שמות

וּמֹשֶׁ֗ה הָיָ֥הa רֹעֶ֛הb אֶת־צֹ֛אן יִתְרֹ֥וc חֹתְנֹ֖וd כֹּהֵ֣ן מִדְיָ֑ן וַיִּנְהַ֤גe אֶת־הַצֹּאן֙ אַחַ֣ר הַמִּדְבָּ֔ר וַיָּבֹ֛אf אֶל־הַ֥ר הָאֱלֹהִ֖ים חֹרֵֽבָהg ׃

2 וַ֠יֵּרָאa מַלְאַ֨ךְ יְהֹוָ֥ה אֵלָ֛יו בְּלַבַּתb ־אֵ֖שׁ מִתֹּ֣וךְ הַסְּנֶ֑הc וַיַּ֗רְאd וְהִנֵּ֤ה הַסְּנֶה֙e בֹּעֵ֣רf בָּאֵ֔שׁ וְהַסְּנֶ֖הg אֵינֶ֥נּוּ אֻכָּֽלh ׃

3 וַיֹּ֣אמֶרa מֹשֶׁ֔ה אָסֻֽרָהb ־נָּ֣א וְאֶרְאֶ֔הc אֶת־הַמַּרְאֶ֥ה הַגָּדֹ֖ל הַזֶּ֑ה מַדּ֖וּעַ לֹא־יִבְעַ֥רd הַסְּנֶֽהe ׃

4 וַיַּ֥רְאa יְהוָ֖ה כִּ֣י סָ֣רb לִרְאֹ֑ותc וַיִּקְרָא֩d אֵלָ֨יו אֱלֹהִ֜ים מִתֹּ֣וךְ הַסְּנֶ֗הe וַיֹּ֛אמֶרf מֹשֶׁ֥ה מֹשֶׁ֖ה וַיֹּ֥אמֶרg הִנֵּֽנִי׃

5 וַיֹּ֖אמֶרa אַל־תִּקְרַ֣בb הֲלֹ֑םc שַׁלd ־נְעָלֶ֨יךָ֙e מֵעַ֣ל רַגְלֶ֔יךָ כִּ֣י הַמָּקֹ֗ום אֲשֶׁ֤ר אַתָּה֙ עֹומֵ֣דf עָלָ֔יו אַדְמַת־קֹ֖דֶשׁ הֽוּא׃

6 וַיֹּ֗אמֶרa אָנֹכִי֙ אֱלֹהֵ֣י אָבִ֔יךָ אֱלֹהֵ֧י אַבְרָהָ֛ם אֱלֹהֵ֥י יִצְחָ֖ק וֵאלֹהֵ֣י יַעֲקֹ֑ב וַיַּסְתֵּ֤רb מֹשֶׁה֙ פָּנָ֔יו כִּ֣י יָרֵ֔אc מֵהַבִּ֖יטd אֶל־הָאֱלֹהִֽים׃

7 וַיֹּ֣אמֶרa יְהוָ֔ה רָאֹ֥ה רָאִ֛יתִיb אֶת־עֳנִ֥יc עַמִּ֖י אֲשֶׁ֣ר בְּמִצְרָ֑יִם וְאֶת־צַעֲקָתָ֤םd שָׁמַ֨עְתִּי֙e מִפְּנֵ֣י נֹֽגְשָׂ֔יוf כִּ֥י יָדַ֖עְתִּיg אֶת־מַכְאֹבָֽיוh ׃

8 וָאֵרֵ֞דa לְהַצִּילֹ֣וb ׀ מִיַּ֣ד מִצְרַ֗יִם וּֽלְהַעֲלֹתֹו֮c מִן־הָאָ֣רֶץ הַהִוא֒ אֶל־אֶ֤רֶץ טֹובָה֙ וּרְחָבָ֔הd אֶל־אֶ֛רֶץ זָבַ֥תe חָלָ֖בf וּדְבָ֑שׁ אֶל־מְקֹ֤ום הַֽכְּנַעֲנִי֙ וְהַ֣חִתִּ֔יg וְהָֽאֱמֹרִי֙ וְהַפְּרִזִּ֔יh וְהַחִוִּ֖יi וְהַיְבוּסִֽיj ׃

9 וְעַתָּ֕ה הִנֵּ֛ה צַעֲקַ֥תa בְּנֵי־יִשְׂרָאֵ֖ל בָּ֣אָהb אֵלָ֑י וְגַם־רָאִ֨יתִי֙c אֶת־הַלַּ֔חַץd אֲשֶׁ֥ר מִצְרַ֖יִם לֹחֲצִ֥יםe אֹתָֽם׃

10 וְעַתָּ֣ה לְכָ֔הa וְאֶֽשְׁלָחֲךָ֖b אֶל־פַּרְעֹ֑ה וְהֹוצֵ֛אc אֶת־עַמִּ֥י בְנֵֽי־יִשְׂרָאֵ֖ל מִמִּצְרָֽיִם׃

11 וַיֹּ֤אמֶרa מֹשֶׁה֙ אֶל־הָ֣אֱלֹהִ֔ים מִ֣י אָנֹ֔כִי כִּ֥י אֵלֵ֖ךְb אֶל־פַּרְעֹ֑ה וְכִ֥י אֹוצִ֛יאc אֶת־בְּנֵ֥י יִשְׂרָאֵ֖ל מִמִּצְרָֽיִם׃

12 וַיֹּ֨אמֶר֙a כִּֽי־אֶֽהְיֶ֣הb עִמָּ֔ךְ וְזֶה־לְּךָ֣ הָאֹ֔ות כִּ֥י אָנֹכִ֖י שְׁלַחְתִּ֑יךָc בְּהֹוצִֽיאֲךָ֤d אֶת־הָעָם֙ מִמִּצְרַ֔יִם תַּֽעַבְדוּן֙e אֶת־הָ֣אֱלֹהִ֔ים עַ֖ל הָהָ֥ר הַזֶּֽה׃

13 וַיֹּ֨אמֶרa מֹשֶׁ֜ה אֶל־הָֽאֱלֹהִ֗ים הִנֵּ֨ה אָנֹכִ֣י בָא֮b אֶל־בְּנֵ֣י יִשְׂרָאֵל֒ וְאָמַרְתִּ֣יc לָהֶ֔ם אֱלֹהֵ֥י אֲבֹותֵיכֶ֖ם שְׁלָחַ֣נִיd אֲלֵיכֶ֑ם וְאָֽמְרוּe ־לִ֣י מַה־שְּׁמֹ֔ו מָ֥ה אֹמַ֖רf אֲלֵהֶֽם׃

14 וַיֹּ֤אמֶרa אֱלֹהִים֙ אֶל־מֹשֶׁ֔ה אֶֽהְיֶ֖הb אֲשֶׁ֣ר אֶֽהְיֶ֑הc וַיֹּ֗אמֶרd כֹּ֤ה תֹאמַר֙e לִבְנֵ֣י יִשְׂרָאֵ֔ל אֶֽהְיֶ֖הf שְׁלָחַ֥נִיg אֲלֵיכֶֽם׃

15 וַיֹּאמֶר֩a עֹ֨וד אֱלֹהִ֜ים אֶל־מֹשֶׁ֗ה כֹּֽה־תֹאמַר֮b אֶל־בְּנֵ֣י יִשְׂרָאֵל֒ יְהוָ֞ה אֱלֹהֵ֣י אֲבֹתֵיכֶ֗ם אֱלֹהֵ֨י אַבְרָהָ֜ם אֱלֹהֵ֥י יִצְחָ֛ק וֵאלֹהֵ֥י יַעֲקֹ֖ב שְׁלָחַ֣נִיc אֲלֵיכֶ֑ם זֶה־שְּׁמִ֣י לְעֹלָ֔ם וְזֶ֥ה זִכְרִ֖יd לְדֹ֥ר דֹּֽר׃

16 לֵ֣ךְa וְאָֽסַפְתָּ֞b אֶת־זִקְנֵ֣י יִשְׂרָאֵ֗ל וְאָמַרְתָּ֤c אֲלֵהֶם֙ יְהוָ֞ה אֱלֹהֵ֤י אֲבֹֽתֵיכֶם֙ נִרְאָ֣הd אֵלַ֔י אֱלֹהֵ֧י אַבְרָהָ֛ם יִצְחָ֥ק וְיַעֲקֹ֖ב לֵאמֹ֑רe פָּקֹ֤ד פָּקַ֨דְתִּי֙f אֶתְכֶ֔ם וְאֶת־הֶעָשׂ֥וּיg לָכֶ֖ם בְּמִצְרָֽיִם׃

17 וָאֹמַ֗רa אַעֲלֶ֣הb אֶתְכֶם֮ מֵעֳנִ֣יc מִצְרַיִם֒ אֶל־אֶ֤רֶץ הַֽכְּנַעֲנִי֙ וְהַ֣חִתִּ֔יd וְהָֽאֱמֹרִי֙ וְהַפְּרִזִּ֔יe וְהַחִוִּ֖יf וְהַיְבוּסִ֑יg אֶל־אֶ֛רֶץ זָבַ֥תh חָלָ֖בi וּדְבָֽשׁ׃

18 וְשָׁמְע֖וּa לְקֹלֶ֑ךָ וּבָאתָ֡b אַתָּה֩ וְזִקְנֵ֨י יִשְׂרָאֵ֜ל אֶל־מֶ֣לֶךְ מִצְרַ֗יִם וַאֲמַרְתֶּ֤םc אֵלָיו֙ יְהוָ֞ה אֱלֹהֵ֤י הָֽעִבְרִיִּים֙d נִקְרָ֣הe עָלֵ֔ינוּ וְעַתָּ֗ה נֵֽלֲכָהf ־נָּ֞א דֶּ֣רֶךְ שְׁלֹ֤שֶׁת יָמִים֙ בַּמִּדְבָּ֔ר וְנִזְבְּחָ֖הg לַֽיהוָ֥ה אֱלֹהֵֽינוּ׃

19 וַאֲנִ֣י יָדַ֔עְתִּיa כִּ֠י לֹֽא־יִתֵּ֥ןb אֶתְכֶ֛ם מֶ֥לֶךְ מִצְרַ֖יִם לַהֲלֹ֑ךְc וְלֹ֖א בְּיָ֥ד חֲזָקָֽה׃

20 וְשָׁלַחְתִּ֤יa אֶת־יָדִי֙ וְהִכֵּיתִ֣יb אֶת־מִצְרַ֔יִם בְּכֹל֙ נִפְלְאֹתַ֔י אֲשֶׁ֥ר אֶֽעֱשֶׂ֖הc בְּקִרְבֹּ֑ו וְאַחֲרֵי־כֵ֖ן יְשַׁלַּ֥חd אֶתְכֶֽם׃

21 וְנָתַתִּ֛יa אֶת־חֵ֥ן הָֽעָם־הַזֶּ֖ה בְּעֵינֵ֣י מִצְרָ֑יִם וְהָיָה֙b כִּ֣י תֵֽלֵכ֔וּןc לֹ֥א תֵלְכ֖וּd רֵיקָֽםe ׃

22 וְשָׁאֲלָ֨הa אִשָּׁ֤ה מִשְּׁכֶנְתָּהּ֙b וּמִגָּרַ֣ת בֵּיתָ֔הּ כְּלֵי־כֶ֛סֶף וּכְלֵ֥י זָהָ֖ב וּשְׂמָלֹ֑תc וְשַׂמְתֶּ֗םd עַל־בְּנֵיכֶם֙ וְעַל־בְּנֹ֣תֵיכֶ֔ם וְנִצַּלְתֶּ֖םe אֶת־מִצְרָֽיִם׃