שמות

וְעָשִׂ֥יתָa אֶת־הַמִּזְבֵּ֖חַ עֲצֵ֣י שִׁטִּ֑יםb חָמֵשׁ֩ אַמֹּ֨ות אֹ֜רֶךְ וְחָמֵ֧שׁ אַמֹּ֣ות רֹ֗חַב רָב֤וּעַc יִהְיֶה֙d הַמִּזְבֵּ֔חַ וְשָׁלֹ֥שׁ אַמֹּ֖ות קֹמָתֹֽוe ׃

2 וְעָשִׂ֣יתָa קַרְנֹתָ֗יו עַ֚ל אַרְבַּ֣ע פִּנֹּתָ֔יוb מִמֶּ֖נּוּ תִּהְיֶ֣יןָc קַרְנֹתָ֑יו וְצִפִּיתָ֥d אֹתֹ֖ו נְחֹֽשֶׁת׃

3 וְעָשִׂ֤יתָa סִּֽירֹתָיו֙b לְדַשְּׁנֹ֔וc וְיָעָיו֙d וּמִזְרְקֹתָ֔יוe וּמִזְלְגֹתָ֖יוf וּמַחְתֹּתָ֑יוg לְכָל־כֵּלָ֖יו תַּעֲשֶׂ֥הh נְחֹֽשֶׁת׃

4 וְעָשִׂ֤יתָa לֹּו֙ מִכְבָּ֔רb מַעֲשֵׂ֖ה רֶ֣שֶׁתc נְחֹ֑שֶׁת וְעָשִׂ֣יתָd עַל־הָרֶ֗שֶׁתe אַרְבַּע֙ טַבְּעֹ֣תf נְחֹ֔שֶׁת עַ֖ל אַרְבַּ֥ע קְצֹותָֽיוg ׃

5 וְנָתַתָּ֣הa אֹתָ֗הּ תַּ֛חַת כַּרְכֹּ֥בb הַמִּזְבֵּ֖חַ מִלְּמָ֑טָּהc וְהָיְתָ֣הd הָרֶ֔שֶׁתe עַ֖ד חֲצִ֥י הַמִּזְבֵּֽחַ׃

6 וְעָשִׂ֤יתָa בַדִּים֙ לַמִּזְבֵּ֔חַ בַּדֵּ֖י עֲצֵ֣י שִׁטִּ֑יםb וְצִפִּיתָ֥c אֹתָ֖ם נְחֹֽשֶׁת׃

7 וְהוּבָ֥אa אֶת־בַּדָּ֖יו בַּטַּבָּעֹ֑תb וְהָי֣וּc הַבַּדִּ֗ים עַל־שְׁתֵּ֛י צַלְעֹ֥תd הַמִּזְבֵּ֖חַ בִּשְׂאֵ֥תe אֹתֹֽו׃

8 נְב֥וּבa לֻחֹ֖תb תַּעֲשֶׂ֣הc אֹתֹ֑ו כַּאֲשֶׁ֨ר הֶרְאָ֥הd אֹתְךָ֛ בָּהָ֖ר כֵּ֥ן יַעֲשֽׂוּe ׃ ס

9 וְעָשִׂ֕יתָa אֵ֖ת חֲצַ֣ר הַמִּשְׁכָּ֑ן לִפְאַ֣ת נֶֽגֶב־תֵּ֠ימָנָהb קְלָעִ֨יםc לֶחָצֵ֜ר שֵׁ֣שׁd מָשְׁזָ֗רe מֵאָ֤ה בָֽאַמָּה֙ אֹ֔רֶךְ לַפֵּאָ֖ה הָאֶחָֽת׃

10 וְעַמֻּדָ֣יו עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧יa הָעַמֻּדִ֛ים וַחֲשֻׁקֵיהֶ֖םb כָּֽסֶף׃

11 וְכֵ֨ן לִפְאַ֤ת צָפֹון֙ בָּאֹ֔רֶךְ קְלָעִ֖יםa מֵ֣אָה אֹ֑רֶךְ ועמדוb עֶשְׂרִ֗ים וְאַדְנֵיהֶ֤ם עֶשְׂרִים֙ נְחֹ֔שֶׁת וָוֵ֧יc הָֽעַמֻּדִ֛ים וַחֲשֻׁקֵיהֶ֖םd כָּֽסֶף׃

12 וְרֹ֤חַב הֶֽחָצֵר֙ לִפְאַת־יָ֔ם קְלָעִ֖יםa חֲמִשִּׁ֣ים אַמָּ֑ה עַמֻּדֵיהֶ֣ם עֲשָׂרָ֔ה וְאַדְנֵיהֶ֖ם עֲשָׂרָֽה׃

13 וְרֹ֣חַב הֶֽחָצֵ֗ר לִפְאַ֛ת קֵ֥דְמָה מִזְרָ֖חָה חֲמִשִּׁ֥ים אַמָּֽה׃

14 וַחֲמֵ֨שׁ עֶשְׂרֵ֥ה אַמָּ֛ה קְלָעִ֖יםa לַכָּתֵ֑ף עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃

15 וְלַכָּתֵף֙ הַשֵּׁנִ֔ית חְמֵ֥שׁ עֶשְׂרֵ֖ה קְלָעִ֑יםa עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃

16 וּלְשַׁ֨עַר הֶֽחָצֵ֜ר מָסָ֣ךְa ׀ עֶשְׂרִ֣ים אַמָּ֗ה תְּכֵ֨לֶתb וְאַרְגָּמָ֜ןc וְתֹולַ֧עַתd שָׁנִ֛יe וְשֵׁ֥שׁf מָשְׁזָ֖רg מַעֲשֵׂ֣ה רֹקֵ֑םh עַמֻּֽדֵיהֶם֙ אַרְבָּעָ֔ה וְאַדְנֵיהֶ֖ם אַרְבָּעָֽה׃

17 כָּל־עַמּוּדֵ֨י הֶֽחָצֵ֤ר סָבִיב֙ מְחֻשָּׁקִ֣יםa כֶּ֔סֶף וָוֵיהֶ֖םb כָּ֑סֶף וְאַדְנֵיהֶ֖ם נְחֹֽשֶׁת׃

18 אֹ֣רֶךְ הֶֽחָצֵר֩ מֵאָ֨ה בָֽאַמָּ֜ה וְרֹ֣חַב׀ חֲמִשִּׁ֣ים בַּחֲמִשִּׁ֗ים וְקֹמָ֛הa חָמֵ֥שׁ אַמֹּ֖ות שֵׁ֣שׁb מָשְׁזָ֑רc וְאַדְנֵיהֶ֖ם נְחֹֽשֶׁת׃

19 לְכֹל֙ כְּלֵ֣י הַמִּשְׁכָּ֔ן בְּכֹ֖ל עֲבֹדָתֹ֑ו וְכָל־יְתֵדֹתָ֛יוa וְכָל־יִתְדֹ֥תb הֶחָצֵ֖ר נְחֹֽשֶׁת׃ ס

20 וְאַתָּ֞ה תְּצַוֶּ֣הa ׀ אֶת־בְּנֵ֣י יִשְׂרָאֵ֗ל וְיִקְח֨וּb אֵלֶ֜יךָ שֶׁ֣מֶן זַ֥יִתc זָ֛ךְd כָּתִ֖יתe לַמָּאֹ֑ורf לְהַעֲלֹ֥תg נֵ֖רh תָּמִֽיד׃

21 בְּאֹ֣הֶל מֹועֵד֩ מִח֨וּץ לַפָּרֹ֜כֶתa אֲשֶׁ֣ר עַל־הָעֵדֻ֗ת יַעֲרֹךְ֩b אֹתֹ֨ו אַהֲרֹ֧ן וּבָנָ֛יו מֵעֶ֥רֶב עַד־בֹּ֖קֶר לִפְנֵ֣י יְהוָ֑ה חֻקַּ֤ת עֹולָם֙ לְדֹ֣רֹתָ֔ם מֵאֵ֖ת בְּנֵ֥י יִשְׂרָאֵֽל׃ ס