יחזקאל

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 בֶּן־אָדָ֕ם בְּתֹ֥וךְ בֵּית־הַמֶּ֖רִיa אַתָּ֣ה יֹשֵׁ֑בb אֲשֶׁ֣ר עֵינַיִם֩ לָהֶ֨ם לִרְאֹ֜ותc וְלֹ֣א רָא֗וּd אָזְנַ֨יִם לָהֶ֤ם לִשְׁמֹ֨עַ֙e וְלֹ֣א שָׁמֵ֔עוּf כִּ֛י בֵּ֥ית מְרִ֖יg הֵֽם׃

3 וְאַתָּ֣ה בֶן־אָדָ֗ם עֲשֵׂ֤הa לְךָ֙ כְּלֵ֣י גֹולָ֔הb וּגְלֵ֥הc יֹומָ֖ם לְעֵֽינֵיהֶ֑ם וְגָלִ֨יתָd מִמְּקֹומְךָ֜ אֶל־מָקֹ֤ום אַחֵר֙ לְעֵ֣ינֵיהֶ֔ם אוּלַ֣יe יִרְא֔וּf כִּ֛י בֵּ֥ית מְרִ֖יg הֵֽמָּה׃

4 וְהֹוצֵאתָ֨a כֵלֶ֜יךָ כִּכְלֵ֥י גֹולָ֛הb יֹומָ֖ם לְעֵֽינֵיהֶ֑ם וְאַתָּ֗ה תֵּצֵ֤אc בָעֶ֨רֶב֙ לְעֵ֣ינֵיהֶ֔ם כְּמֹוצָאֵ֖יd גֹּולָֽהe ׃

5 לְעֵינֵיהֶ֖ם חֲתָרa ־לְךָ֣ בַקִּ֑יר וְהֹוצֵאתָ֖b בֹּֽו׃

6 לְעֵ֨ינֵיהֶ֜ם עַל־כָּתֵ֤ף תִּשָּׂא֙a בָּעֲלָטָ֣הb תֹוצִ֔יאc פָּנֶ֣יךָ תְכַסֶּ֔הd וְלֹ֥א תִרְאֶ֖הe אֶת־הָאָ֑רֶץ כִּֽי־מֹופֵ֥תf נְתַתִּ֖יךָg לְבֵ֥ית יִשְׂרָאֵֽל׃

7 וָאַ֣עַשׂa כֵּן֮ כַּאֲשֶׁ֣ר צֻוֵּיתִי֒b כֵּ֠לַי הֹוצֵ֜אתִיc כִּכְלֵ֤י גֹולָה֙d יֹומָ֔ם וּבָעֶ֛רֶב חָתַֽרְתִּיe ־לִ֥י בַקִּ֖יר בְּיָ֑ד בָּעֲלָטָ֥הf הֹוצֵ֛אתִיg עַל־כָּתֵ֥ף נָשָׂ֖אתִיh לְעֵינֵיהֶֽם׃ פ

8 וַיְהִ֧יa דְבַר־יְהוָ֛ה אֵלַ֖י בַּבֹּ֥קֶר לֵאמֹֽרb ׃

9 בֶּן־אָדָ֕ם הֲלֹ֨א אָמְר֥וּa אֵלֶ֛יךָ בֵּ֥ית יִשְׂרָאֵ֖ל בֵּ֣ית הַמֶּ֑רִיb מָ֖ה אַתָּ֥ה עֹשֶֽׂהc ׃

10 אֱמֹ֣רa אֲלֵיהֶ֔ם כֹּ֥ה אָמַ֖רb אֲדֹנָ֣י יְהֹוִ֑ה הַנָּשִׂ֞יא הַמַּשָּׂ֤אc הַזֶּה֙ בִּיר֣וּשָׁלַ֔ם וְכָל־בֵּ֥ית יִשְׂרָאֵ֖ל אֲשֶׁר־הֵ֥מָּה בְתֹוכָֽם׃

11 אֱמֹ֖רa אֲנִ֣י מֹֽופֶתְכֶ֑םb כַּאֲשֶׁ֣ר עָשִׂ֗יתִיc כֵּ֚ן יֵעָשֶׂ֣הd לָהֶ֔ם בַּגֹּולָ֥הe בַשְּׁבִ֖יf יֵלֵֽכוּg ׃

12 וְהַנָּשִׂ֨יא אֲשֶׁר־בְּתֹוכָ֜ם אֶל־כָּתֵ֤ף יִשָּׂא֙a בָּעֲלָטָ֣הb וְיֵצֵ֔אc בַּקִּ֥יר יַחְתְּר֖וּd לְהֹ֣וצִיאe בֹ֑ו פָּנָ֣יו יְכַסֶּ֔הf יַ֗עַן אֲשֶׁ֨ר לֹא־יִרְאֶ֥הg לַעַ֣יִן ה֖וּא אֶת־הָאָֽרֶץ׃

13 וּפָרַשְׂתִּ֤יa אֶת־רִשְׁתִּי֙b עָלָ֔יו וְנִתְפַּ֖שׂc בִּמְצֽוּדָתִ֑יd וְהֵבֵאתִ֨יe אֹתֹ֤ו בָבֶ֨לָה֙ אֶ֣רֶץ כַּשְׂדִּ֔ים וְאֹותָ֥הּ לֹֽא־יִרְאֶ֖הf וְשָׁ֥ם יָמֽוּתg ׃

14 וְכֹל֩ אֲשֶׁ֨ר סְבִיבֹתָ֥יו עזרהa וְכָל־אֲגַפָּ֖יוb אֱזָרֶ֣הc לְכָל־ר֑וּחַ וְחֶ֖רֶב אָרִ֥יקd אַחֲרֵיהֶֽם׃

15 וְיָדְע֖וּa כִּֽי־אֲנִ֣י יְהוָ֑ה בַּהֲפִיצִ֤יb אֹותָם֙ בַּגֹּויִ֔ם וְזֵרִיתִ֥יc אֹותָ֖ם בָּאֲרָצֹֽות׃

16 וְהֹותַרְתִּ֤יa מֵהֶם֙ אַנְשֵׁ֣י מִסְפָּ֔ר מֵחֶ֖רֶב מֵרָעָ֣ב וּמִדָּ֑בֶרb לְמַ֨עַן יְסַפְּר֜וּc אֶת־כָּל־תֹּועֲבֹֽותֵיהֶ֗ם בַּגֹּויִם֙ אֲשֶׁר־בָּ֣אוּd שָׁ֔ם וְיָדְע֖וּe כִּֽי־אֲנִ֥י יְהוָֽה׃ פ

17 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

18 בֶּן־אָדָ֕ם לַחְמְךָ֖ בְּרַ֣עַשׁa תֹּאכֵ֑לb וּמֵימֶ֕יךָ בְּרָגְזָ֥הc וּבִדְאָגָ֖הd תִּשְׁתֶּֽהe ׃

19 וְאָמַרְתָּ֣a אֶל־עַ֣ם הָאָ֡רֶץ כֹּֽה־אָמַר֩b אֲדֹנָ֨י יְהוִ֜ה לְיֹושְׁבֵ֤י יְרוּשָׁלִַ֨ם֙ אֶל־אַדְמַ֣ת יִשְׂרָאֵ֔ל לַחְמָם֙ בִּדְאָגָ֣הc יֹאכֵ֔לוּd וּמֵֽימֵיהֶ֖ם בְּשִׁמָּמֹ֣וןe יִשְׁתּ֑וּf לְמַ֜עַן תֵּשַׁ֤םg אַרְצָהּ֙ מִמְּלֹאָ֔הּh מֵחֲמַ֖ס כָּֽל־הַיֹּשְׁבִ֥יםi בָּֽהּ׃

20 וְהֶעָרִ֤ים הַנֹּֽושָׁבֹות֙a תֶּחֱרַ֔בְנָהb וְהָאָ֖רֶץ שְׁמָמָ֣ה תִֽהְיֶ֑הc וִֽידַעְתֶּ֖םd כִּֽי־אֲנִ֥י יְהוָֽה׃ פ

21 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

22 בֶּן־אָדָ֗ם מָֽה־הַמָּשָׁ֤לa הַזֶּה֙ לָכֶ֔ם עַל־אַדְמַ֥ת יִשְׂרָאֵ֖ל לֵאמֹ֑רb יַֽאַרְכוּ֙c הַיָּמִ֔ים וְאָבַ֖דd כָּל־חָזֹֽוןe ׃

23 לָכֵ֞ן אֱמֹ֣רa אֲלֵיהֶ֗ם כֹּֽה־אָמַר֮b אֲדֹנָ֣י יְהוִה֒ הִשְׁבַּ֨תִּי֙c אֶת־הַמָּשָׁ֣לd הַזֶּ֔ה וְלֹֽא־יִמְשְׁל֥וּe אֹתֹ֛ו עֹ֖וד בְּיִשְׂרָאֵ֑ל כִּ֚י אִם־דַּבֵּ֣רf אֲלֵיהֶ֔ם קָֽרְבוּ֙g הַיָּמִ֔ים וּדְבַ֖ר כָּל־חָזֹֽוןh ׃

24 כִּ֠י לֹ֣א יִֽהְיֶ֥הa עֹ֛וד כָּל־חֲזֹ֥וןb שָׁ֖וְא וּמִקְסַ֣םc חָלָ֑קd בְּתֹ֖וךְ בֵּ֥ית יִשְׂרָאֵֽל׃

25 כִּ֣י׀ אֲנִ֣י יְהוָ֗ה אֲדַבֵּר֙a אֵת֩ אֲשֶׁ֨ר אֲדַבֵּ֤רb דָּבָר֙ וְיֵ֣עָשֶׂ֔הc לֹ֥א תִמָּשֵׁ֖ךְd עֹ֑וד כִּ֣י בִֽימֵיכֶ֞ם בֵּ֣ית הַמֶּ֗רִיe אֲדַבֵּ֤רf דָּבָר֙ וַעֲשִׂיתִ֔יוg נְאֻ֖ם אֲדֹנָ֥י יְהוִֽה׃ פ

26 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

27 בֶּן־אָדָ֗ם הִנֵּ֤ה בֵֽית־יִשְׂרָאֵל֙ אֹֽמְרִ֔יםa הֶחָזֹ֛וןb אֲשֶׁר־ה֥וּא חֹזֶ֖הc לְיָמִ֣ים רַבִּ֑ים וּלְעִתִּ֥ים רְחֹוקֹ֖ות ה֥וּא נִבָּֽאd ׃

28 לָכֵ֞ן אֱמֹ֣רa אֲלֵיהֶ֗ם כֹּ֤ה אָמַר֙b אֲדֹנָ֣י יְהוִ֔ה לֹא־תִמָּשֵׁ֥ךְc עֹ֖וד כָּל־דְּבָרָ֑י אֲשֶׁ֨ר אֲדַבֵּ֤רd דָּבָר֙ וְיֵ֣עָשֶׂ֔הe נְאֻ֖ם אֲדֹנָ֥י יְהוִֽה׃ ס