שמות

וַיַּ֛עַשׂa אֶת־מִזְבַּ֥ח הָעֹלָ֖ה עֲצֵ֣י שִׁטִּ֑יםb חָמֵשׁ֩ אַמֹּ֨ות אָרְכֹּ֜ו וְחָֽמֵשׁ־אַמֹּ֤ות רָחְבֹּו֙ רָב֔וּעַc וְשָׁלֹ֥שׁ אַמֹּ֖ות קֹמָתֹֽוd ׃

2 וַיַּ֣עַשׂa קַרְנֹתָ֗יו עַ֚ל אַרְבַּ֣ע פִּנֹּתָ֔יוb מִמֶּ֖נּוּ הָי֣וּc קַרְנֹתָ֑יו וַיְצַ֥ףd אֹתֹ֖ו נְחֹֽשֶׁת׃

3 וַיַּ֜עַשׂa אֶֽת־כָּל־כְּלֵ֣י הַמִּזְבֵּ֗חַ אֶת־הַסִּירֹ֤תb וְאֶת־הַיָּעִים֙c וְאֶת־הַמִּזְרָקֹ֔תd אֶת־הַמִּזְלָגֹ֖תe וְאֶת־הַמַּחְתֹּ֑תf כָּל־כֵּלָ֖יו עָשָׂ֥הg נְחֹֽשֶׁת׃

4 וַיַּ֤עַשׂa לַמִּזְבֵּ֨חַ֙ מִכְבָּ֔רb מַעֲשֵׂ֖ה רֶ֣שֶׁתc נְחֹ֑שֶׁת תַּ֧חַת כַּרְכֻּבֹּ֛וd מִלְּמַ֖טָּהe עַד־חֶצְיֹֽו׃

5 וַיִּצֹ֞קa אַרְבַּ֧ע טַבָּעֹ֛תb בְּאַרְבַּ֥ע הַקְּצָוֹ֖תc לְמִכְבַּ֣רd הַנְּחֹ֑שֶׁת בָּתִּ֖ים לַבַּדִּֽים׃

6 וַיַּ֥עַשׂa אֶת־הַבַּדִּ֖ים עֲצֵ֣י שִׁטִּ֑יםb וַיְצַ֥ףc אֹתָ֖ם נְחֹֽשֶׁת׃

7 וַיָּבֵ֨אa אֶת־הַבַּדִּ֜ים בַּטַּבָּעֹ֗תb עַ֚ל צַלְעֹ֣תc הַמִּזְבֵּ֔חַ לָשֵׂ֥אתd אֹתֹ֖ו בָּהֶ֑ם נְב֥וּבe לֻחֹ֖תf עָשָׂ֥הg אֹתֹֽו׃ ס

8 וַיַּ֗עַשׂa אֵ֚ת הַכִּיֹּ֣ורb נְחֹ֔שֶׁת וְאֵ֖ת כַּנֹּ֣וc נְחֹ֑שֶׁת בְּמַרְאֹת֙d הַצֹּ֣בְאֹ֔תe אֲשֶׁ֣ר צָֽבְא֔וּf פֶּ֖תַח אֹ֥הֶל מֹועֵֽד׃ ס

9 וַיַּ֖עַשׂa אֶת־הֶחָצֵ֑ר לִפְאַ֣ת׀ נֶ֣גֶב תֵּימָ֗נָהb קַלְעֵ֤יc הֶֽחָצֵר֙ שֵׁ֣שׁd מָשְׁזָ֔רe מֵאָ֖ה בָּאַמָּֽה׃

10 עַמּוּדֵיהֶ֣ם עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧יa הָעַמֻּדִ֛ים וַחֲשֻׁקֵיהֶ֖םb כָּֽסֶף׃

11 וְלִפְאַ֤ת צָפֹון֙ מֵאָ֣ה בָֽאַמָּ֔ה עַמּוּדֵיהֶ֣ם עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧יa הָֽעַמּוּדִ֛ים וַחֲשֻׁקֵיהֶ֖םb כָּֽסֶף׃

12 וְלִפְאַת־יָ֗ם קְלָעִים֙a חֲמִשִּׁ֣ים בָּֽאַמָּ֔ה עַמּוּדֵיהֶ֥ם עֲשָׂרָ֔ה וְאַדְנֵיהֶ֖ם עֲשָׂרָ֑ה וָוֵ֧יb הָעַמֻּדִ֛ים וַחֲשׁוּקֵיהֶ֖םc כָּֽסֶף׃

13 וְלִפְאַ֛ת קֵ֥דְמָה מִזְרָ֖חָה חֲמִשִּׁ֥ים אַמָּֽה׃

14 קְלָעִ֛יםa חֲמֵשׁ־עֶשְׂרֵ֥ה אַמָּ֖ה אֶל־הַכָּתֵ֑ף עַמּוּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃

15 וְלַכָּתֵ֣ף הַשֵּׁנִ֗ית מִזֶּ֤ה וּמִזֶּה֙ לְשַׁ֣עַר הֶֽחָצֵ֔ר קְלָעִ֕יםa חֲמֵ֥שׁ עֶשְׂרֵ֖ה אַמָּ֑ה עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃

16 כָּל־קַלְעֵ֧יa הֶחָצֵ֛ר סָבִ֖יב שֵׁ֥שׁb מָשְׁזָֽרc ׃

17 וְהָאֲדָנִ֣ים לָֽעַמֻּדִים֮ נְחֹשֶׁת֒ וָוֵ֨יa הָֽעַמּוּדִ֜ים וַחֲשׁוּקֵיהֶם֙b כֶּ֔סֶף וְצִפּ֥וּיc רָאשֵׁיהֶ֖ם כָּ֑סֶף וְהֵם֙ מְחֻשָּׁקִ֣יםd כֶּ֔סֶף כֹּ֖ל עַמֻּדֵ֥י הֶחָצֵֽר׃

18 וּמָסַ֞ךְa שַׁ֤עַר הֶחָצֵר֙ מַעֲשֵׂ֣ה רֹקֵ֔םb תְּכֵ֧לֶתc וְאַרְגָּמָ֛ןd וְתֹולַ֥עַתe שָׁנִ֖יf וְשֵׁ֣שׁg מָשְׁזָ֑רh וְעֶשְׂרִ֤ים אַמָּה֙ אֹ֔רֶךְ וְקֹומָ֤הi בְרֹ֨חַב֙ חָמֵ֣שׁ אַמֹּ֔ות לְעֻמַּ֖תj קַלְעֵ֥יk הֶחָצֵֽר׃

19 וְעַמֻּֽדֵיהֶם֙ אַרְבָּעָ֔ה וְאַדְנֵיהֶ֥ם אַרְבָּעָ֖ה נְחֹ֑שֶׁת וָוֵיהֶ֣םa כֶּ֔סֶף וְצִפּ֧וּיb רָאשֵׁיהֶ֛ם וַחֲשֻׁקֵיהֶ֖םc כָּֽסֶף׃

20 וְֽכָל־הַיְתֵדֹ֞תa לַמִּשְׁכָּ֧ן וְלֶחָצֵ֛ר סָבִ֖יב נְחֹֽשֶׁת׃ ס

21 אֵ֣לֶּה פְקוּדֵ֤י הַמִּשְׁכָּן֙ מִשְׁכַּ֣ן הָעֵדֻ֔ת אֲשֶׁ֥ר פֻּקַּ֖דa עַל־פִּ֣י מֹשֶׁ֑ה עֲבֹדַת֙ הַלְוִיִּ֔ם בְּיַד֙ אִֽיתָמָ֔רb בֶּֽן־אַהֲרֹ֖ן הַכֹּהֵֽן׃

22 וּבְצַלְאֵ֛לa בֶּן־אוּרִ֥יb בֶן־ח֖וּרc לְמַטֵּ֣ה יְהוּדָ֑ה עָשָׂ֕הd אֵ֛ת כָּל־אֲשֶׁר־צִוָּ֥הe יְהוָ֖ה אֶת־מֹשֶֽׁה׃

23 וְאִתֹּ֗ו אָהֳלִיאָ֞בa בֶּן־אֲחִיסָמָ֛ךְb לְמַטֵּה־דָ֖ן חָרָ֣שׁc וְחֹשֵׁ֑ב וְרֹקֵ֗םd בַּתְּכֵ֨לֶת֙e וּבָֽאַרְגָּמָ֔ןf וּבְתֹולַ֥עַתg הַשָּׁנִ֖יh וּבַשֵּֽׁשׁi ׃ ס

24 כָּל־הַזָּהָ֗ב הֶֽעָשׂוּי֙a לַמְּלָאכָ֔ה בְּכֹ֖ל מְלֶ֣אכֶת הַקֹּ֑דֶשׁ וַיְהִ֣יb ׀ זְהַ֣ב הַתְּנוּפָ֗הc תֵּ֤שַׁע וְעֶשְׂרִים֙ כִּכָּ֔ר וּשְׁבַ֨ע מֵאֹ֧ות וּשְׁלֹשִׁ֛ים שֶׁ֖קֶל בְּשֶׁ֥קֶל הַקֹּֽדֶשׁ׃

25 וְכֶ֛סֶף פְּקוּדֵ֥י הָעֵדָ֖ה מְאַ֣ת כִּכָּ֑ר וְאֶלֶף֩ וּשְׁבַ֨ע מֵאֹ֜ות וַחֲמִשָּׁ֧ה וְשִׁבְעִ֛ים שֶׁ֖קֶל בְּשֶׁ֥קֶל הַקֹּֽדֶשׁ׃

26 בֶּ֚קַעa לַגֻּלְגֹּ֔לֶתb מַחֲצִ֥יתc הַשֶּׁ֖קֶל בְּשֶׁ֣קֶל הַקֹּ֑דֶשׁ לְכֹ֨ל הָעֹבֵ֜רd עַל־הַפְּקֻדִ֗ים מִבֶּ֨ן עֶשְׂרִ֤ים שָׁנָה֙ וָמַ֔עְלָה לְשֵׁשׁ־מֵאֹ֥ות אֶ֨לֶף֙ וּשְׁלֹ֣שֶׁת אֲלָפִ֔ים וַחֲמֵ֥שׁ מֵאֹ֖ות וַחֲמִשִּֽׁים׃

27 וַיְהִ֗יa מְאַת֙ כִּכַּ֣ר הַכֶּ֔סֶף לָצֶ֗קֶתb אֵ֚ת אַדְנֵ֣י הַקֹּ֔דֶשׁ וְאֵ֖ת אַדְנֵ֣י הַפָּרֹ֑כֶתc מְאַ֧ת אֲדָנִ֛ים לִמְאַ֥ת הַכִּכָּ֖ר כִּכָּ֥ר לָאָֽדֶן׃

28 וְאֶת־הָאֶ֜לֶף וּשְׁבַ֤ע הַמֵּאֹות֙ וַחֲמִשָּׁ֣ה וְשִׁבְעִ֔ים עָשָׂ֥הa וָוִ֖יםb לָעַמּוּדִ֑ים וְצִפָּ֥הc רָאשֵׁיהֶ֖ם וְחִשַּׁ֥קd אֹתָֽם׃

29 וּנְחֹ֥שֶׁת הַתְּנוּפָ֖הa שִׁבְעִ֣ים כִּכָּ֑ר וְאַלְפַּ֥יִם וְאַרְבַּע־מֵאֹ֖ות שָֽׁקֶל׃

30 וַיַּ֣עַשׂa בָּ֗הּ אֶת־אַדְנֵי֙ פֶּ֚תַח אֹ֣הֶל מֹועֵ֔ד וְאֵת֙ מִזְבַּ֣ח הַנְּחֹ֔שֶׁת וְאֶת־מִכְבַּ֥רb הַנְּחֹ֖שֶׁת אֲשֶׁר־לֹ֑ו וְאֵ֖ת כָּל־כְּלֵ֥י הַמִּזְבֵּֽחַ׃

31 וְאֶת־אַדְנֵ֤י הֶֽחָצֵר֙ סָבִ֔יב וְאֶת־אַדְנֵ֖י שַׁ֣עַר הֶחָצֵ֑ר וְאֵ֨ת כָּל־יִתְדֹ֧תa הַמִּשְׁכָּ֛ן וְאֶת־כָּל־יִתְדֹ֥תb הֶחָצֵ֖ר סָבִֽיב׃