יחזקאל

וַיְהִי֩a דְבַר־יְהוָ֨ה אֵלַ֜י בַּשָּׁנָ֤ה הַתְּשִׁיעִית֙b בַּחֹ֣דֶשׁ הָעֲשִׂירִ֔יc בֶּעָשֹׂ֥ורd לַחֹ֖דֶשׁ לֵאמֹֽרe ׃

2 בֶּן־אָדָ֗ם כתובa ־לְךָ֙ אֶת־שֵׁ֣ם הַיֹּ֔ום אֶת־עֶ֖צֶם הַיֹּ֣ום הַזֶּ֑ה סָמַ֤ךְb מֶֽלֶךְ־בָּבֶל֙ אֶל־יְר֣וּשָׁלִַ֔ם בְּעֶ֖צֶם הַיֹּ֥ום הַזֶּֽה׃

3 וּמְשֹׁ֤לa אֶל־בֵּית־הַמֶּ֨רִי֙b מָשָׁ֔לc וְאָמַרְתָּ֣d אֲלֵיהֶ֔ם כֹּ֥ה אָמַ֖רe אֲדֹנָ֣י יְהוִ֑ה שְׁפֹ֤תf הַסִּיר֙g שְׁפֹ֔תh וְגַם־יְצֹ֥קi בֹּ֖ו מָֽיִם׃

4 אֱסֹ֤ףa נְתָחֶ֨יהָ֙b אֵלֶ֔יהָ כָּל־נֵ֥תַחc טֹ֖וב יָרֵ֣ךְd וְכָתֵ֑ף מִבְחַ֥רe עֲצָמִ֖ים מַלֵּֽאf ׃

5 מִבְחַ֤רa הַצֹּאן֙ לָקֹ֔וחַb וְגַ֛ם דּ֥וּרc הָעֲצָמִ֖ים תַּחְתֶּ֑יהָ רַתַּ֣חd רְתָחֶ֔יהָe גַּם־בָּשְׁל֥וּf עֲצָמֶ֖יהָ בְּתֹוכָֽהּ׃ ס

6 לָכֵ֞ן כֹּה־אָמַ֣רa ׀ אֲדֹנָ֣י יְהֹוִ֗ה אֹוי֮b עִ֣יר הַדָּמִים֒ סִ֚ירc אֲשֶׁ֣ר חֶלְאָתָ֣הd בָ֔הּ וְחֶ֨לְאָתָ֔הּe לֹ֥א יָצְאָ֖הf מִמֶּ֑נָּה לִנְתָחֶ֤יהָg לִנְתָחֶ֨יהָ֙h הֹוצִיאָ֔הּi לֹא־נָפַ֥לj עָלֶ֖יהָ גֹּורָֽל׃

7 כִּ֤י דָמָהּ֙ בְּתֹוכָ֣הּ הָיָ֔הa עַל־צְחִ֥יחַb סֶ֖לַע שָׂמָ֑תְהוּc לֹ֤א שְׁפָכַ֨תְהוּ֙d עַל־הָאָ֔רֶץ לְכַסֹּ֥ותe עָלָ֖יו עָפָֽר׃

8 לְהַעֲלֹ֤ותa חֵמָה֙ לִנְקֹ֣םb נָקָ֔םc נָתַ֥תִּיd אֶת־דָּמָ֖הּ עַל־צְחִ֣יחַe סָ֑לַע לְבִלְתִּ֖י הִכָּסֹֽותf ׃ פ

9 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה אֹ֖ויb עִ֣יר הַדָּמִ֑ים גַּם־אֲנִ֖י אַגְדִּ֥ילc הַמְּדוּרָֽהd ׃

10 הַרְבֵּ֤הa הָעֵצִים֙ הַדְלֵ֣קb הָאֵ֔שׁ הָתֵ֖םc הַבָּשָׂ֑ר וְהַרְקַח֙d הַמֶּרְקָחָ֔הe וְהָעֲצָמֹ֖ות יֵחָֽרוּf ׃

11 וְהַעֲמִידֶ֥הָa עַל־גֶּחָלֶ֖יהָb רֵקָ֑הc לְמַ֨עַן תֵּחַ֜םd וְחָ֣רָהe נְחֻשְׁתָּ֗הּ וְנִתְּכָ֤הf בְתֹוכָהּ֙ טֻמְאָתָ֔הּg תִּתֻּ֖םh חֶלְאָתָֽהּi ׃

12 תְּאֻנִ֖יםa הֶלְאָ֑תb וְלֹֽא־תֵצֵ֤אc מִמֶּ֨נָּה֙ רַבַּ֣ת חֶלְאָתָ֔הּd בְּאֵ֖שׁ חֶלְאָתָֽהּe ׃

13 בְּטֻמְאָתֵ֖ךְa זִמָּ֑הb יַ֤עַן טִֽהַרְתִּיךְ֙c וְלֹ֣א טָהַ֔רְתְּd מִטֻּמְאָתֵךְ֙e לֹ֣א תִטְהֲרִיf ־עֹ֔וד עַד־הֲנִיחִ֥יg אֶת־חֲמָתִ֖י בָּֽךְ׃

14 אֲנִ֨י יְהוָ֤ה דִּבַּ֨רְתִּי֙a בָּאָ֣הb וְעָשִׂ֔יתִיc לֹֽא־אֶפְרַ֥עd וְלֹא־אָח֖וּסe וְלֹ֣א אֶנָּחֵ֑םf כִּדְרָכַ֤יִךְ וְכַעֲלִילֹותַ֨יִךְ֙g שְׁפָט֔וּךְh נְאֻ֖ם אֲדֹנָ֥י יְהֹוִֽה׃ פ

15 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

16 בֶּן־אָדָ֕ם הִנְנִ֨י לֹקֵ֧חַa מִמְּךָ֛ אֶת־מַחְמַ֥דb עֵינֶ֖יךָ בְּמַגֵּפָ֑הc וְלֹ֤א תִסְפֹּד֙d וְלֹ֣א תִבְכֶּ֔הe וְלֹ֥וא תָבֹ֖ואf דִּמְעָתֶֽךָg ׃

17 הֵאָנֵ֣קa ׀ דֹּ֗םb מֵתִים֙ אֵ֣בֶלc לֹֽא־תַֽעֲשֶׂ֔הd פְאֵֽרְךָ֙e חֲבֹ֣ושׁf עָלֶ֔יךָ וּנְעָלֶ֖יךָg תָּשִׂ֣יםh בְּרַגְלֶ֑יךָ וְלֹ֤א תַעְטֶה֙i עַל־שָׂפָ֔םj וְלֶ֥חֶם אֲנָשִׁ֖ים לֹ֥א תֹאכֵֽלk ׃

18 וָאֲדַבֵּ֤רa אֶל־הָעָם֙ בַּבֹּ֔קֶר וַתָּ֥מָתb אִשְׁתִּ֖י בָּעָ֑רֶב וָאַ֥עַשׂc בַּבֹּ֖קֶר כַּאֲשֶׁ֥ר צֻוֵּֽיתִיd ׃

19 וַיֹּאמְר֥וּa אֵלַ֖י הָעָ֑ם הֲלֹֽא־תַגִּ֥ידb לָ֨נוּ֙ מָה־אֵ֣לֶּה לָּ֔נוּ כִּ֥י אַתָּ֖ה עֹשֶֽׂהc ׃

20 וָאֹמַ֖רa אֲלֵיהֶ֑ם דְּבַ֨ר־יְהוָ֔ה הָיָ֥הb אֵלַ֖י לֵאמֹֽרc ׃

21 אֱמֹ֣רa ׀ לְבֵ֣ית יִשְׂרָאֵ֗ל כֹּֽה־אָמַר֮b אֲדֹנָ֣י יְהוִה֒ הִנְנִ֨י מְחַלֵּ֤לc אֶת־מִקְדָּשִׁי֙ גְּאֹ֣וןd עֻזְּכֶ֔ם מַחְמַ֥דe עֵֽינֵיכֶ֖ם וּמַחְמַ֣לf נַפְשְׁכֶ֑ם וּבְנֵיכֶ֧ם וּבְנֹֽותֵיכֶ֛ם אֲשֶׁ֥ר עֲזַבְתֶּ֖םg בַּחֶ֥רֶב יִפֹּֽלוּh ׃

22 וַעֲשִׂיתֶ֖םa כַּאֲשֶׁ֣ר עָשִׂ֑יתִיb עַל־שָׂפָם֙c לֹ֣א תַעְט֔וּd וְלֶ֥חֶם אֲנָשִׁ֖ים לֹ֥א תֹאכֵֽלוּe ׃

23 וּפְאֵרֵכֶ֣םa עַל־רָאשֵׁיכֶ֗ם וְנַֽעֲלֵיכֶם֙b בְּרַגְלֵיכֶ֔ם לֹ֥א תִסְפְּד֖וּc וְלֹ֣א תִבְכּ֑וּd וּנְמַקֹּתֶם֙e בַּעֲוֹנֹ֣תֵיכֶ֔ם וּנְהַמְתֶּ֖םf אִ֥ישׁ אֶל־אָחִֽיו׃

24 וְהָיָ֨הa יְחֶזְקֵ֤אלb לָכֶם֙ לְמֹופֵ֔תc כְּכֹ֥ל אֲשֶׁר־עָשָׂ֖הd תַּעֲשׂ֑וּe בְּבֹאָ֕הּf וִֽידַעְתֶּ֕םg כִּ֥י אֲנִ֖י אֲדֹנָ֥י יְהוִֽה׃ ס

25 וְאַתָּ֣ה בֶן־אָדָ֔ם הֲלֹ֗וא בְּיֹ֨ום קַחְתִּ֤יa מֵהֶם֙ אֶת־מָ֣עוּזָּ֔םb מְשֹׂ֖ושׂc תִּפְאַרְתָּ֑םd אֶת־מַחְמַ֤דe עֵֽינֵיהֶם֙ וְאֶת־מַשָּׂ֣אf נַפְשָׁ֔ם בְּנֵיהֶ֖ם וּבְנֹותֵיהֶֽם׃

26 בַּיֹּ֣ום הַה֔וּא יָבֹ֥ואa הַפָּלִ֖יטb אֵלֶ֑יךָ לְהַשְׁמָע֖וּתc אָזְנָֽיִם׃

27 בַּיֹּ֣ום הַה֗וּא יִפָּ֤תַחa פִּ֨יךָ֙ אֶת־הַפָּלִ֔יטb וּתְדַבֵּ֕רc וְלֹ֥א תֵֽאָלֵ֖םd עֹ֑וד וְהָיִ֤יתָe לָהֶם֙ לְמֹופֵ֔תf וְיָדְע֖וּg כִּֽי־אֲנִ֥י יְהוָֽה׃ ס