שמות

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּר֙a אֶל־בְּנֵ֣י יִשְׂרָאֵ֔ל וְיִקְחוּb ־לִ֖י תְּרוּמָ֑ה מֵאֵ֤ת כָּל־אִישׁ֙ אֲשֶׁ֣ר יִדְּבֶ֣נּוּc לִבֹּ֔ו תִּקְח֖וּd אֶת־תְּרוּמָתִֽי׃

3 וְזֹאת֙ הַתְּרוּמָ֔ה אֲשֶׁ֥ר תִּקְח֖וּa מֵאִתָּ֑ם זָהָ֥ב וָכֶ֖סֶף וּנְחֹֽשֶׁת׃

4 וּתְכֵ֧לֶתa וְאַרְגָּמָ֛ןb וְתֹולַ֥עַתc שָׁנִ֖יd וְשֵׁ֥שׁe וְעִזִּֽים׃

5 וְעֹרֹ֨ת אֵילִ֧ם מְאָדָּמִ֛יםa וְעֹרֹ֥ת תְּחָשִׁ֖יםb וַעֲצֵ֥י שִׁטִּֽיםc ׃

6 שֶׁ֖מֶן לַמָּאֹ֑רa בְּשָׂמִים֙b לְשֶׁ֣מֶן הַמִּשְׁחָ֔הc וְלִקְטֹ֖רֶת הַסַּמִּֽיםd ׃

7 אַבְנֵי־שֹׁ֕הַםa וְאַבְנֵ֖י מִלֻּאִ֑יםb לָאֵפֹ֖דc וְלַחֹֽשֶׁןd ׃

8 וְעָ֥שׂוּa לִ֖י מִקְדָּ֑שׁ וְשָׁכַנְתִּ֖יb בְּתֹוכָֽם׃

9 כְּכֹ֗ל אֲשֶׁ֤ר אֲנִי֙ מַרְאֶ֣הa אֹותְךָ֔ אֵ֚ת תַּבְנִ֣יתb הַמִּשְׁכָּ֔ן וְאֵ֖ת תַּבְנִ֣יתc כָּל־כֵּלָ֑יו וְכֵ֖ן תַּעֲשֽׂוּd ׃ ס

10 וְעָשׂ֥וּa אֲרֹ֖ון עֲצֵ֣י שִׁטִּ֑יםb אַמָּתַ֨יִם וָחֵ֜צִי אָרְכֹּ֗ו וְאַמָּ֤ה וָחֵ֨צִי֙ רָחְבֹּ֔ו וְאַמָּ֥ה וָחֵ֖צִי קֹמָתֹֽוc ׃

11 וְצִפִּיתָ֤a אֹתֹו֙ זָהָ֣ב טָהֹ֔ור מִבַּ֥יִת וּמִח֖וּץ תְּצַפֶּ֑נּוּb וְעָשִׂ֧יתָc עָלָ֛יו זֵ֥רd זָהָ֖ב סָבִֽיב׃

12 וְיָצַ֣קְתָּa לֹּ֗ו אַרְבַּע֙ טַבְּעֹ֣תb זָהָ֔ב וְנָ֣תַתָּ֔הc עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗תd עַל־צַלְעֹו֙e הָֽאֶחָ֔ת וּשְׁתֵּי֙ טַבָּעֹ֔תf עַל־צַלְעֹ֖וg הַשֵּׁנִֽית׃

13 וְעָשִׂ֥יתָa בַדֵּ֖י עֲצֵ֣י שִׁטִּ֑יםb וְצִפִּיתָ֥c אֹתָ֖ם זָהָֽב׃

14 וְהֵֽבֵאתָ֤a אֶת־הַבַּדִּים֙ בַּטַּבָּעֹ֔תb עַ֖ל צַלְעֹ֣תc הָאָרֹ֑ן לָשֵׂ֥אתd אֶת־הָאָרֹ֖ן בָּהֶֽם׃

15 בְּטַבְּעֹת֙a הָאָרֹ֔ן יִהְי֖וּb הַבַּדִּ֑ים לֹ֥א יָסֻ֖רוּc מִמֶּֽנּוּ׃

16 וְנָתַתָּ֖a אֶל־הָאָרֹ֑ן אֵ֚ת הָעֵדֻ֔ת אֲשֶׁ֥ר אֶתֵּ֖ןb אֵלֶֽיךָ׃

17 וְעָשִׂ֥יתָa כַפֹּ֖רֶתb זָהָ֣ב טָהֹ֑ור אַמָּתַ֤יִם וָחֵ֨צִי֙ אָרְכָּ֔הּ וְאַמָּ֥ה וָחֵ֖צִי רָחְבָּֽהּ׃

18 וְעָשִׂ֛יתָa שְׁנַ֥יִם כְּרֻבִ֖ים זָהָ֑ב מִקְשָׁה֙b תַּעֲשֶׂ֣הc אֹתָ֔ם מִשְּׁנֵ֖י קְצֹ֥ותd הַכַּפֹּֽרֶתe ׃

19 וַ֠עֲשֵׂהa כְּר֨וּב אֶחָ֤ד מִקָּצָה֙b מִזֶּ֔ה וּכְרוּב־אֶחָ֥ד מִקָּצָ֖הc מִזֶּ֑ה מִן־הַכַּפֹּ֛רֶתd תַּעֲשׂ֥וּe אֶת־הַכְּרֻבִ֖ים עַל־שְׁנֵ֥י קְצֹותָֽיוf ׃

20 וְהָי֣וּa הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹכְכִ֤יםb בְּכַנְפֵיהֶם֙ עַל־הַכַּפֹּ֔רֶתc וּפְנֵיהֶ֖ם אִ֣ישׁ אֶל־אָחִ֑יו אֶל־הַכַּפֹּ֔רֶתd יִהְי֖וּe פְּנֵ֥י הַכְּרֻבִֽים׃

21 וְנָתַתָּ֧a אֶת־הַכַּפֹּ֛רֶתb עַל־הָאָרֹ֖ן מִלְמָ֑עְלָה וְאֶל־הָ֣אָרֹ֔ן תִּתֵּן֙c אֶת־הָ֣עֵדֻ֔ת אֲשֶׁ֥ר אֶתֵּ֖ןd אֵלֶֽיךָ׃

22 וְנֹועַדְתִּ֣יa לְךָ֮ שָׁם֒ וְדִבַּרְתִּ֨יb אִתְּךָ֜ מֵעַ֣ל הַכַּפֹּ֗רֶתc מִבֵּין֙ שְׁנֵ֣י הַכְּרֻבִ֔ים אֲשֶׁ֖ר עַל־אֲרֹ֣ן הָעֵדֻ֑ת אֵ֣ת כָּל־אֲשֶׁ֧ר אֲצַוֶּ֛הd אֹותְךָ֖ אֶל־בְּנֵ֥י יִשְׂרָאֵֽל׃ פ

23 וְעָשִׂ֥יתָa שֻׁלְחָ֖ן עֲצֵ֣י שִׁטִּ֑יםb אַמָּתַ֤יִם אָרְכֹּו֙ וְאַמָּ֣ה רָחְבֹּ֔ו וְאַמָּ֥ה וָחֵ֖צִי קֹמָתֹֽוc ׃

24 וְצִפִּיתָ֥a אֹתֹ֖ו זָהָ֣ב טָהֹ֑ור וְעָשִׂ֥יתָb לֹּ֛ו זֵ֥רc זָהָ֖ב סָבִֽיב׃

25 וְעָשִׂ֨יתָa לֹּ֥ו מִסְגֶּ֛רֶתb טֹ֖פַחc סָבִ֑יב וְעָשִׂ֧יתָd זֵרe ־זָהָ֛ב לְמִסְגַּרְתֹּ֖וf סָבִֽיב׃

26 וְעָשִׂ֣יתָa לֹּ֔ו אַרְבַּ֖ע טַבְּעֹ֣תb זָהָ֑ב וְנָתַתָּ֙c אֶת־הַטַּבָּעֹ֔תd עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃

27 לְעֻמַּת֙a הַמִּסְגֶּ֔רֶתb תִּהְיֶ֖יןָc הַטַּבָּעֹ֑תd לְבָתִּ֣ים לְבַדִּ֔ים לָשֵׂ֖אתe אֶת־הַשֻּׁלְחָֽן׃

28 וְעָשִׂ֤יתָa אֶת־הַבַּדִּים֙ עֲצֵ֣י שִׁטִּ֔יםb וְצִפִּיתָ֥c אֹתָ֖ם זָהָ֑ב וְנִשָּׂאd ־בָ֖ם אֶת־הַשֻּׁלְחָֽן׃

29 וְעָשִׂ֨יתָa קְּעָרֹתָ֜יוb וְכַפֹּתָ֗יו וּקְשֹׂותָיו֙c וּמְנַקִּיֹּתָ֔יוd אֲשֶׁ֥ר יֻסַּ֖ךְe בָּהֵ֑ן זָהָ֥ב טָהֹ֖ור תַּעֲשֶׂ֥הf אֹתָֽם׃

30 וְנָתַתָּ֧a עַֽל־הַשֻּׁלְחָ֛ן לֶ֥חֶם פָּנִ֖ים לְפָנַ֥י תָּמִֽיד׃ פ

31 וְעָשִׂ֥יתָa מְנֹרַ֖תb זָהָ֣ב טָהֹ֑ור מִקְשָׁ֞הc תֵּעָשֶׂ֤הd הַמְּנֹורָה֙e יְרֵכָ֣הּf וְקָנָ֔הּ גְּבִיעֶ֛יהָg כַּפְתֹּרֶ֥יהָh וּפְרָחֶ֖יהָi מִמֶּ֥נָּה יִהְיֽוּj ׃

32 וְשִׁשָּׁ֣ה קָנִ֔ים יֹצְאִ֖יםa מִצִּדֶּ֑יהָb שְׁלֹשָׁ֣ה׀ קְנֵ֣י מְנֹרָ֗הc מִצִּדָּהּ֙d הָאֶחָ֔ד וּשְׁלֹשָׁה֙ קְנֵ֣י מְנֹרָ֔הe מִצִּדָּ֖הּf הַשֵּׁנִֽי׃

33 שְׁלֹשָׁ֣ה גְ֠בִעִיםa מְֽשֻׁקָּדִ֞יםb בַּקָּנֶ֣ה הָאֶחָד֮ כַּפְתֹּ֣רc וָפֶרַח֒d וּשְׁלֹשָׁ֣ה גְבִעִ֗יםe מְשֻׁקָּדִ֛יםf בַּקָּנֶ֥ה הָאֶחָ֖ד כַּפְתֹּ֣רg וָפָ֑רַחh כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖יםi מִן־הַמְּנֹרָֽהj ׃

34 וּבַמְּנֹרָ֖הa אַרְבָּעָ֣ה גְבִעִ֑יםb מְשֻׁקָּדִ֔יםc כַּפְתֹּרֶ֖יהָd וּפְרָחֶֽיהָe ׃

35 וְכַפְתֹּ֡רa תַּחַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙b תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕רc תַּחַת־שְׁנֵ֥י הַקָּנִ֖ים מִמֶּ֑נָּה לְשֵׁ֨שֶׁת֙ הַקָּנִ֔ים הַיֹּצְאִ֖יםd מִן־הַמְּנֹרָֽהe ׃

36 כַּפְתֹּרֵיהֶ֥םa וּקְנֹתָ֖ם מִמֶּ֣נָּה יִהְי֑וּb כֻּלָּ֛הּ מִקְשָׁ֥הc אַחַ֖ת זָהָ֥ב טָהֹֽור׃

37 וְעָשִׂ֥יתָa אֶת־נֵרֹתֶ֖יהָb שִׁבְעָ֑ה וְהֶֽעֱלָה֙c אֶת־נֵ֣רֹתֶ֔יהָd וְהֵאִ֖ירe עַל־עֵ֥בֶר פָּנֶֽיהָ׃

38 וּמַלְקָחֶ֥יהָa וּמַחְתֹּתֶ֖יהָb זָהָ֥ב טָהֹֽור׃

39 כִּכָּ֛ר זָהָ֥ב טָהֹ֖ור יַעֲשֶׂ֣הa אֹתָ֑הּ אֵ֥ת כָּל־הַכֵּלִ֖ים הָאֵֽלֶּה׃

40 וּרְאֵ֖הa וַעֲשֵׂ֑הb בְּתַ֨בְנִיתָ֔םc אֲשֶׁר־אַתָּ֥ה מָרְאֶ֖הd בָּהָֽר׃ ס