שמות

וְעָשִׂ֥יתָa מִזְבֵּ֖חַ מִקְטַ֣רb קְטֹ֑רֶת עֲצֵ֥י שִׁטִּ֖יםc תַּעֲשֶׂ֥הd אֹתֹֽו׃

2 אַמָּ֨ה אָרְכֹּ֜ו וְאַמָּ֤ה רָחְבֹּו֙ רָב֣וּעַa יִהְיֶ֔הb וְאַמָּתַ֖יִם קֹמָתֹ֑וc מִמֶּ֖נּוּ קַרְנֹתָֽיו׃

3 וְצִפִּיתָ֨a אֹתֹ֜ו זָהָ֣ב טָהֹ֗ור אֶת־גַּגֹּ֧וb וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וְעָשִׂ֥יתָc לֹּ֛ו זֵ֥רd זָהָ֖ב סָבִֽיב׃

4 וּשְׁתֵּי֩ טַבְּעֹ֨תa זָהָ֜ב תַּֽעֲשֶׂהb ־לֹּ֣ו׀ מִתַּ֣חַת לְזֵרֹ֗וc עַ֚ל שְׁתֵּ֣י צַלְעֹתָ֔יוd תַּעֲשֶׂ֖הe עַל־שְׁנֵ֣י צִדָּ֑יוf וְהָיָה֙g לְבָתִּ֣ים לְבַדִּ֔ים לָשֵׂ֥אתh אֹתֹ֖ו בָּהֵֽמָּה׃

5 וְעָשִׂ֥יתָa אֶת־הַבַּדִּ֖ים עֲצֵ֣י שִׁטִּ֑יםb וְצִפִּיתָ֥c אֹתָ֖ם זָהָֽב׃

6 וְנָתַתָּ֤הa אֹתֹו֙ לִפְנֵ֣י הַפָּרֹ֔כֶתb אֲשֶׁ֖ר עַל־אֲרֹ֣ן הָעֵדֻ֑ת לִפְנֵ֣י הַכַּפֹּ֗רֶתc אֲשֶׁר֙ עַל־הָ֣עֵדֻ֔ת אֲשֶׁ֛ר אִוָּעֵ֥דd לְךָ֖ שָֽׁמָּה׃

7 וְהִקְטִ֥ירa עָלָ֛יו אַהֲרֹ֖ן קְטֹ֣רֶת סַמִּ֑יםb בַּבֹּ֣קֶר בַּבֹּ֗קֶר בְּהֵיטִיבֹ֛וc אֶת־הַנֵּרֹ֖תd יַקְטִירֶֽנָּהe ׃

8 וּבְהַעֲלֹ֨תa אַהֲרֹ֧ן אֶת־הַנֵּרֹ֛תb בֵּ֥ין הָעֲרְבַּ֖יִם יַקְטִירֶ֑נָּהc קְטֹ֧רֶת תָּמִ֛יד לִפְנֵ֥י יְהוָ֖ה לְדֹרֹתֵיכֶֽם׃

9 לֹא־תַעֲל֥וּa עָלָ֛יו קְטֹ֥רֶת זָרָ֖ה וְעֹלָ֣ה וּמִנְחָ֑ה וְנֵ֕סֶךְ לֹ֥א תִסְּכ֖וּb עָלָֽיו׃

10 וְכִפֶּ֤רa אַהֲרֹן֙ עַל־קַרְנֹתָ֔יו אַחַ֖ת בַּשָּׁנָ֑ה מִדַּ֞ם חַטַּ֣את הַכִּפֻּרִ֗יםb אַחַ֤ת בַּשָּׁנָה֙ יְכַפֵּ֤רc עָלָיו֙ לְדֹרֹ֣תֵיכֶ֔ם קֹֽדֶשׁ־קָֽדָשִׁ֥ים ה֖וּא לַיהוָֽה׃ פ

11 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

12 כִּ֣י תִשָּׂ֞אa אֶת־רֹ֥אשׁ בְּנֵֽי־יִשְׂרָאֵל֮ לִפְקֻדֵיהֶם֒ וְנָ֨תְנ֜וּb אִ֣ישׁ כֹּ֧פֶרc נַפְשֹׁ֛ו לַיהוָ֖ה בִּפְקֹ֣דd אֹתָ֑ם וְלֹא־יִהְיֶ֥הe בָהֶ֛ם נֶ֖גֶףf בִּפְקֹ֥דg אֹתָֽם׃

13 זֶ֣ה׀ יִתְּנ֗וּa כָּל־הָעֹבֵר֙b עַל־הַפְּקֻדִ֔ים מַחֲצִ֥יתc הַשֶּׁ֖קֶל בְּשֶׁ֣קֶל הַקֹּ֑דֶשׁ עֶשְׂרִ֤ים גֵּרָה֙d הַשֶּׁ֔קֶל מַחֲצִ֣יתe הַשֶּׁ֔קֶל תְּרוּמָ֖ה לַֽיהוָֽה׃

14 כֹּ֗ל הָעֹבֵר֙a עַל־הַפְּקֻדִ֔ים מִבֶּ֛ן עֶשְׂרִ֥ים שָׁנָ֖ה וָמָ֑עְלָה יִתֵּ֖ןb תְּרוּמַ֥ת יְהוָֽה׃

15 הֶֽעָשִׁ֣ירa לֹֽא־יַרְבֶּ֗הb וְהַדַּל֙c לֹ֣א יַמְעִ֔יטd מִֽמַּחֲצִ֖יתe הַשָּׁ֑קֶל לָתֵת֙f אֶת־תְּרוּמַ֣ת יְהוָ֔ה לְכַפֵּ֖רg עַל־נַפְשֹׁתֵיכֶֽם׃

16 וְלָקַחְתָּ֞a אֶת־כֶּ֣סֶף הַכִּפֻּרִ֗יםb מֵאֵת֙ בְּנֵ֣י יִשְׂרָאֵ֔ל וְנָתַתָּ֣c אֹתֹ֔ו עַל־עֲבֹדַ֖ת אֹ֣הֶל מֹועֵ֑ד וְהָיָה֩d לִבְנֵ֨י יִשְׂרָאֵ֤ל לְזִכָּרֹון֙e לִפְנֵ֣י יְהוָ֔ה לְכַפֵּ֖רf עַל־נַפְשֹׁתֵיכֶֽם׃ פ

17 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

18 וְעָשִׂ֜יתָa כִּיֹּ֥ורb נְחֹ֛שֶׁת וְכַנֹּ֥וc נְחֹ֖שֶׁת לְרָחְצָ֑הd וְנָתַתָּ֣e אֹתֹ֗ו בֵּֽין־אֹ֤הֶל מֹועֵד֙ וּבֵ֣ין הַמִּזְבֵּ֔חַ וְנָתַתָּ֥f שָׁ֖מָּה מָֽיִם׃

19 וְרָחֲצ֛וּa אַהֲרֹ֥ן וּבָנָ֖יו מִמֶּ֑נּוּ אֶת־יְדֵיהֶ֖ם וְאֶת־רַגְלֵיהֶֽם׃

20 בְּבֹאָ֞םa אֶל־אֹ֧הֶל מֹועֵ֛ד יִרְחֲצוּb ־מַ֖יִם וְלֹ֣א יָמֻ֑תוּc אֹ֣ו בְגִשְׁתָּ֤םd אֶל־הַמִּזְבֵּ֨חַ֙ לְשָׁרֵ֔תe לְהַקְטִ֥ירf אִשֶּׁ֖ה לַֽיהוָֽה׃

21 וְרָחֲצ֛וּa יְדֵיהֶ֥ם וְרַגְלֵיהֶ֖ם וְלֹ֣א יָמֻ֑תוּb וְהָיְתָ֨הc לָהֶ֧ם חָק־עֹולָ֛ם לֹ֥ו וּלְזַרְעֹ֖ו לְדֹרֹתָֽם׃ פ

22 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

23 וְאַתָּ֣ה קַחa ־לְךָ֮ בְּשָׂמִ֣יםb רֹאשׁ֒ מָרc ־דְּרֹור֙d חֲמֵ֣שׁ מֵאֹ֔ות וְקִנְּמָןe ־בֶּ֥שֶׂםf מַחֲצִיתֹ֖וg חֲמִשִּׁ֣ים וּמָאתָ֑יִם וּקְנֵה־בֹ֖שֶׂםh חֲמִשִּׁ֥ים וּמָאתָֽיִם׃

24 וְקִדָּ֕הa חֲמֵ֥שׁ מֵאֹ֖ות בְּשֶׁ֣קֶל הַקֹּ֑דֶשׁ וְשֶׁ֥מֶן זַ֖יִתb הִֽיןc ׃

25 וְעָשִׂ֣יתָa אֹתֹ֗ו שֶׁ֚מֶן מִשְׁחַתb ־קֹ֔דֶשׁ רֹ֥קַחc מִרְקַ֖חַתd מַעֲשֵׂ֣ה רֹקֵ֑חַe שֶׁ֥מֶן מִשְׁחַתf ־קֹ֖דֶשׁ יִהְיֶֽהg ׃

26 וּמָשַׁחְתָּ֥a בֹ֖ו אֶת־אֹ֣הֶל מֹועֵ֑ד וְאֵ֖ת אֲרֹ֥ון הָעֵדֻֽת׃

27 וְאֶת־הַשֻּׁלְחָן֙ וְאֶת־כָּל־כֵּלָ֔יו וְאֶת־הַמְּנֹרָ֖הa וְאֶת־כֵּלֶ֑יהָ וְאֵ֖ת מִזְבַּ֥ח הַקְּטֹֽרֶת׃

28 וְאֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְאֶת־הַכִּיֹּ֖רa וְאֶת־כַּנֹּֽוb ׃

29 וְקִדַּשְׁתָּ֣a אֹתָ֔ם וְהָי֖וּb קֹ֣דֶשׁ קָֽדָשִׁ֑ים כָּל־הַנֹּגֵ֥עַc בָּהֶ֖ם יִקְדָּֽשׁd ׃

30 וְאֶת־אַהֲרֹ֥ן וְאֶת־בָּנָ֖יו תִּמְשָׁ֑חa וְקִדַּשְׁתָּ֥b אֹתָ֖ם לְכַהֵ֥ןc לִֽי׃

31 וְאֶל־בְּנֵ֥י יִשְׂרָאֵ֖ל תְּדַבֵּ֣רa לֵאמֹ֑רb שֶׁ֠מֶן מִשְׁחַתc ־קֹ֨דֶשׁ יִהְיֶ֥הd זֶ֛ה לִ֖י לְדֹרֹתֵיכֶֽם׃

32 עַל־בְּשַׂ֤ר אָדָם֙ לֹ֣א יִיסָ֔ךְa וּבְמַ֨תְכֻּנְתֹּ֔וb לֹ֥א תַעֲשׂ֖וּc כָּמֹ֑הוּ קֹ֣דֶשׁ ה֔וּא קֹ֖דֶשׁ יִהְיֶ֥הd לָכֶֽם׃

33 אִ֚ישׁ אֲשֶׁ֣ר יִרְקַ֣חa כָּמֹ֔הוּ וַאֲשֶׁ֥ר יִתֵּ֛ןb מִמֶּ֖נּוּ עַל־זָ֑ר וְנִכְרַ֖תc מֵעַמָּֽיו׃ ס

34 וַיֹּאמֶר֩a יְהוָ֨ה אֶל־מֹשֶׁ֜ה קַחb ־לְךָ֣ סַמִּ֗יםc נָטָ֤ףd ׀ וּשְׁחֵ֨לֶת֙e וְחֶלְבְּנָ֔הf סַמִּ֖יםg וּלְבֹנָ֣הh זַכָּ֑הi בַּ֥ד בְּבַ֖ד יִהְיֶֽהj ׃

35 וְעָשִׂ֤יתָa אֹתָהּ֙ קְטֹ֔רֶת רֹ֖קַחb מַעֲשֵׂ֣ה רֹוקֵ֑חַc מְמֻלָּ֖חd טָהֹ֥ור קֹֽדֶשׁ׃

36 וְשָֽׁחַקְתָּ֣a מִמֶּנָּה֮ הָדֵק֒b וְנָתַתָּ֨הc מִמֶּ֜נָּה לִפְנֵ֤י הָעֵדֻת֙ בְּאֹ֣הֶל מֹועֵ֔ד אֲשֶׁ֛ר אִוָּעֵ֥דd לְךָ֖ שָׁ֑מָּה קֹ֥דֶשׁ קָֽדָשִׁ֖ים תִּהְיֶ֥הe לָכֶֽם׃

37 וְהַקְּטֹ֨רֶת֙ אֲשֶׁ֣ר תַּעֲשֶׂ֔הa בְּמַ֨תְכֻּנְתָּ֔הּb לֹ֥א תַעֲשׂ֖וּc לָכֶ֑ם קֹ֛דֶשׁ תִּהְיֶ֥הd לְךָ֖ לַיהוָֽה׃

38 אִ֛ישׁ אֲשֶׁר־יַעֲשֶׂ֥הa כָמֹ֖והָ לְהָרִ֣יחַb בָּ֑הּ וְנִכְרַ֖תc מֵעַמָּֽיו׃ ס