שמות

וַיֹּ֤אמֶרa יְהוָה֙ אֶל־מֹשֶׁ֔ה עַתָּ֣ה תִרְאֶ֔הb אֲשֶׁ֥ר אֶֽעֱשֶׂ֖הc לְפַרְעֹ֑ה כִּ֣י בְיָ֤ד חֲזָקָה֙ יְשַׁלְּחֵ֔םd וּבְיָ֣ד חֲזָקָ֔ה יְגָרְשֵׁ֖םe מֵאַרְצֹֽו׃ ס

2 וַיְדַבֵּ֥רa אֱלֹהִ֖ים אֶל־מֹשֶׁ֑ה וַיֹּ֥אמֶרb אֵלָ֖יו אֲנִ֥י יְהוָֽה׃

3 וָאֵרָ֗אa אֶל־אַבְרָהָ֛ם אֶל־יִצְחָ֥ק וְאֶֽל־יַעֲקֹ֖ב בְּאֵ֣ל שַׁדָּ֑יb וּשְׁמִ֣י יְהוָ֔ה לֹ֥א נֹודַ֖עְתִּיc לָהֶֽם׃

4 וְגַ֨ם הֲקִמֹ֤תִיa אֶת־בְּרִיתִי֙ אִתָּ֔ם לָתֵ֥תb לָהֶ֖ם אֶת־אֶ֣רֶץ כְּנָ֑עַן אֵ֛ת אֶ֥רֶץ מְגֻרֵיהֶ֖םc אֲשֶׁר־גָּ֥רוּd בָֽהּ׃

5 וְגַ֣ם׀ אֲנִ֣י שָׁמַ֗עְתִּיa אֶֽת־נַאֲקַת֙b בְּנֵ֣י יִשְׂרָאֵ֔ל אֲשֶׁ֥ר מִצְרַ֖יִם מַעֲבִדִ֣יםc אֹתָ֑ם וָאֶזְכֹּ֖רd אֶת־בְּרִיתִֽי׃

6 לָכֵ֞ן אֱמֹ֥רa לִבְנֵֽי־יִשְׂרָאֵל֮ אֲנִ֣י יְהוָה֒ וְהֹוצֵאתִ֣יb אֶתְכֶ֗ם מִתַּ֨חַת֙ סִבְלֹ֣תc מִצְרַ֔יִם וְהִצַּלְתִּ֥יd אֶתְכֶ֖ם מֵעֲבֹדָתָ֑ם וְגָאַלְתִּ֤יe אֶתְכֶם֙ בִּזְרֹ֣ועַ נְטוּיָ֔ה וּבִשְׁפָטִ֖יםf גְּדֹלִֽים׃

7 וְלָקַחְתִּ֨יa אֶתְכֶ֥ם לִי֙ לְעָ֔ם וְהָיִ֥יתִיb לָכֶ֖ם לֵֽאלֹהִ֑ים וִֽידַעְתֶּ֗םc כִּ֣י אֲנִ֤י יְהוָה֙ אֱלֹ֣הֵיכֶ֔ם הַמֹּוצִ֣יאd אֶתְכֶ֔ם מִתַּ֖חַת סִבְלֹ֥ותe מִצְרָֽיִם׃

8 וְהֵבֵאתִ֤יa אֶתְכֶם֙ אֶל־הָאָ֔רֶץ אֲשֶׁ֤ר נָשָׂ֨אתִי֙b אֶת־יָדִ֔י לָתֵ֣תc אֹתָ֔הּ לְאַבְרָהָ֥ם לְיִצְחָ֖ק וּֽלְיַעֲקֹ֑ב וְנָתַתִּ֨יd אֹתָ֥הּ לָכֶ֛ם מֹורָשָׁ֖הe אֲנִ֥י יְהוָֽה׃

9 וַיְדַבֵּ֥רa מֹשֶׁ֛ה כֵּ֖ן אֶל־בְּנֵ֣י יִשְׂרָאֵ֑ל וְלֹ֤א שָֽׁמְעוּ֙b אֶל־מֹשֶׁ֔ה מִקֹּ֣צֶרc ר֔וּחַ וּמֵעֲבֹדָ֖ה קָשָֽׁהd ׃ פ

10 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

11 בֹּ֣אa דַבֵּ֔רb אֶל־פַּרְעֹ֖ה מֶ֣לֶךְ מִצְרָ֑יִם וִֽישַׁלַּ֥חc אֶת־בְּנֵֽי־יִשְׂרָאֵ֖ל מֵאַרְצֹֽו׃

12 וַיְדַבֵּ֣רa מֹשֶׁ֔ה לִפְנֵ֥י יְהוָ֖ה לֵאמֹ֑רb הֵ֤ן בְּנֵֽי־יִשְׂרָאֵל֙ לֹֽא־שָׁמְע֣וּc אֵלַ֔י וְאֵיךְ֙ יִשְׁמָעֵ֣נִיd פַרְעֹ֔ה וַאֲנִ֖י עֲרַ֥לe שְׂפָתָֽיִם׃ פ

13 וַיְדַבֵּ֣רa יְהוָה֮ אֶל־מֹשֶׁ֣ה וְאֶֽל־אַהֲרֹן֒ וַיְצַוֵּם֙b אֶל־בְּנֵ֣י יִשְׂרָאֵ֔ל וְאֶל־פַּרְעֹ֖ה מֶ֣לֶךְ מִצְרָ֑יִם לְהֹוצִ֥יאc אֶת־בְּנֵֽי־יִשְׂרָאֵ֖ל מֵאֶ֥רֶץ מִצְרָֽיִם׃ ס

14 אֵ֖לֶּה רָאשֵׁ֣י בֵית־אֲבֹתָ֑ם בְּנֵ֨י רְאוּבֵ֜ן בְּכֹ֣ר יִשְׂרָאֵ֗ל חֲנֹ֤וךְa וּפַלּוּא֙b חֶצְרֹ֣וןc וְכַרְמִ֔יd אֵ֖לֶּה מִשְׁפְּחֹ֥ת רְאוּבֵֽן׃

15 וּבְנֵ֣י שִׁמְעֹ֗וןa יְמוּאֵ֨לb וְיָמִ֤יןc וְאֹ֨הַד֙d וְיָכִ֣יןe וְצֹ֔חַרf וְשָׁא֖וּל בֶּן־הַֽכְּנַעֲנִ֑ית אֵ֖לֶּה מִשְׁפְּחֹ֥ת שִׁמְעֹֽוןg ׃

16 וְאֵ֨לֶּה שְׁמֹ֤ות בְּנֵֽי־לֵוִי֙ לְתֹ֣לְדֹתָ֔םa גֵּרְשֹׁ֕וןb וּקְהָ֖תc וּמְרָרִ֑יd וּשְׁנֵי֙ חַיֵּ֣י לֵוִ֔י שֶׁ֧בַע וּשְׁלֹשִׁ֛ים וּמְאַ֖ת שָׁנָֽה׃

17 בְּנֵ֥י גֵרְשֹׁ֛וןa לִבְנִ֥יb וְשִׁמְעִ֖יc לְמִשְׁפְּחֹתָֽם׃

18 וּבְנֵ֣י קְהָ֔תa עַמְרָ֣םb וְיִצְהָ֔רc וְחֶבְרֹ֖וןd וְעֻזִּיאֵ֑לe וּשְׁנֵי֙ חַיֵּ֣י קְהָ֔תf שָׁלֹ֧שׁ וּשְׁלֹשִׁ֛ים וּמְאַ֖ת שָׁנָֽה׃

19 וּבְנֵ֥י מְרָרִ֖יa מַחְלִ֣יb וּמוּשִׁ֑יc אֵ֛לֶּה מִשְׁפְּחֹ֥ת הַלֵּוִ֖י לְתֹלְדֹתָֽםd ׃

20 וַיִּקַּ֨חa עַמְרָ֜םb אֶת־יֹוכֶ֤בֶדc דֹּֽדָתֹו֙d לֹ֣ו לְאִשָּׁ֔ה וַתֵּ֣לֶדe לֹ֔ו אֶֽת־אַהֲרֹ֖ן וְאֶת־מֹשֶׁ֑ה וּשְׁנֵי֙ חַיֵּ֣י עַמְרָ֔םf שֶׁ֧בַע וּשְׁלֹשִׁ֛ים וּמְאַ֖ת שָׁנָֽה׃

21 וּבְנֵ֖י יִצְהָ֑רa קֹ֥רַחb וָנֶ֖פֶגc וְזִכְרִֽיd ׃

22 וּבְנֵ֖י עֻזִּיאֵ֑לa מִֽישָׁאֵ֥לb וְאֶלְצָפָ֖ןc וְסִתְרִֽיd ׃

23 וַיִּקַּ֨חa אַהֲרֹ֜ן אֶת־אֱלִישֶׁ֧בַעb בַּת־עַמִּינָדָ֛בc אֲחֹ֥ות נַחְשֹׁ֖וןd לֹ֣ו לְאִשָּׁ֑ה וַתֵּ֣לֶדe לֹ֗ו אֶת־נָדָב֙f וְאֶת־אֲבִיה֔וּאg אֶת־אֶלְעָזָ֖ר וְאֶת־אִֽיתָמָֽרh ׃

24 וּבְנֵ֣י קֹ֔רַחa אַסִּ֥ירb וְאֶלְקָנָ֖הc וַאֲבִיאָסָ֑ףd אֵ֖לֶּה מִשְׁפְּחֹ֥ת הַקָּרְחִֽיe ׃

25 וְאֶלְעָזָ֨ר בֶּֽן־אַהֲרֹ֜ן לָקַֽחa ־לֹ֨ו מִבְּנֹ֤ות פּֽוּטִיאֵל֙b לֹ֣ו לְאִשָּׁ֔ה וַתֵּ֥לֶדc לֹ֖ו אֶת־פִּֽינְחָ֑סd אֵ֗לֶּה רָאשֵׁ֛י אֲבֹ֥ות הַלְוִיִּ֖ם לְמִשְׁפְּחֹתָֽם׃

26 ה֥וּא אַהֲרֹ֖ן וּמֹשֶׁ֑ה אֲשֶׁ֨ר אָמַ֤רa יְהוָה֙ לָהֶ֔ם הֹוצִ֜יאוּb אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם׃

27 הֵ֗ם הַֽמְדַבְּרִים֙a אֶל־פַּרְעֹ֣ה מֶֽלֶךְ־מִצְרַ֔יִם לְהֹוצִ֥יאb אֶת־בְּנֵֽי־יִשְׂרָאֵ֖ל מִמִּצְרָ֑יִם ה֥וּא מֹשֶׁ֖ה וְאַהֲרֹֽן׃

28 וַיְהִ֗יa בְּיֹ֨ום דִּבֶּ֧רb יְהוָ֛ה אֶל־מֹשֶׁ֖ה בְּאֶ֥רֶץ מִצְרָֽיִם׃ פ

29 וַיְדַבֵּ֧רa יְהוָ֛ה אֶל־מֹשֶׁ֥ה לֵּאמֹ֖רb אֲנִ֣י יְהוָ֑ה דַּבֵּ֗רc אֶל־פַּרְעֹה֙ מֶ֣לֶךְ מִצְרַ֔יִם אֵ֛ת כָּל־אֲשֶׁ֥ר אֲנִ֖י דֹּבֵ֥רd אֵלֶֽיךָ׃

30 וַיֹּ֥אמֶרa מֹשֶׁ֖ה לִפְנֵ֣י יְהוָ֑ה הֵ֤ן אֲנִי֙ עֲרַ֣לb שְׂפָתַ֔יִם וְאֵ֕יךְ יִשְׁמַ֥עc אֵלַ֖י פַּרְעֹֽה׃ פ