שמות

וַיַּקְהֵ֣לa מֹשֶׁ֗ה אֶֽת־כָּל־עֲדַ֛ת בְּנֵ֥י יִשְׂרָאֵ֖ל וַיֹּ֣אמֶרb אֲלֵהֶ֑ם אֵ֚לֶּה הַדְּבָרִ֔ים אֲשֶׁר־צִוָּ֥הc יְהוָ֖ה לַעֲשֹׂ֥תd אֹתָֽם׃

2 שֵׁ֣שֶׁת יָמִים֮ תֵּעָשֶׂ֣הa מְלָאכָה֒ וּבַיֹּ֣ום הַשְּׁבִיעִ֗י יִהְיֶ֨הb לָכֶ֥ם קֹ֛דֶשׁ שַׁבַּ֥ת שַׁבָּתֹ֖וןc לַיהוָ֑ה כָּל־הָעֹשֶׂ֥הd בֹ֛ו מְלָאכָ֖ה יוּמָֽתe ׃

3 לֹא־תְבַעֲר֣וּa אֵ֔שׁ בְּכֹ֖ל מֹשְׁבֹֽתֵיכֶ֑םb בְּיֹ֖ום הַשַּׁבָּֽת׃ פ

4 וַיֹּ֣אמֶרa מֹשֶׁ֔ה אֶל־כָּל־עֲדַ֥ת בְּנֵֽי־יִשְׂרָאֵ֖ל לֵאמֹ֑רb זֶ֣ה הַדָּבָ֔ר אֲשֶׁר־צִוָּ֥הc יְהוָ֖ה לֵאמֹֽרd ׃

5 קְח֨וּa מֵֽאִתְּכֶ֤ם תְּרוּמָה֙ לַֽיהוָ֔ה כֹּ֚ל נְדִ֣יבb לִבֹּ֔ו יְבִיאֶ֕הָc אֵ֖ת תְּרוּמַ֣ת יְהוָ֑ה זָהָ֥ב וָכֶ֖סֶף וּנְחֹֽשֶׁת׃

6 וּתְכֵ֧לֶתa וְאַרְגָּמָ֛ןb וְתֹולַ֥עַתc שָׁנִ֖יd וְשֵׁ֥שׁe וְעִזִּֽים׃

7 וְעֹרֹ֨ת אֵילִ֧ם מְאָדָּמִ֛יםa וְעֹרֹ֥ת תְּחָשִׁ֖יםb וַעֲצֵ֥י שִׂטִּֽיםc ׃

8 וְשֶׁ֖מֶן לַמָּאֹ֑ורa וּבְשָׂמִים֙b לְשֶׁ֣מֶן הַמִּשְׁחָ֔הc וְלִקְטֹ֖רֶת הַסַּמִּֽיםd ׃

9 וְאַ֨בְנֵי־שֹׁ֔הַםa וְאַבְנֵ֖י מִלֻּאִ֑יםb לָאֵפֹ֖ודc וְלַחֹֽשֶׁןd ׃

10 וְכָל־חֲכַם־לֵ֖ב בָּכֶ֑ם יָבֹ֣אוּa וְיַעֲשׂ֔וּb אֵ֛ת כָּל־אֲשֶׁ֥ר צִוָּ֖הc יְהוָֽה׃

11 אֶת־הַ֨מִּשְׁכָּ֔ן אֶֽת־אָהֳלֹ֖ו וְאֶת־מִכְסֵ֑הוּa אֶת־קְרָסָיו֙b וְאֶת־קְרָשָׁ֔יו אֶת־בריחוc אֶת־עַמֻּדָ֖יו וְאֶת־אֲדָנָֽיו׃

12 אֶת־הָאָרֹ֥ן וְאֶת־בַּדָּ֖יו אֶת־הַכַּפֹּ֑רֶתa וְאֵ֖ת פָּרֹ֥כֶתb הַמָּסָֽךְc ׃

13 אֶת־הַשֻּׁלְחָ֥ן וְאֶת־בַּדָּ֖יו וְאֶת־כָּל־כֵּלָ֑יו וְאֵ֖ת לֶ֥חֶם הַפָּנִֽים׃

14 וְאֶת־מְנֹרַ֧תa הַמָּאֹ֛ורb וְאֶת־כֵּלֶ֖יהָ וְאֶת־נֵרֹתֶ֑יהָc וְאֵ֖ת שֶׁ֥מֶן הַמָּאֹֽורd ׃

15 וְאֶת־מִזְבַּ֤ח הַקְּטֹ֨רֶת֙ וְאֶת־בַּדָּ֔יו וְאֵת֙ שֶׁ֣מֶן הַמִּשְׁחָ֔הa וְאֵ֖ת קְטֹ֣רֶת הַסַּמִּ֑יםb וְאֶת־מָסַ֥ךְc הַפֶּ֖תַח לְפֶ֥תַח הַמִּשְׁכָּֽן׃

16 אֵ֣ת׀ מִזְבַּ֣ח הָעֹלָ֗ה וְאֶת־מִכְבַּ֤רa הַנְּחֹ֨שֶׁת֙ אֲשֶׁר־לֹ֔ו אֶת־בַּדָּ֖יו וְאֶת־כָּל־כֵּלָ֑יו אֶת־הַכִּיֹּ֖רb וְאֶת־כַּנֹּֽוc ׃

17 אֵ֚ת קַלְעֵ֣יa הֶחָצֵ֔ר אֶת־עַמֻּדָ֖יו וְאֶת־אֲדָנֶ֑יהָ וְאֵ֕ת מָסַ֖ךְb שַׁ֥עַר הֶחָצֵֽר׃

18 אֶת־יִתְדֹ֧תa הַמִּשְׁכָּ֛ן וְאֶת־יִתְדֹ֥תb הֶחָצֵ֖ר וְאֶת־מֵיתְרֵיהֶֽםc ׃

19 אֶת־בִּגְדֵ֥י הַשְּׂרָ֖דa לְשָׁרֵ֣תb בַּקֹּ֑דֶשׁ אֶת־בִּגְדֵ֤י הַקֹּ֨דֶשׁ֙ לְאַהֲרֹ֣ן הַכֹּהֵ֔ן וְאֶת־בִּגְדֵ֥י בָנָ֖יו לְכַהֵֽןc ׃

20 וַיֵּֽצְא֛וּa כָּל־עֲדַ֥ת בְּנֵֽי־יִשְׂרָאֵ֖ל מִלִּפְנֵ֥י מֹשֶֽׁה׃

21 וַיָּבֹ֕אוּa כָּל־אִ֖ישׁ אֲשֶׁר־נְשָׂאֹ֣וb לִבֹּ֑ו וְכֹ֡ל אֲשֶׁר֩ נָדְבָ֨הc רוּחֹ֜ו אֹתֹ֗ו הֵ֠בִיאוּd אֶת־תְּרוּמַ֨ת יְהוָ֜ה לִמְלֶ֨אכֶת אֹ֤הֶל מֹועֵד֙ וּלְכָל־עֲבֹ֣דָתֹ֔ו וּלְבִגְדֵ֖י הַקֹּֽדֶשׁ׃

22 וַיָּבֹ֥אוּa הָאֲנָשִׁ֖ים עַל־הַנָּשִׁ֑ים כֹּ֣ל׀ נְדִ֣יבb לֵ֗ב הֵ֠בִיאוּc חָ֣חd וָנֶ֜זֶםe וְטַבַּ֤עַתf וְכוּמָז֙g כָּל־כְּלִ֣י זָהָ֔ב וְכָל־אִ֕ישׁ אֲשֶׁ֥ר הֵנִ֛יףh תְּנוּפַ֥תi זָהָ֖ב לַיהוָֽה׃

23 וְכָל־אִ֞ישׁ אֲשֶׁר־נִמְצָ֣אa אִתֹּ֗ו תְּכֵ֧לֶתb וְאַרְגָּמָ֛ןc וְתֹולַ֥עַתd שָׁנִ֖יe וְשֵׁ֣שׁf וְעִזִּ֑ים וְעֹרֹ֨ת אֵילִ֧ם מְאָדָּמִ֛יםg וְעֹרֹ֥ת תְּחָשִׁ֖יםh הֵבִֽיאוּi ׃

24 כָּל־מֵרִ֗יםa תְּר֤וּמַת כֶּ֨סֶף֙ וּנְחֹ֔שֶׁת הֵבִ֕יאוּb אֵ֖ת תְּרוּמַ֣ת יְהוָ֑ה וְכֹ֡ל אֲשֶׁר֩ נִמְצָ֨אc אִתֹּ֜ו עֲצֵ֥י שִׁטִּ֛יםd לְכָל־מְלֶ֥אכֶת הָעֲבֹדָ֖ה הֵבִֽיאוּe ׃

25 וְכָל־אִשָּׁ֥ה חַכְמַת־לֵ֖ב בְּיָדֶ֣יהָ טָו֑וּa וַיָּבִ֣יאוּb מַטְוֶ֗הc אֶֽת־הַתְּכֵ֨לֶת֙d וְאֶת־הָֽאַרְגָּמָ֔ןe אֶת־תֹּולַ֥עַתf הַשָּׁנִ֖יg וְאֶת־הַשֵּֽׁשׁh ׃

26 וְכָל־הַ֨נָּשִׁ֔ים אֲשֶׁ֨ר נָשָׂ֥אa לִבָּ֛ן אֹתָ֖נָה בְּחָכְמָ֑ה טָו֖וּb אֶת־הָעִזִּֽים׃

27 וְהַנְּשִׂאִ֣ם הֵבִ֔יאוּa אֵ֚ת אַבְנֵ֣י הַשֹּׁ֔הַםb וְאֵ֖ת אַבְנֵ֣י הַמִּלֻּאִ֑יםc לָאֵפֹ֖ודd וְלַחֹֽשֶׁןe ׃

28 וְאֶת־הַבֹּ֖שֶׂםa וְאֶת־הַשָּׁ֑מֶן לְמָאֹ֕ורb וּלְשֶׁ֨מֶן֙ הַמִּשְׁחָ֔הc וְלִקְטֹ֖רֶת הַסַּמִּֽיםd ׃

29 כָּל־אִ֣ישׁ וְאִשָּׁ֗ה אֲשֶׁ֨ר נָדַ֣בa לִבָּם֮ אֹתָם֒ לְהָבִיא֙b לְכָל־הַמְּלָאכָ֔ה אֲשֶׁ֨ר צִוָּ֧הc יְהוָ֛ה לַעֲשֹׂ֖ותd בְּיַד־מֹשֶׁ֑ה הֵבִ֧יאוּe בְנֵי־יִשְׂרָאֵ֛ל נְדָבָ֖הf לַיהוָֽה׃ פ

30 וַיֹּ֤אמֶרa מֹשֶׁה֙ אֶל־בְּנֵ֣י יִשְׂרָאֵ֔ל רְא֛וּb קָרָ֥אc יְהוָ֖ה בְּשֵׁ֑ם בְּצַלְאֵ֛לd בֶּן־אוּרִ֥יe בֶן־ח֖וּרf לְמַטֵּ֥ה יְהוּדָֽה׃

31 וַיְמַלֵּ֥אa אֹתֹ֖ו ר֣וּחַ אֱלֹהִ֑ים בְּחָכְמָ֛ה בִּתְבוּנָ֥הb וּבְדַ֖עַת וּבְכָל־מְלָאכָֽה׃

32 וְלַחְשֹׁ֖בa מַֽחַשָׁבֹ֑תb לַעֲשֹׂ֛תc בַּזָּהָ֥ב וּבַכֶּ֖סֶף וּבַנְּחֹֽשֶׁת׃

33 וּבַחֲרֹ֥שֶׁתa אֶ֛בֶן לְמַלֹּ֖אתb וּבַחֲרֹ֣שֶׁתc עֵ֑ץ לַעֲשֹׂ֖ותd בְּכָל־מְלֶ֥אכֶת מַחֲשָֽׁבֶתe ׃

34 וּלְהֹורֹ֖תa נָתַ֣ןb בְּלִבֹּ֑ו ה֕וּא וְאָֽהֳלִיאָ֥בc בֶּן־אֲחִיסָמָ֖ךְd לְמַטֵּה־דָֽן׃

35 מִלֵּ֨אa אֹתָ֜ם חָכְמַת־לֵ֗ב לַעֲשֹׂות֮b כָּל־מְלֶ֣אכֶת חָרָ֣שׁc ׀ וְחֹשֵׁב֒ וְרֹקֵ֞םd בַּתְּכֵ֣לֶתe וּבָֽאַרְגָּמָ֗ןf בְּתֹולַ֧עַתg הַשָּׁנִ֛יh וּבַשֵּׁ֖שׁi וְאֹרֵ֑גj עֹשֵׂי֙ כָּל־מְלָאכָ֔ה וְחֹשְׁבֵ֖י מַחֲשָׁבֹֽתk ׃