שמות

וְעָשָׂה֩a בְצַלְאֵ֨לb וְאָהֳלִיאָ֜בc וְכֹ֣ל׀ אִ֣ישׁ חֲכַם־לֵ֗ב אֲשֶׁר֩ נָתַ֨ןd יְהוָ֜ה חָכְמָ֤ה וּתְבוּנָה֙e בָּהֵ֔מָּה לָדַ֣עַתf לַעֲשֹׂ֔תg אֶֽת־כָּל־מְלֶ֖אכֶת עֲבֹדַ֣ת הַקֹּ֑דֶשׁ לְכֹ֥ל אֲשֶׁר־צִוָּ֖הh יְהוָֽה׃

2 וַיִּקְרָ֣אa מֹשֶׁ֗ה אֶל־בְּצַלְאֵל֮b וְאֶל־אָֽהֳלִיאָב֒c וְאֶל֙ כָּל־אִ֣ישׁ חֲכַם־לֵ֔ב אֲשֶׁ֨ר נָתַ֧ןd יְהוָ֛ה חָכְמָ֖ה בְּלִבֹּ֑ו כֹּ֚ל אֲשֶׁ֣ר נְשָׂאֹ֣וe לִבֹּ֔ו לְקָרְבָ֥הf אֶל־הַמְּלָאכָ֖ה לַעֲשֹׂ֥תg אֹתָֽהּ׃

3 וַיִּקְח֞וּa מִלִּפְנֵ֣י מֹשֶׁ֗ה אֵ֤ת כָּל־הַתְּרוּמָה֙ אֲשֶׁ֨ר הֵבִ֜יאוּb בְּנֵ֣י יִשְׂרָאֵ֗ל לִמְלֶ֛אכֶת עֲבֹדַ֥ת הַקֹּ֖דֶשׁ לַעֲשֹׂ֣תc אֹתָ֑הּ וְ֠הֵם הֵבִ֨יאוּd אֵלָ֥יו עֹ֛וד נְדָבָ֖הe בַּבֹּ֥קֶר בַּבֹּֽקֶר׃

4 וַיָּבֹ֨אוּ֙a כָּל־הַ֣חֲכָמִ֔ים הָעֹשִׂ֕יםb אֵ֖ת כָּל־מְלֶ֣אכֶת הַקֹּ֑דֶשׁ אִֽישׁ־אִ֥ישׁ מִמְּלַאכְתֹּ֖ו אֲשֶׁר־הֵ֥מָּה עֹשִֽׂיםc ׃

5 וַיֹּאמְרוּ֙a אֶל־מֹשֶׁ֣ה לֵּאמֹ֔רb מַרְבִּ֥יםc הָעָ֖ם לְהָבִ֑יאd מִדֵּ֤יe הָֽעֲבֹדָה֙ לַמְּלָאכָ֔ה אֲשֶׁר־צִוָּ֥הf יְהוָ֖ה לַעֲשֹׂ֥תg אֹתָֽהּ׃

6 וַיְצַ֣וa מֹשֶׁ֗ה וַיַּעֲבִ֨ירוּb קֹ֥ול בַּֽמַּחֲנֶה֮ לֵאמֹר֒c אִ֣ישׁ וְאִשָּׁ֗ה אַל־יַעֲשׂוּd ־עֹ֛וד מְלָאכָ֖ה לִתְרוּמַ֣ת הַקֹּ֑דֶשׁ וַיִּכָּלֵ֥אe הָעָ֖ם מֵהָבִֽיאf ׃

7 וְהַמְּלָאכָ֗ה הָיְתָ֥הa דַיָּ֛םb לְכָל־הַמְּלָאכָ֖ה לַעֲשֹׂ֣ותc אֹתָ֑הּ וְהֹותֵֽרd ׃ ס

8 וַיַּעֲשׂ֨וּa כָל־חֲכַם־לֵ֜ב בְּעֹשֵׂ֧י הַמְּלָאכָ֛ה אֶת־הַמִּשְׁכָּ֖ן עֶ֣שֶׂר יְרִיעֹ֑ת שֵׁ֣שׁb מָשְׁזָ֗רc וּתְכֵ֤לֶתd וְאַרְגָּמָן֙e וְתֹולַ֣עַתf שָׁנִ֔יg כְּרֻבִ֛ים מַעֲשֵׂ֥ה חֹשֵׁ֖ב עָשָׂ֥הh אֹתָֽם׃

9 אֹ֜רֶךְ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֨חַב֙ אַרְבַּ֣ע בָּֽאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃

10 וַיְחַבֵּר֙a אֶת־חֲמֵ֣שׁ הַיְרִיעֹ֔ת אַחַ֖ת אֶל־אֶחָ֑ת וְחָמֵ֤שׁ יְרִיעֹת֙ חִבַּ֔רb אַחַ֖ת אֶל־אֶחָֽת׃

11 וַיַּ֜עַשׂa לֻֽלְאֹ֣תb תְּכֵ֗לֶתc עַ֣ל שְׂפַ֤ת הַיְרִיעָה֙ הָֽאֶחָ֔ת מִקָּצָ֖הd בַּמַּחְבָּ֑רֶתe כֵּ֤ן עָשָׂה֙f בִּשְׂפַ֣ת הַיְרִיעָ֔ה הַקִּ֣יצֹונָ֔הg בַּמַּחְבֶּ֖רֶתh הַשֵּׁנִֽית׃

12 חֲמִשִּׁ֣ים לֻלָאֹ֗תa עָשָׂה֮b בַּיְרִיעָ֣ה הָאֶחָת֒ וַחֲמִשִּׁ֣ים לֻלָאֹ֗תc עָשָׂה֙d בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶתe הַשֵּׁנִ֑ית מַקְבִּילֹת֙f הַלֻּ֣לָאֹ֔תg אַחַ֖ת אֶל־אֶחָֽת׃

13 וַיַּ֕עַשׂa חֲמִשִּׁ֖ים קַרְסֵ֣יb זָהָ֑ב וַיְחַבֵּ֨רc אֶת־הַיְרִעֹ֜ת אַחַ֤ת אֶל־אַחַת֙ בַּקְּרָסִ֔יםd וַֽיְהִ֥יe הַמִּשְׁכָּ֖ן אֶחָֽד׃ ס

14 וַיַּ֨עַשׂ֙a יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּֽיb ־עֶשְׂרֵ֥ה יְרִיעֹ֖ת עָשָׂ֥הc אֹתָֽם׃

15 אֹ֜רֶךְ הַיְרִיעָ֣ה הָאַחַ֗ת שְׁלֹשִׁים֙ בָּֽאַמָּ֔ה וְאַרְבַּ֣ע אַמֹּ֔ות רֹ֖חַב הַיְרִיעָ֣ה הָאֶחָ֑ת מִדָּ֣ה אַחַ֔ת לְעַשְׁתֵּ֥יa עֶשְׂרֵ֖ה יְרִיעֹֽת׃

16 וַיְחַבֵּ֛רa אֶת־חֲמֵ֥שׁ הַיְרִיעֹ֖ת לְבָ֑ד וְאֶת־שֵׁ֥שׁ הַיְרִיעֹ֖ת לְבָֽד׃

17 וַיַּ֜עַשׂa לֻֽלָאֹ֣תb חֲמִשִּׁ֗ים עַ֚ל שְׂפַ֣ת הַיְרִיעָ֔ה הַקִּיצֹנָ֖הc בַּמַּחְבָּ֑רֶתd וַחֲמִשִּׁ֣ים לֻלָאֹ֗תe עָשָׂה֙f עַל־שְׂפַ֣ת הַיְרִיעָ֔ה הַחֹבֶ֖רֶתg הַשֵּׁנִֽית׃

18 וַיַּ֛עַשׂa קַרְסֵ֥יb נְחֹ֖שֶׁת חֲמִשִּׁ֑ים לְחַבֵּ֥רc אֶת־הָאֹ֖הֶל לִֽהְיֹ֥תd אֶחָֽד׃

19 וַיַּ֤עַשׂa מִכְסֶה֙b לָאֹ֔הֶל עֹרֹ֥ת אֵלִ֖ים מְאָדָּמִ֑יםc וּמִכְסֵ֛הd עֹרֹ֥ת תְּחָשִׁ֖יםe מִלְמָֽעְלָה׃ ס

20 וַיַּ֥עַשׂa אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖יםb עֹמְדִֽיםc ׃

21 עֶ֥שֶׂר אַמֹּ֖ת אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃

22 שְׁתֵּ֣י יָדֹ֗ת לַקֶּ֨רֶשׁ֙ הָֽאֶחָ֔ד מְשֻׁלָּבֹ֔תa אַחַ֖ת אֶל־אֶחָ֑ת כֵּ֣ן עָשָׂ֔הb לְכֹ֖ל קַרְשֵׁ֥י הַמִּשְׁכָּֽן׃

23 וַיַּ֥עַשׂa אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קְרָשִׁ֔ים לִפְאַ֖ת נֶ֥גֶב תֵּימָֽנָהb ׃

24 וְאַרְבָּעִים֙ אַדְנֵי־כֶ֔סֶף עָשָׂ֕הa תַּ֖חַת עֶשְׂרִ֣ים הַקְּרָשִׁ֑ים שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃

25 וּלְצֶ֧לַעa הַמִּשְׁכָּ֛ן הַשֵּׁנִ֖ית לִפְאַ֣ת צָפֹ֑ון עָשָׂ֖הb עֶשְׂרִ֥ים קְרָשִֽׁים׃

26 וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

27 וּֽלְיַרְכְּתֵ֥יa הַמִּשְׁכָּ֖ן יָ֑מָּה עָשָׂ֖הb שִׁשָּׁ֥ה קְרָשִֽׁים׃

28 וּשְׁנֵ֤י קְרָשִׁים֙ עָשָׂ֔הa לִמְקֻצְעֹ֖תb הַמִּשְׁכָּ֑ן בַּיַּרְכָתָֽיִםc ׃

29 וְהָי֣וּa תֹואֲמִם֮b מִלְּמַטָּה֒c וְיַחְדָּ֗ו יִהְי֤וּd תַמִּים֙e אֶל־רֹאשֹׁ֔ו אֶל־הַטַּבַּ֖עַתf הָאֶחָ֑ת כֵּ֚ן עָשָׂ֣הg לִשְׁנֵיהֶ֔ם לִשְׁנֵ֖י הַמִּקְצֹעֹֽתh ׃

30 וְהָיוּ֙a שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֤י אֲדָנִים֙ שְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

31 וַיַּ֥עַשׂa בְּרִיחֵ֖יb עֲצֵ֣י שִׁטִּ֑יםc חֲמִשָּׁ֕ה לְקַרְשֵׁ֥י צֶֽלַעd ־הַמִּשְׁכָּ֖ן הָאֶחָֽת׃

32 וַחֲמִשָּׁ֣ה בְרִיחִ֔םa לְקַרְשֵׁ֥י צֶֽלַעb ־הַמִּשְׁכָּ֖ן הַשֵּׁנִ֑ית וַחֲמִשָּׁ֤ה בְרִיחִם֙c לְקַרְשֵׁ֣י הַמִּשְׁכָּ֔ן לַיַּרְכָתַ֖יִםd יָֽמָּה׃

33 וַיַּ֖עַשׂa אֶת־הַבְּרִ֣יחַb הַתִּיכֹ֑ןc לִבְרֹ֨חַ֙d בְּתֹ֣וךְ הַקְּרָשִׁ֔ים מִן־הַקָּצֶ֖ה אֶל־הַקָּצֶֽה׃

34 וְֽאֶת־הַקְּרָשִׁ֞ים צִפָּ֣הa זָהָ֗ב וְאֶת־טַבְּעֹתָם֙b עָשָׂ֣הc זָהָ֔ב בָּתִּ֖ים לַבְּרִיחִ֑םd וַיְצַ֥ףe אֶת־הַבְּרִיחִ֖םf זָהָֽב׃

35 וַיַּ֨עַשׂ֙a אֶת־הַפָּרֹ֔כֶתb תְּכֵ֧לֶתc וְאַרְגָּמָ֛ןd וְתֹולַ֥עַתe שָׁנִ֖יf וְשֵׁ֣שׁg מָשְׁזָ֑רh מַעֲשֵׂ֥ה חֹשֵׁ֛ב עָשָׂ֥הi אֹתָ֖הּ כְּרֻבִֽים׃

36 וַיַּ֣עַשׂa לָ֗הּ אַרְבָּעָה֙ עַמּוּדֵ֣י שִׁטִּ֔יםb וַיְצַפֵּ֣םc זָהָ֔ב וָוֵיהֶ֖םd זָהָ֑ב וַיִּצֹ֣קe לָהֶ֔ם אַרְבָּעָ֖ה אַדְנֵי־כָֽסֶף׃

37 וַיַּ֤עַשׂa מָסָךְ֙b לְפֶ֣תַח הָאֹ֔הֶל תְּכֵ֧לֶתc וְאַרְגָּמָ֛ןd וְתֹולַ֥עַתe שָׁנִ֖יf וְשֵׁ֣שׁg מָשְׁזָ֑רh מַעֲשֵׂ֖ה רֹקֵֽםi ׃

38 וְאֶת־עַמּוּדָ֤יו חֲמִשָּׁה֙ וְאֶת־וָ֣וֵיהֶ֔םa וְצִפָּ֧הb רָאשֵׁיהֶ֛ם וַחֲשֻׁקֵיהֶ֖םc זָהָ֑ב וְאַדְנֵיהֶ֥ם חֲמִשָּׁ֖ה נְחֹֽשֶׁת׃ פ