יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 מַה־לָּכֶ֗ם אַתֶּם֙ מֹֽשְׁלִים֙a אֶת־הַמָּשָׁ֣לb הַזֶּ֔ה עַל־אַדְמַ֥ת יִשְׂרָאֵ֖ל לֵאמֹ֑רc אָבֹות֙ יֹ֣אכְלוּd בֹ֔סֶרe וְשִׁנֵּ֥י הַבָּנִ֖ים תִּקְהֶֽינָהf ׃

3 חַי־אָ֕נִי נְאֻ֖ם אֲדֹנָ֣י יְהוִ֑ה אִם־יִֽהְיֶ֨הa לָכֶ֜ם עֹ֗וד מְשֹׁ֛לb הַמָּשָׁ֥לc הַזֶּ֖ה בְּיִשְׂרָאֵֽל׃

4 הֵ֤ן כָּל־הַנְּפָשֹׁות֙ לִ֣י הֵ֔נָּהa כְּנֶ֧פֶשׁ הָאָ֛ב וּכְנֶ֥פֶשׁ הַבֵּ֖ן לִי־הֵ֑נָּהb הַנֶּ֥פֶשׁ הַחֹטֵ֖אתc הִ֥יא תָמֽוּתd ׃ ס

5 וְאִ֖ישׁ כִּי־יִהְיֶ֣הa צַדִּ֑יק וְעָשָׂ֥הb מִשְׁפָּ֖ט וּצְדָקָֽה׃

6 אֶל־הֶֽהָרִים֙ לֹ֣א אָכָ֔לa וְעֵינָיו֙ לֹ֣א נָשָׂ֔אb אֶל־גִּלּוּלֵ֖יc בֵּ֣ית יִשְׂרָאֵ֑ל וְאֶת־אֵ֤שֶׁת רֵעֵ֨הוּ֙ לֹ֣א טִמֵּ֔אd וְאֶל־אִשָּׁ֥ה נִדָּ֖הe לֹ֥א יִקְרָֽבf ׃

7 וְאִישׁ֙ לֹ֣א יֹונֶ֔הa חֲבֹלָתֹ֥וb חֹוב֙c יָשִׁ֔יבd גְּזֵלָ֖הe לֹ֣א יִגְזֹ֑לf לַחְמֹו֙ לְרָעֵ֣בg יִתֵּ֔ןh וְעֵירֹ֖םi יְכַסֶּהj ־בָּֽגֶד׃

8 בַּנֶּ֣שֶׁךְa לֹֽא־יִתֵּ֗ןb וְתַרְבִּית֙c לֹ֣א יִקָּ֔חd מֵעָ֖וֶלe יָשִׁ֣יבf יָדֹ֑ו מִשְׁפַּ֤ט אֱמֶת֙ יַֽעֲשֶׂ֔הg בֵּ֥ין אִ֖ישׁ לְאִֽישׁ׃

9 בְּחֻקֹּותַ֧י יְהַלֵּ֛ךְa וּמִשְׁפָּטַ֥י שָׁמַ֖רb לַעֲשֹׂ֣ותc אֱמֶ֑ת צַדִּ֥יק הוּא֙ חָיֹ֣ה יִֽחְיֶ֔הd נְאֻ֖ם אֲדֹנָ֥י יְהוִֽה׃

10 וְהֹולִ֥ידa בֵּן־פָּרִ֖יץb שֹׁפֵ֣ךְc דָּ֑ם וְעָ֣שָׂהd אָ֔חe מֵאַחַ֖ד מֵאֵֽלֶּה׃

11 וְה֕וּא אֶת־כָּל־אֵ֖לֶּה לֹ֣א עָשָׂ֑הa כִּ֣י גַ֤ם אֶל־הֶֽהָרִים֙ אָכַ֔לb וְאֶת־אֵ֥שֶׁת רֵעֵ֖הוּ טִמֵּֽאc ׃

12 עָנִ֤י וְאֶבְיֹון֙ הֹונָ֔הa גְּזֵלֹ֣ותb גָּזָ֔לc חֲבֹ֖לd לֹ֣א יָשִׁ֑יבe וְאֶל־הַגִּלּוּלִים֙f נָשָׂ֣אg עֵינָ֔יו תֹּועֵבָ֖ה עָשָֽׂהh ׃

13 בַּנֶּ֧שֶׁךְa נָתַ֛ןb וְתַרְבִּ֥יתc לָקַ֖חd וָחָ֑יe לֹ֣א יִֽחְיֶ֗הf אֵ֣ת כָּל־הַתֹּועֵבֹ֤ות הָאֵ֨לֶּה֙ עָשָׂ֔הg מֹ֣ות יוּמָ֔תh דָּמָ֖יו בֹּ֥ו יִהְיֶֽהi ׃

14 וְהִנֵּה֙ הֹולִ֣ידa בֵּ֔ן וַיַּ֕רְאb אֶת־כָּל־חַטֹּ֥את אָבִ֖יו אֲשֶׁ֣ר עָשָׂ֑הc וַיִּרְאֶ֕הd וְלֹ֥א יַעֲשֶׂ֖הe כָּהֵֽן׃

15 עַל־הֶֽהָרִים֙ לֹ֣א אָכָ֔לa וְעֵינָיו֙ לֹ֣א נָשָׂ֔אb אֶל־גִּלּוּלֵ֖יc בֵּ֣ית יִשְׂרָאֵ֑ל אֶת־אֵ֥שֶׁת רֵעֵ֖הוּ לֹ֥א טִמֵּֽאd ׃

16 וְאִישׁ֙ לֹ֣א הֹונָ֔הa חֲבֹל֙b לֹ֣א חָבָ֔לc וּגְזֵלָ֖הd לֹ֣א גָזָ֑לe לַחְמֹו֙ לְרָעֵ֣בf נָתָ֔ןg וְעֵרֹ֖וםh כִּסָּהi ־בָֽגֶד׃

17 מֵעָנִ֞י הֵשִׁ֣יבa יָדֹ֗ו נֶ֤שֶׁךְb וְתַרְבִּית֙c לֹ֣א לָקָ֔חd מִשְׁפָּטַ֣י עָשָׂ֔הe בְּחֻקֹּותַ֖י הָלָ֑ךְf ה֗וּא לֹ֥א יָמ֛וּתg בַּעֲוֹ֥ן אָבִ֖יו חָיֹ֥ה יִחְיֶֽהh ׃

18 אָבִ֞יו כִּֽי־עָ֣שַׁקa עֹ֗שֶׁקb גָּזַל֙c גֵּ֣זֶלd אָ֔ח וַאֲשֶׁ֥ר לֹא־טֹ֛וב עָשָׂ֖הe בְּתֹ֣וךְ עַמָּ֑יו וְהִנֵּה־מֵ֖תf בַּעֲוֹנֹֽו׃

19 וַאֲמַרְתֶּ֕םa מַדֻּ֛עַ לֹא־נָשָׂ֥אb הַבֵּ֖ן בַּעֲוֹ֣ן הָאָ֑ב וְהַבֵּ֞ן מִשְׁפָּ֧ט וּצְדָקָ֣ה עָשָׂ֗הc אֵ֣ת כָּל־חֻקֹּותַ֥י שָׁמַ֛רd וַיַּעֲשֶׂ֥הe אֹתָ֖ם חָיֹ֥ה יִחְיֶֽהf ׃

20 הַנֶּ֥פֶשׁ הַחֹטֵ֖אתa הִ֣יא תָמ֑וּתb בֵּ֞ן לֹא־יִשָּׂ֣אc ׀ בַּעֲוֹ֣ן הָאָ֗ב וְאָב֙ לֹ֤א יִשָּׂא֙d בַּעֲוֹ֣ן הַבֵּ֔ן צִדְקַ֤ת הַצַּדִּיק֙ עָלָ֣יו תִּֽהְיֶ֔הe וְרִשְׁעַ֥תf רשׁעg עָלָ֥יו תִּֽהְיֶֽהh ׃ ס

21 וְהָרָשָׁ֗ע כִּ֤י יָשׁוּב֙a מִכָּל־חטאתוb אֲשֶׁ֣ר עָשָׂ֔הc וְשָׁמַר֙d אֶת־כָּל־חֻקֹותַ֔י וְעָשָׂ֥הe מִשְׁפָּ֖ט וּצְדָקָ֑ה חָיֹ֥ה יִחְיֶ֖הf לֹ֥א יָמֽוּתg ׃

22 כָּל־פְּשָׁעָיו֙ אֲשֶׁ֣ר עָשָׂ֔הa לֹ֥א יִזָּכְר֖וּb לֹ֑ו בְּצִדְקָתֹ֥ו אֲשֶׁר־עָשָׂ֖הc יִֽחְיֶֽהd ׃

23 הֶחָפֹ֤ץ אֶחְפֹּץ֙a מֹ֣ות רָשָׁ֔ע נְאֻ֖ם אֲדֹנָ֣י יְהוִ֑ה הֲלֹ֛וא בְּשׁוּבֹ֥וb מִדְּרָכָ֖יו וְחָיָֽהc ׃ ס

24 וּבְשׁ֨וּבa צַדִּ֤יק מִצִּדְקָתֹו֙ וְעָ֣שָׂהb עָ֔וֶלc כְּכֹ֨ל הַתֹּועֵבֹ֜ות אֲשֶׁר־עָשָׂ֧הd הָרָשָׁ֛ע יַעֲשֶׂ֖הe וָחָ֑יf כָּל־צדקתוg אֲשֶׁר־עָשָׂה֙h לֹ֣א תִזָּכַ֔רְנָהi בְּמַעֲלֹ֧וj אֲשֶׁר־מָעַ֛לk וּבְחַטָּאתֹ֥ו אֲשֶׁר־חָטָ֖אl בָּ֥ם יָמֽוּתm ׃

25 וַאֲמַרְתֶּ֕םa לֹ֥א יִתָּכֵ֖ןb דֶּ֣רֶךְ אֲדֹנָ֑י שִׁמְעוּc ־נָא֙ בֵּ֣ית יִשְׂרָאֵ֔ל הֲדַרְכִּי֙ לֹ֣א יִתָּכֵ֔ןd הֲלֹ֥א דַרְכֵיכֶ֖ם לֹ֥א יִתָּכֵֽנוּe ׃

26 בְּשׁוּבa ־צַדִּ֧יק מִצִּדְקָתֹ֛ו וְעָ֥שָׂהb עָ֖וֶלc וּמֵ֣תd עֲלֵיהֶ֑ם בְּעַוְלֹ֥וe אֲשֶׁר־עָשָׂ֖הf יָמֽוּתg ׃ ס

27 וּבְשׁ֣וּבa רָשָׁ֗ע מֵֽרִשְׁעָתֹו֙b אֲשֶׁ֣ר עָשָׂ֔הc וַיַּ֥עַשׂd מִשְׁפָּ֖ט וּצְדָקָ֑ה ה֖וּא אֶת־נַפְשֹׁ֥ו יְחַיֶּֽהe ׃

28 וַיִּרְאֶ֣הa וישׁובb מִכָּל־פְּשָׁעָ֖יו אֲשֶׁ֣ר עָשָׂ֑הc חָיֹ֥ו יִחְיֶ֖הd לֹ֥א יָמֽוּתe ׃

29 וְאָֽמְרוּ֙a בֵּ֣ית יִשְׂרָאֵ֔ל לֹ֥א יִתָּכֵ֖ןb דֶּ֣רֶךְ אֲדֹנָ֑י הַדְּרָכַ֞י לֹ֤א יִתָּֽכְנּוּ֙c בֵּ֣ית יִשְׂרָאֵ֔ל הֲלֹ֥א דַרְכֵיכֶ֖ם לֹ֥א יִתָּכֵֽןd ׃

30 לָכֵן֩ אִ֨ישׁ כִּדְרָכָ֜יו אֶשְׁפֹּ֤טa אֶתְכֶם֙ בֵּ֣ית יִשְׂרָאֵ֔ל נְאֻ֖ם אֲדֹנָ֣י יְהוִ֑ה שׁ֤וּבוּb וְהָשִׁ֨יבוּ֙c מִכָּל־פִּשְׁעֵיכֶ֔ם וְלֹֽא־יִהְיֶ֥הd לָכֶ֛ם לְמִכְשֹׁ֖ולe עָוֹֽן׃

31 הַשְׁלִ֣יכוּa מֵעֲלֵיכֶ֗ם אֶת־כָּל־פִּשְׁעֵיכֶם֙ אֲשֶׁ֣ר פְּשַׁעְתֶּ֣םb בָּ֔ם וַעֲשׂ֥וּc לָכֶ֛ם לֵ֥ב חָדָ֖שׁ וְר֣וּחַ חֲדָשָׁ֑ה וְלָ֥מָּה תָמֻ֖תוּd בֵּ֥ית יִשְׂרָאֵֽל׃

32 כִּ֣י לֹ֤א אֶחְפֹּץ֙a בְּמֹ֣ות הַמֵּ֔ת נְאֻ֖ם אֲדֹנָ֣י יְהוִ֑ה וְהָשִׁ֖יבוּb וִֽחְיֽוּc ׃ פ