שמות

וַיַּ֣רְאa הָעָ֔ם כִּֽי־בֹשֵׁ֥שׁb מֹשֶׁ֖ה לָרֶ֣דֶתc מִן־הָהָ֑ר וַיִּקָּהֵ֨לd הָעָ֜ם עַֽל־אַהֲרֹ֗ן וַיֹּאמְר֤וּe אֵלָיו֙ ק֣וּםf ׀ עֲשֵׂהg ־לָ֣נוּ אֱלֹהִ֗ים אֲשֶׁ֤ר יֵֽלְכוּ֙h לְפָנֵ֔ינוּ כִּי־זֶ֣ה׀ מֹשֶׁ֣ה הָאִ֗ישׁ אֲשֶׁ֤ר הֶֽעֱלָ֨נוּ֙i מֵאֶ֣רֶץ מִצְרַ֔יִם לֹ֥א יָדַ֖עְנוּj מֶה־הָ֥יָהk לֹֽו׃

2 וַיֹּ֤אמֶרa אֲלֵהֶם֙ אַהֲרֹ֔ן פָּֽרְקוּ֙b נִזְמֵ֣יc הַזָּהָ֔ב אֲשֶׁר֙ בְּאָזְנֵ֣י נְשֵׁיכֶ֔ם בְּנֵיכֶ֖ם וּבְנֹתֵיכֶ֑ם וְהָבִ֖יאוּd אֵלָֽי׃

3 וַיִּתְפָּֽרְקוּ֙a כָּל־הָעָ֔ם אֶת־נִזְמֵ֥יb הַזָּהָ֖ב אֲשֶׁ֣ר בְּאָזְנֵיהֶ֑ם וַיָּבִ֖יאוּc אֶֽל־אַהֲרֹֽן׃

4 וַיִּקַּ֣חa מִיָּדָ֗ם וַיָּ֤צַרb אֹתֹו֙ בַּחֶ֔רֶטc וַֽיַּעֲשֵׂ֖הוּd עֵ֣גֶלe מַסֵּכָ֑הf וַיֹּ֣אמְר֔וּg אֵ֤לֶּה אֱלֹהֶ֨יךָ֙ יִשְׂרָאֵ֔ל אֲשֶׁ֥ר הֶעֱל֖וּךָh מֵאֶ֥רֶץ מִצְרָֽיִם׃

5 וַיַּ֣רְאa אַהֲרֹ֔ן וַיִּ֥בֶןb מִזְבֵּ֖חַ לְפָנָ֑יו וַיִּקְרָ֤אc אַֽהֲרֹן֙ וַיֹּאמַ֔רd חַ֥ג לַיהוָ֖ה מָחָֽר׃

6 וַיַּשְׁכִּ֨ימוּ֙a מִֽמָּחֳרָ֔תb וַיַּעֲל֣וּc עֹלֹ֔ת וַיַּגִּ֖שׁוּd שְׁלָמִ֑ים וַיֵּ֤שֶׁבe הָעָם֙ לֶֽאֱכֹ֣לf וְשָׁתֹ֔וg וַיָּקֻ֖מוּh לְצַחֵֽקi ׃ פ

7 וַיְדַבֵּ֥רa יְהוָ֖ה אֶל־מֹשֶׁ֑ה לֶךְb ־רֵ֕דc כִּ֚י שִׁחֵ֣תd עַמְּךָ֔ אֲשֶׁ֥ר הֶעֱלֵ֖יתָe מֵאֶ֥רֶץ מִצְרָֽיִם׃

8 סָ֣רוּa מַהֵ֗ר מִן־הַדֶּ֨רֶךְ֙ אֲשֶׁ֣ר צִוִּיתִ֔םb עָשׂ֣וּc לָהֶ֔ם עֵ֖גֶלd מַסֵּכָ֑הe וַיִּשְׁתַּֽחֲווּf ־לֹו֙ וַיִּזְבְּחוּg ־לֹ֔ו וַיֹּ֣אמְר֔וּh אֵ֤לֶּה אֱלֹהֶ֨יךָ֙ יִשְׂרָאֵ֔ל אֲשֶׁ֥ר הֶֽעֱל֖וּךָi מֵאֶ֥רֶץ מִצְרָֽיִם׃

9 וַיֹּ֥אמֶרa יְהוָ֖ה אֶל־מֹשֶׁ֑ה רָאִ֨יתִי֙b אֶת־הָעָ֣ם הַזֶּ֔ה וְהִנֵּ֥ה עַם־קְשֵׁהc ־עֹ֖רֶףd הֽוּא׃

10 וְעַתָּה֙ הַנִּ֣יחָהa לִּ֔י וְיִֽחַרb ־אַפִּ֥י בָהֶ֖ם וַאֲכַלֵּ֑םc וְאֶֽעֱשֶׂ֥הd אֹותְךָ֖ לְגֹ֥וי גָּדֹֽול׃

11 וַיְחַ֣לa מֹשֶׁ֔ה אֶת־פְּנֵ֖י יְהוָ֣ה אֱלֹהָ֑יו וַיֹּ֗אמֶרb לָמָ֤ה יְהוָה֙ יֶחֱרֶ֤הc אַפְּךָ֙ בְּעַמֶּ֔ךָ אֲשֶׁ֤ר הֹוצֵ֨אתָ֙d מֵאֶ֣רֶץ מִצְרַ֔יִם בְּכֹ֥חַ גָּדֹ֖ול וּבְיָ֥ד חֲזָקָֽה׃

12 לָמָּה֩ יֹאמְר֨וּa מִצְרַ֜יִם לֵאמֹ֗רb בְּרָעָ֤ה הֹֽוצִיאָם֙c לַהֲרֹ֤גd אֹתָם֙ בֶּֽהָרִ֔ים וּ֨לְכַלֹּתָ֔םe מֵעַ֖ל פְּנֵ֣י הָֽאֲדָמָ֑ה שׁ֚וּבf מֵחֲרֹ֣וןg אַפֶּ֔ךָ וְהִנָּחֵ֥םh עַל־הָרָעָ֖ה לְעַמֶּֽךָ׃

13 זְכֹ֡רa לְאַבְרָהָם֩ לְיִצְחָ֨ק וּלְיִשְׂרָאֵ֜ל עֲבָדֶ֗יךָ אֲשֶׁ֨ר נִשְׁבַּ֣עְתָּb לָהֶם֮ בָּךְ֒ וַתְּדַבֵּ֣רc אֲלֵהֶ֔ם אַרְבֶּה֙d אֶֽת־זַרְעֲכֶ֔ם כְּכֹוכְבֵ֖יe הַשָּׁמָ֑יִם וְכָל־הָאָ֨רֶץ הַזֹּ֜את אֲשֶׁ֣ר אָמַ֗רְתִּיf אֶתֵּן֙g לְזַרְעֲכֶ֔ם וְנָחֲל֖וּh לְעֹלָֽם׃

14 וַיִּנָּ֖חֶםa יְהוָ֑ה עַל־הָ֣רָעָ֔ה אֲשֶׁ֥ר דִּבֶּ֖רb לַעֲשֹׂ֥ותc לְעַמֹּֽו׃ פ

15 וַיִּ֜פֶןa וַיֵּ֤רֶדb מֹשֶׁה֙ מִן־הָהָ֔ר וּשְׁנֵ֛י לֻחֹ֥תc הָעֵדֻ֖ת בְּיָדֹ֑ו לֻחֹ֗תd כְּתֻבִים֙ מִשְּׁנֵ֣י עֶבְרֵיהֶ֔ם מִזֶּ֥ה וּמִזֶּ֖ה הֵ֥ם כְּתֻבִֽים׃

16 וְהַ֨לֻּחֹ֔תa מַעֲשֵׂ֥ה אֱלֹהִ֖ים הֵ֑מָּה וְהַמִּכְתָּ֗בb מִכְתַּ֤בc אֱלֹהִים֙ ה֔וּא חָר֖וּתd עַל־הַלֻּחֹֽתe ׃

17 וַיִּשְׁמַ֧עa יְהֹושֻׁ֛עַ אֶת־קֹ֥ול הָעָ֖ם ברעהb וַיֹּ֨אמֶר֙c אֶל־מֹשֶׁ֔ה קֹ֥ול מִלְחָמָ֖ה בַּֽמַּחֲנֶה׃

18 וַיֹּ֗אמֶרa אֵ֥ין קֹול֙ עֲנֹ֣ותb גְּבוּרָ֔ה וְאֵ֥ין קֹ֖ול עֲנֹ֣ותc חֲלוּשָׁ֑הd קֹ֣ול עַנֹּ֔ותe אָנֹכִ֖י שֹׁמֵֽעַf ׃

19 וַֽיְהִ֗יa כַּאֲשֶׁ֤ר קָרַב֙b אֶל־הַֽמַּחֲנֶ֔ה וַיַּ֥רְאc אֶת־הָעֵ֖גֶלd וּמְחֹלֹ֑תe וַיִּֽחַרf ־אַ֣ף מֹשֶׁ֗ה וַיַּשְׁלֵ֤ךְg מידוh אֶת־הַלֻּחֹ֔תi וַיְשַׁבֵּ֥רj אֹתָ֖ם תַּ֥חַת הָהָֽר׃

20 וַיִּקַּ֞חa אֶת־הָעֵ֨גֶלb אֲשֶׁ֤ר עָשׂוּ֙c וַיִּשְׂרֹ֣ףd בָּאֵ֔שׁ וַיִּטְחַ֖ןe עַ֣ד אֲשֶׁר־דָּ֑קf וַיִּ֨זֶר֙g עַל־פְּנֵ֣י הַמַּ֔יִם וַיַּ֖שְׁקְh אֶת־בְּנֵ֥י יִשְׂרָאֵֽל׃

21 וַיֹּ֤אמֶרa מֹשֶׁה֙ אֶֽל־אַהֲרֹ֔ן מֶֽה־עָשָׂ֥הb לְךָ֖ הָעָ֣ם הַזֶּ֑ה כִּֽי־הֵבֵ֥אתָc עָלָ֖יו חֲטָאָ֥הd גְדֹלָֽה׃

22 וַיֹּ֣אמֶרa אַהֲרֹ֔ן אַל־יִ֥חַרb אַ֖ף אֲדֹנִ֑י אַתָּה֙ יָדַ֣עְתָּc אֶת־הָעָ֔ם כִּ֥י בְרָ֖ע הֽוּא׃

23 וַיֹּ֣אמְרוּa לִ֔י עֲשֵׂהb ־לָ֣נוּ אֱלֹהִ֔ים אֲשֶׁ֥ר יֵלְכ֖וּc לְפָנֵ֑ינוּ כִּי־זֶ֣ה׀ מֹשֶׁ֣ה הָאִ֗ישׁ אֲשֶׁ֤ר הֶֽעֱלָ֨נוּ֙d מֵאֶ֣רֶץ מִצְרַ֔יִם לֹ֥א יָדַ֖עְנוּe מֶה־הָ֥יָהf לֹֽו׃

24 וָאֹמַ֤רa לָהֶם֙ לְמִ֣י זָהָ֔ב הִתְפָּרָ֖קוּb וַיִּתְּנוּc ־לִ֑י וָאַשְׁלִכֵ֣הוּd בָאֵ֔שׁ וַיֵּצֵ֖אe הָעֵ֥גֶלf הַזֶּֽה׃

25 וַיַּ֤רְאa מֹשֶׁה֙ אֶת־הָעָ֔ם כִּ֥י פָרֻ֖עַb ה֑וּא כִּֽי־פְרָעֹ֣הc אַהֲרֹ֔ן לְשִׁמְצָ֖הd בְּקָמֵיהֶֽם׃

26 וַיַּעֲמֹ֤דa מֹשֶׁה֙ בְּשַׁ֣עַר הַֽמַּחֲנֶ֔ה וַיֹּ֕אמֶרb מִ֥י לַיהוָ֖ה אֵלָ֑י וַיֵּאָסְפ֥וּc אֵלָ֖יו כָּל־בְּנֵ֥י לֵוִֽי׃

27 וַיֹּ֣אמֶרa לָהֶ֗ם כֹּֽה־אָמַ֤רb יְהוָה֙ אֱלֹהֵ֣י יִשְׂרָאֵ֔ל שִׂ֥ימוּc אִישׁ־חַרְבֹּ֖ו עַל־יְרֵכֹ֑וd עִבְר֨וּe וָשׁ֜וּבוּf מִשַּׁ֤עַר לָשַׁ֨עַר֙ בַּֽמַּחֲנֶ֔ה וְהִרְג֧וּg אִֽישׁ־אֶת־אָחִ֛יו וְאִ֥ישׁ אֶת־רֵעֵ֖הוּ וְאִ֥ישׁ אֶת־קְרֹבֹֽו׃

28 וַיַּֽעֲשׂ֥וּa בְנֵֽי־לֵוִ֖י כִּדְבַ֣ר מֹשֶׁ֑ה וַיִּפֹּ֤לb מִן־הָעָם֙ בַּיֹּ֣ום הַה֔וּא כִּשְׁלֹ֥שֶׁת אַלְפֵ֖י אִֽישׁ׃

29 וַיֹּ֣אמֶרa מֹשֶׁ֗ה מִלְא֨וּb יֶדְכֶ֤ם הַיֹּום֙ לַֽיהוָ֔ה כִּ֛י אִ֥ישׁ בִּבְנֹ֖ו וּבְאָחִ֑יו וְלָתֵ֧תc עֲלֵיכֶ֛ם הַיֹּ֖ום בְּרָכָֽה׃

30 וַיְהִי֙a מִֽמָּחֳרָ֔תb וַיֹּ֤אמֶרc מֹשֶׁה֙ אֶל־הָעָ֔ם אַתֶּ֥ם חֲטָאתֶ֖םd חֲטָאָ֣הe גְדֹלָ֑ה וְעַתָּה֙ אֶֽעֱלֶ֣הf אֶל־יְהוָ֔ה אוּלַ֥יg אֲכַפְּרָ֖הh בְּעַ֥ד חַטַּאתְכֶֽם׃

31 וַיָּ֧שָׁבa מֹשֶׁ֛ה אֶל־יְהוָ֖ה וַיֹּאמַ֑רb אָ֣נָּ֗אc חָטָ֞אd הָעָ֤ם הַזֶּה֙ חֲטָאָ֣הe גְדֹלָ֔ה וַיַּֽעֲשׂ֥וּf לָהֶ֖ם אֱלֹהֵ֥י זָהָֽב׃

32 וְעַתָּ֖ה אִם־תִּשָּׂ֣אa חַטָּאתָ֑ם וְאִם־אַ֕יִן מְחֵ֣נִיb נָ֔א מִֽסִּפְרְךָ֖ אֲשֶׁ֥ר כָּתָֽבְתָּc ׃

33 וַיֹּ֥אמֶרa יְהוָ֖ה אֶל־מֹשֶׁ֑ה מִ֚י אֲשֶׁ֣ר חָֽטָאb ־לִ֔י אֶמְחֶ֖נּוּc מִסִּפְרִֽי׃

34 וְעַתָּ֞ה לֵ֣ךְa ׀ נְחֵ֣הb אֶת־הָעָ֗ם אֶ֤ל אֲשֶׁר־דִּבַּ֨רְתִּי֙c לָ֔ךְ הִנֵּ֥ה מַלְאָכִ֖י יֵלֵ֣ךְd לְפָנֶ֑יךָ וּבְיֹ֣ום פָּקְדִ֔י וּפָקַדְתִּ֥יe עֲלֵיהֶ֖ם חַטָּאתָֽם׃

35 וַיִּגֹּ֥ףa יְהוָ֖ה אֶת־הָעָ֑ם עַ֚ל אֲשֶׁ֣ר עָשׂ֣וּb אֶת־הָעֵ֔גֶלc אֲשֶׁ֥ר עָשָׂ֖הd אַהֲרֹֽן׃ ס