24
וְאֶל־מֹשֶׁ֨ה אָמַ֜רa
עֲלֵ֣הb
אֶל־יְהוָ֗ה אַתָּה֙ וְאַהֲרֹן֙ נָדָ֣בc
וַאֲבִיה֔וּאd
וְשִׁבְעִ֖ים מִזִּקְנֵ֣י יִשְׂרָאֵ֑ל וְהִשְׁתַּחֲוִיתֶ֖םe
מֵרָחֹֽק׃
2
וְנִגַּ֨שׁa
מֹשֶׁ֤ה לְבַדֹּו֙ אֶל־יְהוָ֔ה וְהֵ֖ם לֹ֣א יִגָּ֑שׁוּb
וְהָעָ֕ם לֹ֥א יַעֲל֖וּc
עִמֹּֽו׃
3
וַיָּבֹ֣אa
מֹשֶׁ֗ה וַיְסַפֵּ֤רb
לָעָם֙ אֵ֚ת כָּל־דִּבְרֵ֣י יְהוָ֔ה וְאֵ֖ת כָּל־הַמִּשְׁפָּטִ֑ים וַיַּ֨עַןc
כָּל־הָעָ֜ם קֹ֤ול אֶחָד֙ וַיֹּ֣אמְר֔וּd
כָּל־הַדְּבָרִ֛ים אֲשֶׁר־דִּבֶּ֥רe
יְהוָ֖ה נַעֲשֶֽׂהf
׃
4
וַיִּכְתֹּ֣בa
מֹשֶׁ֗ה אֵ֚ת כָּל־דִּבְרֵ֣י יְהוָ֔ה וַיַּשְׁכֵּ֣םb
בַּבֹּ֔קֶר וַיִּ֥בֶןc
מִזְבֵּ֖חַ תַּ֣חַת הָהָ֑ר וּשְׁתֵּ֤ים עֶשְׂרֵה֙ מַצֵּבָ֔הd
לִשְׁנֵ֥ים עָשָׂ֖ר שִׁבְטֵ֥י יִשְׂרָאֵֽל׃
5
וַיִּשְׁלַ֗חa
אֶֽת־נַעֲרֵי֙ בְּנֵ֣י יִשְׂרָאֵ֔ל וַיַּֽעֲל֖וּb
עֹלֹ֑ת וַֽיִּזְבְּח֞וּc
זְבָחִ֧ים שְׁלָמִ֛ים לַיהוָ֖ה פָּרִֽים׃
6
וַיִּקַּ֤חa
מֹשֶׁה֙ חֲצִ֣י הַדָּ֔ם וַיָּ֖שֶׂםb
בָּאַגָּנֹ֑תc
וַחֲצִ֣י הַדָּ֔ם זָרַ֖קd
עַל־הַמִּזְבֵּֽחַ׃
7
וַיִּקַּח֙a
סֵ֣פֶר הַבְּרִ֔ית וַיִּקְרָ֖אb
בְּאָזְנֵ֣י הָעָ֑ם וַיֹּ֣אמְר֔וּc
כֹּ֛ל אֲשֶׁר־דִּבֶּ֥רd
יְהוָ֖ה נַעֲשֶׂ֥הe
וְנִשְׁמָֽעf
׃
8
וַיִּקַּ֤חa
מֹשֶׁה֙ אֶת־הַדָּ֔ם וַיִּזְרֹ֖קb
עַל־הָעָ֑ם וַיֹּ֗אמֶרc
הִנֵּ֤ה דַֽם־הַבְּרִית֙ אֲשֶׁ֨ר כָּרַ֤תd
יְהוָה֙ עִמָּכֶ֔ם עַ֥ל כָּל־הַדְּבָרִ֖ים הָאֵֽלֶּה׃
9
וַיַּ֥עַלa
מֹשֶׁ֖ה וְאַהֲרֹ֑ן נָדָב֙b
וַאֲבִיה֔וּאc
וְשִׁבְעִ֖ים מִזִּקְנֵ֥י יִשְׂרָאֵֽל׃
10
וַיִּרְא֕וּa
אֵ֖ת אֱלֹהֵ֣י יִשְׂרָאֵ֑ל וְתַ֣חַת רַגְלָ֗יו כְּמַעֲשֵׂה֙ לִבְנַ֣תb
הַסַּפִּ֔ירc
וּכְעֶ֥צֶם הַשָּׁמַ֖יִם לָטֹֽהַרd
׃
11
וְאֶל־אֲצִילֵי֙a
בְּנֵ֣י יִשְׂרָאֵ֔ל לֹ֥א שָׁלַ֖חb
יָדֹ֑ו וַֽיֶּחֱזוּ֙c
אֶת־הָ֣אֱלֹהִ֔ים וַיֹּאכְל֖וּd
וַיִּשְׁתּֽוּe
׃ ס
12
וַיֹּ֨אמֶרa
יְהוָ֜ה אֶל־מֹשֶׁ֗ה עֲלֵ֥הb
אֵלַ֛י הָהָ֖רָה וֶהְיֵהc
־שָׁ֑ם וְאֶתְּנָ֨הd
לְךָ֜ אֶת־לֻחֹ֣תe
הָאֶ֗בֶן וְהַתֹּורָה֙ וְהַמִּצְוָ֔ה אֲשֶׁ֥ר כָּתַ֖בְתִּיf
לְהֹורֹתָֽםg
׃
13
וַיָּ֣קָםa
מֹשֶׁ֔ה וִיהֹושֻׁ֖עַ מְשָׁרְתֹ֑ו וַיַּ֥עַלb
מֹשֶׁ֖ה אֶל־הַ֥ר הָאֱלֹהִֽים׃
14
וְאֶל־הַזְּקֵנִ֤ים אָמַר֙a
שְׁבוּb
־לָ֣נוּ בָזֶ֔ה עַ֥ד אֲשֶׁר־נָשׁ֖וּבc
אֲלֵיכֶ֑ם וְהִנֵּ֨ה אַהֲרֹ֤ן וְחוּר֙d
עִמָּכֶ֔ם מִי־בַ֥עַל דְּבָרִ֖ים יִגַּ֥שׁe
אֲלֵהֶֽם׃
15
וַיַּ֥עַלa
מֹשֶׁ֖ה אֶל־הָהָ֑ר וַיְכַ֥סb
הֶעָנָ֖ן אֶת־הָהָֽר׃
16
וַיִּשְׁכֹּ֤ןa
כְּבֹוד־יְהוָה֙ עַל־הַ֣ר סִינַ֔יb
וַיְכַסֵּ֥הוּc
הֶעָנָ֖ן שֵׁ֣שֶׁת יָמִ֑ים וַיִּקְרָ֧אd
אֶל־מֹשֶׁ֛ה בַּיֹּ֥ום הַשְּׁבִיעִ֖י מִתֹּ֥וךְ הֶעָנָֽן׃
17
וּמַרְאֵה֙ כְּבֹ֣וד יְהוָ֔ה כְּאֵ֥שׁ אֹכֶ֖לֶת בְּרֹ֣אשׁ הָהָ֑ר לְעֵינֵ֖י בְּנֵ֥י יִשְׂרָאֵֽל׃
18
וַיָּבֹ֥אa
מֹשֶׁ֛ה בְּתֹ֥וךְ הֶעָנָ֖ן וַיַּ֣עַלb
אֶל־הָהָ֑ר וַיְהִ֤יc
מֹשֶׁה֙ בָּהָ֔ר אַרְבָּעִ֣ים יֹ֔ום וְאַרְבָּעִ֖ים לָֽיְלָה׃ פ