שמות

וַיֹּ֤אמֶרa יְהוָה֙ אֶל־מֹשֶׁ֔ה פְּסָלb ־לְךָ֛ שְׁנֵֽי־לֻחֹ֥תc אֲבָנִ֖ים כָּרִאשֹׁנִ֑ים וְכָתַבְתִּי֙d עַל־הַלֻּחֹ֔תe אֶת־הַדְּבָרִ֔ים אֲשֶׁ֥ר הָי֛וּf עַל־הַלֻּחֹ֥תg הָרִאשֹׁנִ֖ים אֲשֶׁ֥ר שִׁבַּֽרְתָּh ׃

2 וֶהְיֵ֥הa נָכֹ֖ון לַבֹּ֑קֶר וְעָלִ֤יתָb בַבֹּ֨קֶר֙ אֶל־הַ֣ר סִינַ֔יc וְנִצַּבְתָּ֥d לִ֛י שָׁ֖ם עַל־רֹ֥אשׁ הָהָֽר׃

3 וְאִישׁ֙ לֹֽא־יַעֲלֶ֣הa עִמָּ֔ךְ וְגַם־אִ֥ישׁ אַל־יֵרָ֖אb בְּכָל־הָהָ֑ר גַּם־הַצֹּ֤אן וְהַבָּקָר֙ אַל־יִרְע֔וּc אֶל־מ֖וּלd הָהָ֥ר הַהֽוּא׃

4 וַיִּפְסֹ֡לa שְׁנֵֽי־לֻחֹ֨תb אֲבָנִ֜ים כָּרִאשֹׁנִ֗ים וַיַּשְׁכֵּ֨םc מֹשֶׁ֤ה בַבֹּ֨קֶר֙ וַיַּ֨עַל֙d אֶל־הַ֣ר סִינַ֔יe כַּאֲשֶׁ֛ר צִוָּ֥הf יְהוָ֖ה אֹתֹ֑ו וַיִּקַּ֣חg בְּיָדֹ֔ו שְׁנֵ֖י לֻחֹ֥תh אֲבָנִֽים׃

5 וַיֵּ֤רֶדa יְהוָה֙ בֶּֽעָנָ֔ן וַיִּתְיַצֵּ֥בb עִמֹּ֖ו שָׁ֑ם וַיִּקְרָ֥אc בְשֵׁ֖ם יְהוָֽה׃

6 וַיַּעֲבֹ֨רa יְהוָ֥ה׀ עַל־פָּנָיו֮ וַיִּקְרָא֒b יְהוָ֣ה׀ יְהוָ֔ה אֵ֥ל רַח֖וּםc וְחַנּ֑וּןd אֶ֥רֶךְe אַפַּ֖יִם וְרַב־חֶ֥סֶד וֶאֱמֶֽת׃

7 נֹצֵ֥רa חֶ֨סֶד֙ לָאֲלָפִ֔ים נֹשֵׂ֥אb עָוֹ֛ן וָפֶ֖שַׁע וְחַטָּאָ֑הc וְנַקֵּה֙d לֹ֣א יְנַקֶּ֔הe פֹּקֵ֣דf ׀ עֲוֹ֣ן אָבֹ֗ות עַל־בָּנִים֙ וְעַל־בְּנֵ֣י בָנִ֔ים עַל־שִׁלֵּשִׁ֖יםg וְעַל־רִבֵּעִֽיםh ׃

8 וַיְמַהֵ֖רa מֹשֶׁ֑ה וַיִּקֹּ֥דb אַ֖רְצָה וַיִּשְׁתָּֽחוּc ׃

9 וַיֹּ֡אמֶרa אִם־נָא֩ מָצָ֨אתִיb חֵ֤ן בְּעֵינֶ֨יךָ֙ אֲדֹנָ֔י יֵֽלֶךְc ־נָ֥א אֲדֹנָ֖י בְּקִרְבֵּ֑נוּ כִּ֤י עַם־קְשֵׁהd ־עֹ֨רֶף֙e ה֔וּא וְסָלַחְתָּ֛f לַעֲוֹנֵ֥נוּ וּלְחַטָּאתֵ֖נוּ וּנְחַלְתָּֽנוּg ׃

10 וַיֹּ֗אמֶרa הִנֵּ֣ה אָנֹכִי֮ כֹּרֵ֣תb בְּרִית֒ נֶ֤גֶד כָּֽל־עַמְּךָ֙ אֶעֱשֶׂ֣הc נִפְלָאֹ֔ת אֲשֶׁ֛ר לֹֽא־נִבְרְא֥וּd בְכָל־הָאָ֖רֶץ וּבְכָל־הַגֹּויִ֑ם וְרָאָ֣הe כָל־הָ֠עָם אֲשֶׁר־אַתָּ֨ה בְקִרְבֹּ֜ו אֶת־מַעֲשֵׂ֤ה יְהוָה֙ כִּֽי־נֹורָ֣א ה֔וּא אֲשֶׁ֥ר אֲנִ֖י עֹשֶׂ֥הf עִמָּֽךְ׃

11 שְׁמָ֨רa ־לְךָ֔ אֵ֛ת אֲשֶׁ֥ר אָנֹכִ֖י מְצַוְּךָ֣b הַיֹּ֑ום הִנְנִ֧י גֹרֵ֣שׁc מִפָּנֶ֗יךָ אֶת־הָאֱמֹרִי֙ וְהַֽכְּנַעֲנִ֔י וְהַחִתִּי֙d וְהַפְּרִזִּ֔יe וְהַחִוִּ֖יf וְהַיְבוּסִֽיg ׃

12 הִשָּׁ֣מֶרa לְךָ֗ פֶּן־תִּכְרֹ֤תb בְּרִית֙ לְיֹושֵׁ֣ב הָאָ֔רֶץ אֲשֶׁ֥ר אַתָּ֖ה בָּ֣אc עָלֶ֑יהָ פֶּן־יִהְיֶ֥הd לְמֹוקֵ֖שׁe בְּקִרְבֶּֽךָ׃

13 כִּ֤י אֶת־מִזְבְּחֹתָם֙ תִּתֹּצ֔וּןa וְאֶת־מַצֵּבֹתָ֖םb תְּשַׁבֵּר֑וּןc וְאֶת־אֲשֵׁרָ֖יוd תִּכְרֹתֽוּןe ׃

14 כִּ֛י לֹ֥א תִֽשְׁתַּחֲוֶ֖הa לְאֵ֣ל אַחֵ֑ר כִּ֤י יְהוָה֙ קַנָּ֣אb שְׁמֹ֔ו אֵ֥ל קַנָּ֖אc הֽוּא׃

15 פֶּן־תִּכְרֹ֥תa בְּרִ֖ית לְיֹושֵׁ֣ב הָאָ֑רֶץ וְזָנ֣וּb ׀ אַחֲרֵ֣י אֱלֹֽהֵיהֶ֗ם וְזָבְחוּ֙c לֵאלֹ֣הֵיהֶ֔ם וְקָרָ֣אd לְךָ֔ וְאָכַלְתָּ֖e מִזִּבְחֹֽו׃

16 וְלָקַחְתָּ֥a מִבְּנֹתָ֖יו לְבָנֶ֑יךָ וְזָנ֣וּb בְנֹתָ֗יו אַחֲרֵי֙ אֱלֹ֣הֵיהֶ֔ן וְהִזְנוּ֙c אֶת־בָּנֶ֔יךָ אַחֲרֵ֖י אֱלֹהֵיהֶֽן׃

17 אֱלֹהֵ֥י מַסֵּכָ֖הa לֹ֥א תַעֲשֶׂהb ־לָּֽךְ׃

18 אֶת־חַ֣ג הַמַּצֹּות֮ תִּשְׁמֹר֒a שִׁבְעַ֨ת יָמִ֜ים תֹּאכַ֤לb מַצֹּות֙ אֲשֶׁ֣ר צִוִּיתִ֔ךָc לְמֹועֵ֖ד חֹ֣דֶשׁ הָאָבִ֑יבd כִּ֚י בְּחֹ֣דֶשׁ הָֽאָבִ֔יבe יָצָ֖אתָf מִמִּצְרָֽיִם׃

19 כָּל־פֶּ֥טֶרa רֶ֖חֶםb לִ֑י וְכָֽל־מִקְנְךָ֙ תִּזָּכָ֔רc פֶּ֖טֶרd שֹׁ֥ור וָשֶֽׂהe ׃

20 וּפֶ֤טֶרa חֲמֹור֙ תִּפְדֶּ֣הb בְשֶׂ֔הc וְאִם־לֹ֥א תִפְדֶּ֖הd וַעֲרַפְתֹּ֑וe כֹּ֣ל בְּכֹ֤ור בָּנֶ֨יךָ֙ תִּפְדֶּ֔הf וְלֹֽא־יֵרָא֥וּg פָנַ֖י רֵיקָֽםh ׃

21 שֵׁ֤שֶׁת יָמִים֙ תַּעֲבֹ֔דa וּבַיֹּ֥ום הַשְּׁבִיעִ֖י תִּשְׁבֹּ֑תb בֶּחָרִ֥ישׁc וּבַקָּצִ֖ירd תִּשְׁבֹּֽתe ׃

22 וְחַ֤ג שָׁבֻעֹת֙a תַּעֲשֶׂ֣הb לְךָ֔ בִּכּוּרֵ֖יc קְצִ֣ירd חִטִּ֑יםe וְחַג֙ הָֽאָסִ֔יףf תְּקוּפַ֖תg הַשָּׁנָֽה׃

23 שָׁלֹ֥שׁ פְּעָמִ֖ים בַּשָּׁנָ֑ה יֵרָאֶה֙a כָּל־זְכ֣וּרְךָ֔b אֶת־פְּנֵ֛י הָֽאָדֹ֥ן׀ יְהוָ֖ה אֱלֹהֵ֥י יִשְׂרָאֵֽל׃

24 כִּֽי־אֹורִ֤ישׁa גֹּויִם֙ מִפָּנֶ֔יךָ וְהִרְחַבְתִּ֖יb אֶת־גְּבוּלֶ֑ךָ וְלֹא־יַחְמֹ֥דc אִישׁ֙ אֶֽת־אַרְצְךָ֔ בַּעֲלֹֽתְךָ֗d לֵרָאֹות֙e אֶת־פְּנֵי֙ יְהוָ֣ה אֱלֹהֶ֔יךָ שָׁלֹ֥שׁ פְּעָמִ֖ים בַּשָּׁנָֽה׃

25 לֹֽא־תִשְׁחַ֥טa עַל־חָמֵ֖ץb דַּם־זִבְחִ֑י וְלֹא־יָלִ֣יןc לַבֹּ֔קֶר זֶ֖בַח חַ֥ג הַפָּֽסַחd ׃

26 רֵאשִׁ֗ית בִּכּוּרֵי֙a אַדְמָ֣תְךָ֔ תָּבִ֕יאb בֵּ֖ית יְהוָ֣ה אֱלֹהֶ֑יךָ לֹא־תְבַשֵּׁ֥לc גְּדִ֖יd בַּחֲלֵ֥בe אִמֹּֽו׃ פ

27 וַיֹּ֤אמֶרa יְהוָה֙ אֶל־מֹשֶׁ֔ה כְּתָבb ־לְךָ֖ אֶת־הַדְּבָרִ֣ים הָאֵ֑לֶּה כִּ֞י עַל־פִּ֣י׀ הַדְּבָרִ֣ים הָאֵ֗לֶּה כָּרַ֧תִּיc אִתְּךָ֛ בְּרִ֖ית וְאֶת־יִשְׂרָאֵֽל׃

28 וַֽיְהִיa ־שָׁ֣ם עִם־יְהוָ֗ה אַרְבָּעִ֥ים יֹום֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔לb וּמַ֖יִם לֹ֣א שָׁתָ֑הc וַיִּכְתֹּ֣בd עַל־הַלֻּחֹ֗תe אֵ֚ת דִּבְרֵ֣י הַבְּרִ֔ית עֲשֶׂ֖רֶת הַדְּבָרִֽים׃

29 וַיְהִ֗יa בְּרֶ֤דֶתb מֹשֶׁה֙ מֵהַ֣ר סִינַ֔יc וּשְׁנֵ֨י לֻחֹ֤תd הָֽעֵדֻת֙ בְּיַד־מֹשֶׁ֔ה בְּרִדְתֹּ֖וe מִן־הָהָ֑ר וּמֹשֶׁ֣ה לֹֽא־יָדַ֗עf כִּ֥י קָרַ֛ןg עֹ֥ור פָּנָ֖יו בְּדַבְּרֹ֥וh אִתֹּֽו׃

30 וַיַּ֨רְאa אַהֲרֹ֜ן וְכָל־בְּנֵ֤י יִשְׂרָאֵל֙ אֶת־מֹשֶׁ֔ה וְהִנֵּ֥ה קָרַ֖ןb עֹ֣ור פָּנָ֑יו וַיִּֽירְא֖וּc מִגֶּ֥שֶׁתd אֵלָֽיו׃

31 וַיִּקְרָ֤אa אֲלֵהֶם֙ מֹשֶׁ֔ה וַיָּשֻׁ֧בוּb אֵלָ֛יו אַהֲרֹ֥ן וְכָל־הַנְּשִׂאִ֖ים בָּעֵדָ֑ה וַיְדַבֵּ֥רc מֹשֶׁ֖ה אֲלֵהֶֽם׃

32 וְאַחֲרֵי־כֵ֥ן נִגְּשׁ֖וּa כָּל־בְּנֵ֣י יִשְׂרָאֵ֑ל וַיְצַוֵּ֕םb אֵת֩ כָּל־אֲשֶׁ֨ר דִּבֶּ֧רc יְהוָ֛ה אִתֹּ֖ו בְּהַ֥ר סִינָֽיd ׃

33 וַיְכַ֣לa מֹשֶׁ֔ה מִדַּבֵּ֖רb אִתָּ֑ם וַיִּתֵּ֥ןc עַל־פָּנָ֖יו מַסְוֶֽהd ׃

34 וּבְבֹ֨אa מֹשֶׁ֜ה לִפְנֵ֤י יְהוָה֙ לְדַבֵּ֣רb אִתֹּ֔ו יָסִ֥ירc אֶת־הַמַּסְוֶ֖הd עַד־צֵאתֹ֑וe וְיָצָ֗אf וְדִבֶּר֙g אֶל־בְּנֵ֣י יִשְׂרָאֵ֔ל אֵ֖ת אֲשֶׁ֥ר יְצֻוֶּֽהh ׃

35 וְרָא֤וּa בְנֵֽי־יִשְׂרָאֵל֙ אֶת־פְּנֵ֣י מֹשֶׁ֔ה כִּ֣י קָרַ֔ןb עֹ֖ור פְּנֵ֣י מֹשֶׁ֑ה וְהֵשִׁ֨יבc מֹשֶׁ֤ה אֶת־הַמַּסְוֶה֙d עַל־פָּנָ֔יו עַד־בֹּאֹ֖וe לְדַבֵּ֥רf אִתֹּֽו׃ ס