שמות

וַיַּ֧עַשׂa בְּצַלְאֵ֛לb אֶת־הָאָרֹ֖ן עֲצֵ֣י שִׁטִּ֑יםc אַמָּתַ֨יִם וָחֵ֜צִי אָרְכֹּ֗ו וְאַמָּ֤ה וָחֵ֨צִי֙ רָחְבֹּ֔ו וְאַמָּ֥ה וָחֵ֖צִי קֹמָתֹֽוd ׃

2 וַיְצַפֵּ֛הוּa זָהָ֥ב טָהֹ֖ור מִבַּ֣יִת וּמִח֑וּץ וַיַּ֥עַשׂb לֹ֛ו זֵ֥רc זָהָ֖ב סָבִֽיב׃

3 וַיִּצֹ֣קa לֹ֗ו אַרְבַּע֙ טַבְּעֹ֣תb זָהָ֔ב עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗תc עַל־צַלְעֹו֙d הָֽאֶחָ֔ת וּשְׁתֵּי֙ טַבָּעֹ֔ותe עַל־צַלְעֹ֖וf הַשֵּׁנִֽית׃

4 וַיַּ֥עַשׂa בַּדֵּ֖י עֲצֵ֣י שִׁטִּ֑יםb וַיְצַ֥ףc אֹתָ֖ם זָהָֽב׃

5 וַיָּבֵ֤אa אֶת־הַבַּדִּים֙ בַּטַּבָּעֹ֔תb עַ֖ל צַלְעֹ֣תc הָאָרֹ֑ן לָשֵׂ֖אתd אֶת־הָאָרֹֽן׃

6 וַיַּ֥עַשׂa כַּפֹּ֖רֶתb זָהָ֣ב טָהֹ֑ור אַמָּתַ֤יִם וָחֵ֨צִי֙ אָרְכָּ֔הּ וְאַמָּ֥ה וָחֵ֖צִי רָחְבָּֽהּ׃

7 וַיַּ֛עַשׂa שְׁנֵ֥י כְרֻבִ֖ים זָהָ֑ב מִקְשָׁה֙b עָשָׂ֣הc אֹתָ֔ם מִשְּׁנֵ֖י קְצֹ֥ותd הַכַּפֹּֽרֶתe ׃

8 כְּרוּב־אֶחָ֤ד מִקָּצָה֙a מִזֶּ֔ה וּכְרוּב־אֶחָ֥ד מִקָּצָ֖הb מִזֶּ֑ה מִן־הַכַּפֹּ֛רֶתc עָשָׂ֥הd אֶת־הַכְּרֻבִ֖ים מִשְּׁנֵ֥י קצוותוe ׃

9 וַיִּהְי֣וּa הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹֽכְכִ֤יםb בְּכַנְפֵיהֶם֙ עַל־הַכַּפֹּ֔רֶתc וּפְנֵיהֶ֖ם אִ֣ישׁ אֶל־אָחִ֑יו אֶל־הַכַּפֹּ֔רֶתd הָי֖וּe פְּנֵ֥י הַכְּרֻבִֽים׃ פ

10 וַיַּ֥עַשׂa אֶת־הַשֻּׁלְחָ֖ן עֲצֵ֣י שִׁטִּ֑יםb אַמָּתַ֤יִם אָרְכֹּו֙ וְאַמָּ֣ה רָחְבֹּ֔ו וְאַמָּ֥ה וָחֵ֖צִי קֹמָתֹֽוc ׃

11 וַיְצַ֥ףa אֹתֹ֖ו זָהָ֣ב טָהֹ֑ור וַיַּ֥עַשׂb לֹ֛ו זֵ֥רc זָהָ֖ב סָבִֽיב׃

12 וַיַּ֨עַשׂa לֹ֥ו מִסְגֶּ֛רֶתb טֹ֖פַחc סָבִ֑יב וַיַּ֧עַשׂd זֵרe ־זָהָ֛ב לְמִסְגַּרְתֹּ֖וf סָבִֽיב׃

13 וַיִּצֹ֣קa לֹ֔ו אַרְבַּ֖ע טַבְּעֹ֣תb זָהָ֑ב וַיִּתֵּן֙c אֶת־הַטַּבָּעֹ֔תd עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃

14 לְעֻמַּת֙a הַמִּסְגֶּ֔רֶתb הָי֖וּc הַטַּבָּעֹ֑תd בָּתִּים֙ לַבַּדִּ֔ים לָשֵׂ֖אתe אֶת־הַשֻּׁלְחָֽן׃

15 וַיַּ֤עַשׂa אֶת־הַבַּדִּים֙ עֲצֵ֣י שִׁטִּ֔יםb וַיְצַ֥ףc אֹתָ֖ם זָהָ֑ב לָשֵׂ֖אתd אֶת־הַשֻּׁלְחָֽן׃

16 וַיַּ֜עַשׂa אֶֽת־הַכֵּלִ֣ים׀ אֲשֶׁ֣ר עַל־הַשֻּׁלְחָ֗ן אֶת־קְעָרֹתָ֤יוb וְאֶת־כַּפֹּתָיו֙ וְאֵת֙ מְנַקִּיֹּתָ֔יוc וְאֶת־הַקְּשָׂוֹ֔תd אֲשֶׁ֥ר יֻסַּ֖ךְe בָּהֵ֑ן זָהָ֖ב טָהֹֽור׃ פ

17 וַיַּ֥עַשׂa אֶת־הַמְּנֹרָ֖הb זָהָ֣ב טָהֹ֑ור מִקְשָׁ֞הc עָשָׂ֤הd אֶת־הַמְּנֹרָה֙e יְרֵכָ֣הּf וְקָנָ֔הּ גְּבִיעֶ֛יהָg כַּפְתֹּרֶ֥יהָh וּפְרָחֶ֖יהָi מִמֶּ֥נָּה הָיֽוּj ׃

18 וְשִׁשָּׁ֣ה קָנִ֔ים יֹצְאִ֖יםa מִצִּדֶּ֑יהָb שְׁלֹשָׁ֣ה׀ קְנֵ֣י מְנֹרָ֗הc מִצִּדָּהּ֙d הָֽאֶחָ֔ד וּשְׁלֹשָׁה֙ קְנֵ֣י מְנֹרָ֔הe מִצִּדָּ֖הּf הַשֵּׁנִֽי׃

19 שְׁלֹשָׁ֣ה גְ֠בִעִיםa מְֽשֻׁקָּדִ֞יםb בַּקָּנֶ֣ה הָאֶחָד֮ כַּפְתֹּ֣רc וָפֶרַח֒d וּשְׁלֹשָׁ֣ה גְבִעִ֗יםe מְשֻׁקָּדִ֛יםf בְּקָנֶ֥ה אֶחָ֖ד כַּפְתֹּ֣רg וָפָ֑רַחh כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖יםi מִן־הַמְּנֹרָֽהj ׃

20 וּבַמְּנֹרָ֖הa אַרְבָּעָ֣ה גְבִעִ֑יםb מְשֻׁ֨קָּדִ֔יםc כַּפְתֹּרֶ֖יהָd וּפְרָחֶֽיהָe ׃

21 וְכַפְתֹּ֡רa תַּחַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙b תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕רc תַּֽחַת־שְׁנֵ֥י הַקָּנִ֖ים מִמֶּ֑נָּה לְשֵׁ֨שֶׁת֙ הַקָּנִ֔ים הַיֹּצְאִ֖יםd מִמֶּֽנָּה׃

22 כַּפְתֹּרֵיהֶ֥םa וּקְנֹתָ֖ם מִמֶּ֣נָּה הָי֑וּb כֻּלָּ֛הּ מִקְשָׁ֥הc אַחַ֖ת זָהָ֥ב טָהֹֽור׃

23 וַיַּ֥עַשׂa אֶת־נֵרֹתֶ֖יהָb שִׁבְעָ֑ה וּמַלְקָחֶ֥יהָc וּמַחְתֹּתֶ֖יהָd זָהָ֥ב טָהֹֽור׃

24 כִּכָּ֛ר זָהָ֥ב טָהֹ֖ור עָשָׂ֣הa אֹתָ֑הּ וְאֵ֖ת כָּל־כֵּלֶֽיהָ׃ פ

25 וַיַּ֛עַשׂa אֶת־מִזְבַּ֥ח הַקְּטֹ֖רֶת עֲצֵ֣י שִׁטִּ֑יםb אַמָּ֣ה אָרְכֹּו֩ וְאַמָּ֨ה רָחְבֹּ֜ו רָב֗וּעַc וְאַמָּתַ֨יִם֙ קֹֽמָתֹ֔וd מִמֶּ֖נּוּ הָי֥וּe קַרְנֹתָֽיו׃

26 וַיְצַ֨ףa אֹתֹ֜ו זָהָ֣ב טָהֹ֗ור אֶת־גַּגֹּ֧וb וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וַיַּ֥עַשׂc לֹ֛ו זֵ֥רd זָהָ֖ב סָבִֽיב׃

27 וּשְׁתֵּי֩ טַבְּעֹ֨תa זָהָ֜ב עָֽשָׂהb ־לֹ֣ו׀ מִתַּ֣חַת לְזֵרֹ֗וc עַ֚ל שְׁתֵּ֣י צַלְעֹתָ֔יוd עַ֖ל שְׁנֵ֣י צִדָּ֑יוe לְבָתִּ֣ים לְבַדִּ֔ים לָשֵׂ֥אתf אֹתֹ֖ו בָּהֶֽם׃

28 וַיַּ֥עַשׂa אֶת־הַבַּדִּ֖ים עֲצֵ֣י שִׁטִּ֑יםb וַיְצַ֥ףc אֹתָ֖ם זָהָֽב׃

29 וַיַּ֜עַשׂa אֶת־שֶׁ֤מֶן הַמִּשְׁחָה֙b קֹ֔דֶשׁ וְאֶת־קְטֹ֥רֶת הַסַּמִּ֖יםc טָהֹ֑ור מַעֲשֵׂ֖ה רֹקֵֽחַd ׃ פ