יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֑ם שְׁתַּ֣יִם נָשִׁ֔ים בְּנֹ֥ות אֵם־אַחַ֖ת הָיֽוּa ׃

3 וַתִּזְנֶ֣ינָהa בְמִצְרַ֔יִם בִּנְעוּרֵיהֶ֖ןb זָנ֑וּc שָׁ֚מָּה מֹעֲכ֣וּd שְׁדֵיהֶ֔ןe וְשָׁ֣ם עִשּׂ֔וּf דַּדֵּ֖יg בְּתוּלֵיהֶֽןh ׃

4 וּשְׁמֹותָ֗ן אָהֳלָ֤הa הַגְּדֹולָה֙ וְאָהֳלִיבָ֣הb אֲחֹותָ֔הּ וַתִּֽהְיֶ֣ינָהc לִ֔י וַתֵּלַ֖דְנָהd בָּנִ֣ים וּבָנֹ֑ות וּשְׁמֹותָ֕ן שֹׁמְרֹ֣ון אָהֳלָ֔הe וִירוּשָׁלִַ֖ם אָהֳלִיבָֽהf ׃

5 וַתִּ֥זֶןa אָהֳלָ֖הb תַּחְתָּ֑י וַתַּעְגַּב֙c עַֽל־מְאַהֲבֶ֔יהָ אֶל־אַשּׁ֖וּר קְרֹובִֽים׃

6 לְבֻשֵׁ֤יa תְכֵ֨לֶת֙b פַּחֹ֣ותc וּסְגָנִ֔יםd בַּח֥וּרֵיe חֶ֖מֶדf כֻּלָּ֑ם פָּרָשִׁ֕ים רֹכְבֵ֖יg סוּסִֽים׃

7 וַתִּתֵּ֤ןa תַּזְנוּתֶ֨יהָ֙b עֲלֵיהֶ֔ם מִבְחַ֥רc בְּנֵֽי־אַשּׁ֖וּר כֻּלָּ֑ם וּבְכֹ֧ל אֲשֶׁר־עָֽגְבָ֛הd בְּכָל־גִּלּוּלֵיהֶ֖םe נִטְמָֽאָהf ׃

8 וְאֶת־תַּזְנוּתֶ֤יהָa מִמִּצְרַ֨יִם֙ לֹ֣א עָזָ֔בָהb כִּ֤י אֹותָהּ֙ שָׁכְב֣וּc בִנְעוּרֶ֔יהָd וְהֵ֥מָּה עִשּׂ֖וּe דַּדֵּ֣יf בְתוּלֶ֑יהָg וַיִּשְׁפְּכ֥וּh תַזְנוּתָ֖םi עָלֶֽיהָ׃

9 לָכֵ֥ן נְתַתִּ֖יהָa בְּיַד־מְאַֽהֲבֶ֑יהָ בְּיַד֙ בְּנֵ֣י אַשּׁ֔וּר אֲשֶׁ֥ר עָגְבָ֖הb עֲלֵיהֶֽם׃

10 הֵמָּה֮ גִּלּ֣וּa עֶרְוָתָהּ֒ בָּנֶ֤יהָ וּבְנֹותֶ֨יהָ֙ לָקָ֔חוּb וְאֹותָ֖הּ בַּחֶ֣רֶב הָרָ֑גוּc וַתְּהִיd ־שֵׁם֙ לַנָּשִׁ֔ים וּשְׁפוּטִ֖יםe עָ֥שׂוּf בָֽהּ׃ ס

11 וַתֵּ֨רֶא֙a אֲחֹותָ֣הּ אָהֳלִיבָ֔הb וַתַּשְׁחֵ֥תc עַגְבָתָ֖הּd מִמֶּ֑נָּה וְאֶת־תַּ֨זְנוּתֶ֔יהָe מִזְּנוּנֵ֖יf אֲחֹותָֽהּ׃

12 אֶל־בְּנֵי֩ אַשּׁ֨וּר עָגָ֜בָהa פַּחֹ֨ותb וּסְגָנִ֤יםc קְרֹבִים֙ לְבֻשֵׁ֣יd מִכְלֹ֔ולe פָּרָשִׁ֖ים רֹכְבֵ֣יf סוּסִ֑ים בַּח֥וּרֵיg חֶ֖מֶדh כֻּלָּֽם׃

13 וָאֵ֖רֶאa כִּ֣י נִטְמָ֑אָהb דֶּ֥רֶךְ אֶחָ֖ד לִשְׁתֵּיהֶֽן׃

14 וַתֹּ֖וסֶףa אֶל־תַּזְנוּתֶ֑יהָb וַתֵּ֗רֶאc אַנְשֵׁי֙ מְחֻקֶּ֣הd עַל־הַקִּ֔יר צַלְמֵ֣יe כשׂדייםf חֲקֻקִ֖יםg בַּשָּׁשַֽׁרh ׃

15 חֲגֹורֵ֨יa אֵזֹ֜ורb בְּמָתְנֵיהֶ֗םc סְרוּחֵ֤יd טְבוּלִים֙e בְּרָ֣אשֵׁיהֶ֔ם מַרְאֵ֥ה שָׁלִשִׁ֖יםf כֻּלָּ֑ם דְּמ֤וּתg בְּנֵֽי־בָבֶל֙ כַּשְׂדִּ֔יםh אֶ֖רֶץ מֹולַדְתָּֽםi ׃

16 ותעגבa עֲלֵיהֶ֖ם לְמַרְאֵ֣ה עֵינֶ֑יהָ וַתִּשְׁלַ֧חb מַלְאָכִ֛ים אֲלֵיהֶ֖ם כַּשְׂדִּֽימָהc ׃

17 וַיָּבֹ֨אוּa אֵלֶ֤יהָ בְנֵֽי־בָבֶל֙ לְמִשְׁכַּ֣בb דֹּדִ֔ים וַיְטַמְּא֥וּc אֹותָ֖הּ בְּתַזְנוּתָ֑םd וַתִּ֨טְמָאe ־בָ֔ם וַתֵּ֥קַעf נַפְשָׁ֖הּ מֵהֶֽם׃

18 וַתְּגַל֙a תַּזְנוּתֶ֔יהָb וַתְּגַ֖לc אֶת־עֶרְוָתָ֑הּ וַתֵּ֤קַעd נַפְשִׁי֙ מֵֽעָלֶ֔יהָ כַּאֲשֶׁ֛ר נָקְעָ֥הe נַפְשִׁ֖י מֵעַ֥ל אֲחֹותָֽהּ׃

19 וַתַּרְבֶּ֖הa אֶת־תַּזְנוּתֶ֑יהָb לִזְכֹּר֙c אֶת־יְמֵ֣י נְעוּרֶ֔יהָd אֲשֶׁ֥ר זָנְתָ֖הe בְּאֶ֥רֶץ מִצְרָֽיִם׃

20 וַֽתַּעְגְּבָ֔הa עַ֖ל פִּֽלַגְשֵׁיהֶ֑םb אֲשֶׁ֤ר בְּשַׂר־חֲמֹורִים֙ בְּשָׂרָ֔ם וְזִרְמַ֥תc סוּסִ֖ים זִרְמָתָֽםd ׃

21 וַֽתִּפְקְדִ֔יa אֵ֖ת זִמַּ֣תb נְעוּרָ֑יִךְc בַּעְשֹׂ֤ותd מִמִּצְרַ֨יִם֙ דַּדַּ֔יִךְe לְמַ֖עַן שְׁדֵ֥יf נְעוּרָֽיִךְg ׃ ס

22 לָכֵ֣ן אָהֳלִיבָ֗הa כֹּֽה־אָמַר֮b אֲדֹנָ֣י יְהוִה֒ הִנְנִ֨י מֵעִ֤ירc אֶת־מְאַהֲבַ֨יִךְ֙ עָלַ֔יִךְ אֵ֛ת אֲשֶׁר־נָקְעָ֥הd נַפְשֵׁ֖ךְ מֵהֶ֑ם וַהֲבֵאתִ֥יםe עָלַ֖יִךְ מִסָּבִֽיב׃

23 בְּנֵ֧י בָבֶ֣ל וְכָל־כַּשְׂדִּ֗ים פְּקֹ֤ודa וְשֹׁ֨ועַ֙b וְקֹ֔ועַc כָּל־בְּנֵ֥י אַשּׁ֖וּר אֹותָ֑ם בַּח֨וּרֵיd חֶ֜מֶדe פַּחֹ֤ותf וּסְגָנִים֙g כֻּלָּ֔ם שָֽׁלִשִׁים֙h וּקְרוּאִ֔ים רֹכְבֵ֥י סוּסִ֖ים כֻּלָּֽם׃

24 וּבָ֣אוּa עָלַ֡יִךְ הֹ֠צֶןb רֶ֤כֶב וְגַלְגַּל֙c וּבִקְהַ֣ל עַמִּ֔ים צִנָּ֤הd וּמָגֵן֙ וְקֹובַ֔עe יָשִׂ֥ימוּf עָלַ֖יִךְ סָבִ֑יב וְנָתַתִּ֤יg לִפְנֵיהֶם֙ מִשְׁפָּ֔ט וּשְׁפָט֖וּךְh בְּמִשְׁפְּטֵיהֶֽם׃

25 וְנָתַתִּ֨יa קִנְאָתִ֜יb בָּ֗ךְ וְעָשׂ֤וּc אֹותָךְ֙ בְּחֵמָ֔ה אַפֵּ֤ךְ וְאָזְנַ֨יִךְ֙ יָסִ֔ירוּd וְאַחֲרִיתֵ֖ךְ בַּחֶ֣רֶב תִּפֹּ֑ולe הֵ֗מָּה בָּנַ֤יִךְ וּבְנֹותַ֨יִךְ֙ יִקָּ֔חוּf וְאַחֲרִיתֵ֖ךְ תֵּאָכֵ֥לg בָּאֵֽשׁ׃

26 וְהִפְשִׁיט֖וּךְa אֶת־בְּגָדָ֑יִךְ וְלָקְח֖וּb כְּלֵ֥י תִפְאַרְתֵּֽךְc ׃

27 וְהִשְׁבַּתִּ֤יa זִמָּתֵךְ֙b מִמֵּ֔ךְ וְאֶת־זְנוּתֵ֖ךְc מֵאֶ֣רֶץ מִצְרָ֑יִם וְלֹֽא־תִשְׂאִ֤יd עֵינַ֨יִךְ֙ אֲלֵיהֶ֔ם וּמִצְרַ֖יִם לֹ֥א תִזְכְּרִיe ־עֹֽוד׃ ס

28 כִּ֣י כֹ֤ה אָמַר֙a אֲדֹנָ֣י יְהוִ֔ה הִנְנִי֙ נֹֽתְנָ֔ךְb בְּיַ֖ד אֲשֶׁ֣ר שָׂנֵ֑אתc בְּיַ֛ד אֲשֶׁר־נָקְעָ֥הd נַפְשֵׁ֖ךְ מֵהֶֽם׃

29 וְעָשׂ֨וּa אֹותָ֜ךְ בְּשִׂנְאָ֗הb וְלָקְחוּ֙c כָּל־יְגִיעֵ֔ךְd וַעֲזָב֖וּךְe עֵירֹ֣םf וְעֶרְיָ֑הg וְנִגְלָה֙h עֶרְוַ֣ת זְנוּנַ֔יִךְi וְזִמָּתֵ֖ךְj וְתַזְנוּתָֽיִךְk ׃

30 עָשֹׂ֥הa אֵ֖לֶּה לָ֑ךְ בִּזְנֹותֵךְ֙b אַחֲרֵ֣י גֹויִ֔ם עַ֥ל אֲשֶׁר־נִטְמֵ֖אתc בְּגִלּוּלֵיהֶֽםd ׃

31 בְּדֶ֥רֶךְ אֲחֹותֵ֖ךְ הָלָ֑כְתְּa וְנָתַתִּ֥יb כֹוסָ֖הּc בְּיָדֵֽךְ׃ ס

32 כֹּ֤ה אָמַר֙a אֲדֹנָ֣י יְהֹוִ֔ה כֹּ֤וסb אֲחֹותֵךְ֙ תִּשְׁתִּ֔יc הָעֲמֻקָּ֖הd וְהָרְחָבָ֑הe תִּהְיֶ֥הf לִצְחֹ֛קg וּלְלַ֖עַגh מִרְבָּ֥הi לְהָכִֽילj ׃

33 שִׁכָּרֹ֥וןa וְיָגֹ֖וןb תִּמָּלֵ֑אִיc כֹּ֚וסd שַׁמָּ֣הe וּשְׁמָמָ֔ה כֹּ֖וסf אֲחֹותֵ֥ךְ שֹׁמְרֹֽון׃

34 וְשָׁתִ֨יתa אֹותָ֜הּ וּמָצִ֗יתb וְאֶת־חֲרָשֶׂ֛יהָc תְּגָרֵ֖מִיd וְשָׁדַ֣יִךְe תְּנַתֵּ֑קִיf כִּ֚י אֲנִ֣י דִבַּ֔רְתִּיg נְאֻ֖ם אֲדֹנָ֥י יְהוִֽה׃ ס

35 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה יַ֚עַן שָׁכַ֣חַתְּb אֹותִ֔י וַתַּשְׁלִ֥יכִיc אֹותִ֖י אַחֲרֵ֣י גַוֵּ֑ךְd וְגַם־אַ֛תְּ שְׂאִ֥יe זִמָּתֵ֖ךְf וְאֶת־תַּזְנוּתָֽיִךְg ׃ ס

36 וַיֹּ֤אמֶרa יְהוָה֙ אֵלַ֔י בֶּן־אָדָ֕ם הֲתִשְׁפֹּ֥וטb אֶֽת־אָהֳלָ֖הc וְאֶת־אָהֳלִיבָ֑הd וְהַגֵּ֣דe לָהֶ֔ן אֵ֖ת תֹועֲבֹותֵיהֶֽן׃

37 כִּ֣י נִאֵ֗פוּa וְדָם֙ בִּֽידֵיהֶ֔ן וְאֶת־גִּלּֽוּלֵיהֶ֖ןb נִאֵ֑פוּc וְגַ֤ם אֶת־בְּנֵיהֶן֙ אֲשֶׁ֣ר יָֽלְדוּd ־לִ֔י הֶעֱבִ֥ירוּe לָהֶ֖ם לְאָכְלָֽהf ׃

38 עֹ֥וד זֹ֖את עָ֣שׂוּa לִ֑י טִמְּא֤וּb אֶת־מִקְדָּשִׁי֙ בַּיֹּ֣ום הַה֔וּא וְאֶת־שַׁבְּתֹותַ֖י חִלֵּֽלוּc ׃

39 וּֽבְשַׁחֲטָ֤םa אֶת־בְּנֵיהֶם֙ לְגִלּ֣וּלֵיהֶ֔םb וַיָּבֹ֧אוּc אֶל־מִקְדָּשִׁ֛י בַּיֹּ֥ום הַה֖וּא לְחַלְּלֹ֑וd וְהִנֵּה־כֹ֥ה עָשׂ֖וּe בְּתֹ֥וךְ בֵּיתִֽי׃

40 וְאַ֗ף כִּ֤י תִשְׁלַ֨חְנָה֙a לַֽאֲנָשִׁ֔ים בָּאִ֖יםb מִמֶּרְחָ֑קc אֲשֶׁ֨ר מַלְאָ֜ךְ שָׁל֤וּחַd אֲלֵיהֶם֙ וְהִנֵּה־בָ֔אוּe לַאֲשֶׁ֥ר רָחַ֛צְתְּf כָּחַ֥לְתְּg עֵינַ֖יִךְ וְעָ֥דִיתh עֶֽדִיi ׃

41 וְיָשַׁבְתְּ֙a עַל־מִטָּ֣הb כְבוּדָּ֔הc וְשֻׁלְחָ֥ן עָר֖וּךְ לְפָנֶ֑יהָ וּקְטָרְתִּ֥י וְשַׁמְנִ֖י שַׂ֥מְתְּd עָלֶֽיהָ׃

42 וְקֹ֣ול הָמֹון֮ שָׁלֵ֣וa בָהּ֒ וְאֶל־אֲנָשִׁים֙ מֵרֹ֣ב אָדָ֔ם מוּבָאִ֥יםb סובאיםc מִמִּדְבָּ֑ר וַֽיִּתְּנ֤וּd צְמִידִים֙e אֶל־יְדֵיהֶ֔ן וַעֲטֶ֥רֶתf תִּפְאֶ֖רֶתg עַל־רָאשֵׁיהֶֽן׃

43 וָאֹמַ֕רa לַבָּלָ֖הb נִֽאוּפִ֑יםc עתd יזנהe תַזְנוּתֶ֖הָf וָהִֽיא׃

44 וַיָּבֹ֣ואa אֵלֶ֔יהָ כְּבֹ֖ואb אֶל־אִשָּׁ֣ה זֹונָ֑ה כֵּ֣ן בָּ֗אוּc אֶֽל־אָֽהֳלָה֙d וְאֶל־אָ֣הֳלִיבָ֔הe אִשֹּׁ֖ת הַזִּמָּֽהf ׃

45 וַאֲנָשִׁ֣ים צַדִּיקִ֗ם הֵ֚מָּה יִשְׁפְּט֣וּa אֹֽותְהֶ֔ם מִשְׁפַּט֙ נֹֽאֲפֹ֔ותb וּמִשְׁפַּ֖ט שֹׁפְכֹ֣ות דָּ֑ם כִּ֤י נֹֽאֲפֹת֙c הֵ֔נָּהd וְדָ֖ם בִּֽידֵיהֶֽן׃ ס

46 כִּ֛י כֹּ֥ה אָמַ֖רa אֲדֹנָ֣י יְהוִ֑ה הַעֲלֵ֤הb עֲלֵיהֶם֙ קָהָ֔ל וְנָתֹ֥ןc אֶתְהֶ֖ן לְזַעֲוָ֥הd וְלָבַֽזe ׃

47 וְרָגְמ֨וּa עֲלֵיהֶ֥ן אֶ֨בֶן֙ קָהָ֔ל וּבָרֵ֥אb אֹותְהֶ֖ן בְּחַרְבֹותָ֑ם בְּנֵיהֶ֤ם וּבְנֹֽותֵיהֶם֙ יַהֲרֹ֔גוּc וּבָתֵּיהֶ֖ן בָּאֵ֥שׁ יִשְׂרֹֽפוּd ׃

48 וְהִשְׁבַּתִּ֥יa זִמָּ֖הb מִן־הָאָ֑רֶץ וְנִֽוַּסְּרוּ֙c כָּל־הַנָּשִׁ֔ים וְלֹ֥א תַעֲשֶׂ֖ינָהd כְּזִמַּתְכֶֽנָהe ׃

49 וְנָתְנ֤וּa זִמַּתְכֶ֨נָה֙b עֲלֵיכֶ֔ן וַחֲטָאֵ֥יc גִלּוּלֵיכֶ֖ןd תִּשֶּׂ֑אינָהe וִידַעְתֶּ֕םf כִּ֥י אֲנִ֖י אֲדֹנָ֥י יְהוִֽה׃ פ