14
וַיָּבֹ֤ואa
אֵלַי֙ אֲנָשִׁ֔ים מִזִּקְנֵ֖י יִשְׂרָאֵ֑ל וַיֵּשְׁב֖וּb
לְפָנָֽי׃ פ
2
וַיְהִ֥יa
דְבַר־יְהוָ֖ה אֵלַ֥י לֵאמֹֽרb
׃
3
בֶּן־אָדָ֗ם הָאֲנָשִׁ֤ים הָאֵ֨לֶּה֙ הֶעֱל֤וּa
גִלּֽוּלֵיהֶם֙b
עַל־לִבָּ֔ם וּמִכְשֹׁ֣ולc
עֲוֹנָ֔ם נָתְנ֖וּd
נֹ֣כַחe
פְּנֵיהֶ֑ם הַאִדָּרֹ֥שׁ אִדָּרֵ֖שׁf
לָהֶֽם׃ ס
4
לָכֵ֣ן דַּבֵּרa
־אֹ֠ותָם וְאָמַרְתָּ֨b
אֲלֵיהֶ֜ם כֹּה־אָמַ֣רc
׀ אֲדֹנָ֣י יְהוִ֗ה אִ֣ישׁ אִ֣ישׁ מִבֵּ֣ית יִשְׂרָאֵ֡ל אֲשֶׁר֩ יַעֲלֶ֨הd
אֶת־גִּלּוּלָ֜יוe
אֶל־לִבֹּ֗ו וּמִכְשֹׁ֤ולf
עֲוֹנֹו֙ יָשִׂים֙g
נֹ֣כַחh
פָּנָ֔יו וּבָ֖אi
אֶל־הַנָּבִ֑יא אֲנִ֣י יְהוָ֗ה נַעֲנֵ֧יתִיj
לֹ֦ו בהk
בְּרֹ֥ב גִּלּוּלָֽיוl
׃
5
לְמַ֛עַן תְּפֹ֥שׂa
אֶת־בֵּֽית־יִשְׂרָאֵ֖ל בְּלִבָּ֑ם אֲשֶׁ֤ר נָזֹ֨רוּ֙b
מֵֽעָלַ֔י בְּגִלּֽוּלֵיהֶ֖םc
כֻּלָּֽם׃ ס
6
לָכֵ֞ן אֱמֹ֣רa
׀ אֶל־בֵּ֣ית יִשְׂרָאֵ֗ל כֹּ֤ה אָמַר֙b
אֲדֹנָ֣י יְהוִ֔ה שׁ֣וּבוּc
וְהָשִׁ֔יבוּd
מֵעַ֖ל גִּלּֽוּלֵיכֶ֑םe
וּמֵעַ֥ל כָּל־תֹּועֲבֹתֵיכֶ֖ם הָשִׁ֥יבוּf
פְנֵיכֶֽם׃
7
כִּי֩ אִ֨ישׁ אִ֜ישׁ מִבֵּ֣ית יִשְׂרָאֵ֗ל וּמֵהַגֵּר֮ אֲשֶׁר־יָג֣וּרa
בְּיִשְׂרָאֵל֒ וְיִנָּזֵ֣רb
מֵֽאַחֲרַ֗י וְיַ֤עַלc
גִּלּוּלָיו֙d
אֶל־לִבֹּ֔ו וּמִכְשֹׁ֣ולe
עֲוֹנֹ֔ו יָשִׂ֖יםf
נֹ֣כַחg
פָּנָ֑יו וּבָ֤אh
אֶל־הַנָּבִיא֙ לִדְרָשׁi
־לֹ֣ו בִ֔י אֲנִ֣י יְהוָ֔ה נַֽעֲנֶהj
־לֹּ֖ו בִּֽי׃
8
וְנָתַתִּ֨יa
פָנַ֜י בָּאִ֣ישׁ הַה֗וּא וַהֲשִֽׂמֹתִ֨יהוּ֙b
לְאֹ֣ות וְלִמְשָׁלִ֔יםc
וְהִכְרַתִּ֖יוd
מִתֹּ֣וךְ עַמִּ֑י וִֽידַעְתֶּ֖םe
כִּֽי־אֲנִ֥י יְהוָֽה׃ ס
9
וְהַנָּבִ֤יא כִֽי־יְפֻתֶּה֙a
וְדִבֶּ֣רb
דָּבָ֔ר אֲנִ֤י יְהוָה֙ פִּתֵּ֔יתִיc
אֵ֖ת הַנָּבִ֣יא הַה֑וּא וְנָטִ֤יתִיd
אֶת־יָדִי֙ עָלָ֔יו וְהִ֨שְׁמַדְתִּ֔יוe
מִתֹּ֖וךְ עַמִּ֥י יִשְׂרָאֵֽל׃
10
וְנָשְׂא֖וּa
עֲוֹנָ֑ם כַּֽעֲוֹן֙ הַדֹּרֵ֔שׁ כַּעֲוֹ֥ן הַנָּבִ֖יא יִֽהְיֶֽהb
׃
11
לְ֠מַעַן לֹֽא־יִתְע֨וּa
עֹ֤וד בֵּֽית־יִשְׂרָאֵל֙ מֵאַֽחֲרַ֔י וְלֹֽא־יִטַּמְּא֥וּb
עֹ֖וד בְּכָל־פִּשְׁעֵיהֶ֑ם וְהָ֥יוּc
לִ֣י לְעָ֗ם וַֽאֲנִי֙ אֶהְיֶ֤הd
לָהֶם֙ לֵֽאלֹהִ֔ים נְאֻ֖ם אֲדֹנָ֥י יְהוִֽה׃ פ
12
וַיְהִ֥יa
דְבַר־יְהוָ֖ה אֵלַ֥י לֵאמֹֽרb
׃
13
בֶּן־אָדָ֗ם אֶ֚רֶץ כִּ֤י תֶחֱטָאa
־לִי֙ לִמְעָלb
־מַ֔עַלc
וְנָטִ֤יתִיd
יָדִי֙ עָלֶ֔יהָ וְשָׁבַ֥רְתִּיe
לָ֖הּ מַטֵּה־לָ֑חֶם וְהִשְׁלַחְתִּיf
־בָ֣הּ רָעָ֔ב וְהִכְרַתִּ֥יg
מִמֶּ֖נָּה אָדָ֥ם וּבְהֵמָֽה׃
14
וְ֠הָיוּa
שְׁלֹ֨שֶׁת הָאֲנָשִׁ֤ים הָאֵ֨לֶּה֙ בְּתֹוכָ֔הּ נֹ֖חַb
דנאלc
וְאִיֹּ֑וב הֵ֤מָּה בְצִדְקָתָם֙ יְנַצְּל֣וּd
נַפְשָׁ֔ם נְאֻ֖ם אֲדֹנָ֥י יְהוִֽה׃
15
לֽוּa
־חַיָּ֥ה רָעָ֛ה אַעֲבִ֥ירb
בָּאָ֖רֶץ וְשִׁכְּלָ֑תָּהc
וְהָיְתָ֤הd
שְׁמָמָה֙ מִבְּלִ֣י עֹובֵ֔רe
מִפְּנֵ֖י הַחַיָּֽה׃
16
שְׁלֹ֨שֶׁת הָאֲנָשִׁ֣ים הָאֵלֶּה֮ בְּתֹוכָהּ֒ חַי־אָ֗נִי נְאֻם֙ אֲדֹנָ֣י יְהוִ֔ה אִם־בָּנִ֥ים וְאִם־בָּנֹ֖ות יַצִּ֑ילוּa
הֵ֤מָּה לְבַדָּם֙ יִנָּצֵ֔לוּb
וְהָאָ֖רֶץ תִּהְיֶ֥הc
שְׁמָמָֽה׃
17
אֹ֛ו חֶ֥רֶב אָבִ֖יאa
עַל־הָאָ֣רֶץ הַהִ֑יא וְאָמַרְתִּ֗יb
חֶ֚רֶב תַּעֲבֹ֣רc
בָּאָ֔רֶץ וְהִכְרַתִּ֥יd
מִמֶּ֖נָּה אָדָ֥ם וּבְהֵמָֽה׃
18
וּשְׁלֹ֨שֶׁת הָאֲנָשִׁ֣ים הָאֵלֶּה֮ בְּתֹוכָהּ֒ חַי־אָ֗נִי נְאֻם֙ אֲדֹנָ֣י יְהוִ֔ה לֹ֥א יַצִּ֖ילוּa
בָּנִ֣ים וּבָנֹ֑ות כִּ֛י הֵ֥ם לְבַדָּ֖ם יִנָּצֵֽלוּb
׃
19
אֹ֛ו דֶּ֥בֶרa
אֲשַׁלַּ֖חb
אֶל־הָאָ֣רֶץ הַהִ֑יא וְשָׁפַכְתִּ֨יc
חֲמָתִ֤י עָלֶ֨יהָ֙ בְּדָ֔ם לְהַכְרִ֥יתd
מִמֶּ֖נָּה אָדָ֥ם וּבְהֵמָֽה׃
20
וְנֹ֨חַa
דנאלb
וְאִיֹּוב֮ בְּתֹוכָהּ֒ חַי־אָ֗נִי נְאֻם֙ אֲדֹנָ֣י יְהוִ֔ה אִם־בֵּ֥ן אִם־בַּ֖ת יַצִּ֑ילוּc
הֵ֥מָּה בְצִדְקָתָ֖ם יַצִּ֥ילוּd
נַפְשָֽׁם׃ פ
21
כִּי֩ כֹ֨ה אָמַ֜רa
אֲדֹנָ֣י יְהֹוִ֗ה אַ֣ף כִּֽי־אַרְבַּ֣עַת שְׁפָטַ֣יb
׀ הָרָעִ֡ים חֶ֠רֶב וְרָעָ֞ב וְחַיָּ֤ה רָעָה֙ וָדֶ֔בֶרc
שִׁלַּ֖חְתִּיd
אֶל־יְרוּשָׁלִָ֑ם לְהַכְרִ֥יתe
מִמֶּ֖נָּה אָדָ֥ם וּבְהֵמָֽה׃
22
וְהִנֵּ֨ה נֹֽותְרָהa
־בָּ֜הּ פְּלֵטָ֗הb
הַֽמּוּצָאִים֮c
בָּנִ֣ים וּבָנֹות֒ הִנָּם֙ יֹוצְאִ֣יםd
אֲלֵיכֶ֔ם וּרְאִיתֶ֥םe
אֶת־דַּרְכָּ֖ם וְאֶת־עֲלִֽילֹותָ֑םf
וְנִחַמְתֶּ֗םg
עַל־הָֽרָעָה֙ אֲשֶׁ֤ר הֵבֵ֨אתִי֙h
עַל־יְר֣וּשָׁלִַ֔ם אֵ֛ת כָּל־אֲשֶׁ֥ר הֵבֵ֖אתִיi
עָלֶֽיהָ׃
23
וְנִחֲמ֣וּa
אֶתְכֶ֔ם כִּֽי־תִרְא֥וּb
אֶת־דַּרְכָּ֖ם וְאֶת־עֲלִֽילֹותָ֑םc
וִֽידַעְתֶּ֗םd
כִּי֩ לֹ֨א חִנָּ֤םe
עָשִׂ֨יתִי֙f
אֵ֣ת כָּל־אֲשֶׁר־עָשִׂ֣יתִיg
בָ֔הּ נְאֻ֖ם אֲדֹנָ֥י יְהֹוִֽה׃ פ