יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם הִנָּבֵ֛אa אֶל־נְבִיאֵ֥י יִשְׂרָאֵ֖ל הַנִּבָּאִ֑יםb וְאָֽמַרְתָּ֙c לִנְבִיאֵ֣י מִלִּבָּ֔ם שִׁמְע֖וּd דְּבַר־יְהוָֽה׃

3 כֹּ֤ה אָמַר֙a אֲדֹנָ֣י יְהוִ֔ה הֹ֖וי עַל־הַנְּבִיאִ֣ים הַנְּבָלִ֑יםb אֲשֶׁ֥ר הֹלְכִ֛יםc אַחַ֥ר רוּחָ֖ם וּלְבִלְתִּ֥י רָאֽוּd ׃

4 כְּשֻׁעָלִ֖יםa בָּחֳרָבֹ֑ותb נְבִיאֶ֥יךָ יִשְׂרָאֵ֖ל הָיֽוּc ׃

5 לֹ֤א עֲלִיתֶם֙a בַּפְּרָצֹ֔ותb וַתִּגְדְּר֥וּc גָדֵ֖רd עַל־בֵּ֣ית יִשְׂרָאֵ֑ל לַעֲמֹ֥דe בַּמִּלְחָמָ֖ה בְּיֹ֥ום יְהוָֽה׃

6 חָ֤זוּa שָׁוְא֙ וְקֶ֣סֶםb כָּזָ֔בc הָאֹֽמְרִים֙d נְאֻם־יְהוָ֔ה וַֽיהוָ֖ה לֹ֣א שְׁלָחָ֑םe וְיִֽחֲל֖וּf לְקַיֵּ֥םg דָּבָֽר׃

7 הֲלֹ֤וא מַֽחֲזֵהa ־שָׁוְא֙ חֲזִיתֶ֔םb וּמִקְסַ֥םc כָּזָ֖בd אֲמַרְתֶּ֑םe וְאֹֽמְרִים֙f נְאֻם־יְהוָ֔ה וַאֲנִ֖י לֹ֥א דִבַּֽרְתִּיg ׃ ס

8 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה יַ֚עַן דַּבֶּרְכֶ֣םb שָׁ֔וְא וַחֲזִיתֶ֖םc כָּזָ֑בd לָכֵן֙ הִנְנִ֣י אֲלֵיכֶ֔ם נְאֻ֖ם אֲדֹנָ֥י יְהוִֽה׃

9 וְהָיְתָ֣הa יָדִ֗י אֶֽל־הַנְּבִיאִ֞ים הַחֹזִ֣יםb שָׁוְא֮ וְהַקֹּסְמִ֣יםc כָּזָב֒d בְּסֹ֧ודe עַמִּ֣י לֹֽא־יִהְי֗וּf וּבִכְתָ֤בg בֵּֽית־יִשְׂרָאֵל֙ לֹ֣א יִכָּתֵ֔בוּh וְאֶל־אַדְמַ֥ת יִשְׂרָאֵ֖ל לֹ֣א יָבֹ֑אוּi וִידַעְתֶּ֕םj כִּ֥י אֲנִ֖י אֲדֹנָ֥י יְהוִֽה׃

10 יַ֣עַן וּבְיַ֜עַן הִטְע֧וּa אֶת־עַמִּ֛י לֵאמֹ֥רb שָׁלֹ֖ום וְאֵ֣ין שָׁלֹ֑ום וְהוּא֙ בֹּ֣נֶהc חַ֔יִץd וְהִנָּ֛ם טָחִ֥יםe אֹתֹ֖ו תָּפֵֽלf ׃

11 אֱמֹ֛רa אֶל־טָחֵ֥יb תָפֵ֖לc וְיִפֹּ֑לd הָיָ֣הe ׀ גֶּ֣שֶׁםf שֹׁוטֵ֗ףg וְאַתֵּ֜נָהh אַבְנֵ֤י אֶלְגָּבִישׁ֙i תִּפֹּ֔לְנָהj וְר֥וּחַ סְעָרֹ֖ותk תְּבַקֵּֽעַl ׃

12 וְהִנֵּ֖ה נָפַ֣לa הַקִּ֑יר הֲלֹוא֙ יֵאָמֵ֣רb אֲלֵיכֶ֔ם אַיֵּ֥הc הַטִּ֖יחַd אֲשֶׁ֥ר טַחְתֶּֽםe ׃ ס

13 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה וּבִקַּעְתִּ֥יb רֽוּחַ־סְעָרֹ֖ותc בַּֽחֲמָתִ֑י וְגֶ֤שֶׁםd שֹׁטֵף֙e בְּאַפִּ֣י יִֽהְיֶ֔הf וְאַבְנֵ֥י אֶלְגָּבִ֖ישׁg בְּחֵמָ֥ה לְכָלָֽהh ׃

14 וְהָ֨רַסְתִּ֜יa אֶת־הַקִּ֨יר אֲשֶׁר־טַחְתֶּ֥םb תָּפֵ֛לc וְהִגַּעְתִּ֥יהוּd אֶל־הָאָ֖רֶץ וְנִגְלָ֣הe יְסֹדֹ֑וf וְנָֽפְלָה֙g וּכְלִיתֶ֣םh בְּתֹוכָ֔הּ וִֽידַעְתֶּ֖םi כִּֽי־אֲנִ֥י יְהוָֽה׃

15 וְכִלֵּיתִ֤יa אֶת־חֲמָתִי֙ בַּקִּ֔יר וּבַטָּחִ֥יםb אֹתֹ֖ו תָּפֵ֑לc וְאֹמַ֤רd לָכֶם֙ אֵ֣ין הַקִּ֔יר וְאֵ֖ין הַטָּחִ֥יםe אֹתֹֽו׃

16 נְבִיאֵ֣י יִשְׂרָאֵ֗ל הַֽנִבְּאִים֙a אֶל־יְר֣וּשָׁלִַ֔ם וְהַחֹזִ֥יםb לָ֖הּ חֲזֹ֣וןc שָׁלֹ֑ם וְאֵ֣ין שָׁלֹ֔ם נְאֻ֖ם אֲדֹנָ֥י יְהֹוִֽה׃ פ

17 וְאַתָּ֣ה בֶן־אָדָ֗ם שִׂ֤יםa פָּנֶ֨יךָ֙ אֶל־בְּנֹ֣ות עַמְּךָ֔ הַמִּֽתְנַבְּאֹ֖ותb מִֽלִּבְּהֶ֑ן וְהִנָּבֵ֖אc עֲלֵיהֶֽן׃

18 וְאָמַרְתָּ֞a כֹּה־אָמַ֣רb ׀ אֲדֹנָ֣י יְהוִ֗ה הֹוי֩ לִֽמְתַפְּרֹ֨ותc כְּסָתֹ֜ותd עַ֣ל׀ כָּל־אַצִּילֵ֣יe יָדַ֗י וְעֹשֹׂ֧ותf הַמִּסְפָּחֹ֛ותg עַל־רֹ֥אשׁ כָּל־קֹומָ֖הh לְצֹודֵ֣דi נְפָשֹׁ֑ות הַנְּפָשֹׁות֙ תְּצֹודֵ֣דְנָהj לְעַמִּ֔י וּנְפָשֹׁ֖ות לָכֶ֥נָה תְחַיֶּֽינָהk ׃

19 וַתְּחַלֶּלְ֨נָהa אֹתִ֜י אֶל־עַמִּ֗י בְּשַׁעֲלֵ֣יb שְׂעֹרִים֮c וּבִפְתֹ֣ותֵיd לֶחֶם֒ לְהָמִ֤יתe נְפָשֹׁות֙ אֲשֶׁ֣ר לֹֽא־תְמוּתֶ֔נָהf וּלְחַיֹּ֥ותg נְפָשֹׁ֖ות אֲשֶׁ֣ר לֹא־תִֽחְיֶ֑ינָהh בְּכַ֨זֶּבְכֶ֔םi לְעַמִּ֖י שֹׁמְעֵ֥יj כָזָֽבk ׃ ס

20 לָכֵ֞ן כֹּה־אָמַ֣רa ׀ אֲדֹנָ֣י יְהוִ֗ה הִנְנִ֤י אֶל־כִּסְּתֹותֵיכֶ֨נָה֙b אֲשֶׁ֣ר אַ֠תֵּנָהc מְצֹדְדֹ֨ותd שָׁ֤ם אֶת־הַנְּפָשֹׁות֙ לְפֹ֣רְחֹ֔ותe וְקָרַעְתִּ֣יf אֹתָ֔ם מֵעַ֖ל זְרֹועֹֽתֵיכֶ֑ם וְשִׁלַּחְתִּי֙g אֶת־הַנְּפָשֹׁ֔ות אֲשֶׁ֥ר אַתֶּ֛ם מְצֹדְדֹ֥ותh אֶת־נְפָשִׁ֖ים לְפֹרְחֹֽתi ׃

21 וְקָרַעְתִּ֞יa אֶת־מִסְפְּחֹֽתֵיכֶ֗םb וְהִצַּלְתִּ֤יc אֶת־עַמִּי֙ מִיֶּדְכֶ֔ן וְלֹֽא־יִהְי֥וּd עֹ֛וד בְּיֶדְכֶ֖ן לִמְצוּדָ֑הe וִֽידַעְתֶּ֖ןf כִּֽי־אֲנִ֥י יְהוָֽה׃

22 יַ֣עַן הַכְאֹ֤ותa לֵב־צַדִּיק֙ שֶׁ֔קֶר וַאֲנִ֖י לֹ֣א הִכְאַבְתִּ֑יוb וּלְחַזֵּק֙c יְדֵ֣י רָשָׁ֔ע לְבִלְתִּי־שׁ֛וּבd מִדַּרְכֹּ֥ו הָרָ֖ע לְהַחֲיֹתֹֽוe ׃

23 לָכֵ֗ן שָׁ֚וְא לֹ֣א תֶחֱזֶ֔ינָהa וְקֶ֖סֶםb לֹא־תִקְסַ֣מְנָהc עֹ֑וד וְהִצַּלְתִּ֤יd אֶת־עַמִּי֙ מִיֶּדְכֶ֔ן וִֽידַעְתֶּ֖ןe כִּֽי־אֲנִ֥י יְהוָֽה׃