יחזקאל

וַיְהִ֣יa ׀ בִּשְׁלֹשִׁ֣ים שָׁנָ֗ה בָּֽרְבִיעִי֙ בַּחֲמִשָּׁ֣ה לַחֹ֔דֶשׁ וַאֲנִ֥י בְתֹֽוךְ־הַגֹּולָ֖הb עַל־נְהַר־כְּבָ֑רc נִפְתְּחוּ֙d הַשָּׁמַ֔יִם וָאֶרְאֶ֖הe מַרְאֹ֥ותf אֱלֹהִֽים׃

2 בַּחֲמִשָּׁ֖ה לַחֹ֑דֶשׁ הִ֚יא הַשָּׁנָ֣ה הַחֲמִישִׁ֔יתa לְגָל֖וּתb הַמֶּ֥לֶךְ יֹויָכִֽיןc ׃

3 הָיֹ֣ה הָיָ֣הa דְבַר־יְ֠הוָה אֶל־יְחֶזְקֵ֨אלb בֶּן־בּוּזִ֧יc הַכֹּהֵ֛ן בְּאֶ֥רֶץ כַּשְׂדִּ֖ים עַל־נְהַר־כְּבָ֑רd וַתְּהִ֥יe עָלָ֛יו שָׁ֖ם יַד־יְהוָֽה׃

4 וָאֵ֡רֶאa וְהִנֵּה֩ ר֨וּחַ סְעָרָ֜הb בָּאָ֣הc מִן־הַצָּפֹ֗ון עָנָ֤ן גָּדֹול֙ וְאֵ֣שׁ מִתְלַקַּ֔חַתd וְנֹ֥גַֽהּe לֹ֖ו סָבִ֑יב וּמִ֨תֹּוכָ֔הּ כְּעֵ֥ין הַחַשְׁמַ֖לf מִתֹּ֥וךְ הָאֵֽשׁ׃

5 וּמִ֨תֹּוכָ֔הּ דְּמ֖וּתa אַרְבַּ֣ע חַיֹּ֑ות וְזֶה֙ מַרְאֵֽיהֶ֔ן דְּמ֥וּתb אָדָ֖ם לָהֵֽנָּהc ׃

6 וְאַרְבָּעָ֥ה פָנִ֖ים לְאֶחָ֑ת וְאַרְבַּ֥ע כְּנָפַ֖יִם לְאַחַ֥ת לָהֶֽם׃

7 וְרַגְלֵיהֶ֖ם רֶ֣גֶל יְשָׁרָ֑ה וְכַ֣ף רַגְלֵיהֶ֗ם כְּכַף֙ רֶ֣גֶל עֵ֔גֶלa וְנֹ֣צְצִ֔יםb כְּעֵ֖ין נְחֹ֥שֶׁת קָלָֽלc ׃

8 וידוa אָדָ֗ם מִתַּ֨חַת֙ כַּנְפֵיהֶ֔ם עַ֖ל אַרְבַּ֣עַת רִבְעֵיהֶ֑םb וּפְנֵיהֶ֥ם וְכַנְפֵיהֶ֖ם לְאַרְבַּעְתָּֽם׃

9 חֹֽבְרֹ֛תa אִשָּׁ֥ה אֶל־אֲחֹותָ֖הּ כַּנְפֵיהֶ֑ם לֹא־יִסַּ֣בּוּb בְלֶכְתָּ֔ןc אִ֛ישׁ אֶל־עֵ֥בֶר פָּנָ֖יו יֵלֵֽכוּd ׃

10 וּדְמ֣וּתa פְּנֵיהֶם֮ פְּנֵ֣י אָדָם֒ וּפְנֵ֨י אַרְיֵ֤הb אֶל־הַיָּמִין֙ לְאַרְבַּעְתָּ֔ם וּפְנֵי־שֹׁ֥ור מֵֽהַשְּׂמֹ֖אול לְאַרְבַּעְתָּ֑ן וּפְנֵי־נֶ֖שֶׁרc לְאַרְבַּעְתָּֽן׃

11 וּפְנֵיהֶ֕ם וְכַנְפֵיהֶ֥ם פְּרֻדֹ֖ותa מִלְמָ֑עְלָה לְאִ֗ישׁ שְׁ֚תַּיִם חֹבְרֹ֣ותb אִ֔ישׁ וּשְׁתַּ֣יִם מְכַסֹּ֔ותc אֵ֖ת גְּוִיֹתֵיהֶֽנָהd ׃

12 וְאִ֛ישׁ אֶל־עֵ֥בֶר פָּנָ֖יו יֵלֵ֑כוּa אֶ֣ל אֲשֶׁר֩ יִֽהְיֶהb ־שָׁ֨מָּה הָר֤וּחַ לָלֶ֨כֶת֙c יֵלֵ֔כוּd לֹ֥א יִסַּ֖בּוּe בְּלֶכְתָּֽןf ׃

13 וּדְמ֨וּתa הַחַיֹּ֜ות מַרְאֵיהֶ֣ם כְּגַחֲלֵיb ־אֵ֗שׁ בֹּֽעֲרֹות֙c כְּמַרְאֵ֣ה הַלַּפִּדִ֔יםd הִ֕יא מִתְהַלֶּ֖כֶתe בֵּ֣ין הַחַיֹּ֑ות וְנֹ֣גַהּf לָאֵ֔שׁ וּמִן־הָאֵ֖שׁ יֹוצֵ֥אg בָרָֽקh ׃

14 וְהַחַיֹּ֖ות רָצֹ֣ואa וָשֹׁ֑ובb כְּמַרְאֵ֖ה הַבָּזָֽקc ׃

15 וָאֵ֖רֶאa הַחַיֹּ֑ות וְהִנֵּה֩ אֹופַ֨ןb אֶחָ֥ד בָּאָ֛רֶץ אֵ֥צֶל הַחַיֹּ֖ות לְאַרְבַּ֥עַת פָּנָֽיו׃

16 מַרְאֵ֨ה הָאֹופַנִּ֤יםa וּמַעֲשֵׂיהֶם֙ כְּעֵ֣ין תַּרְשִׁ֔ישׁb וּדְמ֥וּתc אֶחָ֖ד לְאַרְבַּעְתָּ֑ן וּמַרְאֵיהֶם֙ וּמַ֣עֲשֵׂיהֶ֔ם כַּאֲשֶׁ֛ר יִהְיֶ֥הd הָאֹופַ֖ןe בְּתֹ֥וךְ הָאֹופָֽןf ׃

17 עַל־אַרְבַּ֥עַת רִבְעֵיהֶ֖ןa בְּלֶכְתָּ֣םb יֵלֵ֑כוּc לֹ֥א יִסַּ֖בּוּd בְּלֶכְתָּֽןe ׃

18 וְגַ֨בֵּיהֶ֔ןa וְגֹ֥בַהּb לָהֶ֖ם וְיִרְאָ֣הc לָהֶ֑ם וְגַבֹּתָ֗םd מְלֵאֹ֥תe עֵינַ֛יִם סָבִ֖יב לְאַרְבַּעְתָּֽן׃

19 וּבְלֶ֨כֶת֙a הַֽחַיֹּ֔ות יֵלְכ֥וּb הָאֹופַנִּ֖יםc אֶצְלָ֑ם וּבְהִנָּשֵׂ֤אd הַֽחַיֹּות֙ מֵעַ֣ל הָאָ֔רֶץ יִנָּשְׂא֖וּe הָאֹופַנִּֽיםf ׃

20 עַ֣ל אֲשֶׁר֩ יִֽהְיֶהa ־שָּׁ֨ם הָר֤וּחַ לָלֶ֨כֶת֙b יֵלֵ֔כוּc שָׁ֥מָּה הָר֖וּחַ לָלֶ֑כֶתd וְהָאֹופַנִּ֗יםe יִנָּשְׂאוּ֙f לְעֻמָּתָ֔םg כִּ֛י ר֥וּחַ הַחַיָּ֖ה בָּאֹופַנִּֽיםh ׃

21 בְּלֶכְתָּ֣םa יֵלֵ֔כוּb וּבְעָמְדָ֖םc יַֽעֲמֹ֑דוּd וּֽבְהִנָּשְׂאָ֞םe מֵעַ֣ל הָאָ֗רֶץ יִנָּשְׂא֤וּf הָאֹֽופַנִּים֙g לְעֻמָּתָ֔םh כִּ֛י ר֥וּחַ הַחַיָּ֖ה בָּאֹופַנִּֽיםi ׃

22 וּדְמ֞וּתa עַל־רָאשֵׁ֤י הַחַיָּה֙ רָקִ֔יעַb כְּעֵ֖ין הַקֶּ֣רַחc הַנֹּורָ֑א נָט֥וּיd עַל־רָאשֵׁיהֶ֖ם מִלְמָֽעְלָה׃

23 וְתַ֨חַת֙ הָרָקִ֔יעַa כַּנְפֵיהֶ֣ם יְשָׁרֹ֔ות אִשָּׁ֖ה אֶל־אֲחֹותָ֑הּ לְאִ֗ישׁ שְׁתַּ֤יִם מְכַסֹּות֙b לָהֵ֔נָּהc וּלְאִ֗ישׁ שְׁתַּ֤יִם מְכַסֹּות֙d לָהֵ֔נָּהe אֵ֖ת גְּוִיֹּתֵיהֶֽםf ׃

24 וָאֶשְׁמַ֣עa אֶת־קֹ֣ול כַּנְפֵיהֶ֡ם כְּקֹול֩ מַ֨יִם רַבִּ֤ים כְּקֹול־שַׁדַּי֙b בְּלֶכְתָּ֔םc קֹ֥ול הֲמֻלָּ֖הd כְּקֹ֣ול מַחֲנֶ֑ה בְּעָמְדָ֖םe תְּרַפֶּ֥ינָהf כַנְפֵיהֶֽן׃

25 וַיְהִיa ־קֹ֕ול מֵעַ֕ל לָרָקִ֖יעַb אֲשֶׁ֣ר עַל־רֹאשָׁ֑ם בְּעָמְדָ֖םc תְּרַפֶּ֥ינָהd כַנְפֵיהֶֽן׃

26 וּמִמַּ֗עַל לָרָקִ֨יעַ֙a אֲשֶׁ֣ר עַל־רֹאשָׁ֔ם כְּמַרְאֵ֥ה אֶֽבֶן־סַפִּ֖ירb דְּמ֣וּתc כִּסֵּ֑א וְעַל֙ דְּמ֣וּתd הַכִּסֵּ֔א דְּמ֞וּתe כְּמַרְאֵ֥ה אָדָ֛ם עָלָ֖יו מִלְמָֽעְלָה׃

27 וָאֵ֣רֶאa ׀ כְּעֵ֣ין חַשְׁמַ֗לb כְּמַרְאֵה־אֵ֤שׁ בֵּֽית־לָהּ֙ סָבִ֔יב מִמַּרְאֵ֥ה מָתְנָ֖יוc וּלְמָ֑עְלָה וּמִמַּרְאֵ֤ה מָתְנָיו֙d וּלְמַ֔טָּהe רָאִ֨יתִי֙f כְּמַרְאֵה־אֵ֔שׁ וְנֹ֥גַֽהּg לֹ֖ו סָבִֽיב׃

28 כְּמַרְאֵ֣ה הַקֶּ֡שֶׁת אֲשֶׁר֩ יִֽהְיֶ֨הa בֶעָנָ֜ן בְּיֹ֣ום הַגֶּ֗שֶׁםb כֵּ֣ן מַרְאֵ֤ה הַנֹּ֨גַהּ֙c סָבִ֔יב ה֕וּא מַרְאֵ֖ה דְּמ֣וּתd כְּבֹוד־יְהוָ֑ה וָֽאֶרְאֶה֙e וָאֶפֹּ֣לf עַל־פָּנַ֔י וָאֶשְׁמַ֖עg קֹ֥ול מְדַבֵּֽרh ׃ ס