שמות

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 בְּיֹום־הַחֹ֥דֶשׁ הָרִאשֹׁ֖ון בְּאֶחָ֣ד לַחֹ֑דֶשׁ תָּקִ֕יםa אֶת־מִשְׁכַּ֖ן אֹ֥הֶל מֹועֵֽד׃

3 וְשַׂמְתָּ֣a שָׁ֔ם אֵ֖ת אֲרֹ֣ון הָעֵד֑וּת וְסַכֹּתָ֥b עַל־הָאָרֹ֖ן אֶת־הַפָּרֹֽכֶתc ׃

4 וְהֵבֵאתָ֙a אֶת־הַשֻּׁלְחָ֔ן וְעָרַכְתָּ֖b אֶת־עֶרְכֹּ֑וc וְהֵבֵאתָ֙d אֶת־הַמְּנֹרָ֔הe וְהַעֲלֵיתָ֖f אֶת־נֵרֹתֶֽיהָg ׃

5 וְנָתַתָּ֞הa אֶת־מִזְבַּ֤ח הַזָּהָב֙ לִקְטֹ֔רֶת לִפְנֵ֖י אֲרֹ֣ון הָעֵדֻ֑ת וְשַׂמְתָּ֛b אֶת־מָסַ֥ךְc הַפֶּ֖תַח לַמִּשְׁכָּֽן׃

6 וְנָ֣תַתָּ֔הa אֵ֖ת מִזְבַּ֣ח הָעֹלָ֑ה לִפְנֵ֕י פֶּ֖תַח מִשְׁכַּ֥ן אֹֽהֶל־מֹועֵֽד׃

7 וְנָֽתַתָּ֙a אֶת־הַכִּיֹּ֔רb בֵּֽין־אֹ֥הֶל מֹועֵ֖ד וּבֵ֣ין הַמִּזְבֵּ֑חַ וְנָתַתָּ֥c שָׁ֖ם מָֽיִם׃

8 וְשַׂמְתָּ֥a אֶת־הֶחָצֵ֖ר סָבִ֑יב וְנָ֣תַתָּ֔b אֶת־מָסַ֖ךְc שַׁ֥עַר הֶחָצֵֽר׃

9 וְלָקַחְתָּ֙a אֶת־שֶׁ֣מֶן הַמִּשְׁחָ֔הb וּמָשַׁחְתָּ֥c אֶת־הַמִּשְׁכָּ֖ן וְאֶת־כָּל־אֲשֶׁר־בֹּ֑ו וְקִדַּשְׁתָּ֥d אֹתֹ֛ו וְאֶת־כָּל־כֵּלָ֖יו וְהָ֥יָהe קֹֽדֶשׁ׃

10 וּמָשַׁחְתָּ֛a אֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְקִדַּשְׁתָּ֙b אֶת־הַמִּזְבֵּ֔חַ וְהָיָ֥הc הַמִּזְבֵּ֖חַ קֹ֥דֶשׁ קָֽדָשִֽׁים׃

11 וּמָשַׁחְתָּ֥a אֶת־הַכִּיֹּ֖רb וְאֶת־כַּנֹּ֑וc וְקִדַּשְׁתָּ֖d אֹתֹֽו׃

12 וְהִקְרַבְתָּ֤a אֶֽת־אַהֲרֹן֙ וְאֶת־בָּנָ֔יו אֶל־פֶּ֖תַח אֹ֣הֶל מֹועֵ֑ד וְרָחַצְתָּ֥b אֹתָ֖ם בַּמָּֽיִם׃

13 וְהִלְבַּשְׁתָּ֙a אֶֽת־אַהֲרֹ֔ן אֵ֖ת בִּגְדֵ֣י הַקֹּ֑דֶשׁ וּמָשַׁחְתָּ֥b אֹתֹ֛ו וְקִדַּשְׁתָּ֥c אֹתֹ֖ו וְכִהֵ֥ןd לִֽי׃

14 וְאֶת־בָּנָ֖יו תַּקְרִ֑יבa וְהִלְבַּשְׁתָּ֥b אֹתָ֖ם כֻּתֳּנֹֽתc ׃

15 וּמָשַׁחְתָּ֣a אֹתָ֗ם כַּאֲשֶׁ֤ר מָשַׁ֨חְתָּ֙b אֶת־אֲבִיהֶ֔ם וְכִהֲנ֖וּc לִ֑י וְ֠הָיְתָהd לִהְיֹ֨תe לָהֶ֧ם מָשְׁחָתָ֛םf לִכְהֻנַּ֥תg עֹולָ֖ם לְדֹרֹתָֽם׃

16 וַיַּ֖עַשׂa מֹשֶׁ֑ה כְּ֠כֹל אֲשֶׁ֨ר צִוָּ֧הb יְהוָ֛ה אֹתֹ֖ו כֵּ֥ן עָשָֽׂהc ׃ ס

17 וַיְהִ֞יa בַּחֹ֧דֶשׁ הָרִאשֹׁ֛ון בַּשָּׁנָ֥ה הַשֵּׁנִ֖ית בְּאֶחָ֣ד לַחֹ֑דֶשׁ הוּקַ֖םb הַמִּשְׁכָּֽן׃

18 וַיָּ֨קֶםa מֹשֶׁ֜ה אֶת־הַמִּשְׁכָּ֗ן וַיִּתֵּן֙b אֶת־אֲדָנָ֔יו וַיָּ֨שֶׂם֙c אֶת־קְרָשָׁ֔יו וַיִּתֵּ֖ןd אֶת־בְּרִיחָ֑יוe וַיָּ֖קֶםf אֶת־עַמּוּדָֽיו׃

19 וַיִּפְרֹ֤שׂa אֶת־הָאֹ֨הֶל֙ עַל־הַמִּשְׁכָּ֔ן וַיָּ֜שֶׂםb אֶת־מִכְסֵ֥הc הָאֹ֛הֶל עָלָ֖יו מִלְמָ֑עְלָה כַּאֲשֶׁ֛ר צִוָּ֥הd יְהוָ֖ה אֶת־מֹשֶֽׁה׃ ס

20 וַיִּקַּ֞חa וַיִּתֵּ֤ןb אֶת־הָעֵדֻת֙ אֶל־הָ֣אָרֹ֔ן וַיָּ֥שֶׂםc אֶת־הַבַּדִּ֖ים עַל־הָאָרֹ֑ן וַיִּתֵּ֧ןd אֶת־הַכַּפֹּ֛רֶתe עַל־הָאָרֹ֖ן מִלְמָֽעְלָה׃

21 וַיָּבֵ֣אa אֶת־הָאָרֹן֮ אֶל־הַמִּשְׁכָּן֒ וַיָּ֗שֶׂםb אֵ֚ת פָּרֹ֣כֶתc הַמָּסָ֔ךְd וַיָּ֕סֶךְe עַ֖ל אֲרֹ֣ון הָעֵד֑וּת כַּאֲשֶׁ֛ר צִוָּ֥הf יְהוָ֖ה אֶת־מֹשֶֽׁה׃ ס

22 וַיִּתֵּ֤ןa אֶת־הַשֻּׁלְחָן֙ בְּאֹ֣הֶל מֹועֵ֔ד עַ֛ל יֶ֥רֶךְb הַמִּשְׁכָּ֖ן צָפֹ֑נָה מִח֖וּץ לַפָּרֹֽכֶתc ׃

23 וַיַּעֲרֹ֥ךְa עָלָ֛יו עֵ֥רֶךְb לֶ֖חֶם לִפְנֵ֣י יְהוָ֑ה כַּאֲשֶׁ֛ר צִוָּ֥הc יְהוָ֖ה אֶת־מֹשֶֽׁה׃ ס

24 וַיָּ֤שֶׂםa אֶת־הַמְּנֹרָה֙b בְּאֹ֣הֶל מֹועֵ֔ד נֹ֖כַחc הַשֻּׁלְחָ֑ן עַ֛ל יֶ֥רֶךְd הַמִּשְׁכָּ֖ן נֶֽגְבָּה׃

25 וַיַּ֥עַלa הַנֵּרֹ֖תb לִפְנֵ֣י יְהוָ֑ה כַּאֲשֶׁ֛ר צִוָּ֥הc יְהוָ֖ה אֶת־מֹשֶֽׁה׃ ס

26 וַיָּ֛שֶׂםa אֶת־מִזְבַּ֥ח הַזָּהָ֖ב בְּאֹ֣הֶל מֹועֵ֑ד לִפְנֵ֖י הַפָּרֹֽכֶתb ׃

27 וַיַּקְטֵ֥רa עָלָ֖יו קְטֹ֣רֶת סַמִּ֑יםb כַּאֲשֶׁ֛ר צִוָּ֥הc יְהוָ֖ה אֶת־מֹשֶֽׁה׃ פ

28 וַיָּ֛שֶׂםa אֶת־מָסַ֥ךְb הַפֶּ֖תַח לַמִּשְׁכָּֽן׃

29 וְאֵת֙ מִזְבַּ֣ח הָעֹלָ֔ה שָׂ֕םa פֶּ֖תַח מִשְׁכַּ֣ן אֹֽהֶל־מֹועֵ֑ד וַיַּ֣עַלb עָלָ֗יו אֶת־הָעֹלָה֙ וְאֶת־הַמִּנְחָ֔ה כַּאֲשֶׁ֛ר צִוָּ֥הc יְהוָ֖ה אֶת־מֹשֶֽׁה׃ ס

30 וַיָּ֨שֶׂם֙a אֶת־הַכִּיֹּ֔רb בֵּֽין־אֹ֥הֶל מֹועֵ֖ד וּבֵ֣ין הַמִּזְבֵּ֑חַ וַיִּתֵּ֥ןc שָׁ֛מָּה מַ֖יִם לְרָחְצָֽהd ׃

31 וְרָחֲצ֣וּa מִמֶּ֔נּוּ מֹשֶׁ֖ה וְאַהֲרֹ֣ן וּבָנָ֑יו אֶת־יְדֵיהֶ֖ם וְאֶת־רַגְלֵיהֶֽם׃

32 בְּבֹאָ֞םa אֶל־אֹ֣הֶל מֹועֵ֗ד וּבְקָרְבָתָ֛םb אֶל־הַמִּזְבֵּ֖חַ יִרְחָ֑צוּc כַּאֲשֶׁ֛ר צִוָּ֥הd יְהוָ֖ה אֶת־מֹשֶֽׁה׃ ס

33 וַיָּ֣קֶםa אֶת־הֶחָצֵ֗ר סָבִיב֙ לַמִּשְׁכָּ֣ן וְלַמִּזְבֵּ֔חַ וַיִּתֵּ֕ןb אֶת־מָסַ֖ךְc שַׁ֣עַר הֶחָצֵ֑ר וַיְכַ֥לd מֹשֶׁ֖ה אֶת־הַמְּלָאכָֽה׃ פ

34 וַיְכַ֥סa הֶעָנָ֖ן אֶת־אֹ֣הֶל מֹועֵ֑ד וּכְבֹ֣וד יְהוָ֔ה מָלֵ֖אb אֶת־הַמִּשְׁכָּֽן׃

35 וְלֹא־יָכֹ֣לa מֹשֶׁ֗ה לָבֹוא֙b אֶל־אֹ֣הֶל מֹועֵ֔ד כִּֽי־שָׁכַ֥ןc עָלָ֖יו הֶעָנָ֑ן וּכְבֹ֣וד יְהוָ֔ה מָלֵ֖אd אֶת־הַמִּשְׁכָּֽן׃

36 וּבְהֵעָלֹ֤ותa הֶֽעָנָן֙ מֵעַ֣ל הַמִּשְׁכָּ֔ן יִסְע֖וּb בְּנֵ֣י יִשְׂרָאֵ֑ל בְּכֹ֖ל מַסְעֵיהֶֽםc ׃

37 וְאִם־לֹ֥א יֵעָלֶ֖הa הֶעָנָ֑ן וְלֹ֣א יִסְע֔וּb עַד־יֹ֖ום הֵעָלֹתֹֽוc ׃

38 כִּי֩ עֲנַ֨ן יְהוָ֤ה עַֽל־הַמִּשְׁכָּן֙ יֹומָ֔ם וְאֵ֕שׁ תִּהְיֶ֥הa לַ֖יְלָה בֹּ֑ו לְעֵינֵ֥י כָל־בֵּֽית־יִשְׂרָאֵ֖ל בְּכָל־מַסְעֵיהֶֽםb ׃