶּאֱדֹ֗ום בְּיַד֙ עַמִּ֣י יִשְׂרָאֵ֔ל וְעָשׂ֣וּc בֶאֱדֹ֔ום כְּאַפִּ֖י וְכַחֲמָתִ֑י וְיָֽדְעוּ֙d אֶת־נִקְמָתִ֔יe נְאֻ֖ם אֲדֹנָ֥י יְהוִֽה׃ פ

15 כֹּ֤ה אָמַר֙a אֲדֹנָ֣י יְהוִ֔ה יַ֛עַן עֲשֹׂ֥ותb פְּלִשְׁתִּ֖ים בִּנְקָמָ֑הc וַיִּנָּקְמ֤וּd נָקָם֙e בִּשְׁאָ֣טf בְּנֶ֔פֶשׁ לְמַשְׁחִ֖יתg אֵיבַ֥תh עֹולָֽם׃

16 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה הִנְנִ֨י נֹוטֶ֤הb יָדִי֙ עַל־פְּלִשְׁתִּ֔ים וְהִכְרַתִּ֖יc אֶת־כְּרֵתִ֑יםd וְהַ֣אֲבַדְתִּ֔יe אֶת־שְׁאֵרִ֖ית חֹ֥וףf הַיָּֽם׃

17 וְעָשִׂ֤יתִיa בָם֙ נְקָמֹ֣ותb גְּדֹלֹ֔ות בְּתֹוכְחֹ֖ותc חֵמָ֑ה וְיָֽדְעוּ֙d כִּֽי־אֲנִ֣י יְהוָ֔ה בְּתִתִּ֥יe אֶת־נִקְמָתִ֖יf בָּֽם׃ ס