שמות

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 רְאֵ֖הa קָרָ֣אתִֽיb בְשֵׁ֑ם בְּצַלְאֵ֛לc בֶּן־אוּרִ֥יd בֶן־ח֖וּרe לְמַטֵּ֥ה יְהוּדָֽה׃

3 וָאֲמַלֵּ֥אa אֹתֹ֖ו ר֣וּחַ אֱלֹהִ֑ים בְּחָכְמָ֛ה וּבִתְבוּנָ֥הb וּבְדַ֖עַת וּבְכָל־מְלָאכָֽה׃

4 לַחְשֹׁ֖בa מַחֲשָׁבֹ֑תb לַעֲשֹׂ֛ותc בַּזָּהָ֥ב וּבַכֶּ֖סֶף וּבַנְּחֹֽשֶׁת׃

5 וּבַחֲרֹ֥שֶׁתa אֶ֛בֶן לְמַלֹּ֖אתb וּבַחֲרֹ֣שֶׁתc עֵ֑ץ לַעֲשֹׂ֖ותd בְּכָל־מְלָאכָֽה׃

6 וַאֲנִ֞י הִנֵּ֧ה נָתַ֣תִּיa אִתֹּ֗ו אֵ֣ת אָהֳלִיאָ֞בb בֶּן־אֲחִֽיסָמָךְ֙c לְמַטֵּה־דָ֔ן וּבְלֵ֥ב כָּל־חֲכַם־לֵ֖ב נָתַ֣תִּיd חָכְמָ֑ה וְעָשׂ֕וּe אֵ֖ת כָּל־אֲשֶׁ֥ר צִוִּיתִֽךָf ׃

7 אֵ֣ת׀ אֹ֣הֶל מֹועֵ֗ד וְאֶת־הָֽאָרֹן֙ לָֽעֵדֻ֔ת וְאֶת־הַכַּפֹּ֖רֶתa אֲשֶׁ֣ר עָלָ֑יו וְאֵ֖ת כָּל־כְּלֵ֥י הָאֹֽהֶל׃

8 וְאֶת־הַשֻּׁלְחָן֙ וְאֶת־כֵּלָ֔יו וְאֶת־הַמְּנֹרָ֥הa הַטְּהֹרָ֖ה וְאֶת־כָּל־כֵּלֶ֑יהָ וְאֵ֖ת מִזְבַּ֥ח הַקְּטֹֽרֶת׃

9 וְאֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְאֶת־הַכִּיֹּ֖ורa וְאֶת־כַּנֹּֽוb ׃

10 וְאֵ֖ת בִּגְדֵ֣י הַשְּׂרָ֑דa וְאֶת־בִּגְדֵ֤י הַקֹּ֨דֶשׁ֙ לְאַהֲרֹ֣ן הַכֹּהֵ֔ן וְאֶת־בִּגְדֵ֥י בָנָ֖יו לְכַהֵֽןb ׃

11 וְאֵ֨ת שֶׁ֧מֶן הַמִּשְׁחָ֛הa וְאֶת־קְטֹ֥רֶת הַסַּמִּ֖יםb לַקֹּ֑דֶשׁ כְּכֹ֥ל אֲשֶׁר־צִוִּיתִ֖ךָc יַעֲשֽׂוּd ׃ פ

12 וַיֹּ֥אמֶרa יְהוָ֖ה אֶל־מֹשֶׁ֥ה לֵּאמֹֽרb ׃

13 וְאַתָּ֞ה דַּבֵּ֨רa אֶל־בְּנֵ֤י יִשְׂרָאֵל֙ לֵאמֹ֔רb אַ֥ךְ אֶת־שַׁבְּתֹתַ֖י תִּשְׁמֹ֑רוּc כִּי֩ אֹ֨ות הִ֜וא בֵּינִ֤י וּבֵֽינֵיכֶם֙ לְדֹרֹ֣תֵיכֶ֔ם לָדַ֕עַתd כִּ֛י אֲנִ֥י יְהוָ֖ה מְקַדִּשְׁכֶֽםe ׃

14 וּשְׁמַרְתֶּם֙a אֶת־הַשַּׁבָּ֔ת כִּ֛י קֹ֥דֶשׁ הִ֖וא לָכֶ֑ם מְחַֽלְלֶ֨יהָ֙b מֹ֣ות יוּמָ֔תc כִּ֗י כָּל־הָעֹשֶׂ֥הd בָהּ֙ מְלָאכָ֔ה וְנִכְרְתָ֛הe הַנֶּ֥פֶשׁ הַהִ֖וא מִקֶּ֥רֶב עַמֶּֽיהָ׃

15 שֵׁ֣שֶׁת יָמִים֮ יֵעָשֶׂ֣הa מְלָאכָה֒ וּבַיֹּ֣ום הַשְּׁבִיעִ֗י שַׁבַּ֧ת שַׁבָּתֹ֛וןb קֹ֖דֶשׁ לַיהוָ֑ה כָּל־הָעֹשֶׂ֧הc מְלָאכָ֛ה בְּיֹ֥ום הַשַּׁבָּ֖ת מֹ֥ות יוּמָֽתd ׃

16 וְשָׁמְר֥וּa בְנֵֽי־יִשְׂרָאֵ֖ל אֶת־הַשַּׁבָּ֑ת לַעֲשֹׂ֧ותb אֶת־הַשַּׁבָּ֛ת לְדֹרֹתָ֖ם בְּרִ֥ית עֹולָֽם׃

17 בֵּינִ֗י וּבֵין֙ בְּנֵ֣י יִשְׂרָאֵ֔ל אֹ֥ות הִ֖וא לְעֹלָ֑ם כִּי־שֵׁ֣שֶׁת יָמִ֗ים עָשָׂ֤הa יְהוָה֙ אֶת־הַשָּׁמַ֣יִם וְאֶת־הָאָ֔רֶץ וּבַיֹּום֙ הַשְּׁבִיעִ֔י שָׁבַ֖תb וַיִּנָּפַֽשׁc ׃ ס

18 וַיִּתֵּ֣ןa אֶל־מֹשֶׁ֗ה כְּכַלֹּתֹו֙b לְדַבֵּ֤רc אִתֹּו֙ בְּהַ֣ר סִינַ֔יd שְׁנֵ֖י לֻחֹ֣תe הָעֵדֻ֑ת לֻחֹ֣תf אֶ֔בֶן כְּתֻבִ֖יםg בְּאֶצְבַּ֥עh אֱלֹהִֽים׃