יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 וְאַתָּ֣ה בֶן־אָדָ֔ם הֲתִשְׁפֹּ֥טa הֲתִשְׁפֹּ֖טb אֶת־עִ֣יר הַדָּמִ֑ים וְהֹ֣ודַעְתָּ֔הּc אֵ֖ת כָּל־תֹּועֲבֹותֶֽיהָ׃

3 וְאָמַרְתָּ֗a כֹּ֤ה אָמַר֙b אֲדֹנָ֣י יְהוִ֔ה עִ֣יר שֹׁפֶ֥כֶתc דָּ֛ם בְּתֹוכָ֖הּ לָבֹ֣ואd עִתָּ֑הּ וְעָשְׂתָ֧הe גִלּוּלִ֛יםf עָלֶ֖יהָ לְטָמְאָֽהg ׃

4 בְּדָמֵ֨ךְ אֲשֶׁר־שָׁפַ֜כְתְּa אָשַׁ֗מְתְּb וּבְגִלּוּלַ֤יִךְc אֲשֶׁר־עָשִׂית֙d טָמֵ֔אתe וַתַּקְרִ֣יבִיf יָמַ֔יִךְ וַתָּבֹ֖ואg עַד־שְׁנֹותָ֑יִךְ עַל־כֵּ֗ן נְתַתִּ֤יךְh חֶרְפָּה֙ לַגֹּויִ֔ם וְקַלָּסָ֖הi לְכָל־הָאֲרָצֹֽות׃

5 הַקְּרֹבֹ֛ות וְהָרְחֹקֹ֥ות מִמֵּ֖ךְ יִתְקַלְּסוּa ־בָ֑ךְ טְמֵאַ֣ת הַשֵּׁ֔ם רַבַּ֖ת הַמְּהוּמָֽהb ׃

6 הִנֵּה֙ נְשִׂיאֵ֣י יִשְׂרָאֵ֔ל אִ֥ישׁ לִזְרֹעֹ֖ו הָ֣יוּa בָ֑ךְ לְמַ֖עַן שְׁפָךְb ־דָּֽם׃

7 אָ֤ב וָאֵם֙ הֵקַ֣לּוּa בָ֔ךְ לַגֵּ֛ר עָשׂ֥וּb בַעֹ֖שֶׁקc בְּתֹוכֵ֑ךְ יָתֹ֥וםd וְאַלְמָנָ֖ה הֹ֥ונוּe בָֽךְ׃

8 קָדָשַׁ֖י בָּזִ֑יתa וְאֶת־שַׁבְּתֹתַ֖י חִלָּֽלְתְּb ׃

9 אַנְשֵׁ֥י רָכִ֛ילa הָ֥יוּb בָ֖ךְ לְמַ֣עַן שְׁפָךְc ־דָּ֑ם וְאֶל־הֶֽהָרִים֙ אָ֣כְלוּd בָ֔ךְ זִמָּ֖הe עָשׂ֥וּf בְתֹוכֵֽךְ׃

10 עֶרְוַת־אָ֖ב גִּלָּהa ־בָ֑ךְ טְמֵאַ֥ת הַנִּדָּ֖הb עִנּוּc ־בָֽךְ׃

11 וְאִ֣ישׁ׀ אֶת־אֵ֣שֶׁת רֵעֵ֗הוּ עָשָׂה֙a תֹּֽועֵבָ֔ה וְאִ֥ישׁ אֶת־כַּלָּתֹ֖וb טִמֵּ֣אc בְזִמָּ֑הd וְאִ֛ישׁ אֶת־אֲחֹתֹ֥ו בַת־אָבִ֖יו עִנָּהe ־בָֽךְ׃

12 שֹׁ֥חַדa לָֽקְחוּb ־בָ֖ךְ לְמַ֣עַן שְׁפָךְc ־דָּ֑ם נֶ֧שֶׁךְd וְתַרְבִּ֣יתe לָקַ֗חַתְּf וַתְּבַצְּעִ֤יg רֵעַ֨יִךְ֙ בַּעֹ֔שֶׁקh וְאֹתִ֣י שָׁכַ֔חַתְּi נְאֻ֖ם אֲדֹנָ֥י יְהוִֽה׃

13 וְהִנֵּה֙ הִכֵּ֣יתִיa כַפִּ֔י אֶל־בִּצְעֵ֖ךְb אֲשֶׁ֣ר עָשִׂ֑יתc וְעַ֨ל־דָּמֵ֔ךְ אֲשֶׁ֥ר הָי֖וּd בְּתֹוכֵֽךְ׃

14 הֲיַעֲמֹ֤דa לִבֵּךְ֙ אִם־תֶּחֱזַ֣קְנָהb יָדַ֔יִךְ לַיָּמִ֕ים אֲשֶׁ֥ר אֲנִ֖י עֹשֶׂ֣הc אֹותָ֑ךְ אֲנִ֥י יְהוָ֖ה דִּבַּ֥רְתִּיd וְעָשִֽׂיתִיe ׃

15 וַהֲפִיצֹותִ֤יa אֹותָךְ֙ בַּגֹּויִ֔ם וְזֵרִיתִ֖יךְb בָּאֲרָצֹ֑ות וַהֲתִמֹּתִ֥יc טֻמְאָתֵ֖ךְd מִמֵּֽךְ׃

16 וְנִחַ֥לְתְּa בָּ֖ךְ לְעֵינֵ֣י גֹויִ֑ם וְיָדַ֖עַתְּb כִּֽי־אֲנִ֥י יְהוָֽה׃ פ

17 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

18 בֶּן־אָדָ֕ם הָיוּa ־לִ֥י בֵֽית־יִשְׂרָאֵ֖ל לסוגb כֻּלָּ֡ם נְ֠חֹשֶׁת וּבְדִ֨ילc וּבַרְזֶ֤ל וְעֹופֶ֨רֶת֙d בְּתֹ֣וךְ כּ֔וּרe סִגִ֥יםf כֶּ֖סֶף הָיֽוּg ׃ ס

19 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה יַ֛עַן הֱיֹ֥ותb כֻּלְּכֶ֖ם לְסִגִ֑יםc לָכֵן֙ הִנְנִ֣י קֹבֵ֣ץd אֶתְכֶ֔ם אֶל־תֹּ֖וךְ יְרוּשָׁלִָֽם׃

20 קְבֻ֣צַתa כֶּ֡סֶף וּ֠נְחֹשֶׁת וּבַרְזֶ֨ל וְעֹופֶ֤רֶתb וּבְדִיל֙c אֶל־תֹּ֣וךְ כּ֔וּרd לָפַֽחַתe ־עָלָ֥יו אֵ֖שׁ לְהַנְתִּ֑יךְf כֵּ֤ן אֶקְבֹּץ֙g בְּאַפִּ֣י וּבַחֲמָתִ֔י וְהִנַּחְתִּ֥יh וְהִתַּכְתִּ֖יi אֶתְכֶֽם׃

21 וְכִנַּסְתִּ֣יa אֶתְכֶ֔ם וְנָפַחְתִּ֥יb עֲלֵיכֶ֖ם בְּאֵ֣שׁ עֶבְרָתִ֑יc וְנִתַּכְתֶּ֖םd בְּתֹוכָֽהּ׃

22 כְּהִתּ֥וּךְa כֶּ֨סֶף֙ בְּתֹ֣וךְ כּ֔וּרb כֵּ֖ן תֻּתְּכ֣וּc בְתֹוכָ֑הּ וִֽידַעְתֶּם֙d כִּֽי־אֲנִ֣י יְהוָ֔ה שָׁפַ֥כְתִּיe חֲמָתִ֖י עֲלֵיכֶֽם׃ פ

23 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

24 בֶּן־אָדָ֕ם אֱמָרa ־לָ֕הּ אַ֣תְּ אֶ֔רֶץ לֹ֥א מְטֹהָרָ֖ה הִ֑יא לֹ֥א גֻשְׁמָ֖הּb בְּיֹ֥ום זָֽעַםc ׃

25 קֶ֤שֶׁרa נְבִיאֶ֨יהָ֙ בְּתֹוכָ֔הּ כַּאֲרִ֥יb שֹׁואֵ֖גc טֹ֣רֵֽףd טָ֑רֶףe נֶ֣פֶשׁ אָכָ֗לוּf חֹ֤סֶןg וִיקָר֙h יִקָּ֔חוּi אַלְמְנֹותֶ֖יהָ הִרְבּ֥וּj בְתֹוכָֽהּ׃

26 כֹּהֲנֶ֜יהָ חָמְס֣וּa תֹורָתִי֮ וַיְחַלְּל֣וּb קָדָשַׁי֒ בֵּֽין־קֹ֤דֶשׁ לְחֹל֙c לֹ֣א הִבְדִּ֔ילוּd וּבֵין־הַטָּמֵ֥א לְטָהֹ֖ור לֹ֣א הֹודִ֑יעוּe וּמִשַׁבְּתֹותַי֙ הֶעְלִ֣ימוּf עֵֽינֵיהֶ֔ם וָאֵחַ֖לg בְּתֹוכָֽם׃

27 שָׂרֶ֣יהָ בְקִרְבָּ֔הּ כִּזְאֵבִ֖יםa טֹ֣רְפֵיb טָ֑רֶףc לִשְׁפָּךְd ־דָּם֙ לְאַבֵּ֣דe נְפָשֹׁ֔ות לְמַ֖עַן בְּצֹ֥עַf בָּֽצַעg ׃

28 וּנְבִיאֶ֗יהָ טָח֤וּa לָהֶם֙ תָּפֵ֔לb חֹזִ֣יםc שָׁ֔וְא וְקֹסְמִ֥יםd לָהֶ֖ם כָּזָ֑בe אֹמְרִ֗יםf כֹּ֤ה אָמַר֙g אֲדֹנָ֣י יְהוִ֔ה וַֽיהוָ֖ה לֹ֥א דִבֵּֽרh ׃

29 עַ֤ם הָאָ֨רֶץ֙ עָ֣שְׁקוּa עֹ֔שֶׁקb וְגָזְל֖וּc גָּזֵ֑לd וְעָנִ֤י וְאֶבְיֹון֙ הֹונ֔וּe וְאֶת־הַגֵּ֥ר עָשְׁק֖וּf בְּלֹ֥א מִשְׁפָּֽט׃

30 וָאֲבַקֵּ֣שׁa מֵהֶ֡ם אִ֣ישׁ גֹּֽדֵרb ־גָּדֵר֩c וְעֹמֵ֨דd בַּפֶּ֧רֶץe לְפָנַ֛י בְּעַ֥ד הָאָ֖רֶץ לְבִלְתִּ֣י שַׁחֲתָ֑הּf וְלֹ֖א מָצָֽאתִיg ׃

31 וָאֶשְׁפֹּ֤ךְa עֲלֵיהֶם֙ זַעְמִ֔יb בְּאֵ֥שׁ עֶבְרָתִ֖יc כִּלִּיתִ֑יםd דַּרְכָּם֙ בְּרֹאשָׁ֣ם נָתַ֔תִּיe נְאֻ֖ם אֲדֹנָ֥י יְהֹוִֽה׃ פ