שמות

וְאֶת־הַמִּשְׁכָּ֥ן תַּעֲשֶׂ֖הa עֶ֣שֶׂר יְרִיעֹ֑ת שֵׁ֣שׁb מָשְׁזָ֗רc וּתְכֵ֤לֶתd וְאַרְגָּמָן֙e וְתֹלַ֣עַתf שָׁנִ֔יg כְּרֻבִ֛ים מַעֲשֵׂ֥ה חֹשֵׁ֖ב תַּעֲשֶׂ֥הh אֹתָֽם׃

2 אֹ֣רֶךְ׀ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֨חַב֙ אַרְבַּ֣ע בָּאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃

3 חֲמֵ֣שׁ הַיְרִיעֹ֗ת תִּֽהְיֶ֨יןָ֙a חֹֽבְרֹ֔תb אִשָּׁ֖ה אֶל־אֲחֹתָ֑הּ וְחָמֵ֤שׁ יְרִיעֹת֙ חֹֽבְרֹ֔תc אִשָּׁ֖ה אֶל־אֲחֹתָֽהּ׃

4 וְעָשִׂ֜יתָa לֻֽלְאֹ֣תb תְּכֵ֗לֶתc עַ֣ל שְׂפַ֤ת הַיְרִיעָה֙ הָאֶחָ֔ת מִקָּצָ֖הd בַּחֹבָ֑רֶתe וְכֵ֤ן תַּעֲשֶׂה֙f בִּשְׂפַ֣ת הַיְרִיעָ֔ה הַקִּ֣יצֹונָ֔הg בַּמַּחְבֶּ֖רֶתh הַשֵּׁנִֽית׃

5 חֲמִשִּׁ֣ים לֻֽלָאֹ֗תa תַּעֲשֶׂה֮b בַּיְרִיעָ֣ה הָאֶחָת֒ וַחֲמִשִּׁ֣ים לֻֽלָאֹ֗תc תַּעֲשֶׂה֙d בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶתe הַשֵּׁנִ֑ית מַקְבִּילֹת֙f הַלֻּ֣לָאֹ֔תg אִשָּׁ֖ה אֶל־אֲחֹתָֽהּ׃

6 וְעָשִׂ֕יתָa חֲמִשִּׁ֖ים קַרְסֵ֣יb זָהָ֑ב וְחִבַּרְתָּ֙c אֶת־הַיְרִיעֹ֜ת אִשָּׁ֤ה אֶל־אֲחֹתָהּ֙ בַּקְּרָסִ֔יםd וְהָיָ֥הe הַמִּשְׁכָּ֖ן אֶחָֽד׃ פ

7 וְעָשִׂ֨יתָ֙a יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּיb ־עֶשְׂרֵ֥ה יְרִיעֹ֖ת תַּעֲשֶׂ֥הc אֹתָֽם׃

8 אֹ֣רֶךְ׀ הַיְרִיעָ֣ה הָֽאַחַ֗ת שְׁלֹשִׁים֙ בָּֽאַמָּ֔ה וְרֹ֨חַב֙ אַרְבַּ֣ע בָּאַמָּ֔ה הַיְרִיעָ֖ה הָאֶחָ֑ת מִדָּ֣ה אַחַ֔ת לְעַשְׁתֵּ֥יa עֶשְׂרֵ֖ה יְרִיעֹֽת׃

9 וְחִבַּרְתָּ֞a אֶת־חֲמֵ֤שׁ הַיְרִיעֹת֙ לְבָ֔ד וְאֶת־שֵׁ֥שׁ הַיְרִיעֹ֖ת לְבָ֑ד וְכָפַלְתָּ֙b אֶת־הַיְרִיעָ֣ה הַשִּׁשִּׁ֔יתc אֶל־מ֖וּלd פְּנֵ֥י הָאֹֽהֶל׃

10 וְעָשִׂ֜יתָa חֲמִשִּׁ֣ים לֻֽלָאֹ֗תb עַ֣ל שְׂפַ֤ת הַיְרִיעָה֙ הָֽאֶחָ֔ת הַקִּיצֹנָ֖הc בַּחֹבָ֑רֶתd וַחֲמִשִּׁ֣ים לֻֽלָאֹ֗תe עַ֚ל שְׂפַ֣ת הַיְרִיעָ֔ה הַחֹבֶ֖רֶתf הַשֵּׁנִֽית׃

11 וְעָשִׂ֛יתָa קַרְסֵ֥יb נְחֹ֖שֶׁת חֲמִשִּׁ֑ים וְהֵבֵאתָ֤c אֶת־הַקְּרָסִים֙d בַּלֻּ֣לָאֹ֔תe וְחִבַּרְתָּ֥f אֶת־הָאֹ֖הֶל וְהָיָ֥הg אֶחָֽד׃

12 וְסֶ֨רַח֙a הָעֹדֵ֔ףb בִּירִיעֹ֖ת הָאֹ֑הֶל חֲצִ֤י הַיְרִיעָה֙ הָעֹדֶ֔פֶתc תִּסְרַ֕חd עַ֖ל אֲחֹרֵ֥יe הַמִּשְׁכָּֽן׃

13 וְהָאַמָּ֨ה מִזֶּ֜ה וְהָאַמָּ֤ה מִזֶּה֙ בָּעֹדֵ֔ףa בְּאֹ֖רֶךְ יְרִיעֹ֣ת הָאֹ֑הֶל יִהְיֶ֨הb סָר֜וּחַc עַל־צִדֵּ֧יd הַמִּשְׁכָּ֛ן מִזֶּ֥ה וּמִזֶּ֖ה לְכַסֹּתֹֽוe ׃

14 וְעָשִׂ֤יתָa מִכְסֶה֙b לָאֹ֔הֶל עֹרֹ֥ת אֵילִ֖ם מְאָדָּמִ֑יםc וּמִכְסֵ֛הd עֹרֹ֥ת תְּחָשִׁ֖יםe מִלְמָֽעְלָה׃ פ

15 וְעָשִׂ֥יתָa אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖יםb עֹמְדִֽים׃

16 עֶ֥שֶׂר אַמֹּ֖ות אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃

17 שְׁתֵּ֣י יָדֹ֗ות לַקֶּ֨רֶשׁ֙ הָאֶחָ֔ד מְשֻׁלָּבֹ֔תa אִשָּׁ֖ה אֶל־אֲחֹתָ֑הּ כֵּ֣ן תַּעֲשֶׂ֔הb לְכֹ֖ל קַרְשֵׁ֥י הַמִּשְׁכָּֽן׃

18 וְעָשִׂ֥יתָa אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קֶ֔רֶשׁ לִפְאַ֖ת נֶ֥גְבָּה תֵימָֽנָהb ׃

19 וְאַרְבָּעִים֙ אַדְנֵי־כֶ֔סֶף תַּעֲשֶׂ֕הa תַּ֖חַת עֶשְׂרִ֣ים הַקָּ֑רֶשׁ שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃

20 וּלְצֶ֧לַעa הַמִּשְׁכָּ֛ן הַשֵּׁנִ֖ית לִפְאַ֣ת צָפֹ֑ון עֶשְׂרִ֖ים קָֽרֶשׁ׃

21 וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָֽאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

22 וּֽלְיַרְכְּתֵ֥יa הַמִּשְׁכָּ֖ן יָ֑מָּה תַּעֲשֶׂ֖הb שִׁשָּׁ֥ה קְרָשִֽׁים׃

23 וּשְׁנֵ֤י קְרָשִׁים֙ תַּעֲשֶׂ֔הa לִמְקֻצְעֹ֖תb הַמִּשְׁכָּ֑ן בַּיַּרְכָתָֽיִםc ׃

24 וְיִֽהְי֣וּa תֹֽאֲמִים֮b מִלְּמַטָּה֒c וְיַחְדָּ֗ו יִהְי֤וּd תַמִּים֙e עַל־רֹאשֹׁ֔ו אֶל־הַטַּבַּ֖עַתf הָאֶחָ֑ת כֵּ֚ן יִהְיֶ֣הg לִשְׁנֵיהֶ֔ם לִשְׁנֵ֥י הַמִּקְצֹעֹ֖תh יִהְיֽוּi ׃

25 וְהָיוּ֙a שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

26 וְעָשִׂ֥יתָa בְרִיחִ֖םb עֲצֵ֣י שִׁטִּ֑יםc חֲמִשָּׁ֕ה לְקַרְשֵׁ֥י צֶֽלַעd ־הַמִּשְׁכָּ֖ן הָאֶחָֽד׃

27 וַחֲמִשָּׁ֣ה בְרִיחִ֔םa לְקַרְשֵׁ֥י צֶֽלַעb ־הַמִּשְׁכָּ֖ן הַשֵּׁנִ֑ית וַחֲמִשָּׁ֣ה בְרִיחִ֗םc לְקַרְשֵׁי֙ צֶ֣לַעd הַמִּשְׁכָּ֔ן לַיַּרְכָתַ֖יִםe יָֽמָּה׃

28 וְהַבְּרִ֥יחַa הַתִּיכֹ֖ןb בְּתֹ֣וךְ הַקְּרָשִׁ֑ים מַבְרִ֕חַc מִן־הַקָּצֶ֖ה אֶל־הַקָּצֶֽה׃

29 וְֽאֶת־הַקְּרָשִׁ֞ים תְּצַפֶּ֣הa זָהָ֗ב וְאֶת־טַבְּעֹֽתֵיהֶם֙b תַּעֲשֶׂ֣הc זָהָ֔ב בָּתִּ֖ים לַבְּרִיחִ֑םd וְצִפִּיתָ֥e אֶת־הַבְּרִיחִ֖םf זָהָֽב׃

30 וַהֲקֵמֹתָ֖a אֶת־הַמִּשְׁכָּ֑ן כְּמִ֨שְׁפָּטֹ֔ו אֲשֶׁ֥ר הָרְאֵ֖יתָb בָּהָֽר׃ ס

31 וְעָשִׂ֣יתָa פָרֹ֗כֶתb תְּכֵ֧לֶתc וְאַרְגָּמָ֛ןd וְתֹולַ֥עַתe שָׁנִ֖יf וְשֵׁ֣שׁg מָשְׁזָ֑רh מַעֲשֵׂ֥ה חֹשֵׁ֛ב יַעֲשֶׂ֥הi אֹתָ֖הּ כְּרֻבִֽים׃

32 וְנָתַתָּ֣הa אֹתָ֗הּ עַל־אַרְבָּעָה֙ עַמּוּדֵ֣י שִׁטִּ֔יםb מְצֻפִּ֣יםc זָהָ֔ב וָוֵיהֶ֖םd זָהָ֑ב עַל־אַרְבָּעָ֖ה אַדְנֵי־כָֽסֶף׃

33 וְנָתַתָּ֣הa אֶת־הַפָּרֹכֶת֮b תַּ֣חַת הַקְּרָסִים֒c וְהֵבֵאתָ֥d שָׁ֨מָּה֙ מִבֵּ֣ית לַפָּרֹ֔כֶתe אֵ֖ת אֲרֹ֣ון הָעֵד֑וּת וְהִבְדִּילָ֤הf הַפָּרֹ֨כֶת֙g לָכֶ֔ם בֵּ֣ין הַקֹּ֔דֶשׁ וּבֵ֖ין קֹ֥דֶשׁ הַקֳּדָשִֽׁים׃

34 וְנָתַתָּ֙a אֶת־הַכַּפֹּ֔רֶתb עַ֖ל אֲרֹ֣ון הָעֵדֻ֑ת בְּקֹ֖דֶשׁ הַקֳּדָשִֽׁים׃

35 וְשַׂמְתָּ֤a אֶת־הַשֻּׁלְחָן֙ מִח֣וּץ לַפָּרֹ֔כֶתb וְאֶת־הַמְּנֹרָה֙c נֹ֣כַחd הַשֻּׁלְחָ֔ן עַ֛ל צֶ֥לַעe הַמִּשְׁכָּ֖ן תֵּימָ֑נָהf וְהַ֨שֻּׁלְחָ֔ן תִּתֵּ֖ןg עַל־צֶ֥לַעh צָפֹֽון׃

36 וְעָשִׂ֤יתָa מָסָךְ֙b לְפֶ֣תַח הָאֹ֔הֶל תְּכֵ֧לֶתc וְאַרְגָּמָ֛ןd וְתֹולַ֥עַתe שָׁנִ֖יf וְשֵׁ֣שׁg מָשְׁזָ֑רh מַעֲשֵׂ֖ה רֹקֵֽםi ׃

37 וְעָשִׂ֣יתָa לַמָּסָ֗ךְb חֲמִשָּׁה֙ עַמּוּדֵ֣י שִׁטִּ֔יםc וְצִפִּיתָ֤d אֹתָם֙ זָהָ֔ב וָוֵיהֶ֖םe זָהָ֑ב וְיָצַקְתָּ֣f לָהֶ֔ם חֲמִשָּׁ֖ה אַדְנֵ֥י נְחֹֽשֶׁת׃ ס