שמות

5
וְאַחַ֗ר בָּ֚אוּa מֹשֶׁ֣ה וְאַהֲרֹ֔ן וַיֹּאמְר֖וּb אֶל־פַּרְעֹ֑ה כֹּֽה־אָמַ֤רc יְהוָה֙ אֱלֹהֵ֣י יִשְׂרָאֵ֔ל שַׁלַּח֙d אֶת־עַמִּ֔י וְיָחֹ֥גּוּe לִ֖י בַּמִּדְבָּֽר׃
2  וַיֹּ֣אמֶרa פַּרְעֹ֔ה מִ֤י יְהוָה֙ אֲשֶׁ֣ר אֶשְׁמַ֣עb בְּקֹלֹ֔ו לְשַׁלַּ֖חc אֶת־יִשְׂרָאֵ֑ל לֹ֤א יָדַ֨עְתִּי֙d אֶת־יְהוָ֔ה וְגַ֥ם אֶת־יִשְׂרָאֵ֖ל לֹ֥א אֲשַׁלֵּֽחַe ׃
3  וַיֹּ֣אמְר֔וּa אֱלֹהֵ֥י הָעִבְרִ֖יםb נִקְרָ֣אc עָלֵ֑ינוּ נֵ֣לֲכָהd נָּ֡א דֶּרֶךְ֩ שְׁלֹ֨שֶׁת יָמִ֜ים בַּמִּדְבָּ֗ר וְנִזְבְּחָה֙e לַֽיהוָ֣ה אֱלֹהֵ֔ינוּ פֶּ֨ן־יִפְגָּעֵ֔נוּf בַּדֶּ֖בֶרg אֹ֥ו בֶחָֽרֶב׃
4  וַיֹּ֤אמֶרa אֲלֵהֶם֙ מֶ֣לֶךְ מִצְרַ֔יִם לָ֚מָּה מֹשֶׁ֣ה וְאַהֲרֹ֔ן תַּפְרִ֥יעוּb אֶת־הָעָ֖ם מִמַּֽעֲשָׂ֑יו לְכ֖וּc לְסִבְלֹתֵיכֶֽםd ׃
5  וַיֹּ֣אמֶרa פַּרְעֹ֔ה הֵן־רַבִּ֥ים עַתָּ֖ה עַ֣ם הָאָ֑רֶץ וְהִשְׁבַּתֶּ֥םb אֹתָ֖ם מִסִּבְלֹתָֽםc ׃
6  וַיְצַ֥וa פַּרְעֹ֖ה בַּיֹּ֣ום הַה֑וּא אֶת־הַנֹּגְשִׂ֣יםb בָּעָ֔ם וְאֶת־שֹׁטְרָ֖יוc לֵאמֹֽרd ׃
7  לֹ֣א תֹאסִפ֞וּןa לָתֵ֨תb תֶּ֧בֶןc לָעָ֛ם לִלְבֹּ֥ןd הַלְּבֵנִ֖יםe כִּתְמֹ֣ולf שִׁלְשֹׁ֑םg הֵ֚ם יֵֽלְכ֔וּh וְקֹשְׁשׁ֥וּi לָהֶ֖ם תֶּֽבֶןj ׃
8  וְאֶת־מַתְכֹּ֨נֶתa הַלְּבֵנִ֜יםb אֲשֶׁ֣ר הֵם֩ עֹשִׂ֨יםc תְּמֹ֤ולd שִׁלְשֹׁם֙e תָּשִׂ֣ימוּf עֲלֵיהֶ֔ם לֹ֥א תִגְרְע֖וּg מִמֶּ֑נּוּ כִּֽי־נִרְפִּ֣יםh הֵ֔ם עַל־כֵּ֗ן הֵ֤ם צֹֽעֲקִים֙i לֵאמֹ֔רj נֵלְכָ֖הk נִזְבְּחָ֥הl לֵאלֹהֵֽינוּ׃
9  תִּכְבַּ֧דa הָעֲבֹדָ֛ה עַל־הָאֲנָשִׁ֖ים וְיַעֲשׂוּb ־בָ֑הּ וְאַל־יִשְׁע֖וּc בְּדִבְרֵי־שָֽׁקֶר׃
10  וַיֵּ֨צְא֜וּa נֹגְשֵׂ֤יb הָעָם֙ וְשֹׁ֣טְרָ֔יוc וַיֹּאמְר֥וּd אֶל־הָעָ֖ם לֵאמֹ֑רe כֹּ֚ה אָמַ֣רf פַּרְעֹ֔ה אֵינֶ֛נִּי נֹתֵ֥ןg לָכֶ֖ם תֶּֽבֶןh ׃
11  אַתֶּ֗ם לְכ֨וּa קְח֤וּb לָכֶם֙ תֶּ֔בֶןc מֵאֲשֶׁ֖ר תִּמְצָ֑אוּd כִּ֣י אֵ֥ין נִגְרָ֛עe מֵעֲבֹדַתְכֶ֖ם דָּבָֽר׃
12  וַיָּ֥פֶץa הָעָ֖ם בְּכָל־אֶ֣רֶץ מִצְרָ֑יִם לְקֹשֵׁ֥שׁb קַ֖שׁc לַתֶּֽבֶןd ׃
13  וְהַנֹּגְשִׂ֖יםa אָצִ֣יםb לֵאמֹ֑רc כַּלּ֤וּd מַעֲשֵׂיכֶם֙ דְּבַר־יֹ֣ום בְּיֹומֹ֔ו כַּאֲשֶׁ֖ר בִּהְיֹ֥ותe הַתֶּֽבֶןf ׃
14  וַיֻּכּ֗וּa שֹֽׁטְרֵי֙b בְּנֵ֣י יִשְׂרָאֵ֔ל אֲשֶׁר־שָׂ֣מוּc עֲלֵהֶ֔ם נֹגְשֵׂ֥יd פַרְעֹ֖ה לֵאמֹ֑רe מַדּ֡וּעַ לֹא֩ כִלִּיתֶ֨םf חָקְכֶ֤ם לִלְבֹּן֙g כִּתְמֹ֣ולh שִׁלְשֹׁ֔םi גַּם־תְּמֹ֖ולj גַּם־הַיֹּֽום׃
15  וַיָּבֹ֗אוּa שֹֽׁטְרֵי֙b בְּנֵ֣י יִשְׂרָאֵ֔ל וַיִּצְעֲק֥וּc אֶל־פַּרְעֹ֖ה לֵאמֹ֑רd לָ֧מָּה תַעֲשֶׂ֦הe כֹ֖ה לַעֲבָדֶֽיךָ׃
16  תֶּ֗בֶןa אֵ֤ין נִתָּן֙b לַעֲבָדֶ֔יךָ וּלְבֵנִ֛יםc אֹמְרִ֥יםd לָ֖נוּ עֲשׂ֑וּe וְהִנֵּ֧ה עֲבָדֶ֛יךָ מֻכִּ֖ים וְחָטָ֥אתf עַמֶּֽךָ׃
17  וַיֹּ֛אמֶרa נִרְפִּ֥יםb אַתֶּ֖ם נִרְפִּ֑יםc עַל־כֵּן֙ אַתֶּ֣ם אֹֽמְרִ֔יםd נֵלְכָ֖הe נִזְבְּחָ֥הf לַֽיהוָֽה׃
18  וְעַתָּה֙ לְכ֣וּa עִבְד֔וּb וְתֶ֖בֶןc לֹא־יִנָּתֵ֣ןd לָכֶ֑ם וְתֹ֥כֶןe לְבֵנִ֖יםf תִּתֵּֽנּוּg ׃
19  וַיִּרְא֞וּa שֹֽׁטְרֵ֧יb בְנֵֽי־יִשְׂרָאֵ֛ל אֹתָ֖ם בְּרָ֣ע לֵאמֹ֑רc לֹא־תִגְרְע֥וּd מִלִּבְנֵיכֶ֖םe דְּבַר־יֹ֥ום בְּיֹומֹֽו׃
20  וַֽיִּפְגְּעוּ֙a אֶת־מֹשֶׁ֣ה וְאֶֽת־אַהֲרֹ֔ן נִצָּבִ֖יםb לִקְרָאתָ֑םc בְּצֵאתָ֖םd מֵאֵ֥ת פַּרְעֹֽה׃
21  וַיֹּאמְר֣וּa אֲלֵהֶ֔ם יֵ֧רֶאb יְהוָ֛ה עֲלֵיכֶ֖ם וְיִשְׁפֹּ֑טc אֲשֶׁ֧ר הִבְאַשְׁתֶּ֣םd אֶת־רֵיחֵ֗נוּ בְּעֵינֵ֤י פַרְעֹה֙ וּבְעֵינֵ֣י עֲבָדָ֔יו לָֽתֶתe ־חֶ֥רֶב בְּיָדָ֖ם לְהָרְגֵֽנוּf ׃
22  וַיָּ֧שָׁבa מֹשֶׁ֛ה אֶל־יְהוָ֖ה וַיֹּאמַ֑רb אֲדֹנָ֗י לָמָ֤ה הֲרֵעֹ֨תָה֙c לָעָ֣ם הַזֶּ֔ה לָ֥מָּה זֶּ֖ה שְׁלַחְתָּֽנִיd ׃
23  וּמֵאָ֞ז בָּ֤אתִיa אֶל־פַּרְעֹה֙ לְדַבֵּ֣רb בִּשְׁמֶ֔ךָ הֵרַ֖עc לָעָ֣ם הַזֶּ֑ה וְהַצֵּ֥ל לֹא־הִצַּ֖לְתָּd אֶת־עַמֶּֽךָ׃