יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם מַה־יִּֽהְיֶ֥הa עֵץ־הַגֶּ֖פֶן מִכָּל־עֵ֑ץ הַזְּמֹורָ֕הb אֲשֶׁ֥ר הָיָ֖הc בַּעֲצֵ֥י הַיָּֽעַר׃

3 הֲיֻקַּ֤חa מִמֶּ֨נּוּ֙ עֵ֔ץ לַעֲשֹׂ֖ותb לִמְלָאכָ֑ה אִם־יִקְח֤וּc מִמֶּ֨נּוּ֙ יָתֵ֔דd לִתְלֹ֥ותe עָלָ֖יו כָּל־כֶּֽלִי׃

4 הִנֵּ֥ה לָאֵ֖שׁ נִתַּ֣ןa לְאָכְלָ֑הb אֵת֩ שְׁנֵ֨י קְצֹותָ֜יוc אָכְלָ֤הd הָאֵשׁ֙ וְתֹוכֹ֣ו נָחָ֔רe הֲיִצְלַ֖חf לִמְלָאכָֽה׃

5 הִנֵּה֙ בִּֽהְיֹותֹ֣וa תָמִ֔ים לֹ֥א יֵֽעָשֶׂ֖הb לִמְלָאכָ֑ה אַ֣ף כִּי־אֵ֤שׁ אֲכָלַ֨תְהוּ֙c וַיֵּחָ֔רd וְנַעֲשָׂ֥הe עֹ֖וד לִמְלָאכָֽה׃ ס

6 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה כַּאֲשֶׁ֤ר עֵץ־הַגֶּ֨פֶן֙ בְּעֵ֣ץ הַיַּ֔עַר אֲשֶׁר־נְתַתִּ֥יוb לָאֵ֖שׁ לְאָכְלָ֑הc כֵּ֣ן נָתַ֔תִּיd אֶת־יֹשְׁבֵ֖י יְרוּשָׁלִָֽם׃

7 וְנָתַתִּ֤יa אֶת־פָּנַי֙ בָּהֶ֔ם מֵהָאֵ֣שׁ יָצָ֔אוּb וְהָאֵ֖שׁ תֹּֽאכְלֵ֑םc וִֽידַעְתֶּם֙d כִּֽי־אֲנִ֣י יְהוָ֔ה בְּשׂוּמִ֥יe אֶת־פָּנַ֖י בָּהֶֽם׃

8 וְנָתַתִּ֥יa אֶת־הָאָ֖רֶץ שְׁמָמָ֑ה יַ֚עַן מָ֣עֲלוּb מַ֔עַלc נְאֻ֖ם אֲדֹנָ֥י יְהוִֽה׃ פ