שמות

וַיֹּ֤אמֶרa יְהוָה֙ אֶל־מֹשֶׁ֔ה רְאֵ֛הb נְתַתִּ֥יךָc אֱלֹהִ֖ים לְפַרְעֹ֑ה וְאַהֲרֹ֥ן אָחִ֖יךָ יִהְיֶ֥הd נְבִיאֶֽךָ׃

2 אַתָּ֣ה תְדַבֵּ֔רa אֵ֖ת כָּל־אֲשֶׁ֣ר אֲצַוֶּ֑ךָּb וְאַהֲרֹ֤ן אָחִ֨יךָ֙ יְדַבֵּ֣רc אֶל־פַּרְעֹ֔ה וְשִׁלַּ֥חd אֶת־בְּנֵֽי־יִשְׂרָאֵ֖ל מֵאַרְצֹֽו׃

3 וַאֲנִ֥י אַקְשֶׁ֖הa אֶת־לֵ֣ב פַּרְעֹ֑ה וְהִרְבֵּיתִ֧יb אֶת־אֹתֹתַ֛י וְאֶת־מֹופְתַ֖יc בְּאֶ֥רֶץ מִצְרָֽיִם׃

4 וְלֹֽא־יִשְׁמַ֤עa אֲלֵכֶם֙ פַּרְעֹ֔ה וְנָתַתִּ֥יb אֶת־יָדִ֖י בְּמִצְרָ֑יִם וְהֹוצֵאתִ֨יc אֶת־צִבְאֹתַ֜י אֶת־עַמִּ֤י בְנֵֽי־יִשְׂרָאֵל֙ מֵאֶ֣רֶץ מִצְרַ֔יִם בִּשְׁפָטִ֖יםd גְּדֹלִֽים׃

5 וְיָדְע֤וּa מִצְרַ֨יִם֙ כִּֽי־אֲנִ֣י יְהוָ֔ה בִּנְטֹתִ֥יb אֶת־יָדִ֖י עַל־מִצְרָ֑יִם וְהֹוצֵאתִ֥יc אֶת־בְּנֵֽי־יִשְׂרָאֵ֖ל מִתֹּוכָֽם׃

6 וַיַּ֥עַשׂa מֹשֶׁ֖ה וְאַהֲרֹ֑ן כַּאֲשֶׁ֨ר צִוָּ֧הb יְהוָ֛ה אֹתָ֖ם כֵּ֥ן עָשֽׂוּc ׃

7 וּמֹשֶׁה֙ בֶּן־שְׁמֹנִ֣ים שָׁנָ֔ה וְאַֽהֲרֹ֔ן בֶּן־שָׁלֹ֥שׁ וּשְׁמֹנִ֖ים שָׁנָ֑ה בְּדַבְּרָ֖םa אֶל־פַּרְעֹֽה׃ פ

8 וַיֹּ֣אמֶרa יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽרb ׃

9 כִּי֩ יְדַבֵּ֨רa אֲלֵכֶ֤ם פַּרְעֹה֙ לֵאמֹ֔רb תְּנ֥וּc לָכֶ֖ם מֹופֵ֑תd וְאָמַרְתָּ֣e אֶֽל־אַהֲרֹ֗ן קַ֧חf אֶֽת־מַטְּךָ֛ וְהַשְׁלֵ֥ךְg לִפְנֵֽי־פַרְעֹ֖ה יְהִ֥יh לְתַנִּֽיןi ׃

10 וַיָּבֹ֨אa מֹשֶׁ֤ה וְאַהֲרֹן֙ אֶל־פַּרְעֹ֔ה וַיַּ֣עַשׂוּb כֵ֔ן כַּאֲשֶׁ֖ר צִוָּ֣הc יְהוָ֑ה וַיַּשְׁלֵ֨ךְd אַהֲרֹ֜ן אֶת־מַטֵּ֗הוּ לִפְנֵ֥י פַרְעֹ֛ה וְלִפְנֵ֥י עֲבָדָ֖יו וַיְהִ֥יe לְתַנִּֽיןf ׃

11 וַיִּקְרָא֙a גַּם־פַּרְעֹ֔ה לַֽחֲכָמִ֖ים וְלַֽמְכַשְּׁפִ֑יםb וַיַּֽעֲשׂ֨וּc גַם־הֵ֜ם חַרְטֻמֵּ֥יd מִצְרַ֛יִם בְּלַהֲטֵיהֶ֖םe כֵּֽן׃

12 וַיַּשְׁלִ֨יכוּ֙a אִ֣ישׁ מַטֵּ֔הוּ וַיִּהְי֖וּb לְתַנִּינִ֑םc וַיִּבְלַ֥עd מַטֵּֽה־אַהֲרֹ֖ן אֶת־מַטֹּתָֽם׃

13 וַיֶּחֱזַק֙a לֵ֣ב פַּרְעֹ֔ה וְלֹ֥א שָׁמַ֖עb אֲלֵהֶ֑ם כַּאֲשֶׁ֖ר דִּבֶּ֥רc יְהוָֽה׃ פ

14 וַיֹּ֤אמֶרa יְהוָה֙ אֶל־מֹשֶׁ֔ה כָּבֵ֖דb לֵ֣ב פַּרְעֹ֑ה מֵאֵ֖ןc לְשַׁלַּ֥חd הָעָֽם׃

15 לֵ֣ךְa אֶל־פַּרְעֹ֞ה בַּבֹּ֗קֶר הִנֵּה֙ יֹצֵ֣אb הַמַּ֔יְמָה וְנִצַּבְתָּ֥c לִקְרָאתֹ֖וd עַל־שְׂפַ֣ת הַיְאֹ֑רe וְהַמַּטֶּ֛ה אֲשֶׁר־נֶהְפַּ֥ךְf לְנָחָ֖שׁg תִּקַּ֥חh בְּיָדֶֽךָ׃

16 וְאָמַרְתָּ֣a אֵלָ֗יו יְהוָ֞ה אֱלֹהֵ֤י הָעִבְרִים֙b שְׁלָחַ֤נִיc אֵלֶ֨יךָ֙ לֵאמֹ֔רd שַׁלַּח֙e אֶת־עַמִּ֔י וְיַֽעַבְדֻ֖נִיf בַּמִּדְבָּ֑ר וְהִנֵּ֥ה לֹא־שָׁמַ֖עְתָּg עַד־כֹּֽה׃

17 כֹּ֚ה אָמַ֣רa יְהוָ֔ה בְּזֹ֣את תֵּדַ֔עb כִּ֖י אֲנִ֣י יְהוָ֑ה הִנֵּ֨ה אָנֹכִ֜י מַכֶּ֣הc ׀ בַּמַּטֶּ֣ה אֲשֶׁר־בְּיָדִ֗י עַל־הַמַּ֛יִם אֲשֶׁ֥ר בַּיְאֹ֖רd וְנֶהֶפְכ֥וּe לְדָֽם׃

18 וְהַדָּגָ֧הa אֲשֶׁר־בַּיְאֹ֛רb תָּמ֖וּתc וּבָאַ֣שׁd הַיְאֹ֑רe וְנִלְא֣וּf מִצְרַ֔יִם לִשְׁתֹּ֥ותg מַ֖יִם מִן־הַיְאֹֽרh ׃ ס

19 וַיֹּ֨אמֶרa יְהוָ֜ה אֶל־מֹשֶׁ֗ה אֱמֹ֣רb אֶֽל־אַהֲרֹ֡ן קַ֣חc מַטְּךָ֣ וּנְטֵֽהd ־יָדְךָ֩ עַל־מֵימֵ֨י מִצְרַ֜יִם עַֽל־נַהֲרֹתָ֣ם׀ עַל־יְאֹרֵיהֶ֣םe וְעַל־אַגְמֵיהֶ֗םf וְעַ֛ל כָּל־מִקְוֵ֥הg מֵימֵיהֶ֖ם וְיִֽהְיוּh ־דָ֑ם וְהָ֤יָהi דָם֙ בְּכָל־אֶ֣רֶץ מִצְרַ֔יִם וּבָעֵצִ֖ים וּבָאֲבָנִֽים׃

20 וַיַּֽעֲשׂוּa ־כֵן֩ מֹשֶׁ֨ה וְאַהֲרֹ֜ן כַּאֲשֶׁ֣ר׀ צִוָּ֣הb יְהוָ֗ה וַיָּ֤רֶםc בַּמַּטֶּה֙ וַיַּ֤ךְd אֶת־הַמַּ֨יִם֙ אֲשֶׁ֣ר בַּיְאֹ֔רe לְעֵינֵ֣י פַרְעֹ֔ה וּלְעֵינֵ֖י עֲבָדָ֑יו וַיֵּהָֽפְכ֛וּf כָּל־הַמַּ֥יִם אֲשֶׁר־בַּיְאֹ֖רg לְדָֽם׃

21 וְהַדָּגָ֨הa אֲשֶׁר־בַּיְאֹ֥רb מֵ֨תָה֙c וַיִּבְאַ֣שׁd הַיְאֹ֔רe וְלֹא־יָכְל֣וּf מִצְרַ֔יִם לִשְׁתֹּ֥ותg מַ֖יִם מִן־הַיְאֹ֑רh וַיְהִ֥יi הַדָּ֖ם בְּכָל־אֶ֥רֶץ מִצְרָֽיִם׃

22 וַיַּֽעֲשׂוּa ־כֵ֛ן חַרְטֻמֵּ֥יb מִצְרַ֖יִם בְּלָטֵיהֶ֑םc וַיֶּחֱזַ֤קd לֵב־פַּרְעֹה֙ וְלֹא־שָׁמַ֣עe אֲלֵהֶ֔ם כַּאֲשֶׁ֖ר דִּבֶּ֥רf יְהוָֽה׃

23 וַיִּ֣פֶןa פַּרְעֹ֔ה וַיָּבֹ֖אb אֶל־בֵּיתֹ֑ו וְלֹא־שָׁ֥תc לִבֹּ֖ו גַּם־לָזֹֽאת׃

24 וַיַּחְפְּר֧וּa כָל־מִצְרַ֛יִם סְבִיבֹ֥ת הַיְאֹ֖רb מַ֣יִם לִשְׁתֹּ֑ותc כִּ֣י לֹ֤א יָֽכְלוּ֙d לִשְׁתֹּ֔תe מִמֵּימֵ֖י הַיְאֹֽרf ׃

25 וַיִּמָּלֵ֖אa שִׁבְעַ֣ת יָמִ֑ים אַחֲרֵ֥י הַכֹּותb ־יְהוָ֖ה אֶת־הַיְאֹֽרc ׃ פ

26 וַיֹּ֤אמֶרa יְהוָה֙ אֶל־מֹשֶׁ֔ה בֹּ֖אb אֶל־פַּרְעֹ֑ה וְאָמַרְתָּ֣c אֵלָ֗יו כֹּ֚ה אָמַ֣רd יְהוָ֔ה שַׁלַּ֥חe אֶת־עַמִּ֖י וְיַֽעַבְדֻֽנִיf ׃

27 וְאִם־מָאֵ֥ןa אַתָּ֖ה לְשַׁלֵּ֑חַb הִנֵּ֣ה אָנֹכִ֗י נֹגֵ֛ףc אֶת־כָּל־גְּבוּלְךָ֖ בַּֽצְפַרְדְּעִֽיםd ׃

28 וְשָׁרַ֣ץa הַיְאֹר֮b צְפַרְדְּעִים֒c וְעָלוּ֙d וּבָ֣אוּe בְּבֵיתֶ֔ךָ וּבַחֲדַ֥רf מִשְׁכָּבְךָ֖g וְעַל־מִטָּתֶ֑ךָh וּבְבֵ֤ית עֲבָדֶ֨יךָ֙ וּבְעַמֶּ֔ךָ וּבְתַנּוּרֶ֖יךָi וּבְמִשְׁאֲרֹותֶֽיךָj ׃

29 וּבְכָ֥ה וּֽבְעַמְּךָ֖ וּבְכָל־עֲבָדֶ֑יךָ יַעֲל֖וּa הַֽצְפַרְדְּעִֽיםb ׃