שמות

וְזֶ֨ה הַדָּבָ֜ר אֲשֶֽׁר־תַּעֲשֶׂ֥הa לָהֶ֛ם לְקַדֵּ֥שׁb אֹתָ֖ם לְכַהֵ֣ןc לִ֑י לְ֠קַחd פַּ֣ר אֶחָ֧ד בֶּן־בָּקָ֛ר וְאֵילִ֥ם שְׁנַ֖יִם תְּמִימִֽם׃

2 וְלֶ֣חֶם מַצֹּ֗ות וְחַלֹּ֤תa מַצֹּת֙ בְּלוּלֹ֣תb בַּשֶּׁ֔מֶן וּרְקִיקֵ֥יc מַצֹּ֖ות מְשֻׁחִ֣יםd בַּשָּׁ֑מֶן סֹ֥לֶת חִטִּ֖יםe תַּעֲשֶׂ֥הf אֹתָֽם׃

3 וְנָתַתָּ֤a אֹותָם֙ עַל־סַ֣לb אֶחָ֔ד וְהִקְרַבְתָּ֥c אֹתָ֖ם בַּסָּ֑לd וְאֶ֨ת־הַפָּ֔ר וְאֵ֖ת שְׁנֵ֥י הָאֵילִֽם׃

4 וְאֶת־אַהֲרֹ֤ן וְאֶת־בָּנָיו֙ תַּקְרִ֔יבa אֶל־פֶּ֖תַח אֹ֣הֶל מֹועֵ֑ד וְרָחַצְתָּ֥b אֹתָ֖ם בַּמָּֽיִם׃

5 וְלָקַחְתָּ֣a אֶת־הַבְּגָדִ֗ים וְהִלְבַּשְׁתָּ֤b אֶֽת־אַהֲרֹן֙ אֶת־הַכֻּתֹּ֔נֶתc וְאֵת֙ מְעִ֣ילd הָאֵפֹ֔דe וְאֶת־הָאֵפֹ֖דf וְאֶת־הַחֹ֑שֶׁןg וְאָפַדְתָּ֣h לֹ֔ו בְּחֵ֖שֶׁבi הָאֵפֹֽדj ׃

6 וְשַׂמְתָּ֥a הַמִּצְנֶ֖פֶתb עַל־רֹאשֹׁ֑ו וְנָתַתָּ֛c אֶת־נֵ֥זֶרd הַקֹּ֖דֶשׁ עַל־הַמִּצְנָֽפֶתe ׃

7 וְלָֽקַחְתָּ֙a אֶת־שֶׁ֣מֶן הַמִּשְׁחָ֔הb וְיָצַקְתָּ֖c עַל־רֹאשֹׁ֑ו וּמָשַׁחְתָּ֖d אֹתֹֽו׃

8 וְאֶת־בָּנָ֖יו תַּקְרִ֑יבa וְהִלְבַּשְׁתָּ֖םb כֻּתֳּנֹֽתc ׃

9 וְחָגַרְתָּ֩a אֹתָ֨ם אַבְנֵ֜טb אַהֲרֹ֣ן וּבָנָ֗יו וְחָבַשְׁתָּ֤c לָהֶם֙ מִגְבָּעֹ֔תd וְהָיְתָ֥הe לָהֶ֛ם כְּהֻנָּ֖הf לְחֻקַּ֣ת עֹולָ֑ם וּמִלֵּאתָ֥g יַֽד־אַהֲרֹ֖ן וְיַד־בָּנָֽיו׃

10 וְהִקְרַבְתָּ֙a אֶת־הַפָּ֔ר לִפְנֵ֖י אֹ֣הֶל מֹועֵ֑ד וְסָמַ֨ךְb אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הַפָּֽר׃

11 וְשָׁחַטְתָּ֥a אֶת־הַפָּ֖ר לִפְנֵ֣י יְהוָ֑ה פֶּ֖תַח אֹ֥הֶל מֹועֵֽד׃

12 וְלָֽקַחְתָּ֙a מִדַּ֣ם הַפָּ֔ר וְנָתַתָּ֛הb עַל־קַרְנֹ֥ת הַמִּזְבֵּ֖חַ בְּאֶצְבָּעֶ֑ךָc וְאֶת־כָּל־הַדָּ֣ם תִּשְׁפֹּ֔ךְd אֶל־יְסֹ֖ודe הַמִּזְבֵּֽחַ׃

13 וְלָֽקַחְתָּ֗a אֶֽת־כָּל־הַחֵלֶב֮ הַֽמְכַסֶּ֣הb אֶת־הַקֶּרֶב֒ וְאֵ֗ת הַיֹּתֶ֨רֶת֙c עַל־הַכָּבֵ֔דd וְאֵת֙ שְׁתֵּ֣י הַכְּלָיֹ֔תe וְאֶת־הַחֵ֖לֶב אֲשֶׁ֣ר עֲלֵיהֶ֑ן וְהִקְטַרְתָּ֖f הַמִּזְבֵּֽחָה׃

14 וְאֶת־בְּשַׂ֤ר הַפָּר֙ וְאֶת־עֹרֹ֣ו וְאֶת־פִּרְשֹׁ֔וa תִּשְׂרֹ֣ףb בָּאֵ֔שׁ מִח֖וּץ לַֽמַּחֲנֶ֑ה חַטָּ֖את הֽוּא׃

15 וְאֶת־הָאַ֥יִל הָאֶחָ֖ד תִּקָּ֑חa וְסָ֨מְכ֜וּb אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

16 וְשָׁחַטְתָּ֖a אֶת־הָאָ֑יִל וְלָֽקַחְתָּ֙b אֶת־דָּמֹ֔ו וְזָרַקְתָּ֥c עַל־הַמִּזְבֵּ֖חַ סָבִֽיב׃

17 וְאֶ֨ת־הָאַ֔יִל תְּנַתֵּ֖חַa לִנְתָחָ֑יוb וְרָחַצְתָּ֤c קִרְבֹּו֙ וּכְרָעָ֔יוd וְנָתַתָּ֥e עַל־נְתָחָ֖יוf וְעַל־רֹאשֹֽׁו׃

18 וְהִקְטַרְתָּ֤a אֶת־כָּל־הָאַ֨יִל֙ הַמִּזְבֵּ֔חָה עֹלָ֥ה ה֖וּא לַֽיהוָ֑ה רֵ֣יחַ נִיחֹ֔וחַb אִשֶּׁ֥ה לַיהוָ֖ה הֽוּא׃

19 וְלָ֣קַחְתָּ֔a אֵ֖ת הָאַ֣יִל הַשֵּׁנִ֑י וְסָמַ֨ךְb אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

20 וְשָׁחַטְתָּ֣a אֶת־הָאַ֗יִל וְלָקַחְתָּ֤b מִדָּמֹו֙ וְנָֽתַתָּ֡הc עַל־תְּנוּךְ֩d אֹ֨זֶן אַהֲרֹ֜ן וְעַל־תְּנ֨וּךְe אֹ֤זֶן בָּנָיו֙ הַיְמָנִ֔יתf וְעַל־בֹּ֤הֶןg יָדָם֙ הַיְמָנִ֔יתh וְעַל־בֹּ֥הֶןi רַגְלָ֖ם הַיְמָנִ֑יתj וְזָרַקְתָּ֧k אֶת־הַדָּ֛ם עַל־הַמִּזְבֵּ֖חַ סָבִֽיב׃

21 וְלָקַחְתָּ֞a מִן־הַדָּ֨ם אֲשֶׁ֥ר עַֽל־הַמִּזְבֵּחַ֮ וּמִשֶּׁ֣מֶן הַמִּשְׁחָה֒b וְהִזֵּיתָ֤c עַֽל־אַהֲרֹן֙ וְעַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתֹּ֑ו וְקָדַ֥שׁd הוּא֙ וּבְגָדָ֔יו וּבָנָ֛יו וּבִגְדֵ֥י בָנָ֖יו אִתֹּֽו׃

22 וְלָקַחְתָּ֣a מִן־הָ֠אַיִל הַחֵ֨לֶב וְהָֽאַלְיָ֜הb וְאֶת־הַחֵ֣לֶב׀ הַֽמְכַסֶּ֣הc אֶת־הַקֶּ֗רֶב וְאֵ֨ת יֹתֶ֤רֶתd הַכָּבֵד֙e וְאֵ֣ת׀ שְׁתֵּ֣י הַכְּלָיֹ֗תf וְאֶת־הַחֵ֨לֶב֙ אֲשֶׁ֣ר עֲלֵהֶ֔ן וְאֵ֖ת שֹׁ֣וקg הַיָּמִ֑ין כִּ֛י אֵ֥יל מִלֻּאִ֖יםh הֽוּא׃

23 וְכִכַּ֨ר לֶ֜חֶם אַחַ֗ת וַֽחַלַּ֨תa לֶ֥חֶם שֶׁ֛מֶן אַחַ֖ת וְרָקִ֣יקb אֶחָ֑ד מִסַּל֙c הַמַּצֹּ֔ות אֲשֶׁ֖ר לִפְנֵ֥י יְהוָֽה׃

24 וְשַׂמְתָּ֣a הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וְהֵנַפְתָּ֥b אֹתָ֛ם תְּנוּפָ֖הc לִפְנֵ֥י יְהוָֽה׃

25 וְלָקַחְתָּ֤a אֹתָם֙ מִיָּדָ֔ם וְהִקְטַרְתָּ֥b הַמִּזְבֵּ֖חָה עַל־הָעֹלָ֑ה לְרֵ֤יחַ נִיחֹ֨וחַ֙c לִפְנֵ֣י יְהוָ֔ה אִשֶּׁ֥ה ה֖וּא לַיהוָֽה׃

26 וְלָקַחְתָּ֣a אֶת־הֶֽחָזֶ֗הb מֵאֵ֤יל הַמִּלֻּאִים֙c אֲשֶׁ֣ר לְאַהֲרֹ֔ן וְהֵנַפְתָּ֥d אֹתֹ֛ו תְּנוּפָ֖הe לִפְנֵ֣י יְהוָ֑ה וְהָיָ֥הf לְךָ֖ לְמָנָֽהg ׃

27 וְקִדַּשְׁתָּ֞a אֵ֣ת׀ חֲזֵ֣הb הַתְּנוּפָ֗הc וְאֵת֙ שֹׁ֣וקd הַתְּרוּמָ֔ה אֲשֶׁ֥ר הוּנַ֖ףe וַאֲשֶׁ֣ר הוּרָ֑םf מֵאֵיל֙ הַמִּלֻּאִ֔יםg מֵאֲשֶׁ֥ר לְאַהֲרֹ֖ן וּמֵאֲשֶׁ֥ר לְבָנָֽיו׃

28 וְהָיָה֩a לְאַהֲרֹ֨ן וּלְבָנָ֜יו לְחָק־עֹולָ֗ם מֵאֵת֙ בְּנֵ֣י יִשְׂרָאֵ֔ל כִּ֥י תְרוּמָ֖ה ה֑וּא וּתְרוּמָ֞ה יִהְיֶ֨הb מֵאֵ֤ת בְּנֵֽי־יִשְׂרָאֵל֙ מִזִּבְחֵ֣י שַׁלְמֵיהֶ֔ם תְּרוּמָתָ֖ם לַיהוָֽה׃

29 וּבִגְדֵ֤י הַקֹּ֨דֶשׁ֙ אֲשֶׁ֣ר לְאַהֲרֹ֔ן יִהְי֥וּa לְבָנָ֖יו אַחֲרָ֑יו לְמָשְׁחָ֣הb בָהֶ֔ם וּלְמַלֵּאc ־בָ֖ם אֶת־יָדָֽם׃

30 שִׁבְעַ֣ת יָמִ֗ים יִלְבָּשָׁ֧םa הַכֹּהֵ֛ן תַּחְתָּ֖יו מִבָּנָ֑יו אֲשֶׁ֥ר יָבֹ֛אb אֶל־אֹ֥הֶל מֹועֵ֖ד לְשָׁרֵ֥תc בַּקֹּֽדֶשׁ׃

31 וְאֵ֛ת אֵ֥יל הַמִּלֻּאִ֖יםa תִּקָּ֑חb וּבִשַּׁלְתָּ֥c אֶת־בְּשָׂרֹ֖ו בְּמָקֹ֥ם קָדֹֽשׁ׃

32 וְאָכַ֨לa אַהֲרֹ֤ן וּבָנָיו֙ אֶת־בְּשַׂ֣ר הָאַ֔יִל וְאֶת־הַלֶּ֖חֶם אֲשֶׁ֣ר בַּסָּ֑לb פֶּ֖תַח אֹ֥הֶל מֹועֵֽד׃

33 וְאָכְל֤וּa אֹתָם֙ אֲשֶׁ֣ר כֻּפַּ֣רb בָּהֶ֔ם לְמַלֵּ֥אc אֶת־יָדָ֖ם לְקַדֵּ֣שׁd אֹתָ֑ם וְזָ֥ר לֹא־יֹאכַ֖לe כִּי־קֹ֥דֶשׁ הֵֽם׃

34 וְֽאִם־יִוָּתֵ֞רa מִבְּשַׂ֧ר הַמִּלֻּאִ֛יםb וּמִן־הַלֶּ֖חֶם עַד־הַבֹּ֑קֶר וְשָׂרַפְתָּ֤c אֶת־הַנֹּותָר֙ בָּאֵ֔שׁ לֹ֥א יֵאָכֵ֖לd כִּי־קֹ֥דֶשׁ הֽוּא׃

35 וְעָשִׂ֜יתָa לְאַהֲרֹ֤ן וּלְבָנָיו֙ כָּ֔כָהb כְּכֹ֥ל אֲשֶׁר־צִוִּ֖יתִיc אֹתָ֑כָה שִׁבְעַ֥ת יָמִ֖ים תְּמַלֵּ֥אd יָדָֽם׃

36 וּפַ֨ר חַטָּ֜את תַּעֲשֶׂ֤הa לַיֹּום֙ עַל־הַכִּפֻּרִ֔יםb וְחִטֵּאתָ֙c עַל־הַמִּזְבֵּ֔חַ בְּכַפֶּרְךָ֖d עָלָ֑יו וּמָֽשַׁחְתָּ֥e אֹתֹ֖ו לְקַדְּשֹֽׁוf ׃

37 שִׁבְעַ֣ת יָמִ֗ים תְּכַפֵּר֙a עַל־הַמִּזְבֵּ֔חַ וְקִדַּשְׁתָּ֖b אֹתֹ֑ו וְהָיָ֤הc הַמִּזְבֵּ֨חַ֙ קֹ֣דֶשׁ קָֽדָשִׁ֔ים כָּל־הַנֹּגֵ֥עַd בַּמִּזְבֵּ֖חַ יִקְדָּֽשׁe ׃ ס

38 וְזֶ֕ה אֲשֶׁ֥ר תַּעֲשֶׂ֖הa עַל־הַמִּזְבֵּ֑חַ כְּבָשִׂ֧ים בְּנֵֽי־שָׁנָ֛ה שְׁנַ֥יִם לַיֹּ֖ום תָּמִֽיד׃

39 אֶת־הַכֶּ֥בֶשׂ הָאֶחָ֖ד תַּעֲשֶׂ֣הa בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖הb בֵּ֥ין הָעַרְבָּֽיִם׃

40 וְעִשָּׂרֹ֨ןa סֹ֜לֶת בָּל֨וּלb בְּשֶׁ֤מֶן כָּתִית֙c רֶ֣בַעd הַהִ֔יןe וְנֵ֕סֶךְ רְבִעִ֥ית הַהִ֖יןf יָ֑יִן לַכֶּ֖בֶשׂ הָאֶחָֽד׃

41 וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖הa בֵּ֣ין הָעַרְבָּ֑יִם כְּמִנְחַ֨ת הַבֹּ֤קֶר וּכְנִסְכָּהּ֙ תַּֽעֲשֶׂהb ־לָּ֔הּ לְרֵ֣יחַ נִיחֹ֔חַc אִשֶּׁ֖ה לַיהוָֽה׃

42 עֹלַ֤ת תָּמִיד֙ לְדֹרֹ֣תֵיכֶ֔ם פֶּ֥תַח אֹֽהֶל־מֹועֵ֖ד לִפְנֵ֣י יְהוָ֑ה אֲשֶׁ֨ר אִוָּעֵ֤דa לָכֶם֙ שָׁ֔מָּה לְדַבֵּ֥רb אֵלֶ֖יךָ שָֽׁם׃

43 וְנֹעַדְתִּ֥יa שָׁ֖מָּה לִבְנֵ֣י יִשְׂרָאֵ֑ל וְנִקְדַּ֖שׁb בִּכְבֹדִֽי׃

44 וְקִדַּשְׁתִּ֛יa אֶת־אֹ֥הֶל מֹועֵ֖ד וְאֶת־הַמִּזְבֵּ֑חַ וְאֶת־אַהֲרֹ֧ן וְאֶת־בָּנָ֛יו אֲקַדֵּ֖שׁb לְכַהֵ֥ןc לִֽי׃

45 וְשָׁ֣כַנְתִּ֔יa בְּתֹ֖וךְ בְּנֵ֣י יִשְׂרָאֵ֑ל וְהָיִ֥יתִיb לָהֶ֖ם לֵאלֹהִֽים׃

46 וְיָדְע֗וּa כִּ֣י אֲנִ֤י יְהוָה֙ אֱלֹ֣הֵיהֶ֔ם אֲשֶׁ֨ר הֹוצֵ֧אתִיb אֹתָ֛ם מֵאֶ֥רֶץ מִצְרַ֖יִם לְשָׁכְנִ֣יc בְתֹוכָ֑ם אֲנִ֖י יְהוָ֥ה אֱלֹהֵיהֶֽם׃ פ