11
וַתִּשָּׂ֨אa
אֹתִ֜י ר֗וּחַ וַתָּבֵ֣אb
אֹ֠תִי אֶל־שַׁ֨עַר בֵּית־יְהוָ֤ה הַקַּדְמֹונִי֙c
הַפֹּונֶ֣הd
קָדִ֔ימָה וְהִנֵּה֙ בְּפֶ֣תַח הַשַּׁ֔עַר עֶשְׂרִ֥ים וַחֲמִשָּׁ֖ה אִ֑ישׁ וָאֶרְאֶ֨הe
בְתֹוכָ֜ם אֶת־יַאֲזַנְיָ֧הf
בֶן־עַזֻּ֛רg
וְאֶת־פְּלַטְיָ֥הוּh
בֶן־בְּנָיָ֖הוּi
שָׂרֵ֖י הָעָֽם׃ פ
2
וַיֹּ֖אמֶרa
אֵלָ֑י בֶּן־אָדָ֕ם אֵ֣לֶּה הָאֲנָשִׁ֞ים הַחֹשְׁבִ֥יםb
אָ֛וֶן וְהַיֹּעֲצִ֥יםc
עֲצַת־רָ֖ע בָּעִ֥יר הַזֹּֽאת׃
3
הָאֹ֣מְרִ֔יםa
לֹ֥א בְקָרֹ֖וב בְּנֹ֣ותb
בָּתִּ֑ים הִ֣יא הַסִּ֔ירc
וַאֲנַ֖חְנוּ הַבָּשָֽׂר׃
4
לָכֵ֖ן הִנָּבֵ֣אa
עֲלֵיהֶ֑ם הִנָּבֵ֖אb
בֶּן־אָדָֽם׃
5
וַתִּפֹּ֣לa
עָלַי֮ ר֣וּחַ יְהוָה֒ וַיֹּ֣אמֶרb
אֵלַ֗י אֱמֹר֙c
כֹּה־אָמַ֣רd
יְהוָ֔ה כֵּ֥ן אֲמַרְתֶּ֖םe
בֵּ֣ית יִשְׂרָאֵ֑ל וּמַעֲלֹ֥ותf
רֽוּחֲכֶ֖ם אֲנִ֥י יְדַעְתִּֽיהָg
׃
6
הִרְבֵּיתֶ֥םa
חַלְלֵיכֶ֖ם בָּעִ֣יר הַזֹּ֑את וּמִלֵּאתֶ֥םb
חוּצֹתֶ֖יהָ חָלָֽל׃ פ
7
לָכֵ֗ן כֹּֽה־אָמַר֮a
אֲדֹנָ֣י יְהוִה֒ חַלְלֵיכֶם֙ אֲשֶׁ֣ר שַׂמְתֶּ֣םb
בְּתֹוכָ֔הּ הֵ֥מָּה הַבָּשָׂ֖ר וְהִ֣יא הַסִּ֑ירc
וְאֶתְכֶ֖ם הֹוצִ֥יאd
מִתֹּוכָֽהּ׃
8
חֶ֖רֶב יְרֵאתֶ֑םa
וְחֶ֨רֶב֙ אָבִ֣יאb
עֲלֵיכֶ֔ם נְאֻ֖ם אֲדֹנָ֥י יְהוִֽה׃
9
וְהֹוצֵאתִ֤יa
אֶתְכֶם֙ מִתֹּוכָ֔הּ וְנָתַתִּ֥יb
אֶתְכֶ֖ם בְּיַד־זָרִ֑ים וְעָשִׂ֛יתִיc
בָכֶ֖ם שְׁפָטִֽיםd
׃
10
בַּחֶ֣רֶב תִּפֹּ֔לוּa
עַל־גְּב֥וּל יִשְׂרָאֵ֖ל אֶשְׁפֹּ֣וטb
אֶתְכֶ֑ם וִֽידַעְתֶּ֖םc
כִּֽי־אֲנִ֥י יְהוָֽה׃
11
הִ֗יא לֹֽא־תִהְיֶ֤הa
לָכֶם֙ לְסִ֔ירb
וְאַתֶּ֛ם תִּהְי֥וּc
בְתֹוכָ֖הּ לְבָשָׂ֑ר אֶל־גְּב֥וּל יִשְׂרָאֵ֖ל אֶשְׁפֹּ֥טd
אֶתְכֶֽם׃
12
וִֽידַעְתֶּם֙a
כִּֽי־אֲנִ֣י יְהוָ֔ה אֲשֶׁ֤ר בְּחֻקַּי֙ לֹ֣א הֲלַכְתֶּ֔םb
וּמִשְׁפָּטַ֖י לֹ֣א עֲשִׂיתֶ֑םc
וּֽכְמִשְׁפְּטֵ֧י הַגֹּויִ֛ם אֲשֶׁ֥ר סְבִיבֹותֵיכֶ֖ם עֲשִׂיתֶֽםd
׃
13
וַֽיְהִי֙a
כְּהִנָּ֣בְאִ֔יb
וּפְלַטְיָ֥הוּc
בֶן־בְּנָיָ֖הd
מֵ֑תe
וָאֶפֹּ֨לf
עַל־פָּנַ֜י וָאֶזְעַ֣קg
קֹול־גָּדֹ֗ול וָאֹמַר֙h
אֲהָהּ֙i
אֲדֹנָ֣י יְהוִ֔ה כָּלָה֙j
אַתָּ֣ה עֹשֶׂ֔הk
אֵ֖ת שְׁאֵרִ֥ית יִשְׂרָאֵֽל׃ פ
14
וַיְהִ֥יa
דְבַר־יְהוָ֖ה אֵלַ֥י לֵאמֹֽרb
׃
15
בֶּן־אָדָ֗ם אַחֶ֤יךָ אַחֶ֨יךָ֙ אַנְשֵׁ֣י גְאֻלָּתֶ֔ךָa
וְכָל־בֵּ֥ית יִשְׂרָאֵ֖ל כֻּלֹּ֑ה אֲשֶׁר֩ אָמְר֨וּb
לָהֶ֜ם יֹשְׁבֵ֣י יְרוּשָׁלִַ֗ם רַֽחֲקוּ֙c
מֵעַ֣ל יְהוָ֔ה לָ֥נוּ הִ֛יא נִתְּנָ֥הd
הָאָ֖רֶץ לְמֹורָשָֽׁהe
׃ ס
16
לָכֵ֣ן אֱמֹ֗רa
כֹּֽה־אָמַר֮b
אֲדֹנָ֣י יְהוִה֒ כִּ֤י הִרְחַקְתִּים֙c
בַּגֹּויִ֔ם וְכִ֥י הֲפִֽיצֹותִ֖יםd
בָּאֲרָצֹ֑ות וָאֱהִ֤יe
לָהֶם֙ לְמִקְדָּ֣שׁ מְעַ֔ט בָּאֲרָצֹ֖ות אֲשֶׁר־בָּ֥אוּf
שָֽׁם׃ ס
17
לָכֵ֣ן אֱמֹ֗רa
כֹּֽה־אָמַר֮b
אֲדֹנָ֣י יְהוִה֒ וְקִבַּצְתִּ֤יc
אֶתְכֶם֙ מִן־הָ֣עַמִּ֔ים וְאָסַפְתִּ֣יd
אֶתְכֶ֔ם מִן־הָ֣אֲרָצֹ֔ות אֲשֶׁ֥ר נְפֹצֹותֶ֖םe
בָּהֶ֑ם וְנָתַתִּ֥יf
לָכֶ֖ם אֶת־אַדְמַ֥ת יִשְׂרָאֵֽל׃
18
וּבָ֖אוּa
־שָׁ֑מָּה וְהֵסִ֜ירוּb
אֶת־כָּל־שִׁקּוּצֶ֛יהָc
וְאֶת־כָּל־תֹּועֲבֹותֶ֖יהָ מִמֶּֽנָּה׃
19
וְנָתַתִּ֤יa
לָהֶם֙ לֵ֣ב אֶחָ֔ד וְר֥וּחַ חֲדָשָׁ֖ה אֶתֵּ֣ןb
בְּקִרְבְּכֶ֑ם וַהֲסִ֨רֹתִ֜יc
לֵ֤ב הָאֶ֨בֶן֙ מִבְּשָׂרָ֔ם וְנָתַתִּ֥יd
לָהֶ֖ם לֵ֥ב בָּשָֽׂר׃
20
לְמַ֨עַן֙ בְּחֻקֹּתַ֣י יֵלֵ֔כוּa
וְאֶת־מִשְׁפָּטַ֥י יִשְׁמְר֖וּb
וְעָשׂ֣וּc
אֹתָ֑ם וְהָיוּd
־לִ֣י לְעָ֔ם וַאֲנִ֕י אֶהְיֶ֥הe
לָהֶ֖ם לֵאלֹהִֽים׃
21
וְאֶל־לֵ֧ב שִׁקּוּצֵיהֶ֛םa
וְתֹועֲבֹותֵיהֶ֖ם לִבָּ֣ם הֹלֵ֑ךְb
דַּרְכָּם֙ בְּרֹאשָׁ֣ם נָתַ֔תִּיc
נְאֻ֖ם אֲדֹנָ֥י יְהוִֽה׃
22
וַיִּשְׂא֤וּa
הַכְּרוּבִים֙ אֶת־כַּנְפֵיהֶ֔ם וְהָאֹֽופַנִּ֖יםb
לְעֻמָּתָ֑םc
וּכְבֹ֧וד אֱלֹהֵֽי־יִשְׂרָאֵ֛ל עֲלֵיהֶ֖ם מִלְמָֽעְלָה׃
23
וַיַּ֨עַל֙a
כְּבֹ֣וד יְהוָ֔ה מֵעַ֖ל תֹּ֣וךְ הָעִ֑יר וַֽיַּעֲמֹד֙b
עַל־הָהָ֔ר אֲשֶׁ֖ר מִקֶּ֥דֶם לָעִֽיר׃
24
וְר֣וּחַ נְשָׂאַ֗תְנִיa
וַתְּבִיאֵ֤נִיb
כַשְׂדִּ֨ימָה֙c
אֶל־הַגֹּולָ֔הd
בַּמַּרְאֶ֖ה בְּר֣וּחַ אֱלֹהִ֑ים וַיַּ֨עַל֙e
מֵֽעָלַ֔י הַמַּרְאֶ֖ה אֲשֶׁ֥ר רָאִֽיתִיf
׃
25
וָאֲדַבֵּ֖רa
אֶל־הַגֹּולָ֑הb
אֵ֛ת כָּל־דִּבְרֵ֥י יְהוָ֖ה אֲשֶׁ֥ר הֶרְאָֽנִיc
׃ פ